教育王國
標題: York約克幼稚園 4年總結+你問我答 [UPDATE] [打印本頁]
作者: islz 時間: 20-3-24 12:38 標題: York約克幼稚園 4年總結+你問我答 [UPDATE]
本帖最後由 islz 於 20-11-25 09:30 編輯
Nov.2020 Update:
大約6個星期前返YORK考GESE LEVEL 3. 上星期返學校攞Cert., 成績係-Distinction. 雖然本身都係期望依個成績, 不過停課咁長時間了又冇應試技巧班支持, 又冇溫習, 難免有小小緊張.
雖然大把人Distinction, 不過後來發現原來真係有人攞Merit, Pass同Fail架. 仲要係唔小. 識真人SC 同KV Merit. @_@
上年大家都知停課停左好耐, 我地基本上所有MI-class都冇上. 因為正常班YORK已經日日Zoom + Video約2小時.
如果再加MI-Class screen-time就太長了, 要怪怪York網上教學行得太前. 太長時間太多資料啦.
更新1完結
/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
分享小朋友在York School的日子, 由全軍覆沒 到 反敗為勝的過程
背景:
小朋友細個果時怕羞到極點, 當時面試十幾間幼稚園, 結果係全軍覆沒.
當時非常之唔開心, 但都要接受, 要知道自己小朋友是屬於觀察型, 不容易被現時主打既幼稚園所接納.
各大熱門幼稚園似乎是在挑選"容易教"既小朋友. 而完全不用考慮家庭或家長是否會培養小朋友, 也不用改善教學方法. 對於 觀察型, 思考型 或 手動觸角形學習 既小朋友非常不利. 因為面試時間一般只有5-10分鐘(等就45分鐘), 哪裡有時間給小朋友 觀察 或 思考?
面試編:
係一位朋友機緣巧合介紹下, 試下申請York. (真係要多.多.多.謝佢)
面試York果陣去51號校舍in, 入到去又大又靚既校舍, 小朋友居然極之放鬆, 怕羞變成好似係屋企咁自然!
面試過程安排非常舒服, 唔使等好耐, 上到課室係接近玻璃房, 沒有壓迫感, 有室外陽光照射, (印象中約16:00 – 17:00 西斜時間) 感覺似去左resort.
大家面試時可以多加注意, 原來都幾多幼稚園其實無窗, 或就算有都係面壁天井窗 或 屬商場內 空氣質素比較難有保障. 記得有間幼稚園去到好似去左哈比人間屋咁, 好誇張.
面試時自己都會擔心及緊張. 估唔到既係面試比起其他九龍塘幼稚園更細心, 詳細 及 "慢".
"慢"就係比時間小朋友去適應現場課室, 似上堂多過似面試.
印象中, 中英文都有考, 仲有考踢波同平衡能力. 只記得成個感覺唔似其他大部份幼稚園既機械人式篩選.
(最記得有間“名幼一條龍”學校, 用黑白影印行貨式問問題, 係小朋友都覺得悶啦)
返學編:
York係私校, 基本上一支鉛筆, 一個文件夾, 包書膠, 誇張D講: 甚至一張紙都係會收你錢.
一開始都會覺得使唔使? 不過馬死落地行, 鬼叫你全軍覆沒.
同時亦都知道3年後同一批人同一時間會一齊去考小學, 到時候同樣會重演.
York係12個月學費.
過去4年(由PN開始計到而家K3下學期) 基本上個個月都有多於1個主題活動,
部份要錢部份唔使, 總之就都係錢錢錢…
我地都好比心機去參與絕大部份活動, 拿下大部份 活動及比賽既第一名. 學業上都拿過唔小獎狀.(唔係豬肉獎)
開初都會覺得教育, 會唔會好勢利? 但就係依種不停比賽及不停競爭的心態, 驅使家長, 小朋友時時刻刻都保持住不停學習既狀態.
出乎意料之外就係咁就快4年啦, 真係唔覺得好谷. 我之前都有回應過edu入面的post, 覺得York係開心地谷.
具體係點又講唔出. 反正YORK有方法谷左小朋友及全家都唔多覺.
而小朋友最返網上返學我先體會到佢原來係 咁鍾意 同 咁期待 返學. 估計係外籍老師既sense of humor令到小朋友覺得好開心好似睇stand-up comedy咁.
準備考小學編:
我好鍾意聽校長講野, 雖然次次講野都係
1/ Sell學校點好點好;
2/ 強調York會為你小朋友安排好晒所有野;
3/ 請你放心將小朋友放係學校啦
不過佢講既說話係會對現既.
係洗腦, 係hard sell, 不過唔係吹水, 絕對唔係概念股.
York出名英文唔使講啦, 學校會為所有小朋友安排晒 K2要考咩cert., K3考咩.
都係果句, 只要肯比錢同按時服藥(返學做功課). 絕對唔使外補, 即係比學校賺你外補既錢.
咁你可以問, 又唔係免費有咩咁好姐? 又冇得選老師, 我出去出面補習時間自定, 老師又有口碑.
答: 有人幫你管理晒及調教晒時間, 只需跟足個療程(上堂), 在學校內熟識的環境上堂及考公開試. 這部份在外補係比唔到既. 仲有你確定補習社同老師一定好? 唔拖鐘?
York所調教既時間基本上能滿足大部份直資私立小一面試前完成. 不會因為太早考, 小朋友能力未得而考得差. 也不會太遲令考小學時唔夠cert.
考小學編:
同其他家長都一樣, 基本上出名熱門既直資私立都有去考.
面對住全軍覆沒既背景自然不敢掉以輕心, 不過正所謂台上一分鐘, 台下十年功.
面試12間小學結果如下:
1間私龍收左 (B1c)
1間私小收左 (所謂Top10)
1間直資龍收左 (B1a -B1b)
1間私小waiting (都幾熱門)
1間直資龍waiting (超熱門B1b)
1間直資龍2nd in (所謂Top10)
Rejected (私龍神校x2, 私龍B1a, 直資龍B1a-B1b, 直資龍B2a x 2)
按dse BigExam 或 hkpapa852 個post分
後編:
最近見幾單新聞, 矛頭都係直指YORK. 私校既操作我沒有資格評論, 只係回頭一望4年YORK生涯快將要完成, 幼稚園版我都唔會點再返黎睇. 就此簡單作個總結.
YORK 將我小朋友由非常怕羞轉變成不太怕羞. 裝備佢, 令佢由"全軍覆沒"到 一半熱門學校都能進入第二輪面試.
雖然唔係入到D咩野神校, 冇得曬太陽. 不過而家打開所謂幼稚園TOP100清單, 市面上差不多有成50-60間都好強既幼稚園 / 分校. 依50-60間既學生, 2/3都劍指果15-20間私立直資小學. 仲要未計高汁學卷學校都出好多高質既學生.
知恥近乎勇, 雖然現今世代似乎不利於 觀察型, 思考型小朋友, 依類小朋友家長的確係有苦自己知. 希望這小小的分享可以比到觀察型小朋友家長一點點鼓勵!
有什麼問題我盡量解答. :D
作者: Kitty_gigi 時間: 20-3-24 13:26
請問每個月平均要幾錢？所有野加曬
作者: summersnowman 時間: 20-3-24 15:44 標題: 回覆樓主:
很鼓舞的 post. Thank you in advance.
- 想知多元智能班是否有3、4、5天揀？
- 粗略價錢是什麼？
- 你小孩有上足三年？感覺如何？
作者: islz 時間: 20-3-24 15:59
本帖最後由 islz 於 20-3-24 16:00 編輯
Kitty_gigi 發表於 20-3-24 13:26 
請問每個月平均要幾錢？所有野加曬
4捨5入, 以500元作單位:
基本月費組合:
月費:
6500學費
1000校車
一學期一次(半年一次):
書薄費: 2500
文具, 生日會等雜費: 2000
升級月費組合/ 課金打大佬裝備:
補習費(Trinity / GECE / YLE):
A: 每月: 2500 (返多2日半日, 即2日全日班 包午餐, 午休)
B: 每月: 5000 (返多5日半日, 即5日全日班 包午餐, 午睡)
C: 考試費: 一個學期(即半年)約1500, 公價
VIP月費組合/ 成個小朋友比左YORK, 4年後攞返:
D: 體操每月: 1000
E: VIOLIN每月: 1000
F: 演講每月: 1000
G: 唱歌每月: 1000
. . .H/ I/ J/ K . . .
