好擔心...醫生話BB發展遲緩~~

陸美爸

helen, hinhinmummy, 678 & tin_tin :

thanks~

相信只有這裡的mama明白果種感受, 果一兩個簡單的發音, 真係得來不易啊 :cry:

hinhinmummy:多謝報料 不過我要等亞仔返學至去到, 唔知佢promote到幾時呢？

我同個仔講"恭喜"佢都唔知我做乜架! 都係要講"請請"佢就識做動作, 唔知係咪兩個動作一樣, 令佢混淆呢？

陸美媽

陸美爸

同各位拜年先...

祝各位小朋友 [size=large]精叻活潑 人見人愛 身體健康 快高長大

祝各位媽媽 [size=large]青春常註 夢想成真 開開心心 家傭聽話

祝各位爸爸 [size=large]財源廣進 升職加薪 夫妻恩愛 笑口常開

恭喜發財!

陸美媽

陸美爸

各位小朋友新年都有好多趣事呢...

我仔仔都未識講"恭喜""多謝", 但佢好識自動做各種(一連串)動作引大家笑, 加上佢d動作又有點"笨鈍", 所以都令到大家見到佢都好開心...

hinhinmummy : 軒軒送你"金銀滿屋"呢...新年呢幾日都未得閑過, 聽日休息一天, 後日(Tue)仔仔返學, 所以都仲未有時間去stepping stone睇過。

st : 希望你囡囡如你唐姑姐所講咁, 講到"雞啄唔斷"~

陸美媽

陸美爸

哎唷...亞仔果班剛剛有兩個同學仔先後出完(水荳), 爸爸仲同老師講笑話不如開番個"水荳party" tim (俾佢激死 ), 如果依家至去打水荳針遲唔遲呢？

陸美媽

陸美爸

hinhinmummy
希望軒軒早日康復啦! 小心身體, 過兩日會跌到得9度咋...

kaka
上次飲茶時, 唔記得講起乜, 你話不如send相俾我睇, 但諗極都諗唔起係咩...你記得嗎？呀...上次買果大盒火車開始玩未？
你撈飯俾亞仔食, 你唔驚佢嫌腥, 連飯都唔食咩？

陸美媽

陸美爸

完全同意...

我都曾經試過用"打手扳"呢個方法, 初時好有效, 但點知令佢學識打人, 仲要係打臉, 卒之後黎反而仲要花左好長好長時間去改正佢打人行為......所以以後都唔敢打lu!

評估中心姑娘曾教過, 當小朋友發脾氣時, 最好辨法係唔理佢, 真係要做到望都唔望(姑娘教呢個係重點), 等佢冷靜後再講道理, 開頭幾次佢地可能真係會堅持(喊)好耐, 但只要你比佢更堅持(唔理佢), 漸漸地就會減少發脾氣, 因為知道發黎無用。

同埋平時小發惡鬧都好架, 當佢地真係好曳時, 只要大聲小小佢就會驚/唔敢架喇!!!

陸美媽

陸美爸

聽日老師約我地傾亞仔情況...好擔心......老師會唔會有咩特別野想講?!

襯爸爸不在家, 同亞仔放學返黎, 一齊食雪糕, 我兩啖佢一啖, 佢開心到每食完一啖就鍚我咀一啖......盒雪糕咩味都唔記得lu, 只覺得好甜...好甜......

hinhinmummy :
軒軒皮膚好返晒未？通常小朋友病完都好似叻d架, 可況出水痘咁大件事, 一定大有進步啦...

陸美媽

陸美爸

尋晚, 都唔知緊張/擔心定咩, 成晚訓唔著, 係度胡思亂想......究竟老師會同我地講乜呢

hinhinmummy,
我個仔都係早兩個月開始至懂得將電話放響耳仔(仲要多數反轉tim), 都唔知幾時至識講電話呢？依家爸爸打電話返黎, 我叫佢鍚鍚, 佢就真係鍚落個電話度, 我叫佢講bye bye, 佢就會放低個電話, 一邊講bye bye 一邊做手勢...激死

魚油丸我都無雪喎, 都係放響乾爽地方咋...

