05年入讀主流小學的障礙兒童家長~請進!!

kmwun

stellacl

我未收到電話，我鍾意朝早多d，時間會見使d，有消息話你知。

stellacl 寫道:
kmwun

剛收到蕊展電話, 仔仔入星期六早上果班, 你呢  

kmwun

今日放左學老師俾時間我同仔仔食完晏至傾計，好開心老師o甘細心，走多轉都無計。見老師重傾左好耐，好彩仔仔今日表現都可以。星期六日要去買部數碼錄音機，老師介紹買可以retrieve個別錄音段落嘅，大約四百零蚊，輔導老師會錄低仔仔喺學校嘅表現，我亦可以話俾老師知仔仔喺屋企嘅表現。比寫低慳時間，又傳神，又唔使o下o下打電話。老師話開始時會同仔仔一齊錄等佢知道老師同爹d媽咪有溝通，讚同罰會一致，即係無位走。

stellacl

我就無俾零用錢仔仔住，遲d至稔。不過學校都安排初時一年級生在禮堂同課室小息，真係有錢都無地方使。不過我留意到學校氣水機收八達通，所以我連八達通都收埋。

食物盒我用四邊都有銷位的密實盒，"pak"開d銷位就開到，唔使用力開蓋，無o甘易倒瀉。有種入面有兩個細兜重可以分開兩個小息嘅食物，唔驚第一個小息就食晒所有食物。你可以o係屋企用同一款盒放仔仔鍾意食的零食等佢練習下。如果落操場小息就唔會有枱，要小朋友練習埋坐o係道無枱o甘食。

stellacl 寫道:
joey媽媽 : 原來7點起身係甘辛苦...我習慣8點起身, 所以今日番工勁 你份早餐好豐富啊 ! 我仔仔今朝食自家製腸仔蛋三文治 + 柯華田... 以後真係要諗諗食乜早餐...

bandband : 今日放學後見左老師, 同佢講左仔仔d情況, 老師見我攞住份profile, 佢主動問我攞, 仲話好長細, 可唔可以影印比其他老師, 跟住我馬上從手袋取出一早影定果幾份比佢    之前做好一大份profile, 我又順便攞埋比老師睇仔仔以前d評估報告, 佢睇完又問我可唔可以比佢攞走, 我緊係話得, 不過怕老師忙打擾佢地唔好, 老師話佢會攞番屋企睇, 真係好有心....

Dear All
今日老師話仔仔小息時, 好唔開心地走去同老師講biscuit跌晒落地下....老師安慰完佢都無事...我想問下, 你地會比小朋友零用錢 ? 定係帶食物盒 ?  你地用緊既食物盒蓋容易開嗎 ?  我仔仔果個, 我已經係千挑萬選試過最容易開至買比佢, 不過佢實在係 lun 進, 經常跌晒d食物....

仔仔第一日上學已經現形...成日投訴同學 排隊唔直, 坐得唔好...上堂同隔離個同學鬥舉手舉得快, 係甘問問題...煩c老師   

kmwun

AGNESNG

無得入課室架。

我地幾個小朋友組左個溜冰班，4號開始星期日11點西九龍中心，有興趣o黎探班就可以見到Joey媽媽o既公子小姐啦！

[quote]
AGNESNG 寫道:
哈! 哈! Joey媽媽, 終於引到你出o黎回應我啦!
我知你o地settle down所有開學o既o野以後, 一定會有一次盛大o既gathering. 到時分享o下你o地o既入學心得, 小朋友又可以玩o下. 出年輪到我叫救命

kmwun

AGNESNG

好彩我做o野都要上網，奉旨   唔怪得知近來少見你上o黎，下次有好介紹打電話俾你好唔好？

ALAL

朝六晚二聽到都覺得好恐怖依兩日送仔仔返學比平時早起身，今日重要上左成日seminar，我已經想死  

老師好有心，我講左今日要上堂，佢八點幾打電話同我講番仔仔今日表現。大致都可以，不過一度因為好想做，但又選唔到做班長而喊左兩聲，又俾輔導老師的左去第二個課室教。我稔d同學仔都已經覺得仔仔有特別照顧！

仔仔的輔導老師昨日話會幫仔仔建立一個朋友圈子。越細認識的朋友一般感情都會好d。例如父母可以參加下學校活動，或者利誘下，俾小朋友帶d特別d的小食請同學仔食，送d小禮物，唔使貴的，最緊要的係份心意。

AGNESNG 寫道:
Yes! Madam !