簡單計: HK$12, 000一個月左右
作者: summersnowman 時間: 20-3-24 16:33 標題: 回覆樓主:
"自製全日班" 幾點放學？
作者: gamtrulia 時間: 20-3-24 20:23 標題: 回覆樓主:
請問york的中文課程如何？英文出色就肯定 但我擔心中文跟唔上小學
作者: Kitty_gigi 時間: 20-3-24 20:24
islz 發表於 20-3-24 15:59
4捨5入, 以500元作單位:
基本月費組合:
月費:
嘩。。。真係要成萬一個月
作者: SiuKuenWa 時間: 20-3-24 20:49
islz 發表於 20-3-24 12:38
分享一下小朋友在YORK的日子.[有點長, 冇proofread, 請見諒]
背景:小朋友細個時怕羞到極點,
幾本上面試10-1 ...
想請教
1. 你小朋友係讀國際班定兩文三語班？
2. 有冇Net做班主任？每日英文時間有幾多？
3. 一班有幾多個小朋友？師生比例如何？
4. 如果參加多元智能班，午餐係外判商飯盒定係學校有飯堂準備埋俾小朋友？另外，午睡時間有幾多？
唔好意思，咁多問題(emoji)(emoji)
作者: islz 時間: 20-3-24 21:30
本帖最後由 islz 於 20-3-25 11:42 編輯
summersnowman 發表於 20-3-24 15:44
很鼓舞的 post. Thank you in advance.
- 想知多元智能班是否有3、4、5天揀？
- 粗略價錢是什麼？
- 想知多元智能班是否有3、4、5天揀？應該係2天，3天及5天。按意願參加什麼多元智能班。
你可以當佢係補習班，針對Trinity GECE, GAPSK, YLE 等一系列一般進取型家長都會拿既證書去選擇返邊日學。
當然3個鐘唔止補一科既。
仲有上多元智能果幾日係會睇功課，即係做完功課先返屋企（上午班正班，下午多元智能既學生）或昨日既功課唔使做（下午班正班，上午班多元智能既學生）
可能一時之間會覺得好亂，實情學校幫小朋友盡量夾班。依樣野我覺得係超難而york又做得好好既。你當夾校車，依個想1日依個又2日果個又3日。又要準備午餐又要管接送校車。
- 粗略價錢是什麼？
而回覆另外一個post有提及，請參考。
- 你小孩有上足三年？感覺如何？
Trinity GESE grade 1 and grade 2 distinctions
GAPSK 高級 優秀
可惜既係YLE starters 11星（有人話轉左小小依2年整體低晒分，冇fact check)
感覺就係唔使煩，不過一定一定要溫書
作者: islz 時間: 20-3-24 21:42
summersnowman 發表於 20-3-24 16:33
"自製全日班" 幾點放學？
上午班 09:00-12:00
下午班14:00-17:00
所有多元智能班應該即係你所提及既「自製全日班」
都係跟上述時間上課既。
例子：如果上午班，就星期一至五9-12
另加2天多元智能班，就果2日返9:00-17:00
如坐校車，多元智能果2日就跟下午班正常放學果班學生坐返上午班果架車，
相同姨姨相同地點落車
作者: islz 時間: 20-3-24 21:49
本帖最後由 islz 於 20-3-24 21:50 編輯
gamtrulia 發表於 20-3-24 20:23
請問york的中文課程如何？英文出色就肯定 但我擔心中文跟唔上小學
最近Work from hone + Home schooling
就係書局挑選跟佢程度相約既練習比小朋友做下。
中文：一年級下學期
英文：2年級下學期/ 3年級上學期
數學：2年級下學期 （坊間練習3年級上學期開始乘數表）
我程度相約既定義係識與唔識之間，教一教就會識
點一點就可以完成整個unit既
作者: islz 時間: 20-3-24 23:14
本帖最後由 islz 於 20-3-25 11:43 編輯
SiuKuenWa 發表於 20-3-24 20:49
想請教
1. 你小朋友係讀國際班定兩文三語班？
1. 你小朋友係讀國際班定兩文三語班？國際班
2. 有冇Net做班主任？每日英文時間有幾多？
雙班主任，1位Net+1位香港人
所有活動都會見到佢哋（運動會/旅行/頒獎典禮/網上課堂）
估計唔係臨時演員或part time，而家都仲見到K1, K2既Net teachers
每日英文時間估計起碼2小時
英文，數學，美術，常識課都係英文授課
音樂堂就一半一半
中文，普通話 就中文同普通話啦
3. 一班有幾多個小朋友？師生比例如何？
30+人，不超35。
兩位班主任加一位教學助理
師生比例應該會唔同課堂唔同，可能音樂課及體育課會小d。
依題靠估
4. 如果參加多元智能班，午餐係外判商飯盒定係學校有飯堂準備埋俾小朋友？另外，午睡時間有幾多？
午餐應該係外判既，原因係學校沒有飯堂也不見廚房。
小朋友話可以自己出去添食既既。主要有包，飯，意粉，果汁奶。日式咖哩（小朋友勁鍾意），玉米肉粒 果類。
有姨姨添食，食到唔食為止。小朋友曾經話話漆左2次咖哩飯。
仲有咁多年試過2-3次生日會後返黎小小肚屙。應該係食太多cream，第二日無事果隻。不約而同其他同學仔都有相似經歷，似係食太多既痾嘔。
午睡時間就係食完飯至上課前。1小時左右。要自行帶被及枕頭。一星期派返比你一次清洗。
作者: lovelovebabe 時間: 20-3-24 23:55 標題: 回覆樓主:
好鼓舞，好正面， 多謝分享！ 呢間學校真係要使好多錢，但質素滿意，停課期間，學校好努力比好多學習渠道學生，制作好多教材，日日online class，好用心。
作者: summersnowman 時間: 20-3-25 09:06 標題: 回覆樓主:
唔該晒！樓主寫得好詳細。相信 York 係有佢的 market.
請問多元智能班 K1- K3 也有午睡？聽說有些學校 K2 会戒午睡。
你小朋友都有好多 offer 
請問升小支援如何？有練習 interview 技巧？學校有額外付款的 interview class?
作者: summersnowman 時間: 20-3-25 09:24 標題: 回覆樓主:
學校有劍橋英語上？考Trinity 和劍橋英語係两樣唔同？
作者: islz 時間: 20-3-25 11:53
summersnowman 發表於 20-3-25 09:06
唔該晒！樓主寫得好詳細。相信 York 係有佢的 market.
請問多元智能班 K1- K3 也有午睡？聽說有些學校 K2 ...
請問多元智能班 K1- K3 也有午睡？
是
聽說有些學校 K2 会戒午睡。
應該係K3開始戒午睡. 所以YORK K3只有下午班, 而K3多元智能班在上午, 中間午餐後只有小休時間.
之前寫得唔係咁清楚.
你小朋友都有好多 offer 請問升小支援如何？
學校 / 校長都幾勁, 請到幾間熱門直資一條龍校長 / 副校黎到幼稚園禮堂直接開講座, 唔使係公海排隊攞飛.
又有家長分享比較貼身貼地既面試注意事項, 制作portfolio(雖然我覺得我做得好好多:D), 不過起絕對係一個起點, 等你從混亂既資訊中開始聚焦.
有練習 interview 技巧？學校有額外付款的 interview class?
有.
作者: islz 時間: 20-3-25 12:05
summersnowman 發表於 20-3-25 09:24
學校有劍橋英語上？考Trinity 和劍橋英語係两樣唔同？
考Trinity 和劍橋英語係两樣唔同？
是不同的, 可參考下列2條links.
Trinity主打Spoken English, YLE就主打寫字 (雖然分3 parts不過其中2 parts都會捉寸錯字)
York英文同併音教得比較入腦, 小朋友成日寸字時寸左個併音出黎. nite, yestaday ...
