劍鳴幼稚園-Nursery

HappyYammie

藍鞋子,

你囝囝好乖呀, 肯收拾玩具, 我囡係屋企唔肯收拾架, 但係學校/ playgroup就好勤快!   

我囡一放學就要抱, 無耐就瞓左覺, 通常坐緊車未番到屋企就    

HappyYammie

sinwin,

你今日無同囝囝番學/放學哩?

我見到今日d小朋友哭得好緊要, 特別係我地班, 我覺得3班之中b班比較少小朋友哭, 但今日都哭多左, 可能昨日無番學的緣故.

我今日見到有個好高的男仔, 唔肯定係咪你囝囝, 佢都哭得好厲害, 有個男仔仲哭住走出禮堂, 我都有幫手捉番佢番去老師度.

希望d小朋友快d適應!

唔該你找了太陽伯伯的歌詞, 我囡囡仲學左另一首, 1隻手指搖搖搖, 兩隻手指xxx, 3隻手指xxx, 4隻手指xxx, 我就係想知呢首童謠個歌詞.等係屋企可以同佢玩.

HappyYammie

Hi Lincoln'smami,

我都係自己接送架, 雖然係辛苦同輪盡, 但bb咁細個會放心d.
都有考慮俾囡囡坐校車, 但我同你一樣, 希望可以同老師傾計,同埋可以睇佢地跳舞, 好得意架!   

HappyYammie

Hi cat_house,

我覺得咁細個, 又要適應校園生活, 初初自行接送會好d, 至於幾時先坐校車, 視乎你住所遠近? 有無直達車? 最緊要係小朋友係去程同回程時會唔會瞓覺.以及坐校車時係屬於頭站/尾站落車.

因為我家附近有架巴士可到基堤道, 但開學個幾日我同囡囡坐巴士, 佢都會瞓覺, 攪到番到學校都無咁精神, 之後我轉左坐小巴轉mtr再轉小巴, 囡囡就無瞓覺, 但放學攰坐車都係會瞓覺, 我問過司機叔叔, 佢話若小朋友瞓覺就最好自己湊, 所以我暫時都係自己接送咯!

希望幫到你!  

HappyYammie

sinwin,

係呀, 我昨日見到個男仔好大機會係你仔仔呀!因為佢好高, 頭髮好短, 都係"老人家"湊, 不過位"老人家"好後生架!! 昨日b班真的哭得很厲害, 今日好左好多, 不過都有幾個小朋友哭, 仲係男仔哭多d.

我囡囡ok喎, 佢表現俾我想像中好, 廖老師話佢適應到學校生活, 因為佢除左前日見到隻會郁的owl嚇親哭左一陣之外, 基本上都無哭, 仲開始留心上堂, 不過佢就慢熱同好有個性, 係學校唔肯點講野, 希望佢都漸入佳境啦!

你仔仔都有進步了!多鼓勵佢, 慢慢來!!相信好快會適應!

HappyYammie

maya'smama,

Many Thanks.   

係呢? 你小朋友讀邊班?

HappyYammie

藍鞋子,

正式來說我住茶果嶺, 即麗港城, 所以我番學要轉3次車咯, 抱囡囡抱到我快內傷咯! :cry:  :cry: 雖然我囡唔算肥, 得26lbs, 但加埋書包同自己個袋, 睇怕我都要定期去做按摩至得!

之前校車李生覆我, 若囡囡坐校車, 唔係坐將軍澳條線, 係坐觀塘線, 去程係尾二站, 但回程就都係尾站, 所以佢建議我只坐去程, 但囡囡太細我始終唔放心, 所以暫時都係自己接送咯!但就真係好浪費時間...所以都計劃緊o個3個鐘可以做d咩...

HappyYammie

Hi Mon,

係呀!囡囡好鍾意番學呀!你囝囝好smart!我都希望囡囡都咁smart 就好咯!

我係屋企先坐小巴到藍田mtr, o係九龍塘落車再轉坐2號小巴, 但由屋企出門口到番到學校, 都要接近1個鐘, 所以我番親學都好趕.可能因為囡囡晏起身, 計埋佢食lunch, 我食lunch, 佢扭扭擰擰先出到門口, 再連埋等佢放學, 好似成日就無晒咁!! 最麻煩係落大雨, 學校附近真係無得遮, 同囡囡番學放學簡直係超級輪盡!  :cry:

HappyYammie

藍鞋子,

你囝囝今日坐校車ok嘛? 今日b班又有好多小朋友哭, 可能放左兩日假關係, d小朋友又要適應.

你個建議好好啊! 我先生都有咁樣諗法, 請問你校車車費要幾多呢?