Boss出晒memo : Office hour上網即炒

joey媽媽 寫道:
[quote]
AGNESNG 寫道:
衰鬼(Joey媽媽),我今朝見到Kmwun叫我過o黎見o下你個仔, 我先知你o地響西九龍o乍!

[size=x-small]所以呢?你要多d上來同我地傾計，知下我地新消息,我之前留言有講ga

[/quote]   

kmwun

星期日仔仔可能緊張得滯，第一次溜冰，但都唔使五點幾就醒 溜完冰同佢食晏，之後去睇熱鬥小斑馬，卒之因為太攰經常失控，可憐佢唔夠瞓嘅呀媽...都有d失控   

AGNESNG

好彩浩賢唔係女仔啫  

AGNESNG 寫道:
Kmwun,
我諗過la,叫浩賢著淨色無死.一於係咁啦! (你明我講乜??呀 )

kmwun

唔緊要啦，可能調咗班，課程同老師重適合呢，希望在明天  

bandband 寫道:
各位,我亞仔最後都係要調班呀~~~~!!

kmwun

今日係仔仔第一日返全日，有d擔心，今晚要chuk吓佢先

kmwun

stellacl

我見一路都未收到電話，lunch之前打去問，原本係下晝班，不過之前同仔仔爹d商量覺得返上晝d時間見使d，問可唔可能改上晝，剛剛覆改到。唔知係咪咁啱同你調轉呢  

你仔仔間學校都好好噃，安樂啦  

stellacl 寫道:
kmwun,

啱啱收到電話, 又可以轉下午組, 你呢 ? confirm左未    

  

kmwun

stellacl

咁我地到底係有緣定無緣呢  

stellacl 寫道:
kmwun

可能係喎, 甘啱既 ???
佢就係話比我聽有個家長想調早上班, 所以問我仲想唔想調去下午班, 我話ok...原來係你...

我上次聽佢地講, 下午班會夾一d 小二生, 而上午班就會多數係小一生wor...唔知到時啱唔啱仔仔上...

kmwun

stellacl

你點知我鍾意聽粵曲嘅  

stellacl 寫道:
kmwun

有緣千里能相會, 無緣對面不相識...

    

kmwun

joey媽媽

我仔仔的輔導老師建議我地買部digital recorder，大概五百幾蚊，輔導老師除咗星期二要見教育心理學家無錄音外，由星期一開始每日報告仔仔喺學校嘅情況，好似尋晚就聽到仔仔選唔到英文組長又喊，好彩兩分零鐘就收聲。錄音慳時間唔使寫，老師可以詳細啲品吓發生咩事，又可以聽埋語氣傳神好多，又唔使就時間講電話。我有事都會錄低說話俾老師聽。你不如建議吓學校試試。我星期日可以帶埋部機俾你聽吓。

joey媽媽 寫道:
　　[size=x-small]而家學校可比仔仔協助有：每日一堂40分鐘個別輔導,
一星期一次個別言語治療或兩星期一次,默書考試叫我可放心,可個別同他做,溝通方面會有一本為仔仔而設嘅通訊簿或致電及e-mail方式.呢個社工話佢會跟貼d

kmwun

stellacl

仔仔都幾好，輔導老師話好多常規提多幾次就大致跟到，抄手冊可能係小一班訓練有素，問題唔大，不過我睇佢啲字就睇得好辛苦   我覺得老師唔只照顧仔仔，重照顧埋我地兩老嘅感受 老師都選咗坐仔仔旁邊的小朋友做其中一個班長方便照顧佢。輔導老師重幫我地約十月見教育心理學家。昨日開始上全日，最大問題反而係睇時間表，上午跟Day A至Day E輪，下午跟番星期一至五。尋晚至俾仔仔捉到我攪錯。今個星期六返早期攞報告又可以update吓老師。

stellacl 寫道:
kmwun

digital recorder 呢個提議真係好好 ! 我本來都打算問下班主任, 不過見呢幾日自己接放學, 直接同班主任傾到幾句, 佢都話阿仔ok, 所以最後都唔敢提出住, 等遲d有機會先再建議下

