我的孩子評為邊緣讀寫障礙

yywhk

唔好太擔心, 我囝囝兩年前都有咁o既問題,但而家我覺得佢都算應付得好好......仲叻過好多冇問題o既同學添!

我覺得早發現好過遲發現,大部份學校都唔會提供好多額外資源,我囝囝間學校都係考試俾d調息佢,但我地冇用到,父母o既支持同支援係最重要架! 小一小二d功課都未算好多,咁就要下多d苦功同時間幫吓佢嘞!

yywhk

montery,

你囡囡咁識諗又好乖,你同佢都唔好為一時o既分數唔開心,佢肯努力,我信佢一定可以某程度上克服,但你唔好太樂觀諗住佢可以完全克服,我覺得始終點都係會有小小瑕疵架......不過我都好滿足好滿足lu...... :

如果你唔介意,我個經歷都幾長.....坦白講,我囝囝真係算好好彩,佢情況比較特別,英文好好,好到可以唔温書都有八九十分,但中文就......好努力温都頂多係七八十分......咁我當時係集中火力温中文咋...佢小一時成日寫錯字,連個"花"字(k2 學咗寫咗, k3默過晒)响課外讀默都寫錯......仲有"狗爪邊"同"剔手邊"成日撈亂晒....等等..抄寫又慢,抄一個生字佢幾乎寫一筆望一筆.......都仲要抄錯, 抄一行生字,又可以寫寫吓甩咗d筆劃,第一個字同最尾個字時時都係唔同樣o既, ,我係全職媽媽,亦有工人幫手,但為咗要教佢認字寫,都死咗唔少細胞,同喊過....   

話說佢k3時,我都已經sense到佢有d唔係好妥,因佢好有心機想寫靚字,但始終d字都係好醜樣,亦有左右部份掉轉,上下部份掉轉等,但因為佢其他方面都好好,即使我懷疑佢係有讀寫問題,但連老師校長都以為佢係小肌肉發展較慢,叫我留意但唔駛佢評估住...

未被評時,,因為佢短期記性超好,d字温好晒第二日默都啱得七七八八 (幼稚園咪冇問題,)但到咗小學,學校默完書過一兩日要佢寫,作句之類,佢又會寫錯甚至完全冇印象.
不過當時因我一早有懷疑,所以已經開始留意教讀寫障礙認字,記字d方法.....所以小一一開波我已經係當佢讀障咁用一個個故事教佢認字......真係幾乎一個生字作一個故仔幫佢記咁滯 .......(好在我作故仔好叻 )

而我自己亦一路留意住呢方面資料同不斷上d課程了解多d,係一開學冇耐個中文科老師同我傾開小朋友進度而同我講小朋友會唔會係讀障架.... 咁我即時開始排期,都等到小一下學期,佢先有機會接受大口環初步評估,係懷疑個案,醫管局將個case refer俾教統局,同知會學校,於是校方社工開file跟進,社工亦俾咗一份"讀寫樂"同一d幫助讀障o既電腦software俾佢玩吓咁.....另外亦教我用每日默十個生字o既方法......

.......續

yywhk

      

我下晝打咗一大堆嘢......點知一時錯手,按多咗吓backspace......冇晒呀....................好慘......即管再打多次啦........但冇晒心機同好大陰影呀.......


........續上:

當囝囝開始用每日重覆默十個生字呢個方法同認識咗讀寫樂入面教o既"形符"同"聲符"之後,佢慢慢開始有dd改善,社工亦有提我,寫俾佢o既改正d字頭要用顏色筆去"突顯"佢錯咗o既筆劃應該係點寫,等佢唔駛嘥時間同精神去辨別錯咗d咩.當時我同囝囝講,知道佢學中文學得好吃力,所以媽媽去學d特別方法等佢學得輕鬆少少,佢好受落,好合作.

