家有自閉傾向的小朋友......

承承媽媽

marie,

我呢兩日開始都會在日頭少上嚟,皆因要去尖尖......

HeiMarie 寫道:
   我日頭唔可以上BK, 咪返夜班同D 老死 chat law!!不過今晚都幾靜!!

承承媽媽

mygoddish,

有時d難忍o既接受能力又真係低d o既.....!
你可以同佢講,自閉傾向只係一個講法,阿仔o既真正問題係社交/溝通/表達能力弱,最緊要係未來你們能一齊在呢幾方面都可以幫到佢.   

承承媽媽

marie,

唔係~~!承少8月19才放鼠假......係我去做gym之嗎.....! 想努力d趕走個暴龍一樣o既身軀呀!   

HeiMarie 寫道:
承媽,

承少放暑假去街街??!!
  

承承媽媽

jennyho,

如果你真係好擔心的話,不如你搵一個相熟/睇開o既醫生,幫你個小朋友寫轉介信,然後拎住封信,去你屋企附近o既體能智能評估中心排期就可以了.
有幾樣o野依家你可以幫你個小朋友的:
1. 幫他報讀全日制的幼兒園(讓他多接觸人和同齡的小朋友)
2. 你和他說話時儘可能要他望住你,而你叫他時,拖住他的手叫他
3. 家中只用一種語言溝通,最好是母語

其他人點諗,暫時唔好理住,睇咗小朋友o既情況以後再算吧!

承承媽媽

承少都嚮上個禮拜六返基督教服務處第一堂o既穿珠力訓練,佢就唔算太合作,不過亦唔算太差,始終新環境......

承承媽媽

MARIE,

阿仔o個班係吳老師   

承承媽媽

chr336,

依家個心定d無?   

承承媽媽

各位,

我近來忙於同承少d同學仔攪約會,令承少嚮19號開始o既鼠假唔會俾佢玩死我,所以好忙......,不過亦因為多同阿仔同學o既家長聯絡,所以承少亦多咗節目......
最近見阿仔又有d進步,上個禮拜六同佢返教會,承少見到兩個大佢一年同兩年o既哥哥仔一齊玩,於是走埋去同佢地講:同旨承一齊玩.......跟住禮拜日,我同朋友一齊飲完茶,諗緊之後去邊之際,承少忽然講咗句o野,於是我叫佢對住我其中一個fd講,就係:一齊走呀!
尋日仲攪笑,阿仔有個同學仔去我屋企玩,臨走個小朋友扭計喊喊,我叫承少拎張紙巾俾佢個同學,佢居然先拎一張幫自己抹鼻,跟住拎一張紙巾走埋去同學仔身邊------幫佢抹眼淚,個情境好好笑o架!之後佢個同學走,承少唔捨得喊喊,今次就到佢個同學幫佢抹眼淚......     

我好開心,因為覺得佢唔再自己獨家村,而係佢開始有想同朋友一齊玩同一齊去做d o野o既想法.另一樣最開心o既,就係佢嚮學校裡面遇到一班喜歡他的同學,令他十分享受和同輩之間的相處.

另外上個禮拜六去學校接佢份小報告,老師全部都係俾正面o既評語俾佢(可能因為我多去學校,所以佢d衰o野都唔使嚮份小報告裡面提lu......    ),希望佢在九月入埋兼收位會有更好的進步.   

承承媽媽

jennyho,

你係全職媽咪的話,我就最適合答你o既問題啦!
如果你依家排 I 位,咁你有可能要等一年至有位(視乎你揀邊區同邊間學校,同埋佢地依家仲有無 I 位),不過如果你仔仔依家只得21個月,咁你有可能要06年才有位,因為所有幼兒園最早入學年齡是足了24個月--即係兩歲.
I 位是全日制的幼兒園,不過不是朝八晚六,這個時間是指最早開門同最遲去接小朋友的時間,一般是朝九晏四點半.
我個仔由舊年九月開始返幼兒園,不過未入I 位,因為承少是九月中做評估,所以承少足足等了一年才有 I 位,不過雖然佢入的是正常位,但他因為返全日,所以學校所教的常規和與人相處的社交亦開始建立.
阿仔返了一年學,我覺得最大的好處是除了有20個小朋友每日可以一齊上課,一齊遊戲之外,最重要的,是讓小孩子有長時間的相處,建立關係,我們有自閉傾向的小朋友,對他們來說,最困難的事,是明白身邊的人和他們是有關係,有感情交流的.承少返了一年學,也是在下半學年才和同學之間有明顯的互動.
另外一點我覺得也是很重要的,我的小朋友返了全日制的幼兒園,相對上我其實也有充裕的時間來做家務之外,我還有時間可以想想在他放學後如何安排TRAINING給他,又或者和他玩甚麼遊戲.另外又可以給自己一些休息放鬆的時間--老實講,如果屋企的小朋友有事,其實大人要放鬆心情才更能面對佢地千其百怪的問題.
你想想,如果佢只返上午,你湊得佢去學校,買完餸整少少o野,跟手就要去學校接番佢,仲要煮飯,食完一陣又要喊打喊殺咁叫佢瞓晏覺,如果佢肯瞓你才可以做家務,掃吓地洗吓衫吸吓塵佢就要起身,你陪佢玩一陣又要煮晚飯,食完又要洗碗又要同佢做training,你自己諗吓:你咁樣o既日子可以頂幾耐先?我由承少兩歲開始頂到佢2歲4個月佢開始返學,我才有好日子過......(不過佢剛開始放暑假呀!)
如果你見到小朋友返學之後的好處和進步,相對地你亦會少去掛念他.

