劍鳴幼稚園-Nursery

HappyYammie

mwk,

咁你地c班係開學個星期係由黃老師定英文老師電話聯絡你?
因為原來a班係ms Deanie 聯絡, 所以我想知你班的情況.

各位下午班a班家長,

據1位A班家長告訴我, 你地的中文老師真的係張老師, 門口貼的相那位馮老師係上午班a班的老師, 但張老師張相就要搵搵了

HappyYammie

mwkcheung,

你係咪指係校務處門口個board d相? 上星期已有貼出黎, 係影n班上堂情形, 我囡囡都有幅影佢玩滑梯,我問過校務處, 問可以晒回給家長, 佢地話呢d唔得, 活動相就得.所以我囡張獨照都攞唔到咯!

HappyYammie

ianmami,

係呀, 我同佢講,媽咪手痛, 唔可以抱咁多, 佢最初都唔肯, 話無事無事, 咪一路係街度喊住要抱, 不過係咋嬌, 佢都無眼淚, 結果試左兩三日, 而家番學都叫ok, 抱少左, 但一放學都係要抱, 因為可能太攰, 一抱上身無耐就瞓覺, 所以多數係放學一路抱到坐車番屋企. 星期一番學同星期五放學就最輪盡.我成日都好驚我會突然身體某部份痛而跌左囡囡落地, 因為我d筋/關節唔係咁好呀!咁就真係大件事咯!!    希望唔會發生啦!

係呢? 想問你地高年級平時係課堂上會唔會學到英文拼音?定都係要參加星期六的活動才學到? 咁知唔知km係教邊種拼音?

HappyYammie

sinwin,

你囝囝今日好好呀!你放心啦!

今日b班好少人番學, 可能天氣唔好多人病, 要俾多d維他命c小朋友食呀!


反而a班仍然好多人哭, 我覺得b班的小朋友進步左了.

你囝囝番學時鐘意係禮堂玩, 我見親佢多數係坐車或玩貼係wall的遊戲.

今早個頑皮的同學又推左囡囡一下, 又係廖老師阻止, 希望老師能慢慢教好o個個同學的霸道!

藍孩子,

我終放知道邊個係你個囝, 平日已有留意佢,不過今日聽到老師叫佢名我先知道原來係佢,佢好定, 自己一個人坐係度, 我同佢抺左running nose.你問下佢睇下佢認唔認得我.

HappyYammie

mwcheung,

唔好意思呀, 我仲未認到你個囝, 因為始終唔同班, 無咁方便認, 你囝囝叫咩名呢? 通常邊個湊番學? 等我留意下.

藍鞋子, sinwin,

你地囝囝好叻呀, 今日跳舞成首跳晒!同我囡囡一樣!   

Jerry仲跳得好投入, 轉晒身添! 不過佢係咪鍾意趁熱鬧? 因我見排隊入課室時, 有部份小朋友跟住廖老師排, 有幾個就由家長拖入課室, 但Jerry唔排後面, 硬要攝入原先最尾同尾二的中間排.   可能佢唔想排最後.

sinwin囝囝就含蓄d, 唔係好夠胆, 跳得無咁放! 相信熟左會好架啦! 今日由爸爸接送, 放學時你囝囝講完個電話, 因為望到行係後面既我抱住囡囡, 就要求爸爸抱佢, 好在你先生夠大隻, 如果換著你或嫲嫲, 真唔好意思呢!

今日仍然有好多同學無番, 不過b班的同學已無咩喊, a班仲喊得好勁.今日Ms Nicola 病假, 昨日遲到. 到跳舞先番. 見到好多時得廖老師1個係班房睇住d小朋友, 真辛苦, 一時又趕著換鞋, 一時又搶玩具, 一時又推小朋友, 真係少d眼力都睇唔掂. 今日另有3位自己接送的媽咪說笑話Ms N.一係遲到, 一係唔番, 叫學校請佢地去教好過!

咁又係, 開學無耐, 已經係咁, 好影响小朋友學英文噃!!

妤妤,

我見好多學生若有家長湊的, 多收都係番到學校/入左課室先著圍裙, 因為番學個時間正午都熱架, 小朋友多數怕熱, 所以都唔會俾佢著住番學.

個3個鍾我會周圍行, 去下又一城, 新世紀, 或去荷里活廣場, 有時會約埋其他家長一齊傾偈, 交換下搵學校心得, 因為呢段時間開始要攞FORM呀!

