我的孩子評為邊緣讀寫障礙

yywhk

.....續上...

我介紹呢d資料, 其實係想分享一吓上過讀障家長班係學到好多嘢....可能有d媽咪都知(但未必個個都知)讀障係分幾種,而不同能力o既差異就需要不同治療.....簡單來說,佢寫字慢,究竟佢問題係大肌肉發展?定係小肌肉發展?定係佢眼手協調?定係佢短期記憶?係可以有好多好多不同問題o既combination 而導致讀障現象......上咗堂我至知用執筆膠原來唔一定係好, depends 小朋友情況.....

雖然,去揾OT或者d讀障班會同佢地做訓練,但始終我又係嗰句 小朋友係父母至最清楚佢日常學習o既情況, 咁如果我知多d,咪唔會太多浪費時間响d對佢來說係無謂o既練習囉!

如果有媽咪考慮, 我 highly recommend 協康會o既一個為期幾日(total 約10-12 小時) o既課程,我上嗰次個OT講得十分有系統,清楚同詳細, 我每次上堂久唔久個腦就好似會"叮"一聲咁....因為佢講D嘢我囝囝中晒.... 我都係上完堂至可以認清囝囝o既問題方向....佢仲有配合每一個問題教家長可以點樣响屋企做訓練.....(我驚自己聽唔切,仲靜雞雞錄咗音重聽.....應該係唔俾架 - 但為咗囝囝...冇辦法對唔住都要一次嘞  )

如果真係抽唔出時間,我見過佢地都有d半日雞精course,但唔駛上都估到時間得咁少, 一定冇咁詳細啦......

....待續....

yywhk

ccaa,

唔好客氣,你覺得d資料有用就好嘞!!!

雖然我上bk目的之一係練打字,但都唔想自說自話o既,有人睇吓我寫d嘢開心d....  

yywhk

(呢幾日假期,日間多數要陪大少二小姐去街,唔得閒上咁多bk, 快手寫多少少重點,但唔詳細講太多,遲d得閒再補充番,等各位媽咪呢幾日得閒plan暑期活動時參考)

.....續上.....

除咗家長課程我會recommend 要上,仲有小朋友一定要有運動同活動.....打乒乓球可以訓練眼手協調,游水可以放鬆,跳舞可以訓練專心聽同腦+手腳協調,其實每種運動同活動(學樂器,手工,繪畫等等)都有一定好處....點揀? 我就1.小朋友意願,2. 可行性, 3.益處,  三方面都一併考慮,亦都會同囝囝商量吓o既....

唔好睇少呢d活動同運動, 呢d將係你地日後o既紅蘿蔔嚟架.......

另外,一點好重要係唔好一次逼佢地做太長時間,小一小二學生,一般集中力大約都係last卅分鐘咋, 就需要有一個五至十分鐘小休,(個別具體情況父母應自己按小朋友情況掌握)....呢點非常重要....家長陪小朋友做功課温書同做訓練都一定要嚴格執行,即使小朋友話唔攰,都俾佢break 三五分鐘行吓飲杯水.....  

用咗以上o既原則,我囝囝從來未試過做功課做到深夜o既問題,佢多數係四點多放學,五點多開始做功課,一般七點食飯前做完,好多時仲做埋佢幾個每日一篇之類o既練習, 好偶然佢會做唔切,要食完飯後完成,今學年咁耐,一般晚飯後我地一家係好輕鬆咁捉吓棋,傾吓計,睇報紙呀咁,(温習唔係日日做架 ,)囝囝佢差不多日日係十點就上床瞓......其實真係唔多似讀障喎,隨時好過d懶鬼同學仔添 ....(佢間小學係傳統小學,即係功課量唔會少,但都唔算過份...一日由三兩份至十份都會....中間六七份就最多)...

有人有興趣知點解,我先同大家再講原因....

yywhk

yuki123lam,

如果我冇搞錯,體操應該係訓練大肌肉,手腳同身體各部份協調多d. 眼手協調最好係應該係球類,我o既首選係乒乓球,羽毛球同網球 (對眼要追住個波,然後用手控制球拍去打).....

小肌肉訓練其實唔多响運動方面做到,反而同佢日常剪紙做吓手工,填顏色,但要精細d唔出界,都仲做得到,OT都係俾d咁上下o既訓練我囝囝.當然仲會有做d練力膠訓練添. 我唔知你小朋友情況,但我自己囝囝就有剪紙同填顏色都論盡o既情況出現.  你可以買d畫冊俾佢填色,之後將d公仔剪出嚟,睇吓佢做得好唔好.唔係試吓用十粒廿粒紅綠豆混合,同佢鬥快揀番開都得 (揀豆係我自己諗,唔係OT教架ops:" /> ,唔知得唔得?) 但訓練真係要日日做,唔係未必有效. 如果OT有介紹呢方面訓練,你就多d鼓勵佢做啦.