陸美媽

陸美爸

mamee,

如果有位的話, 學校會早過我地知架？但到時點面對老師好呢？好像一開始就有心隱瞞仔仔情況咁...

好彩係早一日約我咋...如果係早一星期的話, 我實變"國寶"(熊貓)唧

見家長真係好大壓力呀...

陸美媽

陸美爸

12312,

我個仔都係食雪印, 佢地張leaflet寫住話"適合一至七歲小朋友", 點解2.5要轉？是否唔夠營養？

想問"牛初乳奶片"係乜黎架？

陸美媽

陸美爸

講返亞仔見家長情況..

真係虛驚一場, 因為都返左半年學, 老師主要係講下哩半年返學既野, 再了解下佢響屋企同係學校既分別, 可能亞仔比起半年前學識左好多野, 諗返佢入學前真係"一舊飯"咁, 所以老師都未有覺得佢有"特別"...

其次, 老師話亞仔唔係好識"跳", 我想問點樣可以教佢"跳"呀？

陸美媽

陸美爸

four44,

係咪好似軟糖咁架？

不過我個仔食緊魚肝油及dha, 咁夠唔夠呢？

陸美媽

陸美爸

mamee,

no la, 我都係澳洲版呢, 思敏傑嘛...

係咪真係唔掂呀？

陸美媽

陸美爸

four44,

可以講我知個牌子及邊樹買嗎？thx~

陸美媽

陸美爸

mamee,

乜仲有4號咩？真係唔知道tim...

..........等我都考慮下好唔好轉奶粉先.........

thanks~~

夠鐘叫亞仔起身食奶lu....得閑再傾....

陸美媽

陸美爸

早幾日99又黎小住數天, 同孫仔預祝生日, 可能佢一向都係覺得仔仔都係叫做得歲幾, 唔覺得有咩, 但仔仔兩歲了, 就好似一夜間覺得好多人地小朋友一歲都識但仔仔都未識, 有時都話"佢樣樣都知, 樣樣都明, 但就係唔識講野...", 我係完全知道佢無心講的, 但佢每講一次, 我個心就好唔舒服, 好驚會唔會有一日, 發展到佢係有心俾說話我聽???

好彩99返番屋企了, 今日可以開開心心同亞仔慶祝...

陸美媽

陸美爸

hinhinmummy,

多謝晒~

亞仔今日生日, 但仍未決定帶佢去邊度慶祝好! (早幾日99係度都無時間諗)

有無好提議？急......

陸美媽

陸美爸

dear all,

多謝各位mama既祝福, 但願願望能夠早日成真~

我諗多數會帶佢去冒險樂園坐下(佢唔鍾意入錢旭呢!!!), 然後再食個兒童餐咁啦...

依家剛放學, 兩仔爺一齊訓左, 訓足精神夜d出動...

至於飲茶, 我要遲小小覆, 因老公放假, 如果佢自己有節目, 我先至有時間黎...

陸美媽

陸美爸

dear st,

如果我無記錯的話...........

祝你[size=xx-large]生日快樂, 夢想成真

陸美媽

陸美爸

請各mama俾意見...

尋日收到社工電話, 通知有位(I位)可入讀...仔仔是屬於非常慢熱型, I位雖然每日有訓練, 但小組形式及時間較短, 我怕仔仔唔夠時間warm up, 浪費寶貴的訓練時間......

如早期訓練每星期得一日每次一小時, 但要繼續等...唔知要等幾耐？

其實對兩者實濟既訓練/上堂模式, 真的不太了解...以及會唔會有些問題是需要考慮而我又忽略左呢？

得幾日時間考慮, 但99又黎左...又小住數天, 無得靜靜地諗下野...... :cry:

thanks~~~

陸美媽