優才小學 FAQ

edea

原文章由 Julialau 於 08-4-23 22:32 發表
我對優才好有興趣，如果想插班08年9月P2不知有冇機會？旺角校舍和KTO有大分別嗎？我有朋友仔仔係KTO讀P1好滿意！係咪KTO係冇乜P1-P3呢？
我好多野唔識，想了解下，希望請教大家！ 謝謝！ ...

我地1A班有兩個小朋友最終沒有入讀, 以致有兩個空缺, 不妨一試! (1A在旺角校舍)

edea

原文章由 cherrycpk 於 08-4-21 16:16 發表
請問....

我都有興趣幫細女報優才, 因大女間學校係傳統私校, 唔一定收細妹, 而且壓力比較大同課程深, 現有問題如下:
1)如果真係得一班小一番tko嘅話, 會係點分配嘅呢?我地住隔離都會駅架, 住咁近會唔會都有機會要番 ...

cherry:
我諗住得近都未必會分到將軍澳校舍, 囡囡班二十二人中, 有差不多近十人由將軍澳坐校車過來的. 但他們都十分喜歡旺角校舍, 因為有一些佈置比較近幼兒口味, 小朋友覺得比將軍澳親切.

edea

原文章由 cherrycpk 於 08-4-29 12:15 發表
edea,

請問你個小朋友讀得開唔開心呀? 我好驚小朋友巧課多放學就冇晒時間學課外野&親子時間, 另外請問你對interview有冇咩心得可以俾到我地呢?

thks!!

Cherry
...

開心呀, 囡囡話佢返小學仲開心過幼稚園! 功課都唔算多, 因為有功課堂, 囡囡會每日學校入面完成一部份功課, 返屋企繼續做, 爸爸放工前佢會做好晒(除非有特別既功課要家長幫手), 爸爸每晚同佢檢查.  

學校入面都有課外活動學, 小墨魚每逢三五都會學跳舞同跆拳, 之前星期六有學皮影戲添呀, 不過岩岩完左囉! 但我見優才既小朋友都非常快樂呢! 唔會冇晒親子時間既, 小墨魚仲可以每晚睇下電視同睇下圖書.

interview心得...我自己覺得主要睇小朋友interview時表現, 我同我先生當日因為第一間面試就係優才, 臨場表現唔算好好, 我好緊張.... 所以好難答妳呢個問題呢!

edea

原文章由 中天英 於 08-4-30 01:43 發表
今日我大仔話响學校已經做曬功課; 我一返到屋企, 就可以同佢地捉棋、睇報紙同埋練習小提琴。

真係honeymoon時期

edea

原文章由 Nicnicsmum 於 08-5-28 23:31 發表
在這裡常見提及優才的學術成績和愉快學習，各位家長可否分享多些關於：

在這裡常見提及優才的學術成績和愉快學習，各位家長可否分享多些關於：

1.  "德育"和"成長"的學習方面；
2.  老師的熱誠、愛心方面、與小朋友關係，多會用甚麼方式來鼓勵學生進步，如：xx奬勵計劃，又用甚麼方式處理學生的行為問題等；
3.  此校如何安排發放小朋友的成績?  會否有減少相互競爭的措施?
4. 除近年的劍橋和普通話校外試取得好成績外，其他對外參予的比賽成績如何?  即課外活動的強項是甚麼?

希望收到大家的分享,謝謝!

1) 以我所知學校是有德育課的, 女兒也曾告訴其中一次是教他們要愛惜生命; 此外, 班主任會借日常生活的例子教導他們要有愛心, 要助人.

2) 行為需要輔助的小朋友, 會利用小息和lunch time之後的時間多見面和輔導,  並和家長傾談, 進行學校和家長相互合作和溝通, 一起幫助小朋友改善.

3) 一個學年有四次評估, 每次評估後會見家長和派發評估報告, 報告上有小朋友每科分數和全級平均分作參考, 如果小朋友(每科)分數為全級頭三名, 會在分數後有個括孤寫住數字, 如 (2)為全級第二名. so far我們家長一起也沒有互相比較, 其實大人不去給壓力, 小朋友就不會互相比較吧(因為還是低年班)....