不過我由得佢, 咁細個成日寫字及死記寸字好似有d...
https://www.britishcouncil.hk/exam/cambridge/which/young-learners
https://www.trinitycollege.com/qualifications/english-language/GESE
作者: tatkou 時間: 20-3-25 14:12
哇.....我想問，點解咁多間幼稚園，得YORK既家長咁有心機打咁大篇野，加你問我答.....
其他學校既家長實在太無心啦！都係York既家長最好!!
作者: summersnowman 時間: 20-3-25 14:36
islz 發表於 20-3-25 12:05
學校有劍橋英語上？有
我未聽 Talk ，加上網上太多負評，所以對 York 知d唔知d，我仲以為 YLE 係考數學級那個。
你 remind 大家要温書，咁又多唔多 compulsory 又認真的手工、親子 project? As a working mom , 我会吃不消 lor !!
作者: islz 時間: 20-3-25 16:18
tatkou 發表於 20-3-25 14:12
哇.....我想問，點解咁多間幼稚園，得YORK既家長咁有心機打咁大篇野，加你問我答.....
其他學校既家長實在 ...
哇.....我想問，點解咁多間幼稚園，得YORK既家長咁有心機打咁大篇野，加你問我答.....
如有引起其他誤會或聯想先跟你講聲: 對不起.
利申: 雙職父母, 工作上跟YORK無任何關係, 小朋友讀YORK 4年. PN半年>SK1半年>K1>K2>K3
其他幼稚園家長有冇咁好心機打咁"大篇野"我冇注意, 不過我就係從 全軍覆沒嘅過來人.
希望可以對學校既感恩, 通過文字表達出黎. 同時也見考小學既家長, 包括自己, 壓力都好大.
雖然唔係考到神校, 不過回想起自己幼稚園既經歷, 想給予"同路人" (觀察型小朋友家長) 打打氣.
https://www.edu-kingdom.com/forum.php?mod=viewthread&tid=3374606
經歷左4年, 睇左小小書, 參加左小小培育小朋友嘅課程, 心態上也有許多成長.
2016年11月11時, 我非常之激動, 發晒脾氣咁出post, 我睇返都覺得好冇教養. 不過發生左就要接受.
就好似接受小朋友係怕羞一樣. 一味叫佢唔使怕羞係幫唔到手嘅.
其他學校既家長實在太無心啦！都係York既家長最好!!
依句就唔夠敢講, 我都有認識同學家長咩都唔理... 感覺好浪費
作者: islz 時間: 20-3-25 16:48
本帖最後由 islz 於 20-3-25 16:49 編輯
summersnowman 發表於 20-3-25 14:36
我未聽 Talk ，加上網上太多負評，所以對 York 知d唔知d，我仲以為 YLE 係考數學級那個。
你 remind 大家 ...
我未聽 Talk ，加上網上太多負評，所以對 York 知d唔知d，我仲以為 YLE 係考數學級那個。
數學果個好似係Stanford既課程, 今年先有, 我冇參與唔知詳情, 因為K3上學期忙於面試.
你 remind 大家要温書，溫書係一定要架, 因為GESE也好GAPSK也好其實個範圍唔大. 肯比心機溫一定攞到Distinction.
同時我都見到有同學唔溫書只係攞Merit.
咁又多唔多 compulsory 又認真的手工、親子 project? As a working mom , 我会吃不消 lor !!
我地屋企都係冇人幫...
York招呼家長根本就係對客咁, 從來都客客氣氣, 自由度好大, 唔會迫你做任何野. (我都覺得係其中一個弱點).
手工類project有 中秋燈籠設計比賽, 新年吊飾設計比賽, 講故事比賽, 一人一花報告, 網球比賽, 小朋友成長活動任務... 超多. 多到好似自助餐咁.
我去到K3時開始跟唔足, 因為要開始要攪面試.
好似我之前咁講, 交晒比學校好處係佢會調整好晒時間日期地點. 唔會係你要考GAPSK時又要交Project, 一陣你考TRINITY佢又開舞會. 反正個個月都會有野要跟. 但係唔會堆埋一齊.
諗深一層, 本來依D野就係家長要安排, 而家學校幫你排好晒又唔會撞期. 出晒通告, 所有考試地點唔使左記右記全部都係學校進行. 家長只需mark日曆, file好通告回條就好.
差不多個秘書幫手. 仲要係學費包嘅:D
作者: tatkou 時間: 20-3-25 19:51
York 學生多所以呢度York既家長數目真係唔少，同埋York真係唔少負面評價，所以學校同家長都經常出post平反
老實講我兩個小朋友，N 同 K 都有報， 佢個talk四次我去左三次，內容分別唔大，有個男既上台，誇張到爆，連Mensa都拉埋出黎講，真係當台下既家長乜都唔識，有部份家長好受落，但我聽完感覺好差。加上近乎所有人 必收，我報既心態都係當係大後備，完全無其他幼稚園收先會讀。
多口問句，佢講左好多年搞緊既騎馬課程，而家係唔係個個小朋友都騎緊？有網球堂，小朋友學到幾多呢？
到幫我細果個報，我直頭當交30 報名費當玩playgroup，由始至終都無讀過，身邊有朋友係用家都滿意，辦學應該都用心，但york 俾我既感覺真係一間正正真真既謀利私立幼稚園，佢每年都超快完成收生，趕係其他幼稚園前，淨係收970 留位費，條數都嚇死你。
作者: islz 時間: 20-3-25 21:13
本帖最後由 islz 於 20-3-26 08:10 編輯
tatkou 發表於 20-3-25 19:51
York 學生多所以呢度York既家長數目真係唔少，同埋York真係唔少負面評價，所以學校同家長都經常出post平反
...
York 學生多所以呢度York既家長數目真係唔少，同埋York真係唔少負面評價，所以學校同家長都經常出post平反自從N之後就唔係成日上edu, 係最近半年又上返，不過去小一選校果邊。
負面評價我都想知，分享下？等我睇下有有遇過？
老實講我兩個小朋友，N 同 K 都有報， 佢個talk四次我去左三次，內容分別唔大，有個男既上台，誇張到爆，連Mensa都拉埋出黎講，真係當台下既家長乜都唔識，有部份家長好受落，但我聽完感覺好差。
有時係咁，連杯水熱定凍都講一餐😅，有好有唔好啦，好多時講1小時只得15分鐘內容。不過我相信多溝通總比冇溝通好。
加上近乎所有人 必收，我報既心態都係當係大後備，完全無其他幼稚園收先會讀。
依個就唔清楚，我就覺得佢課程咁好，如果學校緊張D成績會仲好。校內考試（一年兩次）成績都咬得非常緊。期考有8-10頁papers，要所有答題正確先攞到第一。不過攞開奬果班真係年年霸住個位。我地會對卷所以知道錯一條已經會失落第一名。
多口問句，佢講左好多年搞緊既騎馬課程，而家係唔係個個小朋友都騎緊？有網球堂，小朋友學到幾多呢？
我見到隻馬，冇問小朋友學成點。
網球就學正手反手。似模似樣。係體育堂果時學嘅，不另收費我無期望。
到幫我細果個報，我直頭當交30 報名費當玩playgroup，由始至終都無讀過，身邊有朋友係用家都滿意，辦學應該都用心，但york 俾我既感覺真係一間正正真真既謀利私立幼稚園。
其實我都想知道，可唔可以分享一下其他私幼有幾唔謀利嘅感覺？
我見討論區話維記500蚊支點讀筆冇用既，學之既網上課程好小好小時間，收音差。其他普遍都係時間短同質素參次。
咁我就覺得York既online class係攪得可能幾好。
一日一小時互動 Live Online class
一日一至二段主題課嘅videos
一星期三段左右：運動堂，音樂堂，畫畫堂video
一星期一次一對一授課
功課日日whatsapp比。每日3-4樣功課
不過所有野變成傳統嘅學習方式。
作者: islz 時間: 20-3-26 10:19
tatkou 發表於 20-3-25 19:51
York 學生多所以呢度York既家長數目真係唔少，同埋York真係唔少負面評價，所以學校同家長都經常出post平反
...
