Hello, Dr.T speaking...

kmwun

Dear roy&shiny

正如Dr T所言你需要有個懂中英文的人幫你，最理想當然係一個Case Manager可以將所有測試/訓練整合起來及向你解釋．退而求其次醫院找一位較能幫你做翻譯嘅人員幫忙，相信他們會較多認識．再不然找個英文較好的朋友幫你做翻譯，加強溝通．或者要求治療師幫你寫下有關事項的重點，你之後可以找人幫忙．

你亦可以考慮做一個中英對照表，慢慢將治療師用的名詞記低，一來方便自己對照，唔使次次查字典，亦可以在聽唔清楚治療師嘅時候，嘗試直接指對照表上的英文．少少建議希望幫到你！努力！加油！

kmwun

Dear roy&shiny

我都係仔仔個全天候私人助理，因為仔仔對改變比較敏感，為左令佢安心o的，又可以提醒大家，屋企掛左個仔仔專用日曆寫底佢o既appointment(通常重多過我)，又唔怕撞期。

可以的話盡量放鬆下自己，我通常揀星期五約朋友食飯，因為星期六日可以陪仔仔，最大o既籍口係我唔開心仔仔都唔會有好日子過，好似佢太早嘈醒我(佢真係試過未夠六點起身    )，咁o個日一定俾會我鬧！有時迫得自己太緊唔見得效果會好。

有時我安慰自己，梗係我辦事能力高，起碼有潛質，個天至會俾咁大個assignment我做，船到橋頭自然直，好似我同仔仔話齋：有困難就克服佢！努力！加油！

kmwun

Dr T & wewangwang

搭下訕先．我仔仔快六歲都係自閉傾向，非常鍾意巴士，得閒無事就睇九巴版圖，上網又會去各大巴士公司網站．因為佢肌張力較低，所以如果佢有特別鍾意睇嘅書，可以鼓勵佢爬o係度睇用手撐住睇，順便訓練下手同頸d力．九巴網站有d簡單遊戲，用mouse玩下玩下手眼協調都幫到d．有時知道佢喜歡嘅嘢，威逼利誘都方便d．而家出街都好方便，例如上次去深井食飯，問仔仔就知道搭幾號巴士，o係邊度有站．如果遇到佢唔識嘅就陪佢搵答案，順便教下點解決問題．有時覺得鼓勵佢地做自己喜歡的事，自然會做得好，自不然自信心都大d．

kmwun

Dr T

你簡直有心有力啦！cheers  

[quote]
Dr.T 寫道:
愧不敢當,我實在都鍾意錢既...但總覺得在執業與公益要取個平衡,盡力去做...

商台剛公佈了我之前所講的學習障礙初步評估...懷疑小朋友(6歲以上)有學習困難的家長可考慮一下

kmwun

caroleks

我仔仔之前的OT都有教我地同仔仔做brushing，係用醫生做手術前清潔手部嘅膠刷(我地經OT代買，知道有媽咪託做護士的朋友買)，同小朋友刷手腳同背，手法方向同每次幾多下都有規定，意思係有條理去刺激小朋友嘅皮膚觸覺，改善整體的感統．個刷其實好軟熟，問仔仔重話刷身好舒服．除了刷身之外重要按關節．因為效果大概只有數小時，每日要做幾次．有濕疹再用刷刷怕小朋友皮膚會損．最後都係要徵詢OT建議你的小朋友應該點做．

kmwun

Dr.T

"伯樂行動"真心希望可以快d成事，香港的教育制度真係嚇死人，小朋友係人仔個個都唔同，政府就辦學就攪到好似開工廠，做生意，老師就填form多過教學生...

我由細到大都覺得自己有d古怪，好彩當年入到間試辦活動教學的小學，到中學arts嫌悶，science又白痴，好彩我間中學有商科讀...而家都叫做有門手藝搵到餐食，唔敢想像如果當年一個唔好彩入咗傳統學校而家會點...嗔咗咁耐都係想分享下，覺得你嘅構思好正！

    

kmwun

當年"砣"住仔仔第一次見婦產科醫生，我問醫生砣住BB有啲咩應該做，有啲咩唔應該，醫生答"係你嘅就咩都唔使做，唔係你嘅就做咩都無用”．而家覺得係咪注定都唔緊要，努力活在當下，古語都有云人一世物一世．

[quote]
暴龍媽咪 寫道:

係囝囝未滿週歲既時候, 有個學堪輿既朋友同我講, 話我個囝囝係既

kmwun

lenloub

仔仔細時有次"懶"浪漫同仔仔睇日落，點知慢慢唔見咗太陽伯伯，仔仔喊到收唔到聲！

kmwun

lenloub

Thanks for your advise !  而家仔仔大咗d同太陽伯伯無咁好感情啦    而家仔仔有依類咁科學嘅問題，我一於用科學理性的方法解決，即係用我有限的科學知識講晒佢知，話知佢明唔明．如果教佢打電話約太陽伯伯，佢真係要我話個電話號碼佢知架   

kmwun

以下的問題亦有請教稚言治語，但想問多啲專業人士意見．

想請教有關普通話教學的問題．仔仔六歲有自閉傾向，智力正常，說話時有時比較bookage．而家返緊早期，大概三個星期至一個月見一次言語治療師，而家訓練緊講故事，及一些日常生活碰到問題的正確對話方式．

