點解有d直資可以happy school，官津得唔得？

Jules_S

唔好意思，有個迷思。點解有d直資學校可以做到happy school, 又可以做到ok學術成績？但一般主流官津學校就較多功課，同常操練學生。

有無官津例子又happy（少功課、少測驗）又有成績？

係直資龍校資源較多，較少競爭環境，還有其他原因嗎？

謝謝

Jules_S

謝謝回覆。

其實我期望我小朋友成績ok, 有進步就得，長期‘top‘果d，家長同小朋友都會有唔少壓力。
無論初小或高小，我覺得返學都唔應該係苦差。如果係學術之餘，又有機會同時間，係校内外生活作不同活動嘗試，尋找興趣，認識自己，已經不錯。小學加中學12年，如果唔鍾意返學又日日覺得辛苦，都幾慘。

但正如樓上所講，官津學校已存在一定運行模式、甚至包袱。除非決心，否則尋求大突破不容易。欣賞最近聖公會呼籲屬下小學少功課、甚至零家課, 希望真係可以實行到。

Jules_S

我對happy school 定義：小朋友鍾學返學，放左學，小朋友做完功課，除左學術，仲有d時間做自己喜歡做嘅野。
係而家呢個社會，咁要求睇嚟好似好理想，但係其實點解唔係基本野。返左8個鐘頭學，學術之餘，淨係想比少少時間佢地自己玩下，抖下氣。

我自己認識happy嘅直資唔多，只係知道港同、St. Margaret, 小學一、二年班都係冇考試, 學校活動比較多元化, 功課量需時較少。

Jules_S

hkpapa852 發表於 18-2-9 13:33
真係唔明點解到今時今日不少家長仲盲目以為直資/私立學校都可以係happy school。

我諗唔一定，依家啲家長咁醒目，考甚至決定讀直資/私校前，都會做資料蒐集，真係讀過真係唔適合自己小朋友或唔合預期嘅話，可能都會轉校，但人數應該唔會好多。

況且呢個題目都係討論‘有啲’直資學校，而唔係泛指全部。

Jules_S

我個人較相信孩子年幼階段應多活動、多生活體驗、多閱讀，但少學術，尤其在K3以前。讓孩子有更多機會鍛練大小肌肉、社交、語言、自理、情緒等發展。

如K3以前不太講究學術的話，初小階段亦不應迫得太緊，應給孩子多點適應時間，培養正面學習態度和習慣。

始終學習是漫長的路，高小以後更需要孩子的自主學習。愉快和喜歡學習是過程，對鞏固學習絕對有幫助。

希望亦樂見香港慢慢有更多學校、和家長容許小孩每天留白，有自己的時間空間，不用過分追趕課程、功課測驗、考試和名次，早睡早起，身心好。