HappyYammie

jackie_lau2000 ,

囡囡好D未? 希望佢可以快D番學啦!

Mon,

我地n班未收到通知話29/9生日會喎?會唔會無份呢? 學校係透過手冊通知嗎?

記得MO MO 好似9月生日的, 是嗎? 祝MO MO 生日快樂!     相信生日會佢實會好開心!!   

HappyYammie

mwkcheung,

係呀, 放學如果番屋企就會坐40號, 不過架車d時間好難捉摸, 日日唔同, 有時早, 有時晏, 有時多人到無咩位, 間唔中又無咩人坐?

我係巴士識到個讀高班的姐姐同佢爺爺, 又識到個同住我屋苑讀SRL的K1哥哥同媽咪, 所以若同到佢地同車就會好D, 囡囡無咁快瞓著.   

藍鞋子,

番到課室, 因佢地開空調, 但無開windows, 所以我同囡囡就入面著短袖, 再加件起碼到elbow同唔要低領的外套, 因為佢地手臂凍/ 坐正風口下,低領的衫好易吹到咳. 後再係面著圍裙.

Brydon,

我班都有個女仔又係收到維記通知, 不過佢daddy見囡囡啱啱無喊, 再考慮到維記的pre-nursery唔係番足5日, 所以give up左.

你係咪都要幾日內決定? 10月要番? 咁你睇下小朋友的情況, 若佢有進步, 或開始present老師上堂的情形, 咁今年唔好轉, 明年再考慮轉會好d.

HappyYammie

jackie_lau2000,

   真係好了, 祝你囡囡有個健康又愉快的校園生活.

昨日我接囡囡放學, 又輪到囡囡病了, 番學仲好地地, 放學就黎料, 今日到無番學呢! 計計下, 佢自己番學只2個星期, 已經每星期都1日病假, 希望囡囡快d好番啦!

聽講最近社區感染流感好緊要, 大家記得自己同小朋友都打流感針哦!

HappyYammie

sinwin,

有心了.

係呀, 心心無番兩日學咯, 食晒一個treatment 的葯仲仍然running nose 同咳, 今日再睇加埋消炎葯, 食左就係咁瞓係咁瞓   

若果明天精神好些, 或會試下同佢番學...

我有個朋友曾問醫生, 話小朋友太細個, (below 3), 容易感染病而令身體變差, 到3歲時, 小朋友自己就會從病中產生抗體, 所以建議小朋友都係到3歲時正式入學最好!

你對這方面有較深入的認識嗎?

HappyYammie

藍鞋子,

你囝囝又如何? 我見上星期三你囝囝的running nose都好勁!

sinwin, 藍鞋子,

我都有報其他kinder, 因為想攞多d經驗同埋再俾囡囡多d選擇, 或者都會keep 住係km, 但暫時只覺ok, 又未睇見好...
最大問題係校舍太細, 但可能由於我自己同囡囡番學, 除左教自己班個3位老師同姐姐外, 辛小姐, 企係校門口個2位高班老師都認得心心, 咁樣又令到心心好有歸屬感.

HappyYammie

藍鞋子,

今日同你囝囝打招呼, 佢唔睬我哦!

但見到你話覺得囝囝唔係好肯溝通, 但我又覺得佢好開心, 好自在喎!

唔好咁快就話囝囝去面試唔得啦! 未打就認輸, 俾d信心囝囝. 去見識下其他學校都好呀!

HappyYammie

藍鞋子,

Jerry 好d未?

佢都好叻喎, 識講咁多同學仔個名, 仲有講我囡囡心心個名!真的嗎? 因為佢地應該唔同組, 理應未必好多機會接觸到.

我囡講黎講去都係廖老師, 洪老師, 寶姐, Ms Nicola同老師, 同學仔只係識同組的琪琪, 綠組的Christie, 同埋陽陽, 同埋A班兩個同學仔咋. 但講親都係琪琪.

你有無參加義工呢? 我原本都諗住參加, 但後來問過校長, 佢話最好唔好帶小朋友番去, 等家長不用分心照顧, 但我無人可幫我睇住, 所以都係無參加.

HappyYammie

sinwin,

Thanks for your help.

剛知道明年學前教育的資助, 對我們讀開私立的幼稚園真的好唔公平呢! :evil:  :evil:

原先我先生都話同囡囡選番同類的幼稚園讀, 而家佢即轉軚,話選非牟利,咁又係既, 政府的福利當然要用嘛!的確慳唔少噃!但又好担心非牟利的課程及語言程度...   