原文章由 yuki123lam 於 07-7-4 00:19 發表
yywhk,

我都想知多少少呀, 如果妳有時間再 post 出來指教一下我地呀

我仲想問下 , 如果俾小朋友學體操, 對小肌肉方面同埋手眼協調有冇幫助呢 ??

[ 本文章最後由 yywhk 於 07-7-4 09:03 編輯 ]

yywhk

rubytang,

你可能一次睇太多,撈亂咗d發表人添......你講d方法,有d唔係我發表架.....唔覺意滔咗人地光添.....

歡迎大家一齊分享心得

原文章由 rubytang 於 07-7-4 02:15 發表
yywhk,我都幾同意你既方法架, 好似你話用畫板黎練習寫字,我諗我都會學下你架, 睇下亞囝會唔會覺得有興趣d囉,你講話抄歌詞都係另一類既辦法,我囝都好鐘意唱下歌架, 尤其近排果隻學警出更既主題曲,佢成日都會跟住 ...

yywhk

(Dear all,

近日比較忙,我昨日一來係忙緊同細囡寫信叩門o既事,二來放完假bk又轉咗版面.....一時唔識用喎ops:" /> , 因事忙關係,今日又要親自交信, 我要簡短d寫住先,有機會詳細d再講, 但暑假一開始,我地一家就出發去倫敦自遊行十日,下星期都要開始積極安排d行程,可能冇咁多時間上bk 嘞)

...續上....

囝囝做功課快o既原因,係我會不時用吓用紅蘿蔔同棍子.....紅蘿蔔咪就係佢d活動同啫好....棍子咪就係哦吓閙吓打吓(但真係好少要打喎)

其實撇除佢地讀障o既問題,自問身邊o既普通小朋友都會有唔想做功課,dum到阿媽返先肯做o既情況出現.....有學障嗰批,做功課仲慘,分分鐘辛苦過行刑....但我地d小朋友係邊緣啫....咁都係辛苦少少囉,....但dum 功課其實係心理上唔想做多過真係做唔嚟囉...嚴重讀障又除外....呢個係我o既想法.

囝囝喜愛佢o既活動,咁我o既原則就係要佢做完功課先可以做佢o既活動,就係咁簡單...但老實講,偶然亦都有唔work o既時候,就要出動棍子囉...但次數好少,仲會係越來越少添.....

另外,我囝囝二年級下學期响大口環又排到d小組做讀障訓練,一星期一次,學到 一d訓練方法係要自己响屋企做o既...一d我覺得係針對我囝囝問題o既訓練我一定晚晚做,好肯定唔係o既而囝囝又抗拒,就做少d囉....另外,學校臨時又安排導師教佢地做d健腦操之類o既運動,又係要求每晚做,加埋安排好o既活動,囝囝嗰個學期真係每日都忙到不得了,我有提過囝囝好唔好減少d活動,但佢唔想,為咗尊重佢o既意願,咁就大家都幾辛苦咁捱過咗嘞........另外我會俾feedback d OT 同導師,等佢地又俾番d意見我呀咁...

....待續....

[ 本文章最後由 yywhk 於 07-7-4 10:03 編輯 ]

yywhk

rubytang,

其實我都只係讀障兒童家長一個,能夠分享過來人經驗供大家參考....

平心而論,小朋友有家長睇住,一般發展都會係好dd,同親子關係可能會好d,但以我自己嚟講,個人又唔好耐性,又容易發嬲......其實都唔係好適合留响屋企教仔女, 但眼見佢咁樣,自己唔教又點揾人教ah,都冇得揀.....而教仔女已經令我學會收斂咗d脾氣,但江山易改,品性難移.....我始終都係好大脾氣嗰d媽咪嚟......不過好在囝囝EQ高,自省能力又高,咁佢先叫做"撐得住".....或者咁講,我响d讀障家長班,認識過一d家長,佢地都係全職媽咪,但聽佢地講,問題係出現咗好耐,但佢地唔知點幫,拖吓拖吓,小朋友都成十歲先開始覺得仲係咁都要做d咩去幫吓佢啩.....:-| 你話可以點....