過咗兩個月左右,同佢温中文默書我都覺輕鬆咗,唔一定要用故仔幫佢記,可能佢英文好,佢好buy "形符""聲符"呢一套,有時我提一提佢...."記唔記得個形符/聲符"呀...咁佢好多時就會有d印象點寫....但到咗正式評估,佢o既報告都係話佢係 marginal dyslexia 同 gifted.  

我同老公商量後,決定將佢讀障嗰部份詳細解釋俾囝囝知,但另外嗰部份,就輕輕帶過,話專家都覺佢係好聰明....我地兩夫婦係好serious咁同囝囝討論架.....表示爹o地媽咪會全力支持佢打呢場仗,又好有信心佢可以克服呢個困難,仲同佢商量埋學校俾佢考試o既調息(加時/放大試卷/重組字句唔需要成句抄淨寫次序之類),問佢自己想唔想接受,我地係同佢分析要同唔要o既利弊,同埋俾佢知我地o既想法,但最後係會尊重佢o既選擇囉.......好在佢都揀唔用.....

我地本來對佢o既期望係好高,預佢科科都攞到9x分架....但我都同佢講,知佢o既困難,所以所有用中文o既科暫時降低要求到8x分,但我地都有信心,佢遲早d中文一定會追番上去......

........待續..........

yywhk

yuki123lam,

今日忙住一早同細囡去學校開小一家長會,好忙又冇乜心機(間學校係幾好,但唔係第一二志願,我仲係叩緊門).....尋日又打打吓冇晒.....

Anyway,學校社工第一份俾我地o既資料叫"讀寫樂",係教統局(?定係教署?)專門出版俾學校(應該每間學校最少有一個copy),俾d有讀障o既小朋友用,免費借,(仲好似係冇copyright,可以影印o既),另外學校借過一d光碟好似係叫"文字國"咁,係d電腦遊戲(社工又係叫我方便可以抄番套俾自己用,唔駛keep住佢第個學生想借又冇)......我其實最記得囝囝第一套接觸幫佢認字o既概念係"形符"同"聲符"......部首對小一生嚟講反而可能係深d o既一套概念, 但如果你小朋友已經小二咁學校都會開始教部首嘞,俾佢接觸吓,睇吓佢受邊套多啦!

不過以上已經係兩年前資料,去年大約好似三月左右,我聽
新聞好似教統局發展咗套新書/軟件,(可能因"讀寫樂"都幾舊吓啦),但我當時問社工,佢話冇消息......(你都知政府做嘢可以慢過蝸牛),我又冇追佢,到今年一開學,囝囝學校個新社工又介紹過一套"星願小王子(?)",係最新發展一套光碟(唔係教統局架),但因我見囝囝已經應付得幾好,就冇再俾佢玩嘞. 我建議你一定要揾學校社工傾吓,佢地點都應該有d資料架.

yywhk

fitceo,

唔好客氣,回想當初我confirm囝囝有讀障曾喊了好幾次  , 我覺得囝囝好慘.....以為佢無可能"讀得成書"嘞....(因我同老公都係master degree,覺得要俾子女讀書要讀到大學係理所當然o既事)....

但有讀障唔係等如一定讀唔成書,....(當初我聽到有人話讀障係"冇得醫架....成世都係咁上下"之類o既說話時,對我嚟講真係好似想判我囝囝"死刑"咁)......既然我覺得囝囝好好彩,打勝咗一場仗,我都好想藉着分享我o既少少經驗支持一吓其他有同樣學障小朋友o既媽咪,好等佢地都陪佢地小朋友一齊打勝佢地o既仗....  

yywhk

.....續上...

