朋友的囡囡有"大腦麻痺症"，有無其他小朋友一樣？

BELLFOK0318

超級魚,

唔緊要啦~~~ 如果你唔得閒可以唔駛專程去藥房問..

唉~~~ 都唔知點解亞女成日都係甘間唔中就會發燒~~令人好頭痛~~ 好似尋晚甘~~ 佢發燒38.1度幫佢沖多次涼+食埋退燒藥+訓覺藥(11:00食)......到半夜2:00醒左唔訓~~係到喊....抱佢都喊~~~ 甘我本身都好累~~ 由得佢係我身邊喊....到3點幾佢咬咀....e+變左豬咀~~~有時令人氣餒.

甘朗朗e+仲有無內出血呀!!! 搵唔到原因比較煩惱!! 做邊種手術都會有危險~~~ 唔駛怕你要相信醫生~~~ 佢地係專業的~~

返工的難處就係當小朋友唔舒服時唔可以請甘多病假, 奈何我們無得選擇~~~

又要帶亞女睇醫生~~~~ (佢今早10:00退左燒~~ 不過佢有咳+痰) ..... 再唸唸~~

姊妹們加油~~

bell~~

BELLFOK0318

超級魚,

亞女e+又有燒37.8度~~ 決定e+帶佢睇醫生~~~ 因為又痾水屎次數多左~~ 剛剛星期六日都佢痾左一次, 係正常的..
我懷疑佢感冒菌入腸肚痾~~~

亞女仲未打肺炎鏈球菌針呀~~~ 想帶佢打時~~~ 佢又發燒~~~ 攪到e+仲未打呀~~~

朗朗打左未????

甘e+朗朗駛唔駛再乒醫院輸血呀~~~

bell~~

BELLFOK0318

超級魚,

亞女尋日睇左醫生話佢空氣中的病毒感染(傷風感冒) , 佢話亞女今晚d燒就會退定, 至於今次點解會肚痾 , 因為亞女唔舒服影響左佢d消化系統 , 難於分解食物會令到佢肚痛+肚痾...
我都好想好好照顧佢 , 尋日醫生都話亞女做乜最近身體差左甘多~~~ 我都想知~~~

都ok啦~~ 暫時唔需要輸血~~~

bell

BELLFOK0318

超級魚,

朗朗如果打會去邊到打呀~~ 幾多元一支呀~~ 我想睇下邊到平d~~~ 我仲想幫亞女打埋水痘針~~~

等亞女好番先考慮比佢打~~~

bell~

BELLFOK0318

超級魚,

肺炎針點解可以係醫院打~~~ 之前吳醫生話醫院無得打~~要我自己帶亞女出去私家打~~~ 係呀~~ 我都要等亞女無發燒之後2個星期先會比佢打~~~

好呀~~ thanks~~ 我會打電話去問下~~ 如果同亞女平時睇開果個醫生price差唔多都可能會出去旺角中心到打~~ 方便d.......

亞女今日完全退哂燒, 不過佢個人就有d累~~ 我最憎佢尋晚半夜又咬啞....攪到個咀+舌頭+牙都有血跡~~~

e+出面落好大雨呀~~ 你有無帶傘呀~~ 唔好淋病呀~~ 你對仔女需要你照顧的~~

bell~

BELLFOK0318

超級魚,

原來係甘~~~  都不必太擔心 .... 我會朗朗祈禱~~~

bell~~

BELLFOK0318

你係痙攣協會的姑娘呀~~~
都唔知點解症狀唔同都會歸埋一個名目~~
好似我個女甘成日都唔舒服~~ 好難返中心跟進治療師的訓練,
當然, 我都希望盡我能力給予她一個快樂的童年吧~~
不過, 身邊另一個唔配合會好困難~~

BELLFOK0318

超級魚,

我好明白你作為朗朗的母親心情~~ 明明知道仔仔幾時入院做腹腔鏡, 不竟會有擔心情況出現~~ 假如係我亞女做的話我都會好擔心~~ 難道你忍心唔比朗朗做呢個test 咩~~~

一齊由主去按排~~我會為朗朗祈禱~~~

唉~~唔知點解亞女每個星期總會發燒一次, 總會睇一次醫生~ 攪到好似習以為常甘去探醫生~~今日又發燒39.2度~~ 醫生話過濾性病毒喎~~ 不過就唔知點解亞女d大便依然甘糊~~ 今日囉左亞女d大便去化驗所化驗~~~

我亞女係一個洗$$怪~~

早兩日我弄傷左條腰去睇跌打又$500....好心痛~~~

bell~~

BELLFOK0318

fan fan,

最近點呀~~~ 加入左full-time mami .....應付到嗎???