但係我又諗, 點解私家醫院一支棉花棒都要收錢又唔會比人覺得好商業化呢?
我只能夠諗到下列原因, 請各位如有其他想法幫忙完善丫:D
A: 過度明碼實價?
過去4年真係好多野都要比錢, 但都係明碼實價, 學期完左所有比錢買嘅都會派返屋企. 要我搵一樣唔使錢嘅真係講唔出.
最近先知維記賣點讀筆. 我自己都有買過點讀筆, 點讀書都有大約20本. 成件事根本同家長伴讀係差好遠, 比較接近單向學習. 支筆跟書讀, 有歌仔有單詞, 初初好玩好得意. 不過伴讀真係就咁讀句子嗎? 真係就咁讀生字嗎? K1-K3嘅生字真係咁難讀要支筆教嗎? 相比起維記這種收費, 我覺得York比較實在.
B: 沒有宗教信仰?
的確York的品格教育唔係好覺. 又要語景好又要程度深, 咁一日3小時點的確難以分配. 多左時間學英文, 咁就一定小左時間學中文. 多左時間教德育, 就小左時間學數學. 依個係必然結果.
不過學校都有Food Donation活動, 賣旗, 環保課題. 由於沒有宗教信仰, 所以開口埋口都係成績, 成績, 成績. 可能 過度目標為本都令商業味好濃.
如果要宗教點解唔星期日返教會? 平日在家都要品格培養啦...
作者: ilovemybabys 時間: 20-3-27 00:05
謝謝分享！
想問下幾個問題:
1.每個月$12000左右，計左補課未？（即係多元智能課）同有冇計興趣班？
2.我同先生英文都唔好，想問如果讀York會唔會跟得好辛苦？始終家長需要家中伴讀及跟功課
謝謝
作者: summersnowman 時間: 20-3-27 08:49 標題: 回覆樓主:
樓主所提供的資料好有用，希望樓主考慮只回覆有心問野的家長，真係唔想 York 的 post 惹火、駡戰、最後被鎖。
作者: islz 時間: 20-3-27 09:47
本帖最後由 islz 於 20-3-27 09:50 編輯
ilovemybabys 發表於 20-3-27 00:05
謝謝分享！
想問下幾個問題:
1.每個月$12000左右，計左補課未？（即係多元智能課）同有冇計興趣班？
計左補課, 不過未計興趣班.
我係咁操作既, 多元智能係學校上, 即係TRINITY, GAPSK, Cambridge學校攪掂晒.
由於學術"自我感覺"已足夠. 星期六日興趣班只係玩既, 如畫畫, 籃球仲有自己同小朋友去玩.
2.我同先生英文都唔好，想問如果讀York會唔會跟得好辛苦？始終家長需要家中伴讀及跟功課
分2方面睇:
1: 假設家長英文唔好, 係咪更加應該讀YORK? 否則咪冇咩語境比小朋友?
其實YORK英文勁, 都只係幼稚園英文, 應該跟到嘅. 相反冇NET TEACHER日日浸嘅話, 口音同拼音就好難做得好.
屋企有語景, 伴讀一定更好, 因為由2小時英語環境(幼稚園), 提昇到8小時英語環境. 差在妳是否想谷小朋友英文? 定係第二樣? 有部份小學的確重視中文多於英文, 所以真係睇家庭喜好.
2: 屋企支援的確好重要, 我地屋企英語語景唔差, Trinity+Cambridge 口語部分都係滿分, 小朋友考前3, 不過班內英文都唔係最好果幾個. 你話有冇壓力一定有, 不過睇你點睇, 小朋友浸在相對好嘅語景下成長.
屋企支援係會令件事事半功倍, 所以睇你想發展邊樣?
我見有小朋友一天花4-5小時練小提琴, 未到6歲就已經在大會堂演出, 我相信佢就算唔識講野, 間間小學都會收
作者: islz 時間: 20-3-27 09:53
summersnowman 發表於 20-3-27 08:49
樓主所提供的資料好有用，希望樓主考慮只回覆有心問野的家長，真係唔想 York 的 post 惹火、駡戰、最後被鎖 ...
作者: summersnowman 時間: 20-3-27 15:16 標題: 回覆樓主:
又有野想問你 
小孩是不是穿 PE 衫那天才会出户外兒童設施玩架？
作者: npp221 時間: 20-3-27 15:29
請問小朋友有冇學小提琴&宜家乜水平？
仲有Cambridge幾盾？唔該妳
作者: islz 時間: 20-3-27 16:40
summersnowman 發表於 20-3-27 15:16
又有野想問你 小孩是不是穿 PE 衫那天才会出户外兒童設施玩架？
應該唔係, 不過冇查證. 學校話每日都有戶外時間. 不過應該只有PE衫果日至係學網球, GOLF 果類...
其餘時間應該係戶外課堂, 如畫畫, 主題課, ...等等.
户外兒童設施如果自己接送就任玩, 冇人理.
作者: islz 時間: 20-3-27 16:43
npp221 發表於 20-3-27 15:29
請問小朋友有冇學小提琴&宜家乜水平？
仲有Cambridge幾盾？唔該妳
見到小朋友成日寸到個併音, 不過寸唔到個字, 所以由得佢.
作者: summersnowman 時間: 20-3-27 17:02
islz 發表於 20-3-27 16:40
應該唔係, 不過冇查證. 學校話每日都有戶外時間. 不過應該只有PE衫果日至係學網球, GOLF 果類...
其餘時間 ...
嘩！越睇越吸引……haha..原來連畫畫也会出户外。謝謝你，你不用太仔細告訴我户外時間多少了，有就得喇。
原本我揀校條件完全唔理有冇 outdoor，但疫情中發覺大人、細路都渴望掉開口罩去户外吸啖氣，所以如果小朋友返學有得離開課室鬆吓，可能對他們心境 more or less 好d。
另外，你之前好似提過在下午多元智能班会做埋功課？請問小孩真係段練到"自動波"嗎？
作者: lolojai2 時間: 20-3-27 17:21
支持(emoji)(emoji)(emoji)(emoji)，我小朋友未畢業，但我和小朋友都喜歡學校，冇後悔揀咗YORK. 商業化是指樣樣講錢？多謝EK前人一路提醒，我一早有心理準備了。但課程內容好好，小朋友學到野，真係會到戶外（操場）寫生的，亦有好多不同的文化活動。畫展、音樂、舞會、慈善、環保⋯⋯ 再者，我本身好擔心老師質素，但我遇到的班主任和NET都好有愛心，睇得出佢哋同小朋友平時好多互動，小朋友勁喜歡自己老師架！
無論任何幼稚園，如果想考好小學，我想信家長必要努力，唔可以單靠學校，我仍然努力當中。
平時見到好多人評論學校我都唔回，我覺得york嘅家長都好清楚學校係點，每間學校都有好有唔好，唔想同街外人討論。不過見樓主咁有心，想支持一下。
近來停課，我班上家長大多滿意學校網上教學安排，到底用zoom 學到幾多嘢我都唔肯定，但小朋友每天見見老師、同學，令stay at home 生活多點寄託，而且睇得出老師好用心去改善，令小朋友上zoom能更投入，我係真心讚賞的。
作者: lolojai2 時間: 20-3-27 17:26
小兒正是觀察型小朋友，慢熱。但York 活動教學模式，老師嘅鼓勵，令佢一步步成長，已經唔係怕醜仔了。
唔係想sell 學校，但想俾多少少能量各位正在就讀，或者15/16唔知俾唔俾小朋友讀YORK 的家長。
作者: islz 時間: 20-3-28 11:00
summersnowman 發表於 20-3-27 17:02
嘩！越睇越吸引……haha..原來連畫畫也会出户外。謝謝你，你不用太仔細告訴我户外時間多少了，有就得喇。
...