HappyYammie

Planet ,

我頭幾日番學就係坐40號, 如果唔計等車,塞車同行路時間, 約40分鐘會到站, 但可能係正中午關係, 架巴士熱得緊要, 窗外太陽又晒得猛烈, 囡囡坐親都要係咁同佢抺汗, 出汗攰所以想瞓覺, 攪到番到學校無厘精神, 所以我轉坐小巴同mtr, 時間會易掌握d, 同埋會舒服d, d空調會好d.   

Mon,

1A 落車站係咪同40號一樣呢? 因為落車後要係基堤道行過去, 抱著瞓緊的囡囡, 再加埋個書包 & 自己個袋, 仲要担傘阻擋猛烈的陽光, 段路唔算好長但都好吃力, 所以試過都係o係油站落方便d.

HappyYammie

Mon,

    

monmantong 寫道:
my son is not smart, sometimes he is a baby comparing with other same age boys,.. but in my eyes, he is the best.  

HappyYammie

jackie_lau2000 ,

你肯定黎老師離職? o係初開學階段, 真可惜!    怪唔知今日見唔到黎老師, 見到另一位化了粧的老師.

雖然我囡囡唔係a班, ,不過每次番學都見到黎老師好好笑容, 睇到佢好有心教小朋友.

HappyYammie

sinwin ,

我見到你囝囝同你講電話哦!!收線後佢好懂事, 話唔知放學後做咩?! 但當家長走時, 佢都忍唔住有哭, 不過都俾上星期進步了.

HappyYammie

係呀, 下午班都係A班多女仔呀!B班就得6個!其他全係男生!C班就唔知咯!

HappyYammie

Hi ianmami,

我都係咁諗,坐到匯景落車,不過暫時唔放心囡囡坐校車, 因為我見佢d同學仔昨日開始坐校車, 哭到收唔到聲, 雖然我囡囡係學校都無點喊過, 但係屋企瞓覺時d情緒都唔係太穩定, 所以考慮遲d先坐校車.

自開學以來, 日日係咁抱, 前日忍唔住走左去按摩, 個師父話我肩周炎 :cry:  :cry: 為左阿囡, 辛苦d都無計!   

HappyYammie

jackie_lau2000,

今日有位A班媽咪同我講, 個新老師係姓張, 但今日門口個璧報板換相, 貼上去個名唔係姓張, 好似係姓馮, 唔知係貼錯名定其他...   

HappyYammie

sinwin,

Nice to meet you today!

今日囝囝點呀?

HappyYammie

藍鞋子 ,

你囝囝叫咩名? 係咪都係b班下午班? 等我認識下佢嘛!

咁你坐架校巴個車牌係幾多號? 我發覺有好幾款校巴, 有d12座, 有d16座, 但我搵唔到觀塘線的24座喎! 佢有d校巴有個數目字係學校牌度, 但有d就無數目字, 所以都係知車牌號穩陣d.

HappyYammie

mwkcheung,

   咁奇怪, 只係載你囝囝一人, 咁咪仲好,時間快好多, 好似包車咁咁

你住邊區架? 最初李生點同你講路線架?

好呀, 如果見到你囝囝, 我會多加留意.

今日有架校車接近1:30先番到學校, 我見到我班有幾個同學仔由老師幫忙換鞋趕著出去運動好頻能.

HappyYammie

藍鞋子,

B班全班約21人, 呢個係剛開學時既人數, 老師話或者會加多至23人左右, 而睇貼係璧報板的相, 就數到全班得6個女生咋!所以B班係男多女少.

Ms Nicola 係咪俾之前主動?這個好難講, 因我見唔到佢上課情形, 但肯定會俾之前習慣個time table. 不過我見上星期佢病左1日無番學, 有2日佢都係跳緊舞時先出現, 開頭得廖老師1個人帶跳舞!

因為仍有小朋友喊, 上星期我就見Ms Nicola會抱實及將喊的小朋友集中埋一齊坐安慰佢地, 入到課室就唔知.

今個星期, 我就見平日講開英文的小朋友, 即屋企有工人係講開英文的, 係無家人或姐姐陪同下, 都會比較黏住Ms Nicola,可能就係容易溝通啩! 所以聴番廖老師講, 我囡囡上星期就比較黏廖老師同洪老師, 因囡囡講開廣東話嘛!

咁你囝囝係咪主要講英文?

仲有, 想問下你開學頭星期, 係廖老師定係Ms Nicola電話聯絡你? 因為我係廖老師聯絡, 佢仲話囡囡表現好好, 但上星期五番來的手冊, 表現卻退步左, 我好奇怪咪問番廖老師係咪囡囡有naughty, 佢話無, 話個給印係由Ms Nicola評, 佢無參與    廖老師話會跟Ms Nicola了解下, 可能中西差異唔同喎!