我們的聚腳地∼∼∼士啤酥會；）

kmwun

hinhinmummy

小朋友特別d，唔係小朋友o既錯，亦唔係家長o既錯，我覺得多d溝通，其他人先可以多d了解他們，多d接受他們。所以我提議你同學校溝通軒軒o既情況，如果學校唔接受小朋友都唔值留啦！我個小朋友都係有A-feature，由幼兒班開始已經開始同學校溝通俊希的情況。另外亦有同家人、朋友講，多d人支持，又避免一d不必要的誤會。我先生起初都無同他的屋企人講，有一次屋企人講左句無心o既說話，老實講我到今日稔番起都仍然有d唔開心。

莫講話小朋友，我地大人都有長處短處，向前睇啦，而家最緊要唔係要小朋友做到我地o既理想，而係幫小朋友做到他們的最好。教小朋友o既時候加d愛心啦，效果會好d架！努力！加油！

kmwun

hinhinmummy

俊希係讀普通的幼稚園，其實最初係學校留意到俊希有d"特別"，建議我地幫佢做評估，重主動俾d資料我地．俊希今年返緊高班．

kmwun

我懵下懵下到仔仔四歲至評估到係A-feature，唔好睇返以前啦，正因為無可能做到十全十美，所以每次盡左力就算啦！

同大家分享下，因為仔仔對抽象概念差，例如好容易攪錯你我他．我o既方法係每晚指住自己講"我愛"，然後指住仔仔講"你"，調轉再講一次．而家仔仔係每晚都會同我拍住心口講"我愛你"，"你愛我"．幾辛苦都抵啦！大家不妨試試啦！

      

kmwun

hinhinmummy

因為我近來至從朋友處知道這個討論區，所以上次無join你地．如果下次o係星期六日（因為星期一至五要返工），我可以join你地嗎？

我仔仔大概一歲多d識講野，不過稔番起佢真係唔鍾意講野，你問幾多野都只會答"好"或者"唔好，又鍾意自己玩，重以為好咯唔"痴"身．到返幼兒班老師話佢識講好bookage，即係好似讀書咁．而家已經有進步，不過有時講d長d嘅句子都會好緊張．

kmwun

mamee

我仔仔講野緊張時都會有你點頭或者大力"斬"眼o既小動作，相信係幫自己集中精神．我跟言語治療師學要多d讚小朋友，或者具體d，好似其中一個言語治療師o係俊希做得好時o係紙上畫個"剔"俾佢，俊希後來要求我地用手指將"剔"俾o係佢心口，相信具體d讚小朋友會俾多d信心佢地，印象亦會深刻d．

kmwun

陸美媽

俊希5歲多d啦，而家返緊早期，除左早期，中心重有安排定期職業治療，物理治療同言語治療就疏d．

你真係好彩遇到個好醫生．俊希去健康院做三歲個評估，姑娘話小朋友都好唔聽你話，重叫我問下自己夠唔夠時間陪佢，我夠想生活無憂，日日同仔仔玩啦．之後係安排三歲半再返健康院，都重係做唔完個評估．安排再過三個月再返健康院，點知又撞到沙士...卒之係學校覺得俊希有問題，最後係搵私家醫生寫信轉介去做評估．

大家多d分享下，努力！加油！

      

kmwun

justjust

咁你個囡囡有無上言語治療？我仔仔有A-feature，講野都有d甩甩離離，我覺得上言語治療幾幫到佢，而我地做家長亦學到日常生活中可以點樣幫到小朋友．

kmwun

justjust

You're welcomed !  慢慢o黎啦！最緊要係有進步。我通常都衰心急，小朋友講慢d就幫佢口講，有時要提自己俾d耐性，俾足時間小朋友試。最好的時機係小朋友有要求o既時候，有時明明知佢要咩，但都扮唔知堅持要佢講好d至幫佢，幾有效架。

加油呀！    

kmwun

可以預埋我嗎?一大加一小(五歲)

kmwun

hinhinmummy

我都好明白你的感受！正面d去稔，你先生會同你溝通，講自己的感受，不是比逃避好得多嗎！

我有時都覺得，我老公會覺得自己唔識同仔仔相處。例如仔仔扭計佢又唔知佢扭咩，又唔知點做好。又覺得我地做媽咪o既做得比佢地好。但另一方面做爸爸o既亦知道我地好需要佢地幫。所以有時佢地都會好矛盾。我稔一方面同先生溝通多d小朋友o既發展，等佢知道點handle小朋友；試下安排下佢同小朋友一齊的時候可以做或者玩d咩會開心do既，等爸爸d信心可以多番d。避免太多的沖突，例如我好怕我老公陪仔仔做功課，簡直可以用兩敗俱傷來形容。

你已經做得好好，唔好俾太大壓力自己，我地唔只要身體健康，心理都要健康至可以照顧好小朋友！加油！

kmwun

mickeyma

As you are expecting your elder girl to get independent then train up her independence.  Let her know it's her responsibility to finish the homework and bring it back to school.  If you keep on pushing, then she may rely on you.  By the way, you may have to find out if what she doing is drawing your attention.  Spend sometime with the elder girl to do something that she wants to do, or do some private talking before she go to bed, encourge her when she do some good or getting improvement.  Most important, let her understanding what you are doing with her brother and ideally get her involvment.

Don't worry be happy !!

kmwun

dear all

好開心聽到好多小朋友都有進步！剛剛o係第二邊話仔仔升K3後的表現比暑假前退步，但今晚睇仔仔手冊係有史以來第一次所有在學校的表現都係"剔"，重未見過的專注都有，真係開心過中六合彩！

:  :  :