作者: manlee22 時間: 20-3-31 22:57
我比小朋友讀咗半年York,我覺得佢除咗貴之外，其他好好喎，並唔係外面D人講話學店，有D嘢自己讀過先comment,千奇無人雲亦雲，我屋企講廣東話嘅，但小朋友可以同姐姐用英文溝通，York 絕對歸一功
作者: spe98071 時間: 20-4-7 13:57
睇左好多關於York
用家大部分都讚好
我想了解下
York 中文我見教得都幾深
程度上會差過出面名幼嗎？eg LHSCetc..
York 小朋友比出面人感覺比較曳，用家們點睇？
York 小朋友會歸類為邊類小朋友？
SC : 活潑醒目
LH: 動靜皆宜
York?
作者: islz 時間: 20-4-8 17:38
本帖最後由 islz 於 20-4-8 17:39 編輯
spe98071 發表於 20-4-7 13:57
睇左好多關於York
用家大部分都讚好
我想了解下
York 中文我見教得都幾深
程度上會差過出面名幼嗎？eg LHSCetc..不好比較, 因為我只有一名小朋友, 只讀過YORK.
York 小朋友比出面人感覺比較曳，用家們點睇？
可能YORK校舍活動地方/ 花園 太大, 佢地真係習慣四圍走. 成班家長, 同學去到[又一城]比較大空地果間係會四圍跑. 不過我又唔覺得係曳依個情況, 父母叫會聽.
"曳"比較難定義, 反正我小朋友同同學唔係, 亦冇見過著YORK校服的學生"曳".
York 小朋友會歸類為邊類小朋友？
這類GENERALIZE的問題同 "曳"一樣我好難答. 正如我唔可以GENERALIZE男人=花心, 女人=煩.
SC : 活潑醒目
LH: 動靜皆宜
York: 美語區小孩? 大膽+鬼馬? 學術好? = 收放自如?
不好意思, 我想提供多點具體的資訊, 所以這類問題感覺很難作準.
作者: spe98071 時間: 20-4-8 18:33
islz 發表於 20-4-8 17:38
York 中文我見教得都幾深
程度上會差過出面名幼嗎？eg LHSCetc..不好比較, 因為我只有一名小朋友, 只讀過 ...
Haha! 多謝你。小朋友屬於慢熱觀察型，，你覺得學校會唔會幫到小朋友建立自信心或者大膽啲？同埋學生都比較多，你覺得老師對小朋友嘅關注程度夠唔夠？老師有冇愛心呀？不好意思，其實我都幾like York, 但又有d擔心
作者: islz 時間: 20-4-9 08:42
spe98071 發表於 20-4-8 18:33
Haha! 多謝你。小朋友屬於慢熱觀察型，，你覺得學校會唔會幫到小朋友建立自信心或者大膽啲？同埋學生都比 ...
Haha! 多謝你。小朋友屬於慢熱觀察型，，你覺得學校會唔會幫到小朋友建立自信心或者大膽啲？
絕對會, 我小朋友就係例子. 我年年都會問小朋友最鍾意邊位老師, 三年都答我係NET teacher.個人覺得3年跟得NET teacher多, 表情感覺會比較豐富. 適合及對on stage舞台演出 有幫助.
同埋學生都比較多，你覺得老師對小朋友嘅關注程度夠唔夠？
學校長講, No news is good news. 過去4年, 基本上老師係冇咩打過電話黎嘅. 可能一年3-4次左右. 通常考試前後做下總結. 當然也可以家長日跟老師交流. 我覺得 "關注程度" 一般般, 冇咩特別關照. 可能小朋友好多野堂上面都係自己攪掂, 所以老師冇咩點.
老師有冇愛心呀？不好意思，其實我都幾like York, 但又有d擔心
依樣就唔使懷疑一定係好有愛心. 如果有機會應該去下開放日. 簡單講我真係見過有其他學校老師係皮笑肉不笑. 而YORK老師就沒有此情況. 旅行更加玩得放.
作者: kke2012 時間: 20-4-14 21:34
本帖最後由 kke2012 於 20-4-14 21:36 編輯
islz 發表於 20-4-9 08:42
Haha! 多謝你。小朋友屬於慢熱觀察型，，你覺得學校會唔會幫到小朋友建立自信心或者大膽啲？
絕對會, 我小 ...
樓主很有心啊！我的小朋友也在York讀了4年，今年小一了。York費用是貴了一點，但其他各方面總體滿意。學習以外，大人和小朋友也留下了很多美好回憶。
作者: yingyin2010 時間: 20-4-15 01:04
請教一下，MI 是否好好？ 係咪通常都會讀？
謝謝
作者: hariet909 時間: 20-4-15 08:53
york好多收費，咁多年都不變，是一間十分商業化的學校。
作者: islz 時間: 20-4-16 11:25
yingyin2010 發表於 20-4-15 01:04
請教一下，MI 是否好好？ 係咪通常都會讀？
謝謝
之前有提及: MI CLASS會幫小朋友同家長安排晒 "應有證書課程" 及 "考試時間及地點".
所謂應有證書是考小學大家都認為有用的證書.
考試時間考試費全都通過回條, 只需MARK日期, 寫支持, 按時出現就OK
考試地點就係學校.
有人會覺得咩都自己安排先係最出色, 而我就選擇交比RUN左幾十年, 全職教小朋友既學校去安排.
應該都會讀, 因為唔讀咪又要自己出去上補習班去考證書, 冇咩理由唔讀令自己忙上加忙.
另外學校同小朋友係同一條船, 小朋友考得好, 學校自然幫到自己賣廣告.
作者: islz 時間: 20-4-16 11:31
hariet909 發表於 20-4-15 08:53
york好多收費，咁多年都不變，是一間十分商業化的學校。
我去私家醫院做身體檢查, 結果一粒棉花球都計我錢 @_@
又試過睇醫生咩事都冇(當然好開心同最好的結果啦), 最後拿左支紅色按摩膏(忘記牌子)係MANNING果D有賣幾十蚊, 結果收我900.
又同小朋友睇兒科, 傷風咳, 中環中建大廈, 結果3000幾.
這些好難比意見. 多謝提問.
作者: hariet909 時間: 20-4-16 12:04
islz 發表於 20-4-16 11:31
我去私家醫院做身體檢查, 結果一粒棉花球都計我錢 @_@
又試過睇醫生咩事都冇(當然好開心同最好的結果啦), ...
我意思係這類型學校 如果在有得選擇情況下 最好不要讀。
我果年報左名無去in 過幾日york打黎問要唔要幫我rearrange interview 可見有幾多人想讀？
作者: Nbs 時間: 20-4-16 12:52
hariet909 發表於 20-4-16 12:04
我意思係這類型學校 如果在有得選擇情況下 最好不要讀。
我果年報左名無去in 過幾日york打黎問要唔要幫我 ...
咁你小朋友最後讀咗邊間?
作者: Nbs 時間: 20-4-16 12:56
spe98071 發表於 20-4-7 13:57
睇左好多關於York
用家大部分都讚好
我想了解下
唔介意我搭少少咀。
之前我女喺九龍塘讀咗一年 n 班.我一星期幾次去接佢放學，都見到5-6個KV 小朋友連家長着住校服喺九龍塘地鐵站往火車站嗰邊個大堂到玩來回賽跑。
York 小朋友曳唔曳我唔知，但呢一幕就令呢間幼稚園比我印象好差。
作者: spe98071 時間: 20-4-16 12:58
Nbs 發表於 20-4-16 12:56
唔介意我搭少少咀。
之前我女喺九龍塘讀咗一年 n 班.我一星期幾次去接佢放學，都見到5-6個KV 小朋友連家長 ...
KV? 應該唔關York 事？
作者: islz 時間: 20-4-16 13:00
hariet909 發表於 20-4-16 12:04
我意思係這類型學校 如果在有得選擇情況下 最好不要讀。
我果年報左名無去in 過幾日york打黎問要唔要幫我 ...
我也有同事屋企賣樓供小朋友去澳洲留學，最後返到黎英文都真係好一般般，原來佢成班朋友係台灣人。結果一口流利普通話+台語。
仲有我小朋友有同學入左間好多人都想入嘅幼稚園，結果商場中央冷氣，空氣差，成日病同敏感，要轉黎York.