咁小一嚟講,因為d功課同課程都唔算艱深,囝囝算係安然渡過,暑假一到,囝囝學校暑假就係放暑假,即係冇任何暑期作業同功課嗰種......於是我同佢都放鬆晒......每日重覆默十個字都時做時唔做咁啦  ,本來教統局教育心理學家係建議我地可以同囝囝趁暑假準備定來年課程,(但因每本書都係跳嚟教,有時只教一半咁上下,咁我咪問老師要課程範圍囉),但校方一聽到我地問來年課程,就好似觸動咗佢地一d"國家機密咁",不但唔肯透露半點,老公言語間仲同校長搞到有點點不愉快.........眼見温定都可能温錯,咁咪白費囝囝d心機,咁我地都決定算數,等囝囝抖吓氣,過一個開開心心o既暑假罷,但佢每次要求玩電腦遊戲,我都係話:好呀! 但要玩吓d中文字遊戲先噃,玩悶咗? 咁你不如玩下一個學期或者高一年級,試吓得唔得?....如是者佢過了一個非常開心,但我就辛苦到死o既暑假....一日到黑帶佢去暑期活動,又熱又悶(時時等佢放都等到吽..)

到咗小二開學,因為過咗一個咁開心o既暑假.....     慘囉....囝囝出現咗d"返轉頭"現象......

...待續...

yywhk

yuki123lam,

我都要多謝你o既回應,有人回應吓令我覺得真係有人睇我寫d嘢,唔係驚人話我傻架 ...自言自語咁講幾版..

既然你主動提及你仔仔個case,希望你唔好介意我同你分享我o既睇法....(唔啱聽就當睇唔到算啦... )

我覺得呢類評估其實唔可能係百分百準確,因為呢d嘢唔係度高磅重,有一定明確而又無可爭議o既標準,有d似考試, 常識攞一百分個小朋友未必真係咁有常識(佢咁啱讀過晒又記得張試卷考o既嘢啫),唔及格嗰個又唔一定冇常識(可能佢都識d答案,不過身體不適,影響成績)...個分數只係小朋友响嗰一刻,做嗰張試卷o既表現.

唔知你明唔明我想講咩, 但其實我想講個評估結果應該只可以作為家長參考之用, 小朋友平日o既表現先至係我地家長要正視同處理o既......但教統局同學校同家長唔同,佢地資源有限,一定要以評估結果作為一套客觀標準去衡量提供輔導的先後次序(唔係會俾人..... ) 如果你同意咁睇,就唔會覺得咁無奈嘞.

不過,我覺得你態度都已經好積極,好肯為你仔仔主動尋求輔助....雖然學校社工唔會主動幫你地,但如果你向佢表明態度只係向佢地借/問資料,而唔係想為仔仔爭取學校特別向讀障小朋友提供o既額外資源(輔導班之類), 咁佢地d反應可能會好d.但你最好試吓要求社工起碼為仔仔開定/keep 住 個file. 咁佢地有呢方面資料時,佢地應該會主動d通知你,你咪唔駛成日驚有新料收唔到囉!  ("星願小王子"d料我都係咁收到咋...)

總之,你仔仔評估出嚟唔係差,最重要係佢又冇行為問題,咁其實你可以放心好多......我眼見我囝囝學校d高年級讀障小朋友,好多都坐唔定,又唔同家長合作,真係想幫都唔知點幫.... 你趁仔仔低年級,功課冇咁多,又仲肯聽話(好多時小朋友到咗小三小四會開始多咗自己主意又冇咁聽話),多d幫吓佢,真係會事半功倍架......

大家一齊努力呀    .......(我個囝囝出年小四,真係比以前開始曵咗dd,囡囡又要適應小一......有排忙!)

yywhk

ccaa,

其實我而家已經唔再當囝囝有任何讀障嘞,佢仍時有寫錯字,但只係同一般小朋友咁上下囉,或者偶然會差少少.

但幾個星期前佢試過一次默書寫錯手冊(寫錯下一星期),默書嗰日佢一放學返嚟立即報告話:原來今日默書呀!媽咪!..... :evil: 我個心馬上一沉..........................點知佢都好彩唔駛食蛋.....合格......仲有8x分添 ...... (可能係我叫佢早d開始温習考試範圍,咁默書嗰課課文佢多多少少都有d印象,而課外嗰部份錯字又只扣一分咁啦!)