HappyYammie

藍鞋子, 妤妤,

其實非牟利又口啤好的幼稚園都有好多, 但無疑語文方面係會無咁好, 我讀km都係諗住等囡囡接觸多d英文, 但見佢而家個表現又無咩進步, 反而中文同普通話就聽佢講下, 所以我開始懷疑有個net係度係咪真係有用?     
    

HappyYammie

sinwin,

我係開著左部機, 得閒時就入黎睇下, 要做野時就行開去咯!

妤妤,

我都知道俾囡囡讀有net既幼稚園只係令佢唔怕net, 但係我見佢係中文同普通話上都有較明顯的進步, 而英文就無咁好, 感覺俾之前讀playgroup時的進步仲無咁明顯.

雖然係屋企多數講廣東話, 但我都會用英文同佢講野, 覺得以前佢對英文的興趣大些, 而家我攞英文字咭, 或睇英文書, 佢都無咩興趣.

我諗同英文老師的參與唔多唔少會有些關係, 我聽a班家長講, 佢地班主力係英文老師, 係開課個頭星期, 係家長陪課, 佢地a班家長話有8成係英文老師講野, 而b班就好似係中文老師做主力咁, 話就話有個net係度, 但...我都唔知點講好...    雖然係雙班主任, 比重應各半, 但我覺得囡囡個學習興趣下降左 ,

HappyYammie

藍鞋子,

你幾時接過放學?你告訴我等我見下你嘛!

其實遲些涼d, 我地可以約埋一齊玩, 記得去年我都同囡囡去滙景玩swing.

昨日早左番學, 咁啱Ms Nicola又係度, 咁我同佢傾下囡囡個表現, 佢話囡囡比較怕羞, 但相信係明白佢講咩, 因見到囡囡thinking. 其後我再問廖老師, 囡囡的中文及普通話表現, 佢就話都肯參與, 表現俾英文參與好, 建議我換另一些字咭教囡囡, 讓佢有新鮮感.之後收到手冊, 見到Ms Nicola寫左段心心上堂的情形我知, 我覺得好窩心哦!

咁你原定計劃報的幼稚園係適用於學券制嗎?可以分享下.

pls check pm.

HappyYammie

藍鞋子,

我開心係因為知道阿女係學校個情形咯!因為見到隔離a班老師隔幾日就同家長講小朋友個上堂情況, 但我地班就無. 我咪問老師心心上堂點, 於是當日咁啱俾番手冊我地, 咁我見到ms Nicola 寫番女女上堂個情形我知, 話囡囡經常笑, 唱歌, 拍手等, 話佢好enjoy上堂. 咁知道都係開心嘛!縱使番黎個評語唔好, 起碼都知道個上堂情況嘛.

今日同個同班同學家長傾計, 佢都話見老師無主動講小朋友上堂情形, 所以都係手冊度問, 結果就有回應咯. 如果你都想知Jerry情況, 你都可以寫手冊問.

至於首歌詞, 我都聽唔清楚, 只知老師教佢地雙手舉起並揮動,然後轉身, 之後雙手好似玩火車捐山窿咁配合雙腳向前行三步,再向後行三步,之後又雙手舉起並揮動, 咁樣一個cycle, 跳2-3次到,就完, 跟住就大多數唱黎唱去都係head, shoudle, knees and toes,之後再唱一個faster版, 小朋友就入課室咯!不過我囡就唔係好肯跳呢隻舞, 可能動作較大佢怕羞.  

HappyYammie

minguloo,

我都想知點解會去b班既?你自己湊楠楠嗎?

mwkcheung,

咁你今日番學見到ms Genia嗎?係咪就係你班個net? 如就咁聽你仔仔講, 可能係 ms Genia無番, 由b班個ms Nicola暫代?
其實你有疑問,可以打電話問下黃老師.我見高年班的都係咁架!

HappyYammie

Hi Brydon,

轉班唔駛諗架啦!   

其實聽高班講黃老師都幾好架? 至於新個位net, 俾多幾個月時間睇下, 可能好好呢!

HappyYammie

sinwin,

下星期三係b班野餐呀!要家長陪同哦, 好似要3:00係校園內等, 你再睇番張通告, 有講清楚架!下星期五就係生日會同化粧會, 聽廖老師講個野餐好值得去, 我諗老師好用心去設計呢個活動俾n班bb, 可惜我當日有事唔番學, 享受唔到野餐的樂趣呢!