又有朋友讀村校考上直資龍校小學。又有人投訴「名幼」最近冇折頭一星期得一次zoom.
仲有人投訴「名幼」幾百蚊點讀筆功能好差。
仲有仲有得閒我再分享下 感謝
作者: Nbs 時間: 20-4-16 13:01
spe98071 發表於 20-4-16 12:58
KV? 應該唔關York 事？
唔關唔關
只係我見你問York 的小朋友乖唔乖又同其他名幼比較，所以搭下咀only. 我諗住KV 都係名幼其中一間啫。
作者: spe98071 時間: 20-4-16 13:05
Nbs 發表於 20-4-16 13:01
唔關唔關
只係我見你問York 的小朋友乖唔乖又同其他名幼比較，所以搭下咀only. 我諗住KV 都係名幼其中一間 ...
咁請問小朋友讀左一年，有咩感受丫^^
作者: islz 時間: 20-4-16 13:16
Nbs 發表於 20-4-16 12:56
唔介意我搭少少咀。
之前我女喺九龍塘讀咗一年 n 班.我一星期幾次去接佢放學，都見到5-6個KV 小朋友連家長 ...
作者: Nbs 時間: 20-4-16 13:54
islz 發表於 20-4-16 13:16
我都想問有冇人知KV最近點返學？收唔收學費？聽講堅持不會網上授課。
我女唔係讀KV 啊
作者: Nbs 時間: 20-4-16 13:54
spe98071 發表於 20-4-16 13:05
咁請問小朋友讀左一年，有咩感受丫^^
我女唔係讀KV 啊
作者: hariet909 時間: 20-4-16 14:00
真心不希望有人被誤導
york根本稱不上名幼 只不過係一間以賺大錢為目標的呼吸學校
作者: Leira 時間: 20-4-16 14:10
hariet909 發表於 20-4-16 14:00
真心不希望有人被誤導
york根本稱不上名幼 只不過係一間以賺大錢為目標的呼吸學校
私校要賺錢並沒有錯，雖然係辦學，但每月要出人工、交租金、雜費，樣樣都係錢。羊毛出自羊身上，你情我願的，這不是問題。但如果只因為York樣樣都貴而話佢不是一間值得讀的學校，咁對學校和該校家長也不公平。
作者: wg_ann 時間: 20-4-16 14:13 標題: 回覆樓主:
路過搭嘴，想當年我有york N offer, 無要，york寄信黎話K1自動預留學位俾我，問我有無興趣。
行政上，我當然覺得york係好商業化，俾我既感覺係佢好想越多學生越好(當然有人都覺得咁先係有教無類)。
教學質素方面，兒甥係york畢業，我本身十分欣賞york的多元化活動，雖然好多野要收錢，但家長可自行選擇，唔係硬性規定參與，呢d體驗唔係間間幼稚園有提供。而且，york的NET我覺得質素好高，基本上屋企無任何語境既小朋友都可講流利英語，亦完全唔怕同外國人交談。
作者: wg_ann 時間: 20-4-16 14:19
Leira 發表於 20-4-16 14:10
私校要賺錢並沒有錯，雖然係辦學，但每月要出人工、交租金、雜費，樣樣都係錢。羊毛出自羊身上，你情我願 ...
無錯，基本上所有私幼最終目的都係賺錢，雖然york的收費項目較多，但其實明碼實價，你情我願，家長願意俾就無問題，而且有家長確實欣賞學校包辦晒，唔駛家長操心好方便。
另外，商業化的行政唔等於教學質素唔好。
作者: hariet909 時間: 20-4-16 14:39
我都系果句：如果有其他選擇 不需要讀york
如想讀私幼，有很多好選擇如Lh Kv Km SC think Sh等等
york只可當保護網。
作者: spe98071 時間: 20-4-16 14:56
Nbs 發表於 20-4-16 13:54
我女唔係讀KV 啊
我知丫，我意思係York 嗰一年，你有咩感受？小朋友開心？校園生活如何？分享下丫，thanks
作者: islz 時間: 20-4-16 15:05
本帖最後由 islz 於 20-4-16 15:10 編輯
hariet909 發表於 20-4-16 14:00
真心不希望有人被誤導
york根本稱不上名幼 只不過係一間以賺大錢為目標的呼吸學校
印象中我沒有提及York是名幼，就算係，都係「出名」貴嘅幼稚園。如字語行間有提及或誤導成份，敬希見諒。
補充：如果當年有其他地區性熱門幼稚園收咗，可能我都未必會選擇York.
但經歷左4年後，如時光倒流，我會直接選York.
作者: islz 時間: 20-4-16 15:19
本帖最後由 islz 於 20-4-16 15:20 編輯
wg_ann 發表於 20-4-16 14:13
路過搭嘴，想當年我有york N offer, 無要，york寄信黎話K1自動預留學位俾我，問我有無興趣。
行政上，我當 ...
york的NET我覺得質素好高
當時我見到York有一位黑人老師，有一位老師dreadlocks頭，都會懷疑係咪請非華人就當係NET teacher.
後來發現依位老師好玩都爆炸，成間學校氣氛好正，最近日日Zoom發現上堂質素高，Open day老師組成樂隊（1鼓2結1bass)。
York有咁嘅安排，其他學校唔太清楚有沒有？（唔代表沒有）。
希望唔好誤會，絕冇膚色discrimination。
作者: Nbs 時間: 20-4-16 16:03
spe98071 發表於 20-4-16 14:56
我知丫，我意思係York 嗰一年，你有咩感受？小朋友開心？校園生活如何？分享下丫，thanks
...
本帖最後由 Nbs 於 20-4-16 16:08 編輯
Oh yes york 嗰年N 班，我女開心呀，學校多嘢玩嘛. 佢哋乜都唱一大輪歌，所以返嚟好多歌仔唱，我冇教佢中文歌佢都會唱。我女好活躍坐唔定的，最初老師花咗好多心機tum 佢坐，甚至有個專人抱住佢坐，直至佢定D唔再跑來跑去... 雖然麻煩到老師，但就俾我知道即使一班多小朋友，老師都會好好照顧.
問心York 係比較貴，但貴過佢嘅幼稚園大把，俾得到又俾得開心就得啦
作者: Jazzyjayz 時間: 20-4-17 06:13
hariet909 發表於 20-4-16 14:39
我都系果句：如果有其他選擇 不需要讀york
如想讀私幼，有很多好選擇如Lh Kv Km SC think Sh等等
LH, KV, KM, SC are all very competitive to get in for a lot of people, especially small B. You make it sound like it’s such an easy job....there’s a lot of reasons why some people need to enrol into a school like York because it’s still a school that provides a good education but with no barrier to entry.
作者: yingyin2010 時間: 20-4-17 08:59
Jazzyjayz 發表於 20-4-17 06:13
LH, KV, KM, SC are all very competitive to get in for a lot of people, especially small B. You make ...
我好欣賞york, 有教無類
作者: islz 時間: 20-4-17 09:29
回覆 hariet909 的帖子
請問有沒有什麼原因令你不喜歡York?言談間都只係見到，最好唔好，保護網，不算名校等字眼。
不如我地具體小小討論？
我地家長4年（年年都有whatsapp group)，真係未聽過有人投訴學校。
有人會話admin混亂，又係冇咩證據，問我4年有沒有什麼問題唔係冇，但係admin問題黎黎去去咪就係小左張回條。
睇下大家幫唔幫到忙或互相幫忙。
作者: islz 時間: 20-4-17 09:39
回覆 Jazzyjayz 的帖子
其實你所提及的學校大都只選擇extrovert學生。就我所睇嘅文章，除著年齡成長，Introvert 小朋友學習能力是比較強。
extrovert自制能力差d, 較容易成為alcoholic.
