05年入讀主流小學的障礙兒童家長~請進!!

bandband

各位,

今日我終於參加咗囝囝既畢業禮~!見到佢俾老師安排响最後嗰行最左手邊既死角位度企,有啲表演又無個仔份,唔多唔少有啲失落既...不過當自己清醒番之後,面對咗個事實(個仔實在唔聽駛...),自己都開心咗啲!平常心囉!無謂對個仔同自己要求過高.

我囝囝番埋下個星期就唔駛再番幼兒園,八月起我同個仔就開始我地既'遊山玩水'~!個仔話帶我去科學館睇機械動物(實情係我帶佢去睇多次啫,之前佢跟學校睇過),之後我都打算日日帶佢去中央圖書館,嗰次佢經過門口都話想入去八卦,而且佢呢期發書瘟好鐘意搵書睇,我諗,佢會鐘意卦...

ALAL 寫道:
I am hsewife, so just fit your schedule is OK, except on day time of Sat and Sun where I have to accompany my son to course.

bandband

stella,

噚晚咁多人,梗係見唔到我啦! 嘩~!你買咗成千幾蚊嘢?!!我行咗成晚,都只係忍唔住買咗本周杰倫自傳嚟睇咋(七折嘛)~~~!!!其實都有好多書我都想買,但係屋企本小說仲未睇完,所以至忍手唔買住...我大佬就買咗三本公文式練習俾我個仔做,都好平呀,折實卅六蚊本,仲好厚好多嘢玩添...!

stellacl 寫道:
尋日去書展, 靜係去 hall 5, 都去左4個鍾, 6點到, 10點至走得... bandband, 點解我見唔到你既 ?

我買左好多書同電腦cd, 文具&玩具(可惜我唔識得post 相出黎), 洗左成千幾銀...

bandband

P1 媽咪 dinner gathering on 19/8, sign up 啦 !!

1. stella
2. kmwun
3. Mrs Cheung (My child will go to N4 in this Sept, 可否撘檯? )
4. alal
5. bandband ( + 顯霖仔 x 1   )

bandband

咦?我今朝都係帶咗亞仔番方樹泉番小一適應班噃...呢幾日我都要去,十點至十二點,不如聽日我地又約埋一齊等仔放學啦.. 我今日一條友行咗去尖咀通利逛咋...!!!

stellacl 寫道:
Hi All Mums

今早剛送仔仔去基榮上"壹仔", 同埋開家長會, 下午去海富苑參加 "夏日萬能俠"

我唔記得有邊位媽咪好似有join到架 ???   

bandband

oh...惟有星期六見啦...

stellacl 寫道:
bandband

oh...sorry...我要番工呀....

呀仔join果個係協康搞既小一預備班, 番2個禮拜, 9-12am, 跟住有車送佢地去海富苑上另一個協康搞既course.

好羨慕你唔洗番工可以周圍去 星期六下午見 !

係喎, kmwun : 星期六早上見, 到時相認喇 ! btw, 蕊展個家長會可唔可以帶埋仔仔去架 ?

bandband

今日我個仔番小一適應班,個老師讚佢乖咗,無星期一咁樣作怪,個老師都幾nice同留意我個仔,希望聽日個仔都係咁乖就好囉...

bandband

我個仔今日都開始上堂發呆啦~~~~!!!我諗總好過曳到老師頂唔順佢卦...起碼老師都唔會覺得佢曳...不過我依家仲諗緊好唔好再俾佢食番魚油丸,早排佢咁曳,我又是停咗無俾佢食...我怕又俾佢食,佢會响小學度發癲...真係煩惱!!!

stellacl 寫道:
bandband :

恭喜恭喜 ! 不過要睇定d, 唔係嚇你, 因為我仔仔個老師都係甘同我講, 因為一開始未熟, 所以d 曳野未出喎...  

ALAL : 我朝早見仔仔未入課室上堂前,  在操場走黎走去自己玩, 人地 liu 佢玩, 佢都唔蘇人...

bandband

基本上我隻仔都會係咁,一講嘢叻咗就開始招積,明顯地俾之前曳咗...

mrsphcheung 寫道:
Dear all,
Do you have the experience that when your child speaks better, he is more naughty?

bandband

咁曳豬?!不過總好過佢唔講嘢既...我個仔好奇怪...唔知係咪對小學啲老師同學唔多熟呢...今日已經番咗五日小一適應班,個老師既評語竟然話佢好乖,但唔睬人好cool... 完全同幼兒園既評價相反~~!!!不過唔好話我衰...我反而寧願佢係咁...始終我至擔心佢會打人多過玩文靜....不過我都會專注去糾正一下佢,佢咁樣自己諗自己嘢,成日响課堂度發夢都唔係辦法...等我試吓再keep住俾佢日日食魚油,睇吓會唔會真係好啲...