其實嗰次我真係好開心,但我幾大都忍住冇表露出嚟, 仲好嚴肅咁同佢講話:好彩今次唔係背默咋,唔係你實食蛋啦,下次抄手冊唔該你要小心d嘞...第二次未必有咁好彩架.....

佢行開咗之後,我係忍唔住開心到眼濕濕咁 ....

ccaa 寫道:

yywhk, 我個女同你一樣升小四, 你講得對有時評估ga野好難定準則,所以大家不要介懷評估結果...

yywhk

montery,

好想同你講......如果連父母都唔接受小朋友有學障o既事實,同主動幫助自己小朋友解決困難,我唔覺得旁人可以幫得幾多......

無可否認,客觀環境同條件(如居住地點 eg市區vs郊區, 同經濟環境)係好影響家長能夠提供o既實際支援,但心理上支持同合理期望(of which係應該唔受客觀環境同條件）都好影響小朋友o既學習態度.

我唔係話教小朋友只係有一個方法,但我覺得我採取o既態度係同你剛好相反....(我仲未寫到囝囝二年級情況,但其實嗰年係佢發展o既轉捩點,我同佢都好積極同intensive咁做咗好多好多嘢, 佢嗰年係多嘢做到我都心痛,驚佢頂唔順架! ),而我o既態度係即使佢唔係好嚴重,我都想用重d藥去幫佢,.....連好嚴重問題都係咁教,小小問題嗰d咪有機會會好番晒?----呢個係我o既想法.

我見你寫你囡囡一温習就發晒脾氣,我想你暫時抽離一吓 ----以一個普通小朋友來說,唔温習又點可能識,又有幾大機會考取好成績? 我雖然係話唔好為一時o既成績而唔開心, 但唔好誤會代表我唔追求長遠o既好成績,我今年已經同囝囝講不論用中文定係英文o既科目,目標分數係90分或以上,in fact,英文科係嚴d要95分以上添! (但佢係咪真係全部可以達到又當然係另一回事....)

我想講我降低中文科分數o既目的只係要把目標訂在合理水平,如果唔係佢根本唔會有心機去達到目標, 而合理水平就真係因人而異,相信只有父母同有經驗o既本科老師先會較清楚.

但最重要o既始終係唔好一開始就咁睇重佢o既分數,而係要睇佢付出幾多努力......囝囝一年級佢肯用心温習,佢一考完試當日我就去學校接佢放學帶佢去海洋公園.....佢d同學仔仲同佢講話:嘩!你媽咪都仲未知你幾多分喎?!    咁快去玩?....但努力過去温習,個分點都冇可能會差過唔努力啩?????

如果你覺得啱聽,即管試吓從學習態度入手,温書唔一定係要佢淨係捧住本書o既...用字咭,白板,背吓書,作吓句,我自己諗咗好多好多不同方法去幫囝囝,但我囝囝啱用o既,你囡囡情況唔同又未必啱...但我覺得每日默十個字呢個方法比較簡單,佔用時間又唔多,十分鐘左右就夠,但唔知你有冇留意唔係每日"温"十個生字....而係每日"默"十個字左右(開始時如果佢好抗拒咁可以五個字開始,慢慢加上去),錯咗要佢寫改正(但大人要幫佢寫"字頭",同用顏色筆突顯佢錯咗嗰部份o既正確寫法,我唔會逼佢改正要寫幾多次,係叫佢自己判斷吓識寫個字未,真係識就一個都唔改都冇問題,但我囝囝通常都真係判斷到起碼七八成),但即使佢啱咗第二日都係重覆再默,直至佢一個字連續(唔係所有字,每個字係單獨計o既,但係一定要連續)啱四五日咁先可以轉過一個生字 (即係斷咗一日都要重新計過). 我估你日日温十個生字可能冇用,因為佢地過幾日好容易又可以唔記得.社工話佢地要連續啱四五日先至係真正記到個字點寫架!

