士啤酥之(好擔心...醫生話BB發展遲緩~~)大個仔喇

justjust

陸美媽

我同你都一樣﹐剪得太難睇局住出去剪﹐小童價50元。第一次阿女見到個男人攪佢個頭已扁嘴﹐拎佢個頭向另一面見唔到我即刻大喊﹐玩具都唔要﹐要全程捉住手仔。不過第二次就好D lu。

而家佢想留長頭髮﹐話做睡公主喎﹐仲話你睇﹐個個公主都係長頭髮。冇佢計﹐宜家只修前額頭髮﹐我去日本城買把狗牙較剪自己剪﹐有少少難度﹐但工多藝熟﹐都OK架。

justjust

陸美媽

我同你都一樣﹐剪得太難睇局住出去剪﹐小童價50元。第一次阿女見到個男人攪佢個頭已扁嘴﹐拎佢個頭向另一面見唔到我即刻大喊﹐玩具都唔要﹐要全程捉住手仔。不過第二次就好D lu。

而家佢想留長頭髮﹐話做睡公主喎﹐仲話你睇﹐個個公主都係長頭髮。冇佢計﹐宜家只修前額頭髮﹐我去日本城買把狗牙較剪自己剪﹐有少少難度﹐但工多藝熟﹐都OK架。

陸美爸 寫道:
hinma,

我仔都出去salon cut過hair, 以前一向都係我幫佢剪的, 但上一次一時失手, 剪到一忽忽, 所以一定要帶出去搵髮型師執返好.....

雖然都有時兩頭擰, 但都算合作, 而且我又帶備大量零食供應......呵呵....出去剪完發覺我一以往真係剪得好差呢......呵呵

陸美媽

justjust

Annie&啟園﹐

估唔到係呢到見到你﹐有D意外。

健康院話實際係遲D咩呢﹖除左講野慢仲有冇其他﹖

聽你咁講唔識實物跟圖片配對, 形狀配對等等﹐可能如你所講﹐係你冇教過﹐不如你返屋企同佢玩下﹐可能你同囝囝玩幾次之後佢已掌握﹐就唔駛咁擔心。唔得既話﹐就再問醫生姑娘﹐對症下藥。

我個女做測試時﹐好多野都唔識﹐咁我返去同佢玩一兩次就識﹐我覺得係我既問題﹐之前冇教佢。但講真﹐做家長既唔係有一本指引教我地點做﹐唔係小朋友有問題﹐去評估﹐都唔知/唔留意原來有個表係咩歲數要識D乜。算啦﹐望返以前冇用﹐最緊要向前看。

做child assessment test佢同你講排半年等你有心理準備﹐我當時排了3個月便有得做。但我同老公心急﹐唔想等政府﹐自己出私家做﹐當然超貴﹐但如可利用呢3個月對症下藥﹐幫小朋友追番D時間﹐物有所值架。所以我地到政府評估時﹐表現已不如在私家評估時那樣差。

有甚麼隨時上來﹗

justjust

Annie﹐

我都係咁做﹐一日最多半個鐘TV﹐下令全屋企只可講一種語言。以前會叫工人播VCD﹐跟住都唔俾。

冇電視﹐專注力返番黎。
單一語言﹐理解同表達能力立即提升。

hinhinmummy呢句拎我會心微笑﹕尤其係d男人, 無tv看會c甘 。同老公要有共識﹐一人作戰﹐十分辛苦。我老公又係超級電視迷﹐經常開電視引個女或用電視揍女﹐我亦不厭其煩﹐搬晒D理論出黎哦佢﹐佢都合作等個女入房訓覺後才開電視。

出九龍讀KG﹐如你報了收了﹐看到時表現吧。未報的﹐不如多花時間找有支緩既KG﹐努力趕上。可能過多一﹐兩年追上了﹐你還有時間同機會考慮轉校呢。現在﹐幫囝囝趕上最緊要﹐心儀學校﹐收左但同囝囝唔夾或冇支緩﹐都係徒然。

hinhinmummy 寫道:
還有

未排到評估之前, stop左吾好再比佢看甘多tv (都知道你們果班媽咪一直有比佢地看), 我自從做完評估之後, 已經stop晒吾比英文vcd軒軒看, 連tv都吾看...........................

but我知道, 好多人未必可以做到, 尤其係d男人, 無tv看會c甘 但都盡量小, 聽多d兒歌.......................

總之係廣東話都未講得掂的情況下, 盡量單一語言

justjust

Annie,

可能當時我個女仲細﹐得兩歲鬆D﹐都未識點開﹐所以我地話唔俾睇﹐最多聽CD佢都冇反抗﹐要睇電視一定會問準我地至得。有次我好嬲﹐收埋所有remote﹐就算按了電視電源﹐都冇remote開機。

D英文教材我照有用﹐當故仔書囉﹐反正阿女都只係睇圖唔睇字﹐D圖卡又係咁用﹐唔認個字點寫﹐都可學下係咩東東。

justjust

Be Be Dream 都有﹐好似只係$20~25。

siubchuma 寫道:
請問有無人知道邊度有有蓋果Ｄ ｓｃｉｓｓｏｒｓ 買呀?
可以帶出街剪小朋友野食果Ｄ!　謝!　

ｓｉｕｂｃｈｕｍａ

justjust

尋晚飯後同個女溫認字﹐好明顯佢係唔識得d字﹐只係認得圖畫同發音﹐如俾圖卡就識讀﹐但俾字卡就只識得“大”字同“火”字﹐不過我已經十分開心﹐佢行左唔小路先到宜家地步﹐希望佢繼續落去。

justjust

mamee,

繼續努力啦。其實目標高亦不嚐係壞事﹐最少有難度﹐我們才奮發﹐即使結果未如人意﹐也可能相對比訂下容易目標於是付出較少的結果更佳。

hoho1105,

你囝囝好好架喇﹐證明你的心血冇白費。

justjust

最近大女耐不耐發脾氣﹐要爭第一﹐囉唔到第一就唔開心﹐喊﹐掟野﹐走入房﹐尋日同表哥玩時唔抵得表哥贏左仲打了表哥一下 。

我地盡量解釋俾佢聽﹐第一當然好﹐囉唔到就下次再試﹐而且第二第三第.....都好﹐最緊要係玩既時候開心就得。但似乎講極都唔明。 :-|

其實表哥(只係大一歲)小時都好頑皮﹐但尋日我有意冇意比較﹐表哥真係成熟多了﹐玩游戲輸左立即再黎過﹐比人打居然仲走去問人咩唔開心﹐我真係好想阿女快d大過女好似表哥咁識諗。

真係有排解釋解釋再解釋。

justjust

hinma﹐

軒軒識得搵爸爸就真係好喇﹐做媽媽既可以鬆一鬆﹗

唉﹐阿女暫時只係係我地面前發脾氣﹐學校就冇乜﹐可能有我都唔知。等我遲d見到老師同老師傾下至得﹐多謝你提點。

justjust

各位早晨﹐

祝大家新春大吉﹐事事如意﹐樓股長旺﹐青春常駐﹐身體健康﹐小朋友精靈活潑﹐聰明伶利﹐學業進步﹐聽教聽話。