05年入讀主流小學的障礙兒童家長~請進!!(PART 2)

kmwun

rachaelmum 寫道:
唯有亞Qd同自己講孩子是老師, 自己才是學生, 是上天要我從她身上學習做人處事。
:-|

    

kmwun

cheungmanwai

I've forwarded the information to you, pls check pm !

cheungmanwai 寫道:
Hi kawai :

可否pm 我有關狄士尼Guess Assistance Card  資料呀! 唔該!

kmwun

tin_tin

pls check pm !

tin_tin 寫道:

Can anyone tell me more about the Guess Assistance Card? I plan to go to Disney in Dec or Jan  

kmwun

Joeymama

你仔仔d功課又真係誇張咗d噃，我仔仔d功課平日一般唔使一個鐘就可以做完，你就算爭取唔到大圍減功課量都要幫仔仔爭取調適。話時話學校有無計過要幾多時間至可以做完晒d功課，小朋友係要瞓覺架

kawai

哎！無辦法，而家d人做嘢...佢地應該睇吓sjmama個樣版。

kawai 寫道:
Joeymama,

聽倒你地小朋友每日有咁多功課,我已經替我仔仔驚定先啦!真係不敢想像,唯有到時見招策招.無論如何,唔好比太大壓力比小朋友,順其自然吧!

祝你同家人有個狄士尼其妙旅程啦!

kmwun,

莫講話樂園內員工,連那位PR負責人都唔知有Guess Assistance Card比特殊需要人仕,當時問佢仲一頭霧水話冇咁既服務.可能佢覺得坐輪椅才算特殊需要,後來我叫佢check下美國總公司係唔係有此服務.隔左約一星期就覆我ok啦. 我十月頭去,大部份員工都已知道呢張證.可能你當時
那些工作人員係新人才會蒙查查咁.

kmwun

joey媽媽

我都覺得排名次唔係咁重要，舉個極端d嘅例子，一班都考到100分，考到99分嗰個都會排第尾。成班考5分，考10分都會排第一。重要的係你仔仔學到嘢！

joey媽媽 寫道:
各位:
   講開考試時可否係時間上及內容調適時,你們有此經驗分享嗎
  今日我仔考中默需要單對單及時間用耐d，所以社工問我想點，想依舊或是調適後不排名次．
　我老公話可以不排名次都得，最緊要對佢認真評估，得出分數是佢真實的，至於名次不用印落成績表上，但可否有個約數口頭上比我地知．社工回答ｏｋ無問題，同呀仔比多ｄ時間佢做,單對單考試,內容調適就看情況,例如要寫字的填充題可改為填A,Ｂ，Ｃ，問我有無意見喎
　　大家其實我這樣做法不知好唔好，心情有Ｄ予盾,又不知有無後遺症.請比下意見吧

kmwun

cheungmanwai

checked, your turn !

cheungmanwai 寫道:
Hi Kwwun,

pls check pm.

kmwun

joey媽媽

仔仔的默書範圍中或英都只會係一課書，你仔仔學校嘅要求恐怕一般小朋友都未必做到。曾經有家長表示功課少，我自己覺得仔仔幼稚園校長答得好好，家長覺得有需要可以自己加功課，不過學校就覺得無需要。學校應該有自己立場有判斷能力，佢地唔係開快餐店唔係人地要多個餐佢唔使理會唔會食滯，而家係咪應該重質多d呢！

kmwun

joey媽媽

仔仔好番未呀？做媽咪嘅情願自己病都唔捨得佢地病。

joey媽媽 寫道:
承承媽媽
   無返學呀 無party 剛剛睇完醫生 :cry: 而家無發燒 :cry: 而家比佢休息一陣,應該都會去迪士尼行一趟 佢有d唔舒服一定都無得咁開心ga喇 :cry:

kmwun

joey媽媽

唔好咁客氣啦！仔仔囡囡病最辛苦怕且係你，你自己都要小心d，希望大家都身體健康！

joey媽媽 寫道:
kｍwuｎ
我諗諗下除左要多謝 kawai 之外,仲要多謝埋你,因為係你知道我同stellacl去迪士尼,所以叫 kawai 報料比我地聽,所以你呢個係背後嘅人都有功勞,唔該晒你呀

