教育王國
標題: 男女校或者其他 [打印本頁]
作者: Apple_Orange_T 時間: 22-9-18 15:02 標題: 男女校或者其他
請教JM,男校，女校怎樣選擇，我小時也是讀男女校，成績很好不容置疑，其實小朋友讀男女校，還是男校或者女校呢，也明白收咗先算嘅道理，但係如果唔啱就唔報名了，請問讀男校女校有什麼關注嘅地方，咁我都係怕讀男女校會容易拍拖，唔專心讀書。
多謝JM分享
煩請請勿轉載，謝謝！
作者: Rpp 時間: 22-9-18 15:36
Apple_Orange_T 發表於 22-9-18 15:02 
請教JM,男校，女校怎樣選擇，我小時也是讀男女校，成績很好不容置疑，其實小朋友讀男女校，還是男校或者女 ...
怎樣選擇畀唔到意見，我朋友個女係男女校IB狀元讀牛津，中三時候男生追求女生三年，一齊溫書一齊扶持好溫馨，中六畢業男生去美國讀書，女生去牛津，分手原因係男生講女生太港女，其實係借口。女生哭到天昏地暗，女生媽媽安慰女兒，男生提出分手的話一定要彻底分手，不留餘地。
我自己個仔讀男校，中三嘅時候都係拍拖，不過沒影響到學業，中四分手了，我倆老特別開心，個仔成熟了，佢得出結論係好浪費時間。
作者: LeeCC 時間: 22-9-18 15:44
呢個年代讀男女校或齋校與拍拖已經無咩關係，而家女校生係交友app識男仔，放學去男校門口等仔放學／去商場識男仔，所以唔一定男女校才識到男仔
作者: charlottechy 時間: 22-9-19 10:24
如果個女仔恨拍拖, 其實讀男女校易有得拍, 但讀女校就會超恨出席啲聯校活動、比賽之類, 見到喇沙仔講兩句交換IG好易, 所以係人嘅問題, 唔係讀咩學校嘅問題。 (父母花啲時間傾計了解開導會好過擔心呢啲~)
雖然我女讀女校, 但其實我自己比較prefer男女校, 因為男仔女仔想法會好唔同, 做PROJECT或者學生會之類嘅合作好似會多元化啲, 想法冇咁單一, 而且可以喺異性身上睇到不同嘅地方同不足之處 (純粹覺得)
作者: B.B.BaBa 時間: 22-9-19 10:37
如果小朋友小學時已讀單一性別的學校，升中可以考慮轉去讀男女校。
作者: LeeCC 時間: 22-9-19 10:39
本帖最後由 LeeCC 於 22-9-19 10:43 編輯
charlottechy 發表於 22-9-19 10:24
如果個女仔恨拍拖, 其實讀男女校易有得拍, 但讀女校就會超恨出席啲聯校活動、比賽之類, 見到喇沙仔講兩句交 ...
D阿媽覺得讀女校就唔拍拖係阿媽一廂情願的想法
有朋友的女入咗女校，才發現個個都恨拍拖恨到發燒，中一就玩交友app識男仔，出街一定係幾pair約埋一起去玩
以上所講的是地區band 1女校
作者: 200904 時間: 22-9-19 10:39
我覺得拍拖與否好睇小朋友性格，open，想結交異性朋友？或者好靚仔好靚女，性格屬於不會拒絕人？
家庭不幸福，急於在朋輩中結交，希望有人愛自己？
或者看緣分？有時候，善緣又好，孽緣又好，來了就好難擺脫。
所以，和學校沒什麽大關係。
再退一萬步講，男女校，起碼都是算正常，男校，女校好可能有一段未被社會所接受的關係。
作者: gracelam 時間: 22-9-19 11:26
Apple_Orange_T 發表於 22-9-18 15:02
請教JM,男校，女校怎樣選擇，我小時也是讀男女校，成績很好不容置疑，其實小朋友讀男女校，還是男校或者女 ...
