培僑 vs 陳守仁揀邊間好

HimHimMM

我小朋友喺培僑讀咗六年，轉左津貼男校讀中學，轉校嘅原因係學校不太著重音樂，就算小朋友有天份，都不太比機會小朋友在學校表演或者參與其他活動。
培僑最好嘅係課程設計，中文深係一定嘅，用普教中亦可以令大部分嘅學生六年後能夠說流利嘅普通話。英文用校本課程，小三小四嘅生字都係好深，同埋係圍繞特定題目就project 或者寫文，抄寫功課不多，但係要思考。其他科目都有不同嘅活動去做，功課不太多，但係要思考同花時間做所有科目都有presentation嘅機會，令到小朋友學習表達能力。亦有term break兩次，可以有空閒時間去旅行或者做其他事情。
反而而家喺中學，因為係津貼學校，比較傳統，有些科目都係有好多抄寫嘅功課，其實有少少不習慣。
學校嘅同學都係越來越多內地人，不過通常香港人會一堆，內地人一堆，我諗唔係淨係培僑，其他學校都會開始多內地嘅學生。
喺培僑讀嘅學生，升中轉走嘅不太多，當然有去傳統名校，有一半就海外升學，大部份都會直上培僑中學部，因為家長都係不太催谷嘅一群，家長比較溫和，亦都唔係太想去考呈分試。當然，學校都有一群讀書好嘅學生，但係比起其他傳統直資名校或者神級津校，好top嘅學生都係傳統名校會比較多

HimHimMM

有些傳統名校，好處在於Team Spirit 強，除咗讀書學業方面上，其實有好多其他嘅soft skill, 例如與人合作溝通同相處，可以從課外活動中學習。
我好欣賞，尤其是某些男校，團體歸屬感強，佢哋共同努力去完成一個目標，贏輸也好，都會去盡力去追求做到最好，呢啲係淨係追求學業上係做唔到嘅。
同埋喺呢啲學校入邊，有好多人，成績不太差，課外活動方面亦都好好，佢哋會學習讀書讀得好嘅同學，自己都唔想考得好差，所以都努力讀書。當然有一部份嘅係讀書會比較差啲，但係如果同學識諗，佢跟到好嘅學生讀書，其實係會有增長。
當然要衡量小朋友跟唔跟得上，因為除咗學業方面，課外活動佔嘅時間頗長，亦都好考同學嘅時間管理，如果時間管理得唔好，最後兩頭唔到岸。
只有家長先知道自己個仔女需要啲乜，每間學校都有唔同。