亞b問題係乜東東~~

bell

BELLFOK0318

fan fan,

你公司甘好既~~~no pay leave 都好~~ 有d令願叫你不如全職湊bb啦~~~

你依家湊阿b暫時都OK啦, 肯定就係累d囉, 因為唔知點解佢地都係甘鍾意日間訓覺, 夜晚就蝦人(喊)抱佢.... 不過醫生就會話佢地會比較難調節訓覺時間~~~

佢訓覺時, 發出 kei kei ku ku 咁好大聲, 但 我囡囡就無訓左之後發出 kei kei ku ku ,我亞女同埋都係訓得唔"淋"好易醒...e+靠食藥訓~~~不過有時都係訓得唔來~~~

我囡囡bb時打果d針, 全部都係健康院打呀, 冇去私家打呀, 果d咩5合1, 6合1咁, 因為我覺得一來貴, 二來無乜分別~~ 只係係私家打就唔會發燒~~ 甘我以前細時, 我亞媽都係帶我去健康院打唔覺有問題~~ 令願將d$$去其他用途仲好~~ eg~~買架好少少bb車比佢坐~~ 大家都唔會甘辛苦~~

你有乜想問可以問~~ 我會盡量回應你的~~

bell~~

BELLFOK0318

超級魚 ,

我都唔知點解亞女成日都痾水屎~~ 早兩日發燒39.2度去睇左私家醫生, 醫生叫佢留埋大便化驗~~~ 今日下午應該會有結果~~

bell~~

BELLFOK0318

超級魚 & fan fan ,

尋日下午私家醫生打電話比我, 話我亞女的大便種唔到任何細菌,
致於d大便點解甘耐仲係糊, 原因係亞女由3月到而家都經常性身體不適, 令到佢d腸仲未適應喎~~~

呢幾日天氣真係炎熱呀~~

bell~~

BELLFOK0318

超級魚 & fan fan ,

我亞女今日早上要上聯合覆言語治療~~~ 係做一個進食測試~~
之前亞女早過一次係舊年9月做~~ 唔知點解今日做完之後物理治療師同我講亞女有吞錯格績狀~~ 唔算太犀利 ~~ 不過都建議飲任何野都要加凝固粉係每100ml加3匙..... 唉~~~ 我怕有一日亞女要插胃喉~~~

治療師話CP的小朋友係食野方便會唔穩定~~ 有時食野會好好~~ 有時會麻麻地~~ 要定時 CHECK ~~~

今日亞女又咬左4次咀~~~ 攪到我好唔開心~~ 舊傷未好~~ 新傷又黎~~ 都唔知到幾時會唔再咬咀~~ 難道要脫哂佢D牙嗎???

希望亞女下星期一可以返中心上堂啦~~ 佢已經3個幾月無返中心喇~~~

炎熱的天氣令人有種不想動的感覺~~

有時照顧亞女會感到好累~~ 因為無人再可以為我分擔~~

好累的亞BELL~~

BELLFOK0318

fan-fan ,

我都係一個唔係好識講野既人, 我都只可以講一句: 大家努力吧~~ 今日亞女返左中心~~~ 上堂都ok...不過食luch, 唔願肯係凳都食...食左唔肯吞....扭我抱住佢食~~ 最后都有抱佢食~~~ 不過佢今個星期唔會係中心住宿~~ 始終太耐無返~~ 唔適應~~~ 又加上佢今早4:00又咬咀~~ 令我心痛+擔心~~~

到4:20我係樓下接佢校車...訓左好"淋"...不過當我抱起佢落車唔小心攪醒左佢發脾氣~~~ 返到屋企飲左一杯水~~ 到5點幾就飲左一杯奶之後抱抱下訓左~~~到e+7點多仲唔肯起身~~ 佢返中心, 真係好累~~~

我都好累呀~~~

bell~~

BELLFOK0318

超級魚 & fan　fan,

唉~~ 星期二亞女又發燒 , 醫生又話佢係過濾性病毒感染~~

至今仲未完全退燒~~ 佢又好大張力喎~~ 食野時又有好多痰~~

都唔知點可以幫佢~~

亞女10/9 要到QE做一個24小時PH TEST ..... 醫生話如果幫亞女

做一個防止胃酸倒流手術時 , 建議我比亞女做埋胃喉食野~~

我聽到好唔開心~~~

唔知點好~~

希望朗朗樣樣野都順利~~

BELL~~

BELLFOK0318

超級魚 ,

首先恭喜朗朗 check 到原因 & 手術成功 !!! 最重要已經出左院喇~~ 快點兒康復吧!!!