承承媽媽

Marie,

幾時得閒,一齊放仔呀?

承承媽媽

jennyho,

之前唔知你屋企有一寶同住,我都會覺得返早期無乜所謂,不過依家知道,我就覺得你最好俾你個小朋友返全日制o既幼兒園啦~!唔係話老人家唔錫小朋友,就係因為佢地錫,所以佢地對於訓練小朋友的常規會比較寬鬆,但對於a仔,說一就一,不能有二,如果唔係,你想佢睬你都難.同埋好多時老人家服侍週到,飯到嘴邊,衣在手邊,呢d係佢表示對兒孫的愛錫方式,但對不喜表達的小朋友只會百害而無一利.再者,好多時一寶對小朋友的準則是海鮮價,不同於學校,說一不二,亦不會因小朋友發脾氣而就範,這是一件非常重要的事,亦是幫助有自閉傾向的小朋友慢慢學習常規的方式.另外一寶的底線是沒有底線,但我們作為父母的,就不容許小朋友胡亂發脾氣,想要乜就有乜,因為我們有一定的底線給小朋友,但與一寶同住的話,小朋友會不斷去挑戰父母的底線如何,有甚麼是能做,有甚麼是不能做.此情此境,你自己可以想像一下......
仲有,如果你勉強你的小朋友去做訓練,而小朋友哭喊時,一寶會不會插手話下次再做先........!好老實,對付A仔一定唔可以咁,要佢知道做訓練就一定要做,唔想做都要做才可以幫到佢地(某些技能操作上的訓練),如果屋企的一寶會插手插口,我就寧願你俾小朋友返 I 位好了.
如果你真係揀 I 位,你唔需要同一寶講可以揀返早期定 I 位,只需要告訴佢醫生話最好入幼兒園就夠了.

承承媽媽

jennyho,

如果一寶住得咁近又咁方便,好老實--俾仔返學最好,因為佢條鞭去唔到.
你約邊間評估中心呀?有時見完姑娘等見醫生時,都可能會有死雞執o架~~唔好灰心,有時d o野急都急唔嚟o既......
你住邊區呀?睇吓你o個區我地有無人有返開一d平靚正訓練~~~

承承媽媽

各位,

自從承少8月19號開始放暑假,經過十三日o既埋身肉搏,總算令承少個暑假過得有聲有色,筋疲力盡呢~~!

我總結我同承少o既肉搏戰:
19號--約咗承少幾個同學仔夜晚上我樹食dinner&玩
20號--黃雨,阿仔唔使去訓練,於是去咗附近o既同學仔屋企同會所,玩咗4-5個hrs,先至返屋企
21號--返教會,之後去咗生日會,再返爺爺嫲嫲樹食飯
22號--中午過海飲茶,之後去咗鰂魚涌公園玩咗3粒鐘,接爸爸放工
23號--去個fd屋企玩水,之後去香港公園玩咗2粒鐘,再搭船過海,嚮星光行食飯
24號--上午同中午休息,晚上有幾個fd帶埋2個細路一齊玩,又一日
25號--沙灘日,上午去星光行買返學鞋,跟住搭船過海,下午約埋同學仔去沙灘玩,之後出番銅鑼灣食dinner,仲一齊搭巴士返歸~~~
26號--早上本來想同承少去新世紀個playground,點知無開,於是搭火車入沙田,又落雨,於是行西田,睇thomas,同跳thomas大火車頭,跟住返大埔食飯
27號--中午上training,跟住去咗銅鑼灣個club玩,由四點玩到六點,食埋o野,成8點幾至開始返屋企
28號--返教會,之後去朋友屋企會所個泳池玩水,又一日
29號--中午出外去做d家事,晚上有fd帶埋對仔女上嚟一齊食飯同玩
30號--先出尖咀同仔食飯,跟住搭一個鐘有多o既巴士入沙田,玩埋食埋飯至返,未夠十點承少已經嚮巴士上瞓咗~~
31號--本來想過海,不過做多少少家務之後已經到中午,所以去咗何文田體育館,由三點幾玩到六點至走人,返屋企食埋飯,承少於是8:30就瞓咗啦~~~!