近十年大家都見到一大批只會說話而唔多識思考或失去品格的人在工作。
所以introvert家長唔好灰心加油！
作者: spe98071 時間: 20-4-17 10:56
不過so far 我聽落讚好嘅都係用家，話唔好嘅都係非用家。
不如，有冇用家覺得York 好or 唔好都分享下啦！
其實比錢小朋友又帶到嘢返屋企，又有咩問題呢？比得開心用得開心學得開心(emoji)
作者: islz 時間: 20-4-17 13:35
本帖最後由 islz 於 20-4-17 13:37 編輯
hariet909 發表於 20-4-16 14:39
我都系果句：如果有其他選擇 不需要讀york
如想讀私幼，有很多好選擇如Lh Kv Km SC think Sh等等
請問你常常提及果幾間幼稚園現在上課情況如何？網上課程定係？
因為我在第二個post問沒有人回覆。謝謝
作者: glamourstar 時間: 20-4-17 18:41
小女都係讀York嘅小朋友，當年因為佢係九月尾細b, 見好多幼稚園都係衰晒，但其實佢當年講嘢都已經好叻，但始終面試時差幾個月，都可以差好遠。佢由K1讀到而家K3 ，以用家嘅角度去comment，讀York嘅英文語景，真係冇得輸。
阿女雖然唔係讀國際班，讀蒙特梭利班，學費平啲，但學校可以令小朋友好有信心，好自然咁講英文，最重要係，佢好鍾意返學。佢今年考直資、私小，我哋考得都好滿意（有一間直資龍校，兩間私小offer). 佢嘅英文程度，(家長唔得閒，開YouTube啲卡通，睇Peppa pig, Humf, Ben and Holly etc 基本唔需要大人翻譯，自己睇得明晒。) ORT, level 6-7都用併音讀到。所以我其實覺得好開心。
中文呢，就真係要家長操心少少，我因為唔係幾得閒理佢，學校教咗啲中文字，返嚟冇乜同佢溫，佢嘅中文程度就一般般啦，趁而家疫情，呢排要同佢惡補下，希望佢上小一會好啲。
佢K2個班主任Miss Lam, 非常好，好有經驗，又好識發掘小朋友嘅優點，經常鼓勵我個女，令佢好聽老師話，阿囡有咩優點缺點佢都有同我講，教我點幫佢，我同阿女都勁鍾意佢，真係好唔捨得佢，阿女直頭話第時小學時，得閒都要返嚟探Miss Lam，或者同佢去飲茶(emoji)(emoji)(emoji)
本身我有個細仔，而家三歲，原本都好想佢同York，可惜1歲半健康院打針時，竟然發現佢有自閉症，嚟緊今年要入讀特殊幼稚園，好可惜。
我唔可以講話學校所有嘅老師都好好，整體我覺得啲英文老師都好有愛心，好錫小朋友，學校係商業嘅，但我覺得物有所值。因為我個小朋友係好鍾意返學，好喜歡學習，亦都非常有自信去表達自己！
作者: rickchan108 時間: 20-4-17 21:12
多謝分享同恭喜樓主考到心怡小學
請問最後打算讀邊間？
作者: kke2012 時間: 20-4-17 21:49
作為讀了York四年的小朋友的家長， 除了肉赤D外，其他都滿意。認識一些家長，已是第二或第三位小朋友讀York。學校是商業化D，但是老師和學校是有心教學的。如覺得有更好選擇，當然隨自己喜好啦。但如在York上學，好多時亦會有意外之喜。
作者: kikibebe 時間: 20-4-18 13:33
hariet909 發表於 20-4-16 14:39
我都系果句：如果有其他選擇 不需要讀york
如想讀私幼，有很多好選擇如Lh Kv Km SC think Sh等等
作者: Kwan0406 時間: 20-4-18 14:08
hariet909 發表於 20-4-16 14:39
我都系果句：如果有其他選擇 不需要讀york
如想讀私幼，有很多好選擇如Lh Kv Km SC think Sh等等
其實你小朋友都無讀過York，你唔係用家，點解咁講呢? 可唔可以詳細啲講吓? 你就咁講話唔需要選擇讀York，但又唔提供實證，咁樣對學校都唔公平。
如果你有實證，咪俾家長參考吓考慮吓讀唔讀。你淨係話佢商業，咁仲有無其他問題?
作者: fadgare 時間: 20-4-18 18:47 標題: 回覆樓主：
本帖最後由 fadgare 於 20-4-18 18:51 編輯
york幾好，我小朋友超細b，pn讀到k3，去年考小一，3私1直有兩間收咗，已滿意。老師有愛心，net專業。york英文基礎好，phonics唔使外補，教得好全面，慳番唔少私補net費用。我其他小朋友會跟住讀，除非有龍收再考慮。冇報其他私校，york ok就費事周圍試。我最欣賞佢夠晒“呼吸”，超細b都收，都可以教得好！幼稚園本來就應該有教無類（當然你都可以話佢商業。但有邊間私校唔商業？不收學費，開善堂嗎？）。邊間學校唔識揀叻嘅小朋友？揀晒叻嘅揀梗係容易教啦，小一自然考得好，因為k1已篩選。
作者: mamakarena 時間: 20-4-18 19:19
islz 發表於 20-3-24 12:38
分享小朋友在York School的日子, 由全軍覆沒 到 反敗為勝的過程
背景:小朋友細個果時怕羞到極點, 當時面試 ...
恭喜你!
除了學校的培育，相信父母也下了很多心機。祝你小朋友健康快樂成長。
作者: islz 時間: 20-4-18 19:43
fadgare 發表於 20-4-18 18:47
york幾好，我小朋友超細b，pn讀到k3，去年考小一，3私1直有兩間收咗，已滿意。老師有愛心，net專業。york英 ...
我成日都想講，不過唔知點表達好。
篩篩篩唔使你教啦。
邊間學校唔識揀叻嘅小朋友？揀晒叻嘅揀梗係容易教啦，小一自然考得好，因為k1已篩選。
附加選項HTML 代碼
[img] 代碼
禁用 鏈接識別
禁用 表情
禁用 編輯器代碼
使用個人簽名
作者: islz 時間: 20-4-18 19:44
mamakarena 發表於 20-4-18 19:19
恭喜你!
除了學校的培育，相信父母也下了很多心機。祝你小朋友健康快樂成長。
...
作者: 男仔頭 時間: 20-4-18 21:23
小朋友本身k1程度未識寫字,只會畫線,簡單中文和英文生字和a至z認得,1-10數目認得,請問如果今年8,9月插班york k2可以嗎?
作者: fadgare 時間: 20-4-18 21:41
islz 發表於 20-4-18 19:43
你比我表達能力好。
我成日都想講，不過唔知點表達好。
篩篩篩唔使你教啦。
本帖最後由 fadgare 於 20-4-18 21:43 編輯
其實邊間都好，都係主要靠父母同睇小朋友自己。york比到我想要嘅嘢，語境，英文好，多net（york係主打英美口音），我不用再花費請1：1net（出面400-600/小時）。mi班亦照顧到有需要家庭。york係有心做的學校，不過有啲家長覺得易入唔興香，但如果唔係咁我超細b邊有機會？小朋友而家p1，主科都跟得好好，我梗係覺得學校好先比其他小朋友讀。當然York中文可以再加強，因而家小一中文太深，基礎好重要。另外考小，好睇性格啱唔啱該校，唔啱，幾叻都未必考到心儀，大家只能盡力而為。唔好諗住靠晒學校，讀邊間都好。另外york考IS都ok，因英語會話&聆聽操得好好，有些同學phonics跟得好的也有IS offer。
作者: summersnowman 時間: 20-4-18 22:32
fadgare 發表於 20-4-18 21:41
本帖最後由 fadgare 於 20-4-18 21:43 編輯
其實邊間都好，都係主要靠父母同睇小朋友自己。york比到我 ...
同意，有人覺得派得多 offer 的學校就唔馨香。邊個唔知某某和某某名幼好，要人地收你先得架！
又例如有人搬屋要急找學校、在之前學校讀得唔開心想轉、細B、未被名幼選中入宮的大B中B、各種原因想搞插班等等……尼d易入的學校就成為佢好處了，幫到好多人解决問題。試過傍惶和心急揾學校的家長，就會明白，也更能體量别人。
利申: 我不是 York 家長。城中仲有一些全年收生的學校，只是見 York 被唱得"最出名".
