好擔心...醫生話BB發展遲緩~~

陸美爸

Helen,

我煲左D開奶茶俾仔仔飲, 佢己經開胃番喇, 仲俾屋企人話我點解一向無煲俾佢飲tim 但佢由細到大胃口都無問題喎!

HoWangMami,

你仔仔同我仔仔情況好似喎....你又遇到好老師咁細心留意住仔仔進度, 我想問你當初有否講俾學校知你仔仔既情況呢？咁會否轉讀兼收位還是繼續讀現時的幼兒園+言語治療呢？

唔好意思問你咁多問題, 因我仔仔下月開始返學, 所以想知道多D...我好驚佢食舊飯咁學唔到野呀....thx

JOANNA722,

你仔仔排得真係好快喎.....你排邊區架？

我都好想知點同仔仔玩會有幫助, 平時得我同佢係屋企都幾悶架, 而老公放工/放假時多數會一齊出街, 等佢見多D人同事物...

陸美媽

陸美爸

各位媽媽~

1.請問小朋友返幼兒園要買幾多套校服呢？

2.返學用既"被心"及冷氣被係邊度買呢？

    

thx~

陸美媽

陸美爸

gloriap,

歡迎你大家傾下交換下心得...

沒有父母唔想自己孩子健康成長的, 但有時候大家卻顯得有心無力, 好像我這種新手父母更是滿腦子疑惑, 而且由一出世開始BB急速地發育, 都照顧得心力交瘁。特別是那些在職的爸媽, 除應付日間工作外, 放工返家仲要照顧小朋友、陪佢地玩, 眨眼就過一日了。但沮喪的是, 即使花了不少心機及時間, 孩子卻未必一定健康成長......相信此處的媽媽都會身同感受:cry:

書本上確實有很多資料給我們參考, 但套用到自己的寶寶身上時又未必適合, 要知道每個孩子特質不同, 單是男孩及女孩發展進度已有很大分別, 由其多數男孩發展既速度真的較女孩慢, 例如：說話、社交、行路、心智..., 而且女孩生長速度比較規律, 男孩則通常呈突然性的生長, 因此男孩比較容易出現發展遲緩。

自閉症係一種先天腦部功能受損而引致的發展障礙, 大部份都是找不到病因的。患自閉症的小朋友不喜歡同人相處, 就算自己爸媽亦一樣, 對他人漠不關心, 更不擅用眼神溝通；喜歡自己靜地用些奇怪玩法玩玩具, 例如：將玩具排成直線, 玩車車時只會轉動車"look"而不把它當成一架車黎玩；記憶力驚人, 能夠憑記憶覆述一段長的對話或背誦出完整的資料。

養兒育女並不容易, 做爸爸媽媽的並沒有實習期, BB一出世便立即上任, 就算芝麻綠荳的事, 也會感到不知所措。

我又無端端長篇大論tim.....如有講錯請不要見怪 , 不過有時係度抒發下感受, 情緒的確好好多架     

陸美媽

陸美爸

JOANNA722,

我地都有去泳池、沙灘, 佢係落水比較鍾意痴住爸爸安全感多D, 可能知我唔識游水掛......另外最開心就係去親戚屋企club house既兒童樂園玩, 四圍有各式各樣玩具, 有大班小朋友, 佢走來走去不知幾開心

但平時係屋企都幾悶下, 唔知玩咩好

陸美媽

陸美爸

gloriap,

學多啲, 點都好啲嘅~
以前邊有咁多自閉症、資優、發展遲緩或亞氏保加症.....就算有都唔會正視問題或去治療, 由於這類小朋友又不是智障類, 固此父母們都會掉以輕心, 往往反被拖慢進度, 一般衹會形容這些小朋友好聰明但好曳或好蠢好鈍......

小朋友可以經健康院轉介兒童評估中心做評估, 但要由健康院姑娘及醫生測試過應為有需要, 才會寫信給你做轉介的, 健康院費用全免, 而兒童評估中心首次費用$100, 其後求診費用$60

其它的你可以搵私人執業治療師或非政府資助機構：
香港言語治療師協會(私人) - Tel:9219 4141
協康會青蔥計劃 - Tel:2393 7555
協康會收費較平, 個別評估：約一至兩節, 每節$350/50mins

其實你囡囡都3歲半, 返學未？如果有問題都應該好明顯睇到...但如果無乜特別問題, 基本上無需刻意去做評估啫(我個人意見)~

以上資料希望幫到你, 有問題可再大家研究研究, 呢度有好多媽媽(比我更有經驗的)可以一齊傾架...