剛剛派到主流小一，但學校在小一將會有一班除英文科以外其他所有科目均以普通話授課．小朋友由K2下學期開始讀普通話，一般用普通話對答無大問題，而我在工作上亦需要講普通話．考慮到用普通話上課，小朋友在講與讀寫會比較一致，功課應該會較易應付，廣東話始終是香港用的方言，大氣候會需要懂普通話．但另方面在香港生活始終用廣東話，仔仔用廣東話表達已經要多加訓練，如果上堂用普通話即會減少用廣東話的機會．因明天(星期四)需回覆學校，之後學校會安排面試篩選．感謝你的意見！

kmwun

Dr T

多謝你嘅意見，參考埋稚言治語同早期中心言語治療師的意見，衡量過好壞處，我地會俾仔仔試下，anyway重要經學校篩選都未必得．

Dr.T 寫道:
正如我給ALAL的意見一樣,我會覺得先讓日常用語言流利後再學其他比較好...但因為我不知道小朋友的情況,所以可能我的建議會較保守.若果你覺得小朋友的日常廣東對話已差不多OK,而普通話又有相當的基礎,一試無妨...

[quote]
kmwun 寫道:
...但學校在小一將會有一班除英文科以外其他所有科目均以普通話授課...

[/quote]

kmwun

Dr.T

個"官"真係好"利害"，主持人問佢個電話號碼居然講得出"如果講咗出嚟，可以預期會有好多人打俾佢"．我地要佢辦公室即是我地班納稅人夾錢俾佢安果個電話，想喺我地班納稅人夾錢俾佢出糧嘅時間聽我地電話，唔係好過份啫？？

          

Dr.T 寫道:
剛在商業一台"在晴朗的一天出發"講了幾句關於資優教育的問題(9/6--9:45左右)...


真係得幾句...不過我講完之後聽到主持人"炳"果個所謂教統局資優教育組阿head陳沛田,話佢未聽人講清楚已經當d家長意見係"指控",又在不情願的情況下才講出一個原來打不通的電話,真係大快人心     

kmwun

Dr T

Professional o既EQ的確高d，我稔起張稅單都想嘔血！  

Dr.T 寫道:
呢part真係最好笑 最好商台剪佢出黎做trailer!

[quote]
kmwun 寫道:
..."如果講咗出嚟，可以預期會有好多人打俾佢"

[/quote]

kmwun

Dr.T

恭喜  恭喜  恭喜

Dr.T 寫道:
眨眼就過咗30000 啱啱好慶祝開題三個月

kmwun

讀得書多果然唔同啲嘅  

Dr.T 寫道:
梗係唔係啦...剃光頭,寫過"T"字喺上面咪仲易認     

[quote]
bandband 寫道:
係咪專登染條high-light ,等我地呢啲未見過Dr.T盧山真面目既師奶容易啲認到Dr.T您呢

[/quote]

kmwun

搭吓咀，Temple Grandin(天寶.葛蘭汀)有本書「星星的孩子」(Emergence - Labeled Austistic)講自己由細到大的經歷，幾值得睇！

Dr.T 寫道:
當年我教的學生公開就業(是不錯的寫字樓工)亦大有人在...但當然這仍是屬於少數.外國有可以唸到博士學位在大學任教的個案(有興趣的可以去她的網頁一看,如下
1. >>Temple Grandin's website
2. >>Temple Grandin 自述自閉症的經驗)
我亦有一次在某國際會議中見到一名聲稱自閉症的成人貼出告示"吸引"其他人去訪問他/做研究...然後他會收取費用 但無論我在香港或英國的學生,即使他們的智能表現是達到普通程度,甚至更佳,與人相處會是永恆的問題.

kmwun

Dr T

可能我做account所以對數字敏感d。2000係回應數並非人氣，但我相信好快都要開「續集」架啦。

Dr.T 寫道:
大家有無留意上面有啟事話"請注意：緊急人流管制措施 [2005年9月21日] - 為避免網站過於擠擁，請國民自行停止回應數超過2000的文章，並開設「續集」繼續討論..."

數落呢個題目應該分做28集...而家做緊第29集

kmwun

Dr.T

各有各專長嗎，咁咪人人有工開  

Dr.T 寫道:
哈哈...我又衰咗啦...  



[quote]
kmwun 寫道:
...可能我做account所以對數字敏感d。2000係回應數並非人氣，但我相信好快都要開「續集」架啦。...

[/quote]

kmwun

welcome back      

kmwun

從小朋友處我學懂了，表面可能是失，但換個角度去看有時會找到得著 … 希望大家都找到希望！