教育王國

標題: 家庭月入/儲蓄有幾多先會去讀私人幼稚園（無學券資助）？ [打印本頁]

作者: jinJJ 時間: 24-4-3 12:30 標題: 家庭月入/儲蓄有幾多先會去讀私人幼稚園（無學券資助）？

家庭月入/儲蓄有幾多先會去讀私人幼稚園（無學券資助）？

作者: Jean1769 時間: 24-4-3 17:24

私幼都要睇係邊間同值唔值

作者: RainyRice 時間: 24-4-3 19:01

jinJJ 發表於 24-4-3 12:30
家庭月入/儲蓄有幾多先會去讀私人幼稚園（無學券資助）？

本帖最後由 RainyRice 於 24-4-20 14:27 編輯

問題不是收入，而是你現在有每月幾多錢剩/儲。根據你另外的posts，當你講LH /CCKG ，想入神校，當要補學術音樂同攞cert… 仲未計數學班。計平啲大約13k，但當中有啲支出如校車讀什麼幼稚園都要俾，又有啲係睇你想入什麼小學，家長會唔會自己教中英數。每月大約洗費可考慮：
學費$5000-7000
校車+雜費$1000
以下選1-7項：
面試班$1500
學器班$1500-2000
中文班$1000-1500
英文班$1000-1500
數學班$800-1500
運動班$500-1000
畫畫班$500-1000
其他興趣班$
比賽/表演/戰衣… $

好彩入到平啲嘅小學SPCC DB DG SPC YW HKUAGPS… 或官津，唔好彩入咗貴啲CKY SSCPS… 只不過是幼稚園，如果擔心負擔大，又入唔到龍幼，可以讀券幼加補一兩項，到小學試入津校，入唔到先讀直私，到時再自己睇餸食飯。

作者: chriskaan 時間: 24-4-9 17:45

本帖最後由 chriskaan 於 24-4-9 17:46 編輯

自己睇送食飯 , 私幼一般 $5000 起步 , 全日 $8000-$12000 , 另外雜費 + 校車 + 午飯 , 未計興趣班 + 外補 !!

作者: fmf903 時間: 24-4-16 15:27

jinJJ 發表於 24-4-3 12:30
家庭月入/儲蓄有幾多先會去讀私人幼稚園（無學券資助）？

本帖最後由 fmf903 於 24-4-16 15:28 編輯

過來人分享。
k2 那年讀名幼，計過每月$20000-$23000。
最貴係面試班，私補英文及一對一樂器。

作者: 新人中新人 時間: 24-4-18 23:16 標題: 回覆樓主：

本帖最後由新人中新人於 24-4-18 23:36 編輯

本帖最後由新人中新人於 24-4-18 23:33 編輯

我嘅洗費大概如下
平N：48xx / mth
補習：1840/mth
音樂：1200/mrh
游水：1000/mth
活動班：1800/mth
保險： 3000/mth

我建議如果未買樓而又未必有父母留下物業嘅，最好兩公婆月入120000以上先考慮讀直私（不包國際）。因為以上係N班洗費，再上洗費只會更大，一個月隨時2xxxx.
理智啲諗，未買樓嘅又有細路，最好快啲有物業保障家庭，加大儲蓄比讀唔讀私幼更重要。一家三口為例，諗得讀私幼都會想小朋友係好啲環境長大，起碼租樓都兩萬，請埋姐姐加燈油火蠟又一萬，我頭先講嘅小朋友洗費又一萬，伙食當六千，兩公婆洗費慳極一個月加埋都萬二三，假日同小朋友出去玩一個月又兩三千，仲有雙方長老家用聊表心意當五千，兩公婆供份保險又四五千，其實一個月加埋已經
七萬幾，其餘有時儲嚟自己退休，有啲儲嚟買樓，有啲儲嚟旅行，有時儲嚟儲備….如果兩公婆咩都無，月入三幾萬學人讀直私，其實將來大人細路都慘。

作者: FNN 時間: 24-4-20 07:43

其實我吾係好明點解N班要小朋友補習？

我貧窮出身，小朋友為何一年要買36000保險？音樂基本上係浪費金錢，學校上個小提琴班一舊水有找，活動班見人見智。有錢去上吓無礙。

－個小朋友六歲之前，最重要係訓練佢的專注力同語言能力，我可以以自身的經歷分享，六歲之前學的東西都係浪費金錢，語言同專注力除外。

演奏級鋼琴同小提琴，對小朋友基本上在學業上沒有直接的關係（冇錢計），想做鋼琴家音樂家除外。香港家長的心態人有我有，我個人覺得不可取（如果勉強負擔）。

個人認為，小朋友能進一間好的幼稚園，就能進一間相對好的小學。一間好嘅小學，便能入一間相對好的中學，這是硬道理。

小朋友讀唔讀到書，係講資源同能力，能力係天生㗎，唔會有好大嘅進步。小朋友嘅分別，在於父母放幾多資源落去。得唔得，好大程度上都係同錢有直接嘅關係。

我個人建議係將D錢放係小朋友後段（如果經濟情況唔許可），其實最後幾年才是用錢的關鍵。

作者: Kenji0105 時間: 24-4-20 12:38 標題: 回覆樓主：

本帖最後由 Kenji0105 於 24-4-20 12:42 編輯

分享我窮讀私幼歷程：
私半龍學費：$4000/月
校車：自己搭地鐵接送（但每天多了30分鐘閱讀）
運動費：賽馬會足球班一年$200包兩套衫一個波
畫畫：$400/月
中英數：全職媽教禮儀、普通話，工作爸教中英數
面試班：堅持唔上，每星期去康文署閱讀工作坊聽故事及學主動舉手答問