我今日已經幫個仔報咗名學鋼琴~!响屋企附近,細細間又唔算太貴...我諗住俾佢學一頭半個月先,如果個老師教得佢掂就繼續學,否則等到我買到二手琴時,就同佢轉老師,因為我老公個朋友咁啱又幫我地搵咗個老師係可以上我地屋企教,始終人地上門教會好啲,至少我地唔駛咁頻撲嘛!話就話依家報咗嗰間係屋企附近,但都要行幾個字至到...仲要一朝早... 好驚我呢個爛瞓媽咪又是唔知醒起身...真係~~~

mrsphcheung 寫道:
bandband,
我隻仔重用說話蝦唔講話的小朋友, 曳,曳,曳.   

bandband

我個仔又發燒喇...不過都只係37點幾...搞到今日無得去小一適應班添...仲要係兩堂(上晝一堂,下晝另一堂...)... 不過家吓個仔响屋企好精神,係除咗落街買面包食時佢又啲辛苦行唔到咁遠(佢話怕自己會嘔喎...)之外...不過佢到好好胃口,我買咗咁多面包,佢一番到屋企已經响度猛咁食,食到家吓都仲食緊... 希望快啲好番啦! 否則我諗我呢幾日又要陪佢悶响屋企度唔出得街玩....     

mrsphcheung 寫道:
bandband,
加油, 努力!      

bandband

家吓我個仔又無事喇~!無啦啦淨發燒,真係唔知乜解救... 不過隻仔呢次又是講嘢老積咗~!頭先我老公叫我地出發去出街食飯,我個仔即刻同老豆講:"你自己一個人去食啦~!我同媽咪兩個人留响屋企~!" 真係傷盡老豆心~~~!!!     

kmwun 寫道:
get well soon la !

[quote]
bandband 寫道:
我個仔又發燒喇...不過都只係37點幾...搞到今日無得去小一適應班添...仲要係兩堂(上晝一堂,下晝另一堂...)... 不過家吓個仔响屋企好精神,係除咗落街買面包食時佢又啲辛苦行唔到咁遠(佢話怕自己會嘔喎...)之外...不過佢到好好胃口,我買咗咁多面包,佢一番到屋企已經响度猛咁食,食到家吓都仲食緊... 希望快啲好番啦! 否則我諗我呢幾日又要陪佢悶响屋企度唔出得街玩....     

[/quote]

bandband

STELLA,

其實我個仔响晏晝已經退咗燒,我都有諗過照帶佢嚟參加畢業禮...但係見佢落街買面包食都話攰要抱,所以最後都無嚟...

就等我地GATHERING再見面啦~~~!!!

stellacl 寫道:
bandband

唔怪得星期六小一預備班畢業禮唔見你啦 !
細路仔係甘架, 有時燒1, 2 日就退番燒, e生話有時係過濾性病毒, 唔係細菌性感染喎.  而家好番咪好lor !
我地下次要食飯見喇 ! [quote]
bandband 寫道:
我個仔又發燒喇...不過都只係37點幾...搞到今日無得去小一適應班添...仲要係兩堂(上晝一堂,下晝另一堂...)...

bandband

JOEY 媽媽,

我個仔都係無味覺架...所以佢食親魚油都食得津津有味~!!暫時我俾佢食番,佢又無再發癲...我諗佢適應咗喇卦... 你買嗰隻醒目DHA幾錢一樽???幾多粒?貴唔貴架?因為GNC嗰隻一百蚊都唔駛,都好平,同埋我老豆都食緊...我諗應該無事卦...我大佬都叫我俾個仔食咗三個月先,如果真係太百厭先至再同佢轉第二隻牌子...還掂已經買咗兩樽...惟有食埋佢至算啦...

joey媽媽 寫道:
bandband
   近日睇你話比仔仔食DＨＡ有ｄ唔同轉變,呢2 日我都開始比我仔仔食,唔知是否有關係,呀仔講野真好似多左同醒目左D,不過我是要迫佢食，而我個女就好似無味覺食得津津有味
　係呢，你們仔仔食開邊隻，我有朋友叫我買ＧＮＣ，但我見到列明是成人服食，所以我後來買了醒目DＨＡ，唔知你點睇    ＯＫ嗎

bandband

我嗰隻係GNC FISH OIL 1000,佢都係寫明話係ADULT USE ONLY...不過我大佬話應該無問題,話嗰啲係純魚油,又唔係咩化學嘢,同食魚一樣,所以話無事喎...咁我個仔食完除咗係曳啲之外就真係無咩問題發生...我就係嫌出面其他DHA貴,所以至買GNC呢隻...我諗應該無問題卦...

joey媽媽 寫道:
GNC嗰隻一百蚊都唔駛,咁平 嗰隻醒目DHA$288一樽,90粒. 我都是第一次買咋,因剛剛萬寧有優惠好似係$438 兩樽 我都唔知好唔好,我家姐話應OK,我都係買了兩樽比佢地試下咋 GNC嗰隻是小朋友食嗎?

bandband

不過我認為嗰啲係純天然魚油,應該唔關事,我諗佢指只供成人服用,係因為粒丸好大粒,怕啲小朋友就咁吞會窒息啫...!

