我們的聚腳地∼∼∼士啤酥會；）

陸美爸

hahaa~

helen你真係好犀利呀...咁快又諗到新主意~

我覺得第二個(士啤蘇媽咪會)幾好...得意啲!
定係唔用"媽咪"會好啲？會唔會有啲爸爸都會加入呢？？

叫"我的士啤酥"如何？？？

陸美媽

陸美爸

hinhinmummy~

咁醫生有冇話會點跟進？軒軒主動攬住姐姐錫，你應該開心吖!起碼軒軒又有進步，同埋你工人平時都好鍚軒軒啫，唔駛妒忌...可能軒軒跟住會攬住你鍚鍚喇~

另外，你有冇試下自備一啲軒軒鍾意嘅食物帶返學，到食嘢時叫老師餵佢，等佢適應咗老師先，然後再適應學校嘅食物，應該work架...

我個仔都係咁，平時係屋企上午10:00就要瞓兩三個鐘至食晏，但學校就掉轉，11:30食完晏至瞓覺，所以佢未到食晏已經扭眼瞓，但老師好好慢慢幫佢調校時間，然後開始餵我自備嘅麵包/蛋糕，跟住進展到呢兩日放學，老師讚佢開始肯食學校嘅飯仔，嘩~~我同老公開心到不得了，連佢自己都知我哋讚佢，自己係咁拍手呢...hahaa......

我覺得軒軒可能需要多點時間適應學校生活，而你亦唔需要太擔心係咪會穿煲，正如醫生都未能夠話到你聽診斷到啲咩，倘若老師問你，你咪話佢知，如果學校因為咁而唔俾軒軒讀的話，我勸你走快啲添呀...

陸美媽

陸美爸

[士啤酥會] or [士啤酥club]都幾好喎~

好似一件甜品咁，唔一定每日有得食，但有得食果陣會好開心...
正如當自己小朋友突然間做到一啲嘢或有進步時，足以令我哋開心大半天，心都甜晒咁......

你哋話係咪？

陸美媽

陸美爸

hinhinmummy~
其實睇番你所講，軒軒都keep住有進步，真鄧你開心 ~
而學校唔俾自備食物，可能係驚其它小朋友"有樣學樣"，咁唯有花多點時間等佢適應啦~

mickeyma~
真鄧你開心 ...唔知我個仔幾時做到呢？

gongonma~
小朋友大細無所謂，得閑咪入嚟傾下偈囉

dear all~
剛剛收到社工寄嚟嘅信，通知我"早期訓練"及"兼收位"嘅名額都增加咗，希望可以大大縮短輪候時間啦~

陸美媽

陸美爸

mickeyma~
其實我真係好彩咋，遇到個好嘅健康院醫生，係佢主動提出refer囝囝去做評估，當時(15mths)醫生都唔太肯定是否有問題，而我同老公硬加覺得一定係佢睇錯，但都即管去做評估，希望證明我地係啱嘅...

但第一次去見完姑娘後(16mths)，返屋企冷靜地諗清楚，至開始覺得囝囝的確比其他小朋友慢，之後再加上兒科醫生評估既佈告，話囝囝整體慢約5個月...

如果唔係健康院個醫生，我諗我哋兩公婆仲"ON居居"唔發覺有問題，因為就算到今日，我哋身邊嘅人都仲係話"男仔係咁架!乜都慢啲架!兩三歲先講嘢唔奇架"，所以佢地反而覺得我怪，做乜得個歲半人仔就要佢返學...相信祗有你哋至會明白 :-|

你28mths發現都未太遲，而且我見你為宇宇都做咗好多好多......我哋大家繼續努力吧~

kmwun~
你小朋友依家幾大呢？咁有無做緊早期訓練呀？

陸美媽

陸美爸

kakab105~

記得預埋我喎~

呢幾日比較忙，遲下再傾......

陸美媽

陸美爸

kakab105~

sorry~我仲未可以肯定(1大1小) or (2大1小)住喎...因陸美爸未知果日駛唔駛返工呢~我一有消息會立即通知你...thx~

日期方面：我地依家都未決定地方，1003會唔會"敏"咗啲呢？

時間方面：我都贊成15:00，我個仔都係極需要瞓晏覺的...

地點方面：等我都搵搵啦~係咪要有得食又有得玩呢(都幾頭痛)？其實你之前搵果啲都幾好吖...

陸美媽

陸美爸

kakab105~

中央圖書館係咪有遊戲設備/玩具供應呢？
如果有的話我諗都OK架喇~最多大家咪食飽先嚟囉，因為我估多數都唔俾飲食架~
如果大家都OK的話就要快啲book場喇...

陸美媽

陸美爸

我都想知依家最後決定點呀？？？

我都預咗果日一齊玩架

陸美媽

陸美爸

hinhinmummy~

綠色果啲係菌嚟架，嘔/痾晒出嚟好架，希望軒軒早日康復

另外，軒軒爹哋方面慢慢嚟啦，我覺得佢未必係接受唔到自己個仔嘅問題，而係如果我地成班人，連大連細都成幾十人，始終唔知啲同事點諗嘛...我諗你都唔好太介意喇

陸美媽

陸美爸

hinhinmummy~

有無煲啲粥水俾佢飲(幾好架~)？若佢唔想食就算喇，俾足夠水份比進食更重要啊...醫生有無俾啲補充水分嘅沖劑你？如無的話可用500cc水加半茶匙鹽和4茶匙葡萄糖佢飲，可以補充流失嘅鹽分及礦物質，避免飲奶類嘅飲料，盡可能俾啲稀釋咗嘅果汁。

小朋友身體細小，病一病輕幾磅真係特別明顯，為有就下佢，令佢心情愉快，身體會好得快啲架~

陸美媽

陸美爸

hinhinmummy~

其實你可以平時抽啲時間兩公婆去拍吓拖，就算兩三個鐘都可以，係呢段時間最好可以完全唔諗屋企/仔女事，真真正正二人世界，睇場戲又得，食吓嘢又得，或者行吓公園都得，等大家都可以輕鬆吓，減減壓......relax!......
有時男人響出面返工幾叻都好，返到屋企都會好似小朋友咁，要氹吓，有時你氹佢，有時佢又氹吓你，大家心情好對小朋友都好啲架~

don't give up!...cheer up!!!...

陸美媽