青春年華，對異性有遐想正常不過，唔好以為讀齋校可以冇機會識異性，現今網路發達，ig, 補習社，聯校活動等等好容易識人。
不如教定男女相處之道，好過一廂情願以為讀齋校可以避絕異性。
利申：2個孩子中學係男女校
作者: charlottechy 時間: 22-9-19 15:20
回覆 gracelam 的帖子
對對對, 多啲傾偈教養更重要
作者: pccw2017 時間: 22-9-19 16:55
本帖最後由 pccw2017 於 22-9-19 16:56 編輯
Apple_Orange_T 發表於 22-9-18 15:02
請教JM,男校，女校怎樣選擇，我小時也是讀男女校，成績很好不容置疑，其實小朋友讀男女校，還是男校或者女 ...
阿仔小學時成日比女生圍著. 中學一定要讀男校擋桃花
作者: phinarto 時間: 22-9-19 17:46
我以前讀男校，太 dry 了。所以我都幫我仔女搵男女校，等佢地有平衡少少的生活。
作者: Rpp 時間: 22-9-19 18:03
https://youtu.be/0ZOvhpVViFM
作者: Apple_Orange_T 時間: 22-9-19 18:15
LeeCC 發表於 22-9-19 10:39
D阿媽覺得讀女校就唔拍拖係阿媽一廂情願的想法
哈哈，我就係呢啲媽媽
作者: 964000 時間: 22-9-20 09:17
Apple_Orange_T 發表於 22-9-18 15:02
請教JM,男校，女校怎樣選擇，我小時也是讀男女校，成績很好不容置疑，其實小朋友讀男女校，還是男校或者女 ...
本帖最後由 964000 於 22-9-20 10:30 編輯
我男女和女校都讀過，覺得整體男女校開心D，D男仔粗枝大葉攪下笑，有男仔係度老師會鬧少D女仔，有女仔係度男仔會收歛D，班女仔性格平衡返冇咁「勾心鬥角」，兩性之間學會相處（例如冇咁大男人），我自己就會揀男女校比女尤其小學。
其實齋校係傳統教會遺留下來，自然常規這個世界有男有女，互補不足，社交發展一定會好D（唔係一年攪幾次聚會就夠），而且現今media當道，見一眼已可交換IG返屋企日日傾，如果想拍拖都阻止不到，荷爾蒙發作起來，女校都不少女女一pair pair。反而在男女校一條龍，由細到大都對住個班同學都提不起興趣
所以都未必「校內發展」。
不過齋校也有好處，例如課程/進度/體育項目更gender specific, 女生沒有男生在（更outspoken) 表現會更confident等。傳統上有研究話齋校可能因更專心讀書所以成績會更好，但我見香港的國際學校全部男女校，成績都好好，全港local school 成績最好的SPCC也是男女校. 我唔排除外國coed的學生普遍會比較「積極」拍拖，始終外國人比較開放及早熟，所以都睇自己小朋友同學校的風氣。
作者: babieblue 時間: 22-9-20 09:54
964000 發表於 22-9-20 09:17
我男女和女校都讀過，覺得整體男女校開心D，D男仔粗枝大葉攪下笑，有男仔墊底老師會鬧少D女仔，班女仔性格 ...
“有男仔墊底”
男仔讀返男校可能少啲標籤
作者: Rpp 時間: 22-9-20 09:56
我覺得讀男女校小朋友返咗嚟會有多啲話題，讀單性學校的會無聊啲，二仔讀男女校會經常講呀邊個邊位好靚女，m來裙有一達達要隔離幫手護花使者，呀邊個好樣衰全身濕疹不停咁拗痕，搞到佢自己個身都痕埋。讀男女校會八卦好多野，知道邊個對邊個有興趣，單性學校的問今日有咩特別新聞介紹，異口同聲話無，個個都唔得閒。
齋校的特點只限我屋企，就係補習老師要靚仔靚女順眼，先肯補習。
作者: 964000 時間: 22-9-20 10:27
babieblue 發表於 22-9-20 09:54
“有男仔墊底”
本帖最後由 964000 於 22-9-20 11:11 編輯
可能我表達唔好，我主要只係指老師眼中的「操行」方面，在女校少少野就會比老師覺得「呢個女仔唔乖」，但在男女校有更活潑的男仔比較之下，會對女仔冇咁挑剔。例如我朋友在傳統女校，佢上zoom坐得唔定已被老師call家長, 另一個因為平時行路跳跳紥都收電話，如果在男女校的老師應該唔得閒挑剔這些。
題外話其實我本人覺得「操行」呢個term五十年不變，本身就太general根本應該改，應分列多項例如responsibility, engagement, grit etc.學生的性格和學習態度各有長短，不應只用一個gradeABC概括。
作者: 964000 時間: 22-9-20 10:43
Rpp 發表於 22-9-20 09:56
我覺得讀男女校小朋友返咗嚟會有多啲話題，讀單性學校的會無聊啲，二仔讀男女校會經常講呀邊個邊位好靚女， ...
