香港創價幼稚園

囡囡媽

Sandy媽,
我因為聽左Pulmma及其他媽媽的意見後，最後都同你一樣買左1套裙及2套運動服(因為我想睇情況之後，如有需要才去服裝公司買囉!)

各位要小朋友戒片的媽媽,
我個囡在2歲未入幼兒園前已經戒左日夜片，不過亦要經過一段時間呀!

起初買左個potty比佢，但係無用，佢坐落去時唔會去，一定要我包左片先肯去。

後來用自己放幾日假的時間，唔比片片佢穿，任佢就咁賴，起初真係好辛苦，抹屋都有排抹，不過賴多幾次佢都知有問題。亦都經常同佢講，如果想尿尿就叫媽媽啦! (見佢都有d進步)

不過原來最好的辦法是親身示範，(起初都覺得唔係咁好，不過原來係最有效)，仲有買埋一個小型厠板比佢好似大人咁去厠所囉! 男孩子當然要由爸爸教導啦! (健康院的姑娘都係咁教我呀!)

囡囡媽

提醒各位K1媽咪，明天是交"學前兒童發展評估表"的最後一天了。

另外，各位媽咪收到運動服未呢? 有物野意見呢? 我個囡帶回來試穿後，我只覺fitting剛剛好咋! 我個囡比較高大及略肥呀!   

囡囡媽

Sandy媽,

多謝你提供的website呀! 好有用。另外，恭喜你先生成為PTA的委員呀! 希望日後為我們的小公主、小王子攪多D活動啦!  

candy_kent,

我個囡囡是六月出世的，唔算好大亦唔算好細囉! 而當時老師問我會唔會考慮讀下午班，我想都無想就已經回覆佢"唔會"，佢問我點解，我回覆係我和先生都要上班，小朋友放學後都要去嫲嫲家，下午時間我希望佢可以午睡，到我們放工後便是我們的親子時間了。  

囡囡媽

Sandy媽,
我仲未好肯定你地係邊個，如果見到你個囡囡可能認得你呀!

msnicoleng,
創價是沒有茶點及雜費的。不過都係個句，如果媽咪想知去年interview心得應該由這個topic之始開始看，必有好發現呀!(起碼都看1-50頁啦! 不過看到第50頁，你地一定想再追落去呀! )

各位創價媽咪,
眨下眼，小朋友在創價都讀了1個多月，你地的小朋友有物野改變呢? 不如大家交流下啦! (不過我自己都要想一想先可以再寫下去，下回再報告。 )

囡囡媽

請問各位媽咪有無打算比個小朋友打流惑針呢? 因為我仲係十五十六唔知打唔打好呀!  

囡囡媽

virginia_chau,

我想小旅行當日全個過程只有1.5小時多點，應該只係將平時的茶點時間改在小旅行時進行啦! 我估唔知會唔會有風箏放呢? 因之前我個囡講老師教小朋友做水果畫，不過唔會帶番屋企，因為要做風箏喎!

而我只係打算預備三文治、朱古力手指餅及曲奇餅比佢咋!(獨立包裝等佢可以請小朋友食，食唔完又可以下次再食過呀!) :  :

囡囡媽

Oscar媽及各位新一屆的媽咪,

我都想信有部份考到創價的父母未必會報讀，但如果你們有心向學校求位，就請快d寫信給學校啦! 唔好遲了!

好似Pulmma所講(親自手寫會比較好呀!)講出自己對學校的感覺仲好過學校見到封封信內容都差不多呀!

我都好希望你地可以加入我個這個大家庭呀!

囡囡媽

kuku,

創價是沒有雜費收的。  

各位媽咪,

星期一會轉冷喎! 我個囡本應該穿校服裙的，不過我打算幫佢穿回運動服了。另外件校褸又好似唔夠暖呢?   請問你地又有無準備呢?

至於"創價新年gathering"，因為要返工，應該唔去得了。

囡囡媽

各位媽咪，創幼網址有upload左呀!快d去睇啦!
有佢地去小旅行的相睇呀!
11月份生日會,有k1小朋友份表現呀!