以上如果你覺得唔啱聽,就當睇唔到,唔好唔開心! 總之俾心機幫吓囡囡,佢一定會有進步o既!!!

yywhk

ccaa,

   背默喎!       如果小朋友受(即係有效果,)就係好方法.

"一日默十個字"一套方法係社工教我o既, 唔係我諗出嚟架    ,但改正字數就係我o既心得(一來唔好逼d小朋友嘥時間做d佢地已經識o既嘢,二可以俾番d信任佢,信佢可以決定温幾多,又令佢負番自己要温習呢個責任) --- 我會自己用本簿仔一行寫低一個我想同佢温o既字,之後成行d位就留空,並每日mark低佢係啱定錯 "26/6 v 27/6 x 28/6 v 29/6 v.......之類(v係剔,x係交义嚟,唔識打 )", 咁就好一目了然,唔駛日日揾....

呢個方法好處係:就算有d字難以用形/聲符,故事,又或者部首去記...例如"可以","仍然","而且"呢d字,默多幾日都一定可以記到.   

yywhk

yokilau,

多謝你回應,我都同意我囝囝係好彩,好彩在佢早發現同揾到方法開始治療改善....

你小朋友幾大? 評估報告算唔算嚴重? 無論如何, 佢肯俾心機日日去温,就點都唔好責怪佢.試吓好似我咁,佢一考完試,測完驗就即日獎勵佢, 一科有心機温就一科科咁獎吓佢都得架(有時我特登煮味佢最鍾意食o既餸都會聲明係獎勵嚟架嘞, 唔一定用好多錢,或要帶佢去街) , 其實小朋友努力但得唔到好成績响同學仔間已經好多壓力......做家長要俾好多好多支持,佢地先唔會放棄......我囝囝都曾同我講過d同學仔奚落佢o既說話俾番我聽, 我聽到都想喊   ......

不過, 你肯早成個星期同佢開始温習,你都係一個肯同小朋友並肩作戰o既媽咪,問題係要揾個適合佢o既方法啫,你唔介意可以大家研究吓噃!  

yywhk

Dear All,

我見大家有分享同回應,真係好開心......但我一人得兩隻手一個腦,打字又唔算快,不如我短短地回應吓想分享o既媽咪,唔係唔再傾,只係想快d寫埋我囝囝二年級發生o既事,因為如果太零碎咁講,覺得d資料有用o既媽咪可能睇得好亂....但大家有興趣知清楚d即管post上嚟一齊研究吓

montery,

你點名回應分享,咁我放心d今次我冇得罪人.....因我有時都會主觀咗,擔心會講錯嘢唔知架...

anyway,我睇到一半你個post就估你囡囡係冇自信,......自信心培養唔係一朝一夕可以建立....但你囡囡似乎都介意daddy o既角色,咁你對佢講清楚後佢開心番已經係好明顯.....你有冇 d replacement 角色 (如外公,舅父), 可能或多或少都會幫佢多d. 另外,你要揾佢最擅長o既本領入手,我囝囝把口叻,英文又幾好,咁俾佢參加朗誦節比賽咪啱囉! (至正係佢真係攞到獎).....如果畫畫好,咪通屋貼佢d大作囉!! 再唔係,你把佢d大作編輯為成(相)册,俾佢威吓,可能都得架! 同佢傾多d計,問吓佢鍾唔鍾意咁樣表揚佢o既長處.....最了解你囡囡o既應該係你, 快d發掘吓啦!