照你講,你陪到小朋友o既時間都唔算太少,如果補習班可以令佢自己完成功課,咁都唔算好差.......不過你要小心...聽聞有d缺德補習班係唔識做就俾埋答案d小朋友.,唔係教佢地點做架.....你小朋友個case有d怪係,功課唔算太大問題,但考試測驗就好低分以至捧蛋, ,我覺得你要多d了解先知箇中原因. 如果每晚可以温習,應該唔會太差,但我唔知你小朋友情況真係好難俾意見. 或者咁啦,你先試吓每晚同佢默十個字,同俾佢玩吓d電腦軟件睇吓佢d進度點先啦.另一方面你自己要認識多d讀障,因為咁先可以同d OT,導師同 社工溝通得好d......

我睇多咗書同上過d家長班後,係我自己主動同個 OT提出覺得囝囝書寫困難係因為佢係天生左手仔,但用錯右手去學寫字,因此後來D治療會針對多D呢個問題, 而又係我向OT 提出懷疑囝囝有感覺統合問題,結果又中咗,囝囝而家主要係做感統治療咋....同樣見d導師我都會識得針對我眼見o既懷疑而提出問題, 佢地一般見你都有d認識,會肯詳細d講.......而且如果自己冇呢方面o既知識,佢地講d嘢真係會聽唔明,咁佢地見你唔多明,就梗係唔會想講咁多,免得嘥氣

最近我囡囡k3快畢業,d同學仔寫紀念冊,有個小朋友o既字係幾乎點都睇唔到,我係識佢個名先勉強估到佢寫d咩字...嗰個小朋友有一隻眼係懶惰眼,又要戴眼鏡,咁我估佢係視力問題影响咗佢寫子囉....都唔知佢家長有冇帶佢去評估添?又唔好意思問.....

anyway, 你有心去幫小朋友都唔一定要馬上quit工o既......你睇吓情況點,多d了解問題係咩至再作決定啦....而家就放暑假, 你好好安排善用,可能會好d呢....

最後,我覺得你小朋友可能係視力有d問題,有冇帶佢驗過眼?或者佢係眼手協調有問題, 佢學琴進度如何?快定慢,識唔識睇譜?呢d可能都係一d hints,我之前對囝囝真係有d似福爾摩斯咁抽絲剝繭揾原因....有時都會估錯架.....你估我真係專家嚟咩

我上感統班時學過一招用顏色玻璃紙(黃色/橙色/較淺色o既可能好d)放在白紙/書本上俾小朋友睇,呢招有機會可以幫吓d視力過敏(?都唔係好記得個term 添)....o既小朋友....即係有d小朋友响白紙上睇嘢會覺得好刺眼,因而影响佢讀o既能力....咁簡單,你即管試吓work 唔work 啦.... 要問小朋友佢o既感覺會唔會舒服d睇d字喎!

[ 本文章最後由 yywhk 於 07-7-4 17:03 編輯 ]

yywhk

rubytang,

突然記起,你囝囝可能係追視能力有問題.....

你可以同佢玩吓:用A4紙印d大大隻o既random數字eg 48739536038, 好清楚咁印三幾行,你hold住張紙或貼在牆上(佢o既eye level 高度),叫佢從紙一邊行十步左右到紙另一邊, 一面行一面要讀出d字.....轉吓用中文字又得,英文又得....提高難度就要佢打8字咁行,(咁佢有時係要擰轉頭去讀). 如果佢讀都讀到一舊舊錯晒,咁都知道一個問題囉.....仲有你sure佢視力正常嘛?????

有幾種方法都可以改善,坊間有d書係好似d puzzle 咁,要响圖畫中揾d物件呀,或者响d9x9格d英文字母中揾番一個個o既字出嚟都可能有用,仲有好多種文字遊戲响協康會我都學過架.但年幾前o既事,我印象唔係好深,因我囝囝呢方面唔算太嚴重.係抄黑板家課冊論盡d,但慢慢都有改善.

無論如何,你小朋友小一都有咁大問題,我建議你都係一定要早日揾OT專家幫手,我地呢d只可分享經驗,最驚係提供咗d唔對症o既方法,嘥咗佢d寶貴時間咋.....我諗好多媽咪都同意,小一課程只係快d, 但小二係仲快,小三係好快.....如果小一都追唔上,佢會越來越難追架:-| !    講真心嗰句,我囝囝只係邊緣讀障,我有信心幫到咁上下困難o既媽咪少少ops:" />ops:" /> ,但我懷疑你小朋友係比較嚴重,真係唔想耽誤你小朋友揾OTo既機會呀....經濟上你可唔可以afford 私人OT? 好似協康會(非牟利機構)要$500-600 一小時,仲要排期都唔係即有,你會唔會考慮? 我o既睇法係傳統咁抄多幾次抄到識為止未必係最有效,吓吓揾人讀俾佢聽,咪又係我擔心嗰樣嘢,佢係咪一路到公開試都可以係咁安排先? 我明白你內心會好爭扎,但現實係越早幫佢,佢越容易克服,越遲幫越難幫呀!!!!!:cry:

[ 本文章最後由 yywhk 於 07-7-5 01:14 編輯 ]

yywhk

Dear all,

好心有好報呀! 細囡今日confirm叩門ok, 註埋冊嘞,係我地o既第二志願....好開心呀!忍唔住都想同你地分享埋呀!!!!