仲有我今日都好慘 :cry: 昨日個仔好返d,今日輪到個女病左,又係唔返得學,個女今日仲係聖誕party,佢同哥哥一樣命運,今年無左個咁開心嘅學校聖誕party 真慘

kmwun

Dear all

新一年大人小朋友都進步，最緊要健健康康、快快樂樂   

kmwun

Dear all

尋日仔仔卒之放完假返學啦！仔仔當然有我嘅遺傳，返學之前要趕功課，總算有差交

尋日晏晝三點幾手機響見係學校打嚟，一面接電話一面估今次又咩事呢，卒之喂咗一輪都無人應，唯有收線打番去學校，居然係我個賓賓接電話，佢話去接仔仔放學見唔到佢，佢問老師，老師叫佢可以喺寫字樓打電話俾我。我真係嘔血，我已經驚佢唔記得，除咗講重寫喺板度提佢，仔仔放學後上珠心算班，晏啲至放學。佢朝早都有遞個珠心算袋俾仔仔，除咗同學校講唔好意思之外都唔知可以講咩啦

近日仔仔的新嚐好係睇部DVD錄影機說明書，早兩日隻佬較預較錄影時問仔仔佢做咗咩，仔仔答預較錄影，因為星期二放學後上珠心算班睇唔到兒童節目。佢真係識較，只係唔記得放碟。

kmwun

ricky&sara

指教就唔敢當，大家多個照應啦！小學第二輪派位要6月頭至有結果，05年係6月7號及8號去小學註冊。6月就收到輔導老師電話，傾咗仔仔嘅情況，約咗7月頭學校的簡介會之後同老師見面。我做咗份簡單的profile俾老師，有仔仔的履歷包括幾時做過咩評估、上過d咩堂等等，影咗d報告，加埋講吓仔仔d脾性同喜惡。順便提吓今年小一開始有一班中文堂用普通話上，問過言語治療師的意見同考慮過仔仔情況我決定俾仔仔試吓，學校都會做篩選。而家仔仔入咗普通話班都OK。8月尾學校有新生輔導日，9月1日開學，頭一個星期左右會先返半日俾佢地習慣吓，嗰日晏晝再同輔導老師見多次。仔仔返學大致都OK，只係小學嘅規舉比較多，仔仔要慢慢學。功課方面仔仔比較怕寫中文字。老師們都好好同好有經驗，放心啦！有時間大家可以傾吓電話，check pm la !

ricky&sara 寫道:
kmwun:
俾你嚇死 我最怕仔仔今年上小一時,去接佢放學唔見咗佢。真o係好彩 仔仔可以同你仔仔讀同一間小學,以後要請你多D指教啦 ! 你仔仔開學前學校有無主動要同你傾吓?開學後你仔仔幾時才適應小學生活?學校的支援適唔適合仔仔呢?
(我有填特殊編號)

kmwun

stellacl

Joey媽媽我班門弄斧，失禮晒 珠心算會先教小朋友用算盤計數，其中會有d口訣，例如如果減四不夠減加一減五，小朋友熟咗之後可以唔用算盤用心算，但腦海中有個算盤影像幫。仔仔而家上咗8堂，最大問題係上堂自由行，心散，老師打電話問我佢係咪無興趣。上埋兩堂算啦，尋晚仔仔揀下學期課外活動自己揀咗一個英文班，另外繼續游水，唔知教練見到佢張form會唔會頭痛呢 係仔仔自己揀珠心算，我都係覺得佢對計數有興趣咪俾佢試吓，無稔有咩好處。不過就要做好多練習，我稔亦係仔仔唔鍾意嘅原因。

stellacl 寫道:
假期作業, 得1x幾頁, 阿仔未放假之前已經做完, 呢點肯定唔係我嘅遺傳, 因為我都係臨急抱佛腳之人....
賓賓接錯放學...已經唔係第一次喎
珠心算, 學d乜架 ? 有乜好處? 仔仔適應到嗎 ?  我正物色一些數學班給仔仔讀, 但唔識選擇...珠心算/學林數/公文數/奧數/???...不過我都未搞清楚係乜東東...
嘩...6歲人仔識搞DVD錄影機 ?  可憐我呢個3張幾野既 auntie連 play 都未搞店... 真失禮...

kmwun

ricky&sara

人仔o既名牌學校會提供，等老師同其他同學知道佢地係新丁，但記住小朋友每樣物件都要寫名，例如書、書包、校服、文具等等。

學校指定校車只行荃葵青同深井。

有無去學校網址睇過呢<click here>

雖然我要返工，不過多數目時間都可以講到電話。反而夜晚十點前要招呼仔仔會比較忙。Looking forward to talk to you !