至於默十個字....佢咁抗拒,你要落吓藥....話媽咪專登(好辛苦咁)抽時間為佢去學習,學咗一套好好o既新方法去幫佢,有d人話得喎,你都好想試吓佢啱唔啱用.....又係嗰句,你至係佢媽咪,你應該清楚點樣佢至會受囉! 仲有你唔好一開始就十個字又中又英惡補咁貪心嘞.....佢咁抗拒,你選定一樣由五個字開始先啦,一個星期左右,佢應該可以分出係冇乜壓力,肯加字架嘞.......and,英文我唔係好清楚用同樣方法得唔得,但我自己就一定唔會用呢個方法去温英文默書囉......似乎係應該學phonics 多d.

yywhk

ccaa,

每間學校對讀障調適係唔同架....我囝嗰間offer俾佢o既只有"放大試卷,加時,同重組字句唔駛成句抄---只寫number 咋",平日係冇任調適架. 考試要求加時的話,就要係同同學仔分房考, 我地唔喜歡咁o既安排,覺得即使佢成績係好咗都會影響囝囝信心同發展,結果係冇採納過......

我好同意你所講明白了解問題所在之後,對自己同小朋友都反而係一份心理上釋放.....我曾擔心過囝囝唔接受自己o既問題,但意外地,佢係好接受,仲係好釋然嗰隻添!

yywhk

yywhk

yywhk

Kechpchg,

唔好意思呀,....較早我post過一次覆你,但bk出現error,出唔到個post,反應又極慢,囝囝仲要係咁催我佢都要用電腦......

簡單來說你囝囝情況同我個好似喎,咁唔好擔心....

馬上開始寫二年級階段.....
      :evil:  :cry: ...            ....百感交集篇..

yywhk

.....續上...

話說囝囝二年級一開學,我覺得佢有少少返轉頭現象,係指佢又d字開始唔記得,但多數係 "的而且確"呢類比較抽象o既字...仲有佢寫d字一開學又醜咗又慢咗....

但佢响大口環d評估開始出報告,物理治療師comments為 clumsy,但冇大問題....即係可以唔做嘢就唔做啦....,老實說,我眼見都覺佢個人論盡,但都唔算係大問題, 又都唔想囝囝請太多假做d無謂嘢....close file

但職業治療師(OT)方面就覺佢協調有問題....但冇詳細書面報告睇,只有口頭解釋...OT好簡單咁教咗我同佢做小小練習,包括剪紙同一d大小肌肉訓練呀咁......跟住要等兩個月先再有覆診.....我心諗:咁就算係訓練?

..待續....

yywhk

.....續上...

結果一方面我從新同佢再用番舊年用過o既訓練, 另同佢揾到 灣仔小童羣益會有讀障班,另外中環中心地庫又有 聖雅各福羣會都有辦讀障班......我兩邊都同佢報晒....藥石亂投嘛....而且呢d班好麻煩,最少幾個月先開一次,而你一miss咗,佢多數唔會俾你插班,叫你報下一期喎.....除非佢好唔夠人啦......我唔想再等....咪係唔係都報咗先囉!

前者收費好平,好似係三幾百蚊六堂,但囝囝話d 嘢基本上佢學讀寫樂同d電腦中文遊戲都接觸過,主要係教佢地點去認一個中文字,初班完咗會有中班,延續一下咁....另外都有d眼手協調之類訓練......但因囝囝學咗一期唔想學,佢又太多課外活動,時間唔夠用,就冇延續嘞

後者就貴d...一期好似係五堂,約六七百蚊,但課程係連續性一年咁分五期(唔記得太清楚)....但總之全年係用咗我四五千蚊左右......

另外我俾囝囝上咗幾個月毛筆字課....出乎意料之外....一向唔鍾意攞起支筆o既佢居然好鍾意喎,仲好俾心機去寫添.....