不過.......仲想等埋第一志願.....係咪好貪心?????

yywhk

Dear all,

多謝大家回應, 我真係好開心.. ...起碼而家去旅行都唔駛咁心掛掛......第一志願我都一定會等, 但睇怕等到開學後都未定........不過我都係會笑住:loveliness: 咁等....唔駛 咁樣等......

yuki123lam,

想請問吓你舊年去放棄學位嗰間攞番個註冊証時,d學校會唔會留難你或者俾說話你聽/俾臉色你睇架?????? 同埋唔知你有冇資料開咗學先辦轉校手續有冇唔同?

rubytang,

你決定咗俾囝囝點行就好嘞......其實我估labelling 呢樣嘢係好難百分百避免,因把口生响人地度....(有d小朋友把口真係好衰 ),你要同囝囝溝通吓點去面對呢d人同說話, 多d同佢傾計,唔好淨係要佢講,有時我會簡短咁講番我日常發生o既事,開心唔開心都同囝囡分享吓(佢有興趣咪講多d,冇就三兩句咁),慢慢佢地都會事無大小,係唔係都同你講(多都我有時應接不暇添....屋企有兩把口仔嘛),咁就唔駛擔心佢有唔開心o既嘢會收埋唔俾你知啦.

仲有,我始終覺得要維持小朋友有一定自信,佢地先可以保持積極學習態度同面對逆境......呢點好重要,我見你都好好同小朋友講出你對佢o既期望,(唔知你有冇留意合理期望係要review架....即係今年我覺得你可以做到咁咁咁.....一年或半年後...就要按進步或唔好彩退步情況而可能要調整合理期望...咁至會有效推動小朋友去進步)

至於你話分享間小學有乜特別呀.......唔....係好多人都爭住入o既百年老校....好出名嗰個陳太間母校囉.....

ccaa,

你問遺傳o既問題.....我响大口環做初步評估同我填俾教統局份資料佢地都有問及.....我次次都答:daddy寫字都幾醜 ,.睇字又慢又不時會睇錯....屋企所有form都係我負責填....但佢又唔係讀唔到書喎.....我自己估都可能有少少影響架.....

但如果你擔心o既係第一個係咁,咁第二個子女會唔會都有咁o既問題,我就估未必.....我囡囡响班度係全班寫字最快最靚嗰兩三個.....我眼見佢兩兄妹係好大好大分別架......

yywhk

rubytang,

我上次個回應長氣得滯講漏咗添....我係建議你能力許可的話,請私人OT開始同你囝囝做訓練,而唔係做評估呀.....通常一星期至兩只係一堂,佢應該係針對情況,教小朋友同家長/監護人點樣响家中日日做訓練.

我覺得一定要做OT訓練先可以針對個別情況,幫小朋友改善佢邊方面能力不足o既問題,(例如你話o既視覺空間問題),提昇番小朋友o既讀寫能力架.....如果只係揾d普通補習老師,佢又冇讀障方面知識,單靠多讀多寫多抄多做,只可以係事半功倍(Sorry 係事倍功半至啱)......咁辛苦又冇乜進步,小朋友真係好容易放棄. 你之前咪又係用咁上下o既方法....同你估其他讀障d家長唔識用傳統方法咩....但就係好辛苦...又都冇乜成果囉....

另外想講吓,即使係入咗輔導班都唔代表出唔番普通班o既,我囝囝個老師話,佢地學校所有英文同數都有分加強班同輔導班,佢話佢對d輔導班同學講:唔好以為入咗輔導班就覺得係失敗.....俾心機爭取去做輔導班第一名.....都一樣係叻.....咁慢慢d小朋友就有機會執吓位,轉吓班咁架嘞....

你考慮吓啦....

[ 本文章最後由 yywhk 於 07-7-6 19:01 編輯 ]

yywhk

yuki123lam,

唔該晒! 乜辦學人士都咁冇品....我做定d心理準備先,萬一真係咁好彩....都知點應付嘛

yywhk

rubytang

你咁好安排,咁我好放心嘞......其實我地都經歷過誤解小朋友懶或唔專心而無理咁打閙佢地.....真係諗番都好心痛:cry:  , 大家齊齊努力啦,小朋友一定有進步o既! 而且家長陪過佢,一齊幫佢面對困難, 佢地會知架.....真係親子關係都好d.....