☆屯門聖公會青山聖彼得堂(兆麟苑)家長請進~

Ding

tszyau2000

果個立體聖誕樹就係用黎做裝飾學校用.. .. 我諗住摺d星星同埋黏d紙條上去 .. 希望ok啦 ..

原來有咁多人去過小欖bbq .. 咁仲好啦..

Ding

gigichacha

gigichacha 寫道:

ding,
你可以考慮加D金粉膠水,簡單又易用,閃下閃下都幾搶鏡呀!

係喎.. 真係唔該晒你..今晚去買支同個仔玩.. 佢一定好開心jet...

Long_Long_ma

我同你一樣咁諗呀..上年n1時以為佢亂晝所以都無俾佢參加.. 今年發覺佢大左..亦開始有自己主見..我都會盡可能俾佢參加多d野 ..

chunchunma

你帶埋細b去gathering.. 真係好..不過你就會辛苦d .. 到時我地幫你揍住大仔先 ..

Ding

MM99.. 歡迎你啊 ..   .. 我個仔讀青山村果面k1..多多指教..

青山村果面無叫買花盆 .. 上年我都係用個雪糕杯做花盆咋...前日老師己經派左盆花lu ..要我地一齊種.... 明天又要交閱讀報告... hahaha..st. peter 真係好多活動.. 佢令到d小朋友返學好開心 .. 頭先個仔打電話俾我..佢話老師今日教佢地入紙落信封度寄信喎 ..   

加加媽咪

11/12我ok .. 不過可能係迫切小小.. 有d媽咪預唔到時間...不如我地搞1月去 gathering .. 咁就有充足時間 ..   

Ding

gigichacha 寫道:
[quote]

真係俾學校攪到dum dum 轉,啱啱買完花盆,今日又嚟左咁多通告,9/12前要設計好親子賀年卡,13/12交親子聖誕飾物,24/12又有兒童佈道會,我嘅空餘時間所剩無幾多啦 !

唔知聖誕假前仲有無其他野要交呢 ?

唉!!!!!!!!!!!!!!!!

唉.. 青山村果面咪又係咁.. 昨晚先完成左個棵聖誕樹同埋閱讀報告...今年我己無參加聖誕卡設計比賽啦 .. 好彩個仔無嬲我唔參加 .. 每個晚上都俾晒個仔 .. 又近聖誕節..公司又要搞party .. 唯有個腦一邊諗呀仔d巧課.. 另一邊諗公司野   

Ding

LongLong_ma

小朋友病..做父母最擔心.. 學校d野咪慢慢做囉 .. 最緊要照顧好朗朗同埋保重身體呀..

祝朗朗快d好番...

1月搞gathering我都ok架..

Ding

iris_yu_him

hahaha.. St. Peter 收左謙謙你唔洗再擔心咁.. 連胃口都好埋喎..   

Ding

ccmother

個醫生咁差以後都唔好再去喇.. 我都係去碼頭區睇醫生..佢叫徐近明 .. 不過好多人..上兩個星期日同個仔去睇咳..足足等左兩個鐘 ..

你囡囡肯食野未呀 ..   

Ding

ccmother

嘩..類固醇都俾得小朋友食 .. 只係腸胃炎喎..洗唔洗咁重手呀 ..以後再唔好去喇..大人都唔好去睇佢添..

徐近明又真係好..好細心..問佢野又唔會唔耐煩咁答你 .. 不過就真係好多人.. 我第一次都係撞彩入去睇 .. 真係好在係佢咋..有一次個仔發燒左兩日.. 醫生同我講要留意佢第二朝身體有無紅印..如果有就要即刻去睇急症..點知第二日真係有.. 就拿拿聲同佢入急症室..跟住十字車即時送入瑪嘉烈隔離病房 ..醫生話佢有川崎症..好在醫得早 .. 唔會有事 .. 因為個病醫唔好會影響心血管變形架.. 自始之後連自己都轉過去.. 佢喺海翠..藥房對面..不過遲d會搬去啟豐園.

Ding

一休..

歡迎你 ..    

我囝囝都係讀青山村st. peter .. 而家係 k1 lu

Ding

YYMom

上次去睇徐近明時..個仔都碰見佢個同學仔去睇醫生..果度又真係幾多人去睇..

你個仔有嚴重扁平足..咁你平時有無發覺佢鞋底有一邊蝕得好厲害..同埋係咪行一陣就會話攰..又成時仆倒架.. 我成日都有留以個仔有無咁嘅情況...但到而家都無咁嘅情況出現..  只因為發現佢個膝頭側面比較凸出..好似扁平足個d病徵咁 .. 所以想知多d有關資料.. 你個仔間學校真係好週到 ... 安排有衣d檢查.. 間足部治療係咪佢地介紹架 .. 我諗香港唔係有咁多間做 .. 以後如果有咩嘅消息..可唔可以同我地分享下呀 .. thx

Ding

YYMom

Morning~~~我耐不耐都睇下個仔隻腳..睇下個腳弓位成左形未 …而家開始有少少初形…不過都係仲有少少擔心 .. 可能佢讀k1所以未有得做腳部檢查 .. 如果有我一定參加. .. 足4歲後我都會去健康登記做評估 .. 小朋友4歲前因為腳板脂肪多又厚..所以check唔到係咪真係扁平足 .. 所以都要等下一年先可以去check.

