"啟思"的家長 (any branch) please come in.

ho_fish

鴨媽媽, 我囡囡讀大興啟思, 佢地應該o係屯門嶺南攪呀

ho_fish

JacquelineHo,  聽講今個星期學校會派戲服, 可能叫小朋友著定白襪衭、黑鞋、白樽領衫, 等佢地好襯衫啦。

ho_fish

Issaacisgood, 每個父母對子女既期望都唔同, 想佢地接受邊種教育方式都有別, 你朋友雖然當教師, 佢既意見你可以當作參巧, 但最緊要都係要問自己想小朋友受什麼形式既教學。你大可以去心儀既學校參觀下, 順道o係放學既時間, 在學校門口同d家長攞下意見。

ho_fish

foon, 我o個日會同老公車返亞囡返屯門, 直接去會場, 不過會場唔知有無泊車位呢???

1點鐘放低左個囡之後都唔知做乜好, 等成3點先表演。你呢? 會點去呀? 你知唔知佢地究竟要表演d乜呀?

ho_fish

你地唔好講到咁"恐怖"啦, 我眼淺架, 我都驚忍唔住

ho_fish

真係好感動呀, 第一次見到自己個囡上台表演, 重無怯場tim (因為呢d野佢唔會特登表演比我地睇)。我坐o係佢後面, 重見到佢平時真係好多野講, 重真係好百厭tim。

真係要贊一贊啟思, 我諗佢地間間分校都係表演同一項目, 而d佈景都係share用架勒, 不過d老師, 園長真係用左好多心思, 我尋日見小組班細d年紀既小朋友一個一個咁喊, 老師就一個一個不停咁安慰佢地。我諗我真係無幫個囡擇錯幼稚園(唔係買廣告)

ho_fish

祝各位靚mama新年快樂, 小朋友就身體健康, 快高長大啦。

今日暖番好多勒, , 我個囡平日最鍾意出街既,最凍o個幾日,話同佢出街佢都話唔去。

ho_fish

我囡囡今個星期無返學。佢之前咳左成個月, 尤其係夜晚,咳到瞓唔到, 上星期好左,間唔中先咳一,二聲, 但係好多痰,咁我咪諗住佢食左成個月藥,不如煲返d湯水比佢啦。但係過左成個星期d痰都係唔清, 所以帶佢去睇多次醫生lor, 好彩睇多次咋,醫生話佢輕微氣管炎。

touchwood,我個囡平日無乜特別架喎, 但係不嬲氣管都唔係咁好, 攪到我成日都提心吊膽,希望佢大d好d啦。

ho_fish

請問有無返緊nursery既家長呀?  請問你地仔囡識叫老師去廁所大大未呀?  我個囡成日o係學校賴臭臭, 曾經比"姐姐"話佢係賴屎王, d"姐姐"又幫佢用凍水洗wor, , 我個囡曾經同"姐姐"講可唔可以用暖水, "姐姐"話無。婆婆已經lor左盒柔濕巾返去比老師, 麻煩d"姐姐"幫佢抹乾淨便可呢d都係我個囡講返比我知既, 可能未必完全係咁, 但係亞囡病左成個幾月, 好返少少返左學1日, 又病過, 好慘。

nursery已經貴過k1, 係因為d小朋友真係未識講去大大, 要特別照顧, 諗唔到自己個囡會比人用凍水幫佢洗, o係咁凍既天氣下, 除褲去toilet都唔想啦。

我可以點做呀? 婆婆同老師講過, 老師話應該唔會咁做, 但係亞囡每次返黎都話"姐姐"用桶o個d凍水幫佢洗。我又怕去同學校講會換黎d"姐姐"對我囡囡更不滿

ho_fish

TSZCHINGMA, 若果我個囡叻就唔會賴臭啦, 都比佢激死, 已經訓練佢每日瞓醒晏覺去架勒,但係成日返學都賴, 講比佢知點樣叫自己去,點樣叫賴, 佢又知架播, 之前重寸我,話賴左洗咪得lor, 你話點攪。小便佢都識叫人去架, 但唔知點解大大一直都攪唔掂。

