由初時懷疑BB視障、再自閉....到3歲最後診斷原來一切正常

JNF

對光無反應，唔望人，唔親媽媽，唔手指指，成日睇轉轉，唔講野.....我小朋友之前全部中哂

見左好多醫生專家、聽過好多負面診斷，睇左好多文章，上左好多堂，聽左好多意見....自己不知不覺都做左專家咁

由一開始2個月大已經無咩希望，因為幾位醫生說他可能是視障，之後就是機會好大既自閉，之後徵狀竟然慢慢消失，現在醫生診斷發展一切正常，不是自閉。呢2年幾既心結，終於可以放低

想鼓勵一d擔心緊同面對緊既家長同小朋友，同埋多謝曾經分享同鼓勵我既jm。我總覺得無論是小朋友原本就無事，定有蓋過某d行為所以睇唔出都好，已經唔重要，而家佢已經係一個會表達同成日好開心既小朋友。

因為一開始，已經打定輸數，我絕對唔會想像到有呢一日，俾信心小朋友，大家要努力！

大家想知d咩，我樂意分享俾大家

JNF

chan.hoiyan 發表於 18-1-30 13:34
好好呀，我囝囝兩歲兩個月時都診斷為有自閉特徵，而家兩歲七個月，好似各方面都進步左好多，我都有諗過年尾 ...

Sorry 大家我之前logout左好耐無上黎漏左回覆

最後係訓練既老師同醫生都覺正常，而係由政府既CAC評左話唔覺邊方面有問題。佢一直讀主流幼稚園，一返全日就講野了，而家講野好好呀

其實唔知係早左訓練定純粹自己追返，之前因為太明顯所以我有外面俾佢上playgroup，私人訓練，我覺得俾佢接觸多 d野同耐性教佢功效大d

大家要努力呀，一定有得追的

JNF

vincelo29 發表於 18-7-17 13:12
恭喜你同小朋友，真係好開心，我想了解多點當時你小朋友的情況怎樣？現在你小朋友幾大？你們一定付出了很 ...

佢頭幾個月時好似睇唔到野咁無眼神反應，眼科醫院同兒科都話照腦，係好灰。而一年後佢視力正常返又中哂自閉特徵...
而家3歳幾啦，一切OK無哂特徵啦無特別再跟進治療了

JNF

twinbbtwin 發表於 18-10-17 17:56
想問，你喺果段時間做咩訓練？
thanks

因為好早已覺問題。好細個已俾佢上playgroup同早期訓練，實質成效大唔大就唔知，因為佢上堂表現唔好同好飲無咩用。但我地成日陪佢周圍去，最明顯係返左N班即刻講野好左