好擔心...醫生話BB發展遲緩~~

Dobe

陸美爸:

我仔仔早幾個月前又係去左兒童體能智力測驗中心做評估,但只係見左姑娘未見醫生,姑娘又係話仔仔"語言"發展遲緩(約半年)但就未有任何安排,,請問你bb係咪已經見左醫生至有咁既安排呢?
同埋姑娘話見醫生要排成半年,你又係咪排咁長時間呢?

謝謝!

Dobe

陸美爸:

嘩~你咁快就收到通知,我早過你見姑娘,但就未收到電話,
你係邊間見架?
我個仔係屯門醫院果度見架~

Dobe

陸美爸:

有呀,聽左兩堂講座囉,個講座係教我地點同小朋友溝通同點x激佢講野囉~
你有無去聽呀?

Dobe

陸美爸 :

我老公就話無用,佢覺得中心方面係覺得我地有問題"我地唔識教"多過個小朋友有問題
我就覺得聽左都有少少用既~

Dobe

lsl :

我個仔15個月都未識講野(只係識發ba,ma,拜拜既音),一路都係0係健康院覆診,到歲半都係咁就轉介左去體能智力測驗中心睇囉~

Dobe

lsl:

有,昨日好驚喜,我教佢講爺爺,"女麻女麻",公公,婆婆,ee,佢一次過講晒
呢個月就係咁多,之前幾個月係無進展既!

Dobe

lsl:

有d佢會明囉,例如叫佢去洗手佢自己會去開廁所門等我,比舊垃圾叫佢去掉佢又會掉去垃圾桶.
有呀,有嘰哩咕lu講太空話架,不過我唔知佢講乜囉

Dobe

lsl:
我訓喇,聽日再傾過~拜拜

Dobe

lsl:

暫時未打算比佢讀住~

Dobe

lsl :

未呀,介極都極唔到呀!捉佢去噓佢就走,都唔知點好
你有無好方法呀??

Dobe

各位好~
之前我都有係度分享過我仔仔都係要去智能體育力測驗中心做評估,之前只係見過護士,上星期我都收到電話通知黎緊9月1日要帶仔仔去見醫生做評估喇,唔知評估出黎會係點呢,我自己都好緊張,我呢幾個月觀察仔仔係說話上都有進步,豈馬都肯去講,(我計過都講到二十個字另外都講到a-z大約12個,數1-10都數到7個),但唔知醫生方面又點睇,代星期三見完再上黎分享吧!

Dobe

kakab105 :

我5月頭帶仔仔去見姑娘到而家,等左4個月!

Dobe

9月1日我同仔仔去見左醫生,做左評估,評估出黎既係佢智力無問題,語言發展方面就比正常慢左大半年,都係見議佢早d比佢返學,等佢接觸多d人講多d野.
醫生都有問我地同唔同佢排混合位,但佢話就算排左你唔想要都可以取消,咁我就同佢排左先!
另外而家等緊同仔仔驗耳同驗眼~

Dobe

kakab105:

見醫生,做評估,見社工,二小時走得~

Dobe

我都應同HelenMrs.Lau 既講法,好似今日咁,我隔離屋個姨姨過黎幫我手同仔仔介片,我個仔一路要我抱一路喊,係咁喊仲喊到扯晒蝦,如果平時我實走去嗨佢抱佢由佢唔介住(我失敗左幾次架喇),結果今日姨姨唔比我去嗨,之後我仔仔就係鴨仔度噓噓左2次尿尿,我覺得開始左第一步,所以我地一定要狠心D!

Dobe

hi~各位好~
我之前係度都發表過!唔知有無人記得我呢!
我個仔語言發展比正常慢一年既,
今日我收到體能智力測驗中心電話,佢話我選既幼稚園其中一間有位收我個仔喇,問我要唔要個位,咁我同佢講而家我個仔講野都比之前好好多,我未必需要個位(其實唔係好想比佢去讀),咁果位姑娘同我講呢d幼稚園有特別既導師教d小朋友既,而家有位最好要,如果而家唔要第日需要時可能要等好耐,佢又叫我去果間幼稚園度望下個環境先,今月20號前覆佢都無問題!
我而家心大心細,其實我已幫仔仔搵左幼稚園
比佢講兩講而家真係唔知點好,你地可唔可以比d意見我呀?
唔該!!

Dobe

ClaudeeMa:

上年九月開始排到而家,共7個月.
揀左觀塘翠屏村博愛醫院施淑真(唔知個名有無打錯,因我唔係好記得)

Dobe

稚言治語 寫道:
Dobe,

為什麼不想讓孩子讀I位呢？


[quote]
Dobe 寫道:
其實唔係好想比佢去讀

[/quote]

稚言治語:
因為見佢而家既進度好似好好多,所以唔係好想比佢入讀,覺得返普通幼稚園都係一樣(可能我對呢類幼稚園既了解唔多),我老公又比壓力我,話根本唔需要返呢d幼稚園,而家普通幼稚園又收左我個仔,所以我老公一聽到我話姑娘打過比我話知有位收軒軒,佢就即刻話唔會比佢去讀喇!

Dobe

kmwun:

我個仔做完評估之後無接受過任何訓練,姑娘只建議我比軒軒早d入學,同排兼收位囉!

Dobe

hinhinmummy :

你誤會喇,我絕對唔係怕無面,梗加唔會將小孩子將來的幸福來做賭注.
只係見仔仔講野進步左好多所以覺得未必需要入兼收位.