S位老師信箱

Aomuimui

回覆 小牧媽咪 的帖子

小牧媽咪，多謝你，你真係好有心！
我同另一個媽咪情況有DD相似，就係我小朋友現在有到校服務(今年4月開始)，今年8月入報  I  位(仔仔在這校讀N班，9月就K1)，我亦知道 I 位沒有物理及職業治療，我考慮左好耐，放棄左到校服務，因為我担心K班成日出去物理及職業治療就MISS左學校既課程，而且去一個治療，時間就用左半日，對於小朋友及雙職家長都好吃力。


我權衡左好多方面(如 I 位和到校提供服務既時間、性質)，亦問過I位老師、到校老師，大家既答案都好官腔，又話到校現在係試驗，過一排就冇咁多服務比小朋友，現在3T加埋一個月約3、4或5小時，真係愈來愈小，要自己帶去CENTER上課，我要請半日先到學校接小朋友，再去CENTER再返家，就咁為左一小時訓練用左4小時，不過講返一個月都係4次。但3T的時間兩頭唔到岸，安排係中午11,12 點，小朋友返學返一陣，我返工返一陣，真係受白眼。


小朋友3 歲1個月，2歲時CAC評估為全面發展遲緩約9個月至一年，醫生就話排 I 位就排，那時甚麼都唔識就等，一星期兩日去公園玩(佢返全日N，我們放工又6-7點，奶奶又唔識，得星期六日去)，看圖書教佢講野。


我們最担心講野，所以私人上過ST三個月成效不大，改為自己教，小朋友都有DD進步，到校ST話佢進步左，但遲緩幾多就冇再評估，而3T都話佢認知冇問題，最大問題係大小肌。


雖然我決定左放棄到校，但我心又捨不得3T，佢地資源、環境、配套真係好好，醫護社工話一係我轉E位，因為訓練可能會安排同一日，係米架？另外，如果我都係 I 位，我想揾坊間一些OT，PT 比仔仔，哪裏有平靚正既服務？我揾左協康，成$780(45分鐘)，我住香港西區。