ricky&sara 寫道:
Kmwun
我仔仔第一輪已入咗間學校啦!我隻老問你需唔需要做個名牌俾仔仔掛係身度?我有朋友問你間小學校車有無去到馬鞍山?有你俾我每事問,我都放心啦!     
你邊段時間得閒?你都可搵我,check pm la!

kmwun

joey媽媽

忙還忙要小心身體呀！你唔好咁客氣啦，大家上o黎交流下嗎

joey媽媽 寫道:
kmwun
你解釋得好好,珠心算大致上都是如此.班門弄斧你當然不是啦!你有心去解釋大家每一個問題,我佩服你來唔切就真   

kmwun

Dear all

我又嘔血啦 尋日仔仔約咗四點去九龍醫院做物理治療，因為放三點四，我叫賓賓同仔仔搭的士去，寫埋張字俾佢俾的士司機睇。尋日收到姑娘電話約下次時間，順便問佢地幾點到，姑娘話四點四。今朝問賓賓，佢話三點半至接到仔仔，我都覺得無理由要搭八個字的士，點知賓賓話放咗學去到巴士站無巴士改搭的士...去荃灣地鐵站，搭地鐵去太子站再轉的士。我話咪叫你搭的士做咩搭地鐵，佢話以為由太子至搭的士。係九唔搭八至真

kmwun

stellacl

我見過姨甥女六年級時份奧數題目，淨係覺得如果無學過個別題材係唔會識計嘅(可能係我程度唔夠 )所以感覺唔係訓練思考係操練多d，不過無深究個課程點教，唔敢太斷言。其他嘅就唔太清楚。

仔仔做數都有太專注個別環節，反而漏咗full picture，所以會有careless mistake。近來夜晚會同仔仔一面講故事，一面問問題。例如今日一個pizza分8份，我食一份仔仔食一份，咁重剩幾多件？，可以訓練吓專心聽，同玩吓理解。

stellacl 寫道:
joey媽媽 & kmwun

可唔可以比一些comment我, 如果你係我,仔仔有以下問題, 你會選擇哪些班 (珠心算/學林數/公文數/奧數/???... ), 因我完全唔理解這些數學班是訓練什麼 ?

kmwun

我有同事係紅磡區，首選紅磡灣，次選黃埔宣道。葛量洪校友會黃埔學校好似無咁多人揀。建議你直接打電話搵校長傾下，亦可以o係返學時間去向d家長打聽下。

楠楠之家 寫道:
你們好!我是路過的...小囡也是入讀主流小學的障礙兒童, 是一位發展遲緩+有限智能的兒童.有上heep hong course. 唉!高估了囡囡的能力,低估了心儀的小學. 囡囡十分喜歡小學, 但學校於學生能力有差異技援上,沒有顯注作用. 對此已困擾了一段時間..現想替囡囡轉校, 請問你們有沒有葛量洪校友會黃埔學校的資料? 此校於學生技援上做得好嗎? 課程淺嗎? 考試是不列名次嗎? 還有什麼九龍區學校介紹呢? 請指教! 謝謝!



:cry:  :cry:

kmwun

stellacl / gigi2

唔係想教份數，只係仔仔太為食，會有興趣答

下次會同賓賓講清楚係直接由學校搭的士去，順便提佢要收據，重可以知時間。不過可能係職業病，除左間中去街市買少少無o野，平日賓賓買o野要keep超市receipt同集數俾我check。

stellacl 寫道:
kmwun,
甘快就教份數架喇    
你個賓賓甘識路既 你有無叫佢keep receipt 呀 ?  甘玩野既 ?  我最近都啱啱簽左個新印印, 而家呢個就黎叫佢番家鄉了 !

kmwun

joey媽媽

我稔要知道點解你仔仔會唔想返學，可能係一d轉校都解決唔到嘅問題，或者近來有無咩發生過令佢咁抗拒！

joey媽媽 寫道:
各位:
    我仔仔返學生活上,今日終於亮[size=small]紅燈喇 佢今早已抗拒返學,仲係學校門口擾亂一段時間,終於比學校一位老師出來夾硬抱佢返學校,當然我仔仔有反抗啦,又踢腳又叫救命 我仔用佢有限語言講:唔返學. 我問佢點解 佢當然不懂回應我啦!因為佢語言能力真有限
  你們仔女有曾抗拒返學嗎?係我記憶中我仔仔今次係第一次,係幼稚園都未試過.我好驚呀~~~~ 唔通呢件事係我要同佢轉校嘅先庣 :cry: