請教培正小學用家意見

可以

回覆 Snoopy_mama 的帖子

八卦一問，其實你小朋友現在在培幼讀書嗎?

可以

Snoopy_mama 發表於 23-6-5 09:03
不是，我小朋友是考插班的(emoji)(emoji)

明白，收到通知了嗎？加油！
我兩個小朋友由幼稚園到中學都在培正讀，我見你對培正好多疑問，好想知多些，雖然我兩名已經過了小學階段，我未能回應最update嘅資料俾你，不過我對呢間學校大致上都十分滿意，我覺得當年我真係冇選錯學校，小學學習算輕鬆， 教學同考試嘅內容好一致，小朋友讀書冇好大壓力，至於中學，佢最大的好處是因為大部份的同學來自小學的同學，所以適應上冇困難，校風亦都好純樸，當然中學無論功課量和要讀嘅科目一定比小學多咗，始終是Band one的學校，要應付DSE公開考試，但學校活動亦多元化，學生可多元發展，但學得好唔好，好睇小朋友自己，始終去到中學，大個仔大個女要靠自己

可以

依家先至睇返你之前睇過嗰篇文章，我個人認為由幼稚園升上小學，小朋友係需要有一段時間的適應，至於適應期長或短真是因人而異，有啲適應力比較強，升上小一完全冇問題，有啲可能都需要耐啲時間先至適應，我有個朋友佢亞仔要一年時間先至適應到小學的節奏，所以文章中所說的所謂由私校轉去官校點解唔同？其實可能是小朋友適應力嘅問題，而講到小朋友自己的事自己做，又要睇吓乜嘢事囉，始終我覺得升上初小要適應，父母初期要跟緊d好正常，如果樣樣嘢唔跟只係放羊心態，老師同家長溝通也是正常的，教小朋友幾時都係先緊後寬鬆，最循序漸進，一開始就將隻風箏放咗上天空，想收返就難，當然每個家長嘅諗法都唔同，最緊要自己知道做緊乜，唔使太過受人影響，做父母幾時都是一個學習，我兩個小朋友在小學階段沒有上補習班，我也是一個在職母親，工作忙碌，放工後才睇吓佢哋啲功課，但我感覺六年小學生活裏面功課真係唔算多