作者: kke2012 時間: 20-4-18 22:39
回覆 fadgare 的帖子
大家是同屆，不過我們不是讀國際班的。路過都幫York講幾句公道話。祝大家小朋友健康成長！
作者: islz 時間: 20-4-18 23:27
男仔頭 發表於 20-4-18 21:23
小朋友本身k1程度未識寫字,只會畫線,簡單中文和英文生字和a至z認得,1-10數目認得,請問如果今年8,9月插班yor ...
個人認為幾好。唔會好似d有名氣但唔多理你嘅學校。
作者: islz 時間: 20-4-19 08:37
我想問下大家覺得有Fixed term note嘅學校如Harrow, St. Stephen, Kingston, ESF ... etc 會唔會好商業化？
作者: k_yi 時間: 20-4-21 17:43
islz 發表於 20-3-24 12:38
分享小朋友在York School的日子, 由全軍覆沒 到 反敗為勝的過程
背景:小朋友細個果時怕羞到極點, 當時面試 ...
但上年年尾已收到佢地K1既offer, 想問下, 你小朋友果4年係咪都係跟同一個班主任同埋係同一班小朋友直升?
作者: islz 時間: 20-4-21 21:39
k_yi 發表於 20-4-21 17:43
好多謝你咁詳盡既分享。我小朋友係細B, 曾經讀過幾個月PN, 但疫情關係選擇左退學
但上年年尾已收到佢地K1既 ...
即係由返學到放學大致上係同一班學生。
不過一般K1-K3 上開幾多日MI class都會跟返之前個pattern. 即係k1-k3會比較多同班升上去。
作者: Nbs 時間: 20-4-21 23:46
islz 發表於 20-4-19 08:37
我想問下大家覺得有Fixed term note嘅學校如Harrow, St. Stephen, Kingston, ESF ... etc 會唔會好商業化？ ...
我女就係讀完york 的n班轉咗去esf嘅K.
乜嘢叫做fixed term note 呀？
作者: codyalbert 時間: 20-4-22 01:55 標題: 回覆樓主:
York九龍塘都有幾間，有咩分別?
作者: islz 時間: 20-4-22 09:25
Nbs 發表於 20-4-21 23:46
我女就係讀完york 的n班轉咗去esf嘅K.
乜嘢叫做fixed term note 呀？
唔同學校有唔同名. capital levy ... etc
如Kingston 要HKD100,000
因為有位網友或幾位, 或好多網友覺得YORK好商業化, 我就想了解下家長點睇依類學校發展費用.
我個人覺得問題不大, 要求高品質一向都係有成本.
作者: islz 時間: 20-4-22 09:29
codyalbert 發表於 20-4-22 01:55
York九龍塘都有幾間，有咩分別?
同其他幼稚園分校一樣, admin同老師有分別, 但係其他就比較難講有咩分別.
大致上係國際班會一個校舍, 另外果種班就另一個校舍.
作者: Dolphingirl 時間: 20-4-22 13:32
我想問 考嗰啲英文嘅cert對考小學有用的嗎？因為我啲朋友話portfolio 冇用 只係睇面試表現
作者: islz 時間: 20-4-22 14:31
Dolphingirl 發表於 20-4-22 13:32
我想問 考嗰啲英文嘅cert對考小學有用的嗎？因為我啲朋友話portfolio 冇用 只係睇面試表現
...
我只能代表我估算嘅結論：非常有用
原因有以下2點：
1/ 人有你有，人地Merit你distinction
2/ 就算考衰左唔夠膽放portfolio, 起碼過程學到野，果幾份證書所學所考基本上就係面試嘅基本答問。
我又試下反問，你試諗下咁你唔考證書，唔上考證書嘅課堂後果d時間會用黎做咩？
你可能都會去上下面試班補習班？咁點解唔花同樣時間去考證書？
同做野一樣，係總會有人覺得唔使證書，識做就得，因為有人有好多證書但係唔識做。
但你諗下果個係面試，老師有冇時間睇得咁清楚呢？相反portfolio佢大把時間睇（當然不代表會花好多時間睇），如果mark分，果度就係拿分機會。
面試臨場有得準備冇得保證：
點準備都好，入去果個唔係家長，老師問咩又唔能夠保證。所以portfolio,證書就係家長嘅唯一能控制嘅分數。
面試分數，台上一分鐘台下十年功。隨緣吧。
作者: Nbs 時間: 20-4-22 19:58
islz 發表於 20-4-22 09:25
大概等於學校發展基金?好多小學, 部份幼稚園都會有要求學生買學校 "定期" 無利息嘅BOND. 或者叫fixed term ...
Oh yes capital levy
讀咗esf 幼稚園一年，校服好平，無雜費，無書簿費，連茶點費都冇 （自己帶嘢食）。淨係咁睇確係好抵，俾起York 確係無咁商業化。
作者: caseiaming 時間: 20-4-22 20:39
Dolphingirl 發表於 20-4-22 13:32
我想問 考嗰啲英文嘅cert對考小學有用的嗎？因為我啲朋友話portfolio 冇用 只係睇面試表現
...
多証書代表家庭重視學術， 但神校唔睇， 除非你特異功能， 否則好易變怪獸家長， 又辛苦了小朋友， 考都要操架
作者: Dolphingirl 時間: 20-4-23 00:15
islz 發表於 20-4-22 14:31
證書有冇用嘅謎思，跟「中學生應否談戀愛」一樣。永遠有正反相方，立論容易，質詢容易而答辯難。
我只能代 ...
我心中嘅疑惑其實係仲有幾多學校會睇portfolio or cert ... 或者要到叩門嘅階段當兩個小朋友面試差唔多學校就會想睇吓仲有啲咩其他資料對比
我屋企人經歷過考小 話我知冇咩用 所以我有少少唔明想知道個事實到底係咪某D學校仍然有睇
我並不否定證書冇用只係咁細個你如果要為咗證書即係要操好多嘢我只係諗緊值唔值得 當然如果小朋友有證書當然證明佢有一定嘅能力可以做一個check point
我都係York 用家 其實我都覺得學校唔係外面啲人講到咁差嘅只係因為佢感覺好商業但係我囡囡都返學都開心 同埋佢英文中文我覺得都OK雖然係12 月細B但係都考到班10名之內 （k1) 其實都有D唔捨得因為下年要轉校
我係冇參加啲咩多元智能班亦都冇外補
作者: Chubu 時間: 20-4-23 01:47
Dolphingirl 發表於 20-4-23 00:15
我心中嘅疑惑其實係仲有幾多學校會睇portfolio or cert ... 或者要到叩門嘅階段當兩個小朋友面試差唔多學 ...
哇原來而家K1 已經有排名，好奇用咩評估小朋友分數的？咁細個人仔應該唔識考試掛？，定係老師自己評估然後成績表有名次？
作者: Dolphingirl 時間: 20-4-23 09:36
Chubu 發表於 20-4-23 01:47
哇原來而家K1 已經有排名，好奇用咩評估小朋友分數的？咁細個人仔應該唔識考試掛？，定係老師自己評估然後 ...
本帖最後由 Dolphingirl 於 20-4-23 09:39 編輯
佢係年尾有個所謂評估佢會幫每個小朋友應該係有個小考試 要做啲工作紙 (中英數）之後就見到佢會做有幾多分
個評估應該會計埋平時返學嗰啲表，好多唔同方面嘅
淨係1至10名會知道有名次 考得好過頭幾名仲會有獎狀
作者: islz 時間: 20-4-23 09:54
caseiaming 發表於 20-4-22 20:39
多証書代表家庭重視學術， 但神校唔睇， 除非你特異功能， 否則好易變怪獸家長， 又辛苦了小朋友， 考都要 ...
知道學校係好谷, 而小朋友及同學都唔覺得學校谷. 谷得黎有成績但係又開心果下好值錢.
所以我大部份CERT.都有考, 都係DISTINCTION, 自己同小朋友只係考試前溫一次, 其他交學校.
考CERT. 重點放於開心谷同以學野為目標比較不會成為怪獸:D
| 歡迎光臨 教育王國 (/) |
Powered by Discuz! X1.5 |