陸美媽

陸美爸

dear all mama,

囝囝下星期返學喇, 令我覺得好緊張

另外想問問大家, 你地自費排協康嘅training排幾耐至排到呢？

陸美媽

陸美爸

HoWangMami,

你仔仔咁快就有咁大進步, 真係鄧你高興 咁依家轉番一般幼稚園, 仲有無排早期訓練或自費去上訓練呀？

我囝囝佢又無唔望人喎! 反而成日眼金金咁望實你, 你同佢講嘢, 佢會好留心望住你然後笑下, 但最弊就係唔鍾意模彷, 所以咪學嘢慢教極都唔識law...

其實聽咗各位mama所講後, 都無之前擔心咁多lu, 但係我自己緊張啫, 好似自己要入學咁...

我哋幾位mama約咗910食lunch喎.....你有無興趣一齊？

陸美媽

陸美爸

Dobe~

唔駛咁緊張架(我自己果陣都係咁)~你緊張的話會影響小朋友表現架...
你最好俾仔仔訓足精神去做評估，因為見醫生嘅時間都幾長(我個仔果陣都見咗大約兩個鐘)，做各式各樣嘅測驗，見完醫生跟住見社工又搞個幾鐘，莫講話小朋友連大人都會好疲倦

陸美媽

陸美爸

kakab105,

其實要等幾耐真係無準則架, 可能睇小朋友情況, 再加上你嗰區輪候人數而定, 而我就係6月尾見完姑娘, 7月中就可以見醫生喇...詳細情況到910可以再講~

陸美媽

陸美爸

HAhahaa...囝囝今日第一日返學喇,
但真係好疲倦      (一家三口)
要休息下先...遲啲再向大家報告......

陸美爸

各位媽媽,

囝囝終於開學了, 不過情況不及想像中順利, 除咗第一日佢可能唔知發生咩事, 返到學校食完早餐我地就走得, 我地偷偷"莊"到佢只係眼紅紅忍住無喊四圍望, 到午飯時間接佢時, 一見到我地就"哇"一聲將忍咗一朝嘅掛念釋放出來 :cry:

跟住呢兩日就直情唔俾我地走, 今日仲一隻手捉住我用另一隻手玩tim, 唯有吼佢玩緊玩具時"鼠"出去, 但都俾佢知道, 老師話佢喊咗陣就自己玩喇...

不過最弊嘅係佢唔肯食嘢, 除咗麵包同蛋糕外(但都係要我餵先食), 其它一律唔食, 午飯後大部份小朋友都瞓覺, 佢寧願餓都自己坐係度等我地...

放學後帶佢去食嘢佢又大大啖食, 都未食晒就瞓咗, 坐車返屋企時, 望住佢...嗰一刻我好心痛, 覺得好似我帶佢去受苦咁.....

究竟...我可以點幫佢呢？

陸美媽

陸美爸

hi..mamee,

自從嗰朝同你打過招呼後, 都未有時間同你傾下, 因囝囝唔放我走呢...你囝囝嗰陣花咗幾多時間至適應返學呢？

另外秋季旅行你去嗎？

陸美媽

陸美爸

多謝各位嘅意見

囝囝越嚟越精喇, 今日行到課室門口已經喊喇...其實要狠心放低佢走, 我應該都可以做到, 但現時最大問題係佢完全唔肯食學校嘅食物, 老師一餵佢食嘢佢就用個背"隻""得"住, 早餐-->水果-->午餐都唔食, 寧願捱餓, 呢個問題令我地及老師都好頭痛, 所以老師都建議我留低陪佢食完早餐至走, 到午餐時間就返去接佢走......你哋話點好呀

見到其它同學仔同佢一樣大同一日開學, 人哋啲媽媽已經可以唔駛陪喇...有時我會諗, 係咪囝囝仲細仲未適合返學呢？

陸美媽

陸美爸

kakab105,
我囝囝間幼兒園係全日架(灣仔區), 不過話晒係BB班, 所以時間都唔係咁硬性規定, 老師話如果你有時想帶小朋友去玩吓, 都可以早啲去接佢架!
你有興趣我可以幫你問吓......