我識屯門湖康健康院嘅姑娘 .. 佢話今年年尾係會安排視光師幫小朋友..只做一兩個星期 …不過係唔會公佈 .. 要自己打電話去登記 .. 後來佢話請視光師費用好貴..可能會hold 住先 .. 之後我就無搵佢再問 .. 你可以試下打電話去健康院問下而家嘅情況.

Ding

tszyau2000

k1可能太細做唔到 ..見有d都係2.8歲就讀k1..因為小朋友要到4歲後先可以check到 ..所以唔同k1做住掛..

Ding

tszyau2000

你邊度多問題呀..hehe ..其實我都聽過dr. kong唔係真係足部護理專家..佢只係做生意...如果足部有事都係要搵專業治療師 ..但鞋托唔可以亂買..要醫生同小朋做個模去做先得...因為每個人腳形唔同..

如果有扁平足(俗稱鴨腳)..佢地企直時整隻腳板都貼地..放開腳時個印好似鴨腳印咁..唔似一般腳印有彎位...有扁平足嘅人行得一陣就會好攰..隻腳會痛...因為無左腳弓瀉力 ..有d小朋友會成日仆倒...嚴重起黎.. 膝頭內側嘅骨亦會凸出 .. 對腳向內彎而變形..所以我先會擔心 lor

Ding

tszyau2000

Good Morning ~~~
唔好客氣啦.. 大家交流心得.. 仲有好多野我都要向你地學習..

Ding

唉.. 做左人呀媽先領會到原來以前媽咪係幾咁辛苦..日日夜夜都擔心住我地 ... 怪唔得當我激親媽咪時佢會係咁心痛啦.. 如果個仔第二時唔聽話..我都一樣會傷心... :cry:  :cry: .. 因為左個仔我地真係付出好多好多...唔止時間,金錢.. 仲有係心機 ..

hehehehe.. 唔好講埋d衰野 .. 祝大家嘅小朋友都聽教聽話..聰明伶俐...

好喇.. 不如我地計下有幾多人會去bbq gathering, 睇黎 22/1 好似個個都ok喎.. 暫定 22/1好嗎 :

2005年1月22日 BBQ Gathering

chunchunmama (8/1, 15/1, 22/1 OK)
iris_yu_him (15/1, 22/1 OK)
Ding (8/1, 15/1, 22/1, 29/1 OK) - 2 大, 1細
longlong_ma (15/1, 22/1 OK)
加加媽咪 (8/1, 15/1, 22/1 OK
tszyauma (8/1, 15/1, 22/1 OK)
ccmother (15/1, 22/1 OK)
gigichacha (8/1, 15/1, 22/1, 29/1 OK)

Ding

tszyau2000

我地又點會悶親呢..有乜野都可以上黎傾..就係bk嘅好處...tszyau真係好叻女架..明白你無時間幫佢做功課..就自己做...第二時佢一樣係咁乖 ..

22/1我相信多數媽咪都要返工..起碼都要3-4點先到..咁就先到先等啦 .. 早到嘅自己玩住先 .. 等埋一齊先bbq..不過我未去過..唔知入面咩情形..同埋要唔要一早book位呢? 其他去過嘅媽咪可以指點一下嗎 ? thx

chunchunma

你岩岩生完bb無耐...衣排又凍左..你出街時小心d呀 ..    

Ding

tszyau2000

good morning ~~

hahaha..都唔知點解而家d小朋友講野咁老積...前晚同個仔傾計時.. 我講錯左d野..跟住佢糾正番我..我再講.. 佢就話 .."係喇 ..你咁講就岩喇".. 真俾佢笑死 .. tszyau有俾聖誕卡同學仔同埋老師呀.. aiya..我都無咁做添 ...

Ding

ccmother

我未去過..所以要請教其他媽咪到時去邊度等. chunchunma話果度好大唔洗book位都得...不過我地亦可以去到時先到先等 .. 我大約3:30pm去到..到時大家電聯再約去某一個地方集合.. 好唔好呀 .. 遲d我地要交換電話號碼 ..

Ding

早晨.. 各位媽咪

Long_Long_ma

唔好話過時過節要做勞作.. 我地每兩個星期又要做親子習作..真係日日都無乜時間做自己野...

我們不如先進行報名,好不??

日期:1月22日(星期六)
時間:下午3:00(先到先等)
地點:小欖燒烤埸
費用:Adult $68, Kid $40 (for over 3 years old)
including one bottle of water and one can of
soft drink (不對,請糾正)

1.LongLongma(2A+1K)
2.tszyauma  (1大+1小)
2. Ding (2大1小)

Ding

chunchunma, tszyau200

hahah.. 你地去ocean park 玩.. 真係開心. 我以前都同銘銘去過兩次.. 而家見到電視有宣傳..都會叫我去...佢都知有 disney land .. 不過就未有叫我去.. 近來就成日講.."媽媽.. 聖誕喇"    .. 我都要快d攞番棵聖誕樹出黎..擺下先得 .. 尋晚食完飯..上到平台..銘銘突然番轉頭伸開手走去我度.. 一路埋黎一路講.."我好鍾意媽媽"..我當時真係好感動又開心 .. 不過正如 Long_Long_ma 話齍..唔奢望個仔將來有乜回報...起碼到老左都仲有份退休金食下...    只要佢地大個做一個有用嘅人就得啦 ..    ...