係唔係一個好充實o既假期呢?以上十三日o既行程,承少只有兩日有瞓晏覺咋~~~!

承承媽媽

marie.

really?你真係826有去開西田?咁你有無見到有個傻婆蹲在thomas扭蛋機前裝裝吓呀?o個個就係我呀~~!   
你當日幾點左右嚮o個邊出現呀?   

承少o既鼠假真係好充實呀~~!不過為咗要佢瞓晏覺,我有一日都o趙佢嚟呀~~!你估吓邊日呀!   
[quote]
HeiMarie 寫道:
     承少鼠假好好好充實播!  8/26 我/俊熙都係西田睇thomas!! 緣慳一面添, 果日睇完THOMAS 我地去

承承媽媽

Marie,

你神通廣大嗎~~!   
邊日o趙佢?就係嚮屋企瞓無去街o既日子囉!!所以如果我唔同佢排滿節目,我相信唔係佢激死我    ,就係我打死佢呀!   
826 o個日我都係同你咁上下時間去到西田喎~~!咁真係好緣慳一面啦!阿仔仲有去跳thomas吹氣墊,仲要係頭向下咁滑添呀~~!       
904你又想嚟?我無所謂呀~~!我怕你見我真身咁肉酸,跟住扮唔識唔搵唔嗌我咋~~! :cry:  :cry: 至於孖仔阿媽,我就唔知佢嚟唔嚟,你知啦~~!始終都係拖住兩隻馬騮仔,唔係個個攪得掂o架~~!

承承媽媽

Marie,

俊熙如果下次問我搭乜,你話佢知我'搭訕'呀~~   
不過佢好可愛呀~~!居然可以咁記得我呀!   

其實本來我想今日6:00,帶埋承少去玩水,不過後來唔得啦!起碼要等到下個禮拜呀~~!   

承承媽媽

jennyho,

你放心啦!姑娘俾o既時間係最長需要等o既時間,不過通常都唔一定要等咁耐,可能見完姑娘後兩至三個月都已經可以做評估.

承承媽媽

jennyho,

承少最主要o既訓練係返全日制幼兒園,雖然係正常位,不過對佢o既幫助都好大,另外因為當時承少最差係言語方面,所以我另外幫佢嚮痙攣協會搵言語治療(個別).

承承媽媽

講講吓~~唔記得講吓承少近來d衰o野~~

依家講多咗o野,放完個鼠假,學識駁咀:
有次佢玩時推倒小朋友,我叫佢講對唔住,佢話:唔對唔住   

近呢個零月,叫佢食飯,麵,慘過乜,勞氣到不得了,成日都話:唔食飯,唔食麵...... :tongue:  :tongue:
最慘係我已經日日放學同佢去公園玩番一粒鐘至走,返到屋企都仍舊唔肯食,真係俾佢吹漲......    今日仲由5:30玩到7:30至走,走時同佢講:返屋企食麵啦!佢居然又話唔食,原本打算切兩個蘋果俾佢食算o架啦~~好在佢爸爸煮好個麵時佢都肯吼吓,仲食完之後仲話要........真係唔知佢真唔食定假唔食......    不過如果晚晚都要8:00至俾佢食佢至肯食,我就真係死俾佢睇啦!         

承承媽媽

錫錫BB糖,

小朋友有事,不論係身體或智能上都不是我們所願,
但既然有這個可能甚至是已成事實,
我就覺得努力去學習面對,與及愛心包容指教,
比起自埋自艾,找出誰對誰錯更有用,
和對小朋友更有好處.
如果小朋友真係有事,切記不要將他們和其他人比,
就好似我家承少,同MARIE家的熙熙,或精叻個仔都有分別(雖然都係自閉傾向),
反而用多D心機時間,發掘佢地o既優點同短處,
唔得o既就訓練多d,好o既就多d讚賞,
d小朋友都會有好大進步o架!