唔知會唔會真係好似1314咁講食左奶既關係, 但係佢一日要食3餐奶架播。

mamiya, 我有同佢傾過架, 佢會答知。佢唔係唔舒服, 亦都唔係唔敢講, 而係佢有依賴, 佢成日諗住賴左只要洗乾淨就得。佢又唔怕"up"住架播, 都比佢激死

ho_fish

原來今日係教師進修日, 因為上星期五無返學, 又無睇手冊既日曆表, 今日婆婆同囡囡摸門釘呀

ho_fish

FOON, 我睇過本手冊, 今次老師無夾紙仔通知呀

我個囡又染返感冒, 好返d架勒, 最好佢快d連咳都無晒就好勒

ho_fish

JacquelineHo,我囡囡今個月剛好3歲勒, 唔知係咪我地o係"臭臭"呢個問題上比太大壓力佢, 佢2個星期前將自己d手甲咬到入晒肉, 問過醫生, 醫生話我囡囡可能有d野唔開心,感到有壓力, 重問我地呢2個星期屋企有無重大變化tim。

不過尋日佢返學都有舉手叫老師去"臭臭",最終係無既, 都係下午返屋企賴左, 不過都係好開始, 起碼佢話比老師聽。我諗住今個星期同佢一齊去買一個痰罐(我屋企用bb廁板), 佢之前睇中一個有音樂, 但太貴我無買到, 希望同佢一齊買個佢鍾意既會有所改善la。之前我o係書局見到一本故事書, 係教d小朋友去大大既, 但係本書糷左又無新,所以無買到, 家下我四圍搵緊o個本書  

ho_fish

我都有一本書係講教大小便, 不過我想搵o個本係比小朋友睇既, anyway, thank u

ho_fish

Jacqualine,鴨媽媽, 我重o係度搵緊o個本圖書, 昨天去到書局,店員話賣晒。今日囡囡放學同婆婆講佢好開心, 佢o係學校無賴臭臭我諗我同婆婆真係唔可以太迫佢, 要慢慢黎。

上星期通告話要帶d賀年食品返學校, 又要著中國服, 帶裝飾品, 你地準備好未呀?

ho_fish

JacquelineHo, 3號o個日婆婆會去幫手搓湯丸, 我諗都幾好玩, 你知啦,d小朋友一齊有得玩有得食就好開心架啦

ho_fish

原來上星期五派左上學期學習報告, 都好好笑, 我個囡其中一項優良, 係雙腳站立平穩

ho_fish

唔該晒浩天靚媽。

容許我o係度呻下。 前2日我有個朋友問我幫囡囡擇左邊間幼稚園讀K1, 跟住佢就話啟思課程淺, 好難銜接小學。 又問我諗住讀邊間小學, 我話家下先擇好幼稚園, 擇小學遲少少再算。我個朋友一輪咀就話我家下要計劃架勒,  話我比個囡讀呢間幼稚園"晒"左佢, 我唔想同佢嘈, 我同佢講:我 各人有各人既選擇,好清楚我自己既選擇。如果你係佢, 聽到呢句, 你都識收聲啦, 佢重一輪咀咁話我, "你鍾意啦" "你去問下其他幼稚園啦, 可能重有位, 家下d幼稚園唔係一定好多功課做, 你唔好將你諗既野imply係你個囡身上(即係我諗住啟思真係適合亞囡), 我登時幾嬲呀, 我咪問返佢: 咁你又知你唔係將你想既野imply係你囡囡身上?

真係各人有各有選擇, 做朋友既你比意見我會聽, 但係我好清楚我自己既立場與選擇, 況且我唔係以訛傳訛, 我囡囡親身讀緊啟思讀得好開心, 啟思既老師又好有心機。況且我同老公都覺得幼稚園只不過係一個學前教育, 為入小學作出準備, 我地兩公婆唔認為k3讀小學1年級既野係叻既。幼稚園課程係設計比幼稚園生既, 咁點解要迫佢地跳級呢?

我呻完勒, 舒服晒

ho_fish

heiheima咪, 唔好咁講, 我都係玩下架咋。自己重有好多野想玩, 可惜時間唔夠。

ho_fish

foon, 我個囡都無喊呀, 不過呢排放假佢好夜都唔肯瞓, 希望返番學會好d啦