係，佢哋真係好八卦又小學雞証明都享受學校生活的
作者: Apple_Orange_T 時間: 22-9-22 08:50
Rpp 發表於 22-9-20 09:56
我覺得讀男女校小朋友返咗嚟會有多啲話題，讀單性學校的會無聊啲，二仔讀男女校會經常講呀邊個邊位好靚女， ...
Haha 靚仔補習老師,我都鍾意
回家多啲話題，開心嘅，只怕成日都講呢啲嘢唔專心姐
作者: Rpp 時間: 22-9-22 10:55
Apple_Orange_T 發表於 22-9-22 08:50
Haha 靚仔補習老師,我都鍾意
回家多啲話題，開心嘅，只怕成日都講呢啲嘢唔專心姐
...
佢哋會花時間偵探個導師履歷，年齡，中學大學背景，婚姻，真係八卦。
作者: Dybala 時間: 22-9-22 12:03
男女校, 始終去到讀大學或者出到黎社會都係有男有女, 早啲學識同異性相處對身心發展都有幫助
職場上實在太多女校出身, 性格高傲, 人際關係極差, 單身/失婚嘅中年女上司! 可見其實香港嘅單一性別學校, 尤其是女校入面係出咗問題
當然我地作為外人就好難分析到係邊個位出現問題
作者: LeeCC 時間: 22-9-22 12:07
Dybala 發表於 22-9-22 12:03
男女校, 始終去到讀大學或者出到黎社會都係有男有女, 早啲學識同異性相處對身心發展都有幫助
職場上實在太 ...
我只係知身邊幾個女校畢業的，大學Ocamp幾日就畀d師兄追到手
作者: ok3 時間: 22-9-22 13:24
LeeCC 發表於 22-9-22 12:07
我只係知身邊幾個女校畢業的，大學Ocamp幾日就畀d師兄追到手
作者: Rpp 時間: 22-9-22 13:52
小學讀男女校依家見到面男同學都唔打招呼的，扮睇你唔到好似從來無認識一樣，玩來玩去都係同番女同學。見到隔離班即同級的都係一樣唔打招呼。係咪性格問題？
作者: gigayan 時間: 22-9-22 14:01
女校嘅女仔好兩極，有啲好恨拍拖，阿女俾同校嘅ig我睇，打扮真係明星咁；另外有啲唔打扮，一睇就知女校
作者: cyiuming 時間: 22-9-22 15:56
pccw2017 發表於 22-9-19 16:55
阿仔小學時成日比女生圍著. 中學一定要讀男校擋桃花
我就係咁解決咗問題
作者: hkcsty 時間: 22-9-22 16:11
現在男少女多，男仔好搶手 hahaha
作者: Apple_Orange_T 時間: 22-9-22 18:41
Rpp 發表於 22-9-22 10:55
佢哋會花時間偵探個導師履歷，年齡，中學大學背景，婚姻，真係八卦。
都避免唔到
作者: Rpp 時間: 22-9-24 11:15
個人選校首先考慮三大范疇，一校舍設施及地理位置，二是否多元化.學校環境好對學習有影響，三學校讀書風氣是否濃厚？學校在學術上資源是否足夠?學校的學制是否適合自己仔女?學科是否配合自己仔女？最後才考慮是否單性或者男女校，不要相信單性學校將來交際或者性格有問題，婚姻有問題之類膚淺嘅講法。
就像買樓三大范疇.位置位置，設施配套，教育等設施齊全？
利申：個人想法。
| 歡迎光臨 教育王國 (/) |
Powered by Discuz! X1.5 |