今日我同個仔去咗睇露寶治的世界!個仔揀咗睇英文版,超級好睇呀~!我個仔雖則聽唔明啲雞腸,但都睇得好入神同興奮~!由今日開始,我同仔仔日日都有節目,今日睇戲同去圖書館睇書,聽日我地會去科學館~!總之就唔會就咁响屋企浪費時光啦~! 希望我捱得住...事關今日我就算已經搽咗防晒,我塊月球表臉都係抵唔到汗水同紫外光...又紅又乾又腫~! 頭先我一番到屋企就即刻卸咗啲防哂然後即刻敷保濕~!家吓至無咁痛同埋紅咋...!!!     

stellacl 寫道:
joey媽媽

終於見你鋪番出黎 !  唔緊要啦, 下次再約gathering就你時間丫.

bandband : 會唔會係你隻dha 係 for adults only, 所以你仔仔食左會曳左呀 ?

bandband

但至怕搞到佢興奮過頭咋~!頭先睇完戲食完老麥(我唔俾佢飲汽水,剩係飲清水),去到圖書館佢已經失控喇... 睇嚟我都要重新計劃吓每日行程,等佢都有得休息吓先...     

stellacl 寫道:
"露寶字的世界" 好睇嗎 ?  本來上個weekend都想帶仔女去睇, 不過都係等遲d 果套 doraxmon上畫至去睇.

你就好啦, 甘多節目 ! 仲有成個月暑假, 有排玩, 仔仔肯定開心c 啦!

bandband

我今日同個仔去咗科學館,都好多嘢睇~!我一點去睇到差唔多五點都睇/玩唔哂裡面啲展品~!值得一睇~!同埋我又係買咗博物館週票,一星期七日內任去博物館/太空館/科學館參觀~!真係好抵玩~!物超所值~!至少個仔又有得玩又有嘢學,同埋就咁去呢啲地方參觀已經用咗成個星期~!包唔會無節目~!

bandband

係呀,我老豆食緊嗰隻fish oil...我大佬話想老豆食多啲dha,等佢無咁易老人痴呆嘛...同埋,早前睇啲資料,話魚油定係dha都有助降低膽固醇...應該都啱我老豆食既...無計!GNC係得一隻dha,唔同美國嗰邊有多啲選擇.

stellacl 寫道:
bandband

GNC 在尖沙咀加拿芬道開左間新店, 你食緊果隻 DHA, $1XX 有2樽 wor, 不過我問過佢地係for age above 12, so just for your reference only, 因為我記得你爸爸好似食緊

bandband

=.=可惜我大佬買俾我嗰幾樽我個仔仲未食哂...但我會叫大佬買定俾我老豆食先~~~

stellacl 寫道:
bandband

我就係想話比你聽, 新店(尖沙咀加拿芬道) 做緊 promotion, $1xx有2樽呀...

bandband

joey媽媽,

我個仔上星期六已經上完佢既小一適應班...我個仔都番得幾開心,可能有人再响學校度標榜'佢打人',所以就算佢點唔正經都好,啲同學同埋老師都好鐘意佢~! 呢樣係我感到欣慰既! 啱啱嗰星期六我個仔番小學參加'小一適應班結業禮',佢有得台上表演,雖則佢表演得唔太正經(一時响度自己同同學玩,一時就係咁二做吓幾個表演動作同唱吓歌...),但係老師都讚佢有進步,算係咁啦吓話!

不過打後呢幾個禮拜我都要plan吓我同個仔去邊度玩... 我今日要執屋呀,部鋼琴會响星期三送到嚟... 依家我仲頭痛緊由邊度執起...認真頭痕~~~!!!

joey媽媽 寫道:
各位
  你們仔仔學校有新生適應班嗎?我得一日咋,仲係得兩個鐘適應 你們仔仔有去自己小學玩活動或參觀嗎?他們反應如何
  我仔仔今早會去自己小學活動(自費),今早返學佢無抗拒但想我陪佢留低,有位姨姨幫我同佢講數,我走出門口時我開始有d擔心究竟佢係學校會點呢？剛剛這位姨姨打來提我
１２：００接放學，我順便一問我走了之後仔仔情況，她說：沒有甚麼問題．
咁我又將仔仔情況略略講下，呢位姨姨話明白的，因我亦有一位唐氏小朋友．我聽了之後暫時放心了，因為同路人照顧我諗都會好ｄ (呢個活動是學校教會攪,從一個我對佢地都陌生而我又無從旁環境下,呀仔真不知會否適應了)

但如果過了呢關就好了