在我自己方面,除咗同前年一樣時常去圖書館同上網揾資料同上d親職課程外,我終於留意到原來有一d讀障家長班.....我唔想响自己對讀障一知半解o既情況下"任人劏",因為一般私人機構d OT,學障輔導o既質素良莠不齊,因我係全職媽媽,有工人姐姐幫忙家務,咁最多o既就係囝囡返咗學之後o既空餘時間....我分別上過"協康會"同"小童羣益會"....我覺得自己親自上咗呢d班先至係真正清楚明白讀障係咩一回事,亦同時有機會感受一吓佢地日日(甚至時刻)都要面對的困難   .....同時我上開o既 HKU SPACE 同 救世軍合辦o既親職課程 亦講到第三期 ---提昇學習動機.. (第一期係 EQ情緒 ,第二期係 AQ 我都响囝囝一年級嗰年上咗)...真係咁啱咁橋...三期都係响我頭痛緊囝囝D問題時開課上嚟幫我解決問題o既......我自己雖然一向信奉"happy go lucky"...但即使我地一家唔係教徒,不過囝囝一直讀教會學校,連我都真係開始有d懷疑係神o既意旨囉......

(以上及日後我提及的機構,全都是政府,非牟利團體,全冇賣廣告成份架....因我屋企得一個人揾錢四五六七八個人使,我都好孤寒唔會亂使錢.....大家放心睇落去啦.....    )

....待續.....

yywhk

ccaa,

如果你囡囡讀得開心, 咁我就建議唔好掉組住嘞.等佢多d信心先.

其實真係人人情況唔同, 我同囝囝傾佢想唔想加時嗰陣, 問過佢其實一般佢都係做得晒,有時好彩仲有dd時間番check部份答案添,咁我地衡量過佢既然又唔係做唔晒, 分咗房考又驚佢d口衰同學仔踩佢, 同埋我囝囝係完美主義者, 就算加時俾佢考到第一,呢個囝都係會耿耿於懷,咁又何必呢? 索性由佢同人公平競爭,反正佢都算係中流,最多咪跌十名八名,都唔係好傷...(我都做到少少"讀書不是求分數"架..  )

但有一點我到而家都搞唔清楚,希望有人可以好肯定咁答我o既係: d學障兒童响公開試究竟有冇調適架????????

我當初以為冇,所以盡量 push 囝囝同別人看齊, 但二年級個社工同我講話可以有調適.....但最近至知原來好似係要考公開試之前同考試局申請,並且要再通過評估決定批唔批,同好似唔係一次過全科批,唔知係一科科定係點....總之都唔係咁straight forward.

anyway, 我都係奉勸各位媽媽一句, emb 指令小學o既所謂調適其實都唔知係唔係"糖衣毒藥" (我語氣可能較重會令大家有d不安, sorry!),因為d學障小朋友讀書冇咁辛苦,d家長咪冇咁大聲嘈要求多d資源去輔導呢d小朋友囉!

但大家諗深一層,如果呈分小五小六都仲可以調適, 咁上到中學又點 (我睇新聞見過有d話搞到好 le hei), 到咗會考或公開試又點,係咪仲可以一直安排調適架????? 為安全計,我始終建議大家唔好太安於學校給予o既調適安排,長遠目標始終都係要盡量提昇小朋友o既讀寫能力....調適只可視作為過渡安排,用嚟恢復小朋友o既信心同加強佢地o既學習動機的工具之一嚟咋.

最後, 我係分階段咁同囝囝講佢d讀障o既, "十隻手指有長短", 佢最短嗰隻係佢d中文.....   

yywhk

ccaa,

同意你所講.....漫漫長路.....仲起碼有成十年佢地至讀完書呀......

yuki123lam,

唔好客氣,其實相對其他媽咪,我可能係多dd時間去發掘資料啫.....你覺得有用就最好啦!!

你話我囝囝幸福,其實我都覺得有咗呢個"傻更更"o既囝囝同樣都係好幸福架....尤其係佢乖嗰陣....    我諗個個媽咪都係咁睇自己小朋友架....  

總之,大家有資料一齊分享吓就win win situation 囉,如果單靠學校或政府,睇怕大家都係 日日