我想問下朗朗係唔係已經做左一個防止胃酸倒流手術??? 朗朗有無插胃喉食野~~ 因為我想多d了解有關呢d資料~~~ 我怕亞女胃酸倒流問題+進食問題(有落錯隔)要開胃喉~~~

之前幫亞女建議做手術的醫生都係伊利沙伯醫院的醫生黎架,個醫生姓梁(男醫生)~~ 佢建議亞女做果個防止胃酸倒流手術 , 不如順便做埋插胃喉手術~~~

fan fan,

我同意超級魚的講法:物理治療要盡早做, 亞女當時5個月大就去健康院做PT, 直至2歲就排到隊入早期訓練, 自從佢入佐ETC, 我都成個人覺得輕鬆佐, 因為有姑娘同亞女+其他相約CP小朋友一齊以上堂形式做訓練, 而且多佐同其他家長傾計, 心情好好多。因為當時係我家人、朋友身邊無CP的小朋友.... 好難會明白我的心情~~ 同佢地傾未必能夠明白我的感受~~~

唉~~~ 我都唔明 , 點解我亞女今年3月開始已經斷斷續續發燒..流鼻水+咳等等~~ 又痾水屎~~~ 攪到我D時間亂哂~~~ 因為佢舒服會好扭~~~ 不過最怕係佢咬咀~~

今早上左聯合覆言語科~~ 問治療師有無方法可以令到亞女唔會甘易咬咀~~ 佢只係話比D牙膠佢咬~~~ 又或者整牙托~~ 好似都唔係可以真正回答到我問題甘~~~

天氣好熱 , 令人有種燒焦的感覺@BELL~~

[ 本文章最後由 BELLFOK0318 於 07-7-25 08:34 編輯 ]

BELLFOK0318

超級魚,

梁醫生係帶眼鏡、瘦瘦的 , 頭髮有d白白地~~~

朗朗甘好~~ 可以用核子檢驗測試, 即係食d藥落個胃度, 然後用特別的x-光照照, 睇下有無胃酸倒流。我亞女就要用最傳統 , 由鼻插條管入胃check (PH 24小時測試).......

亞女係中心都好少咬咀~~~ 亞女係佢唔舒服時佢會手手腳腳會比較僵硬.....難於控制~~~

BELL~~

[ 本文章最後由 BELLFOK0318 於 07-7-25 20:09 編輯 ]

BELLFOK0318

超級魚,

亞女尋日返左一日中心~~ 佢可能3個幾月無返~~ 返左去有d唔適應 , 佢今日早上又發燒38.2度~~~ 唔知點解無神神發燒~~ 我比左退燒塞佢~~~ 到下午又退左~~~ 都唔知點解~~~

可能係同一個醫生~~ 朗朗e+暫時食胃藥控制胃酸倒流???

我覺得我亞女食左d藥好似間唔中都仲有d胃酸湧上口仔~~ 唔算太嚴重~ 不過都想亞女做左果個防止胃酸倒流手術~~

希望朗朗經過一此問題后~~~ 再唔會有乜野不適~~

bell~

BELLFOK0318

fan-fan,


甘咪好囉可以甘早係大口環開始做物理治療喇, 真係好希望你bb快d可以做運動 , 訓練下身體肌能.....

囡囡冇食d Vitamins , 醫生話果d野幫助唔大 , 辛苦都無辦法 , 鬼叫我係佢亞媽咩~~

你bb呢幾日鼻塞塞, 好似d鼻涕塞住流唔出, 訓覺見佢mark大口訓呀~~ 甘你有無問醫生開收鼻水藥呀~~ 會好d~

bell~ ... [/quote]

BELLFOK0318

超級魚 & FAN FAN ,

每個醫生更係會話自己亞媽照顧自己仔女會好d~~ 鬼唔知咩~~

奈何靠亞爸份人工點夠開支~~~ 好似我甘得我老公搵$$ ~~~

每月都猛猛緊~~ 有時亞女果個月成日病要睇醫生開支仲大...

如果比我...我都令願出黎做野搵工人湊亞女 ...最起碼d$$會見駛d~~又可以儲d比亞女添家俱~~ 不過我老公話要自己湊會好d ... 唯有慳d駛~~

朗朗做左果個反胃酸倒流手術之後, 如用口餵食的size唔可以太大??? 假設食道收窄左好多, 第時拔左胃喉之後唔可以食得太多野囉~~ 怕塞時ma???? 係唔係甘講呀~~ 其實做完呢個手術之後 , 都有一定危險性 , 怕唔小心係口進食時, 塞住食道 , 會唔會第時會長期依賴胃喉?? <== 個人問題

fan fan ~~ bb個鼻好塞食奶時真係要好小心呀~~ 只可以食收鼻水藥減輕佢鼻塞~~ 如果亞女鼻塞我會間唔中用濕棉花捧"撩"佢個鼻入面的分泌物 , 等佢通d

亞女唔知點解最近2-3日就會燒...都有38.3度~~ 我無帶佢睇醫生... 因為佢除左發燒之外就無其他野~~ 又加上佢個樣都精神~~ 塞退燒藥都ok~~~

可能天氣熱~~~ 又加上我屋企可能無乜風吹入我屋企~~ 令到屋企會悶熱左一d~~~

唉~~ 都唔知~~~ 我都係要見招折招啦~~

酷熱天氣下的bell~~




[/quote]