總數：約$5000
最後入男直小，另多間直私offer
禮儀、學術、主動答完整句子才最重要

作者: RainyRice 時間: 24-4-20 13:55

Kenji0105 發表於 24-4-20 12:38
分享我窮讀私幼歷程：
私半龍學費：$4000/月
校車：自己搭地鐵接送（但每天多了30分鐘閱讀）

很對，如小朋友讀龍幼，就算只是聯繫小學中學，都可以零補習，開心玩喜歡的興趣班

作者: 993rs 時間: 24-4-20 14:24

好多家長都會好捨得使錢，但唔係有必要使咁多。
學費以外個人認為必要嘅使費：
校車$1000 ；phonics $1600

錦上添花系列（K2後先開始）
一體一藝：$1400x2；PTH $1200 (主要係令小朋友可以參加朗誦比賽，訓練膽量）

燒銀紙系列：
面試班： $1600 （controversial 有人 buy 有人唔 buy。真心，頂盡報 mock interview 做場景訓練算，報雞精班真係要代表教育中心多謝你）
更多嘅興趣班：當$1500 each

利申我當年係燒銀紙系列，以過來人身份分享返真係冇必要，去到錦上添花系列已好豐富。

中、數睇唔到補習嘅需要。私幼中英文都已好 solid，再上一層，去圖書館、 bedtime stories。效果好過雞精班十倍。數學同小朋友去 supermarket 買嘢，乘數都學得識（唔係乘數表，而係 3+3+3+3=?）。

作者: ifcsir 時間: 24-4-20 23:58

Kenji0105 發表於 24-4-20 12:38
分享我窮讀私幼歷程：
私半龍學費：$4000/月
校車：自己搭地鐵接送（但每天多了30分鐘閱讀）

本帖最後由 ifcsir 於 24-4-21 00:18 編輯

本帖最後由 ifcsir 於 24-4-21 00:18 編輯

Good good 謝謝分享，好有參考價值，不過讀緊卷幼，學術都係靠自己

作者: 簡單啲來講 時間: 24-4-24 17:56 標題: 回覆樓主：

本帖最後由簡單啲來講於 24-4-24 18:02 編輯

不過老實講，很多名校俾offer偏向私幼，尤其在waiting階段。如果讀券幼，即使有操，都可能顆粒無收。所以我覺得最好還先窮讀私幼，家長注重培養，唔洗補各種班。如果名校撈唔到，三私一直可能會撈到一間，有基礎後再嘗試插班名校。如果讀券幼話，家長注重培養，但幼升小階段優勢唔會咁明顯，扣除大抽獎運氣成份，最好結果就係叩到一線邨津，但一般都系需要保持幾年級頭，才有可能插班去名校。
其實我自己唔鐘意幼稚園就催谷，我認為幼稚園係玩嘅年齡，執筆都唔用寫字，畫畫就得，我一直係咁樣想，但無奈隊友唔俾咁樣養小朋友。

作者: RainyRice 時間: 24-4-24 18:56

簡單啲來講發表於 24-4-24 17:56
不過老實講，很多名校俾offer偏向私幼，尤其在waiting階段。如果讀券幼，即使有操，都可能顆粒無收。所以我 ...

其實我又唔覺得小學老師會細心留意是卷幼還是私幼(除了很出名很催谷很多名小收那幾間幼稚園之外)。而且有很多幼稚園也會私/券轉。
兩個小朋友，一個在幼稚園由私轉券後入讀；另一個讀另一間幼稚園由券轉私。一私一券幼都是so-call最具競爭力/優質/受歡迎的幼稚園，都是happy schools，兩間的同學入(非校友自行或自己龍幼）名小的都是家長發力。兩間都有極佛系家長。
跟私和券無關。

作者: 新人中新人 時間: 24-4-24 19:08

其實我覺得講到尾就係為個細路好。每人對於對仔女好嘅定義都唔同，亦唔係學得嘢多讀名幼就等如佢會忽略小朋友自由自主生活。相反由個細路完全自由任玩亦唔等如完全唔教細路。
每個家庭都有佢嘅平衡點。我個仔n班補習，不過每星期我地都有戶外課，每朝都最少個半鐘自由玩，呢啲外人睇唔到。相反佛系父母一路出街一路教生字亦唔會話你知。
所以有時問比唔比細路讀名幼私幼，上唔上咩咩咩興趣班其實無咩大意義，最緊要搵到自己家庭平衡。

作者: 快樂火雞 時間: 24-4-24 21:14

五六萬家庭收入就差唔多。
教育開支兩成幾

作者: fukuoka_saga 時間: 24-5-22 11:08 標題: 回覆樓主：

本帖最後由 fukuoka_saga 於 24-5-22 11:10 編輯

家庭月入11萬，當年讀券幼。但課外活動興趣班一個月兩萬。

作者: RainyRice 時間: 24-5-22 13:17

幼稚園只讀兩三年，卷或私幼學費上的分別只是三年，還有6年小學6年中學，大學….漫漫長路。
如果經濟對家庭來說是一個重要考慮，那在各個升學階段，那個階段最值得付更多學費呢？
當然如果怕經濟負擔沉重，最好就是自行/叩門/抽獎/插班入名津龍免費到底。最簡單或者是先入讀卷幼，家長自行補中英數學術，努力入B1官津！

作者: catf2 時間: 24-5-23 12:06

本帖最後由 catf2 於 24-5-23 12:06 編輯

My cases (多年前) GHK
每月大約洗費：
學費$4000
校車+雜費$1500
學器班$1000
英文班$1200
畫畫班$1000
普通話$1000

歡迎光臨教育王國 (/)