自閉兒爸爸的分享

kmwun

生生爸爸

    

我仔仔都係自閉傾向，05年9月升小一。你小朋友派到位未呢？多d上o黎傾下計o拉！

kmwun

Dear all

關於剪髮，仔仔BB時稔住用電剪方便又安全，但可能佢怕d聲，由BB到幼稚園係賓賓用較剪同佢剪，初時要佢瞓著抱住剪，有時醒得快今日剪一半第二日再剪埋另一半，放工返到屋企見到都覺得好攪笑，大d就可以沖涼時剪。到升小學我確實覺得要出街剪好d。卒之我同自己個stylist講咗仔仔情況，有時行過saloon就同仔仔講吓，第一次去saloon總算無出事，stylist哥哥嘅糖當然亦好有用。哥哥會用電剪剪再用較剪修，不過仔仔好怕頭髮碎跌落塊面，我唯有每次剪前面時用紙巾同佢做個保護罩遮住佢塊面。當然期間會唔耐煩，每剪完一部份我就會話，嘩！有xx%靚仔啦，慢慢加上去。大人細佬都鍾意人讚架啦！