HoWangMami & mamee,
好多謝可以分享你哋嘅經驗 ...
我好開心今日囝囝有啲進步喇, 已經可以係學校午睡, hehee...我見佢個樣仲瞓得好甜添, 但老師話佢始終都唔肯食嘢, 就算開奶俾佢都唔飲(奶粉係我買去架), 現時我同老師都一齊諗辦法, 睇吓點樣可以屋企同學校兩面配合去幫佢改變飲食習慣........

陸美媽

陸美爸

mamee & HoWangMami,

奶粉我買定一罐俾老師, 係佢平時飲開架, 但奶樽就係學校嘅...

不過我每日都有準備定麵飽或蛋糕响佢書包, 但佢都係寧願捱餓, 都唔要老師餵, 剩係肯飲清水, 連阿華田都唔要......希望佢遲吓同老師熟啲會好啲啦 :-|

但老師話佢玩同瞓都OK, 我諗囝囝都開始適應學校嘅環境喇 , 不過朝早返學我仲係要偷偷地走囉

陸美媽

陸美爸

Hi~ClaudeeMa~

首先容許我補充一些資料...
協康會青蔥計劃個別評估：約一至兩節(50mins一節)，每節$350，但都係要排期輪候的，正如我亦正在輪候中呢!我是八月中報名的，但到現在仍未有聲氣呢...而政府的輪候時間亦未必你想像中那麼慢，視乎你輪候嘅地區及小朋友嘅情況而定，我果陣由第一次去評估中心見姑娘，到見兒科醫生做評估，前後都唔超過一個月。

另外，我覺得你就算搵私人機構做評估，都不妨幫小朋友排埋政府，因為若果小朋友真係有問題的話，政府可提供早期訓練或兼收/特殊學位俾小朋友，如經濟許可的話，你可以再自費俾小朋友做訓練添...

你仔仔除咗唔應人外，仲有冇一啲特別/古怪行為呀？總之，你唔好太擔心，現在立刻把握時間，幫助佢盡量追番"遲"咗嘅嘢啦~

陸美媽

陸美爸

hi~sister,

你不如打個電話去問吓咩情況啦...
如果小朋友真係有問題的話, 可以及早治療嘛....
真係事不宜遲喔

陸美媽

陸美爸

kimbear,

你仔仔今日好啲未？

我好明白你嘅心情, 我囝囝雖未試過咬到口流血, 但都係經常咬手的, 手臂上經常咬滿牙齒印, 睇見連我自己都肉痛, 為有多啲留意佢, 用其它嘢引開佢注意, 等佢漸漸改過來...連佢老師都注意到, 覺得佢最初返學時, 因未適應學校生活缺乏安全感, 咬得特犀利, 現時, 已經開始融入學校及同學仔中, 再加上老師盡量多點時間俾佢著住長袖外套, 所以明顯地咬少咗喇...你可以試下呢個方法得唔得!

你睇呢度幾多mama支持你

希望你工作順利, 逢兇化吉啦

陸美媽

陸美爸

hinhinmummy & helen,
好開心聽到你地仔仔有"大進步"
我仔仔由朝到晚都只係講"baba""mama", 除咗叫我地之外, 連同我地傾偈, 雖然有問有答, 句子有長有短, 好似真係講緊一啲嘢你聽咁, 但整句句子都係"babamamamaba"嘅組合, 我地為有好似明白佢講咩咁同佢溝通咋...
hinhinmummy期待你有時間講多啲同小朋友玩嘅方法俾我地喔

ClaudeeMa,
既然星期二去評估中心, 不如等評估完先, 因健康院都係好大概咁講啫, 始終評估中心/協康會詳細啲.....
你仔仔係咪返緊學架？我都好似kakab105咁, 多啲同佢玩、同佢傾計及同佢出街見多啲...
其實見完姑娘等見醫生嘅時間個個唔同, 通常姑娘會好保守咁話要半年內, 但我見好多一兩個月內都可以見醫生喇。我果陣見完姑娘兩星期就收到電話約我兩星期後見, 即前後加埋一個月度。
另外hinhinmummy提議嘅方法都幾好架....

gigi2,
唔緊要啦....今次嚟唔到咪下次囉, 下次或者可以揀九龍區吖....

陸美媽

陸美爸

hinhinmummy~

many many thanks

你啲資料對我嚟講真係非常有用喔~~

係呢...你軒軒返學肯食嘢未呀？

陸美媽