你仔仔適應嗎 ? 選唔到組長喊2分鐘唔緊要啦, 安慰下佢就無事啦 呢d普通小朋友都常見既, 我覺得你間學校都好包容, 希望我地所有小朋友都遇到好老師 !!!

我仔仔尋日放學返屋企, 我見到佢本宗教書, 每頁寫左一個年份 緊係上堂無心機, 係度發夢, 畫花本書 :evil:
班主任放學同我講, 其他老師贊仔仔叻, 上堂雖然唔專心(左望右望), 同埋眼神接觸少, 但老師都接受到, 好在預先備案比份profile佢地睇者 , 佢仲安慰我話好多小朋友都係甘架, 讀國際幼稚園果d小朋友入黎仲遊魂得緊要喎
班主任安排左個好乖既班長坐係仔仔隔離及實佢

kmwun

joey媽媽

每次錄音就開一段新嘅，最多99段，可以向前向後揀聽其中一段，亦可以揀唔要嘅分段delete，3A電芯，操作簡易！

joey媽媽 寫道:
[size=x-small]呢個建議都好好,你星期日比我睇下,等我同社工講下呢個方法,何況我遲d可能放學都見唔到老師問個究竟？？呢個方法真好直接，但唔知學校用唔用[size=x-small]仲有，可唔可以分段錄音ｇａ   

kmwun

我仔仔前日留咗水樽同小食盒，尋晚至帶番返嚟。書，你有寫名實搵得番，唔怕，老師新生日已經提我地連筆都要貼名，可以證明小一生唔見嘢真係好普通！

joey媽媽 寫道:
各位
    唉~~~呀仔用左2 個鍾補習班時間,只能做一句英文咋!
佢無攪人但有周圍行,我仲見到佢偷老師餅食都無人理 接放學時補習老師話佢都可以暫時應付到 睇來我返工大計又要諗諗喇!    :cry:

  係呢?你們仔仔有遺留東西係學校嗎 我個仔昨日留筆袋,今日留d書,筆袋已搵返,但今日ｄ書就     
唉~~~~~~~~~~~~~~

kmwun

joey媽媽 / Wewangwang

係輔導老師負責錄音嘅，每日睇完仔仔表現，輔導老師會撮要他的表現，老師會在放學前將錄音機放回仔仔書包。我夜晚盡量早啲聽完可以俾d反應仔仔。老師都有同仔仔一齊錄過一次俾佢知我地有溝通。如果有需要我都會錄番音俾老師聽，每朝放番部機落書包。

可能而家多數人轉用MP3錄音，行完旺角都淨係搵到JNC一個牌子，只有兩個型號，五百幾嘅high quality可以錄兩小時，long play可以錄十七小時。多一百蚊嘅model就時間長d。百x匯有售。

早兩日仔仔喺電視睇到溜冰表演，佢話：人地溜冰唔跌，我就成日跌。我咪話人地好努力練習至有好成績，不過都有可能失手架。

Wewangwang

我地d仔仔星期日十一點喺西九龍中心學溜冰，我會帶部機俾Joey媽媽睇，有時間可以上嚟傾吓計。

joey媽媽 寫道:
kmwun
[size=x-small]但我想問你，你會點比學校老師交收呀，每科老師是否都會錄口訊，咁第一同第二堂老師點交接，放學又會點比我地

kmwun

"dap"晒糖啦你   

bandband 寫道:
"媽咪!你唔駛擔心我架,知唔知道呀?我已經大個咗,我會乖架喇！"   

kmwun

joey媽媽

暫時仔仔功課唔算多。英文寫copy book無需起字頭，另外寫大細草A至Z，無起字頭，只跟指示做。中文有本學校自製的寫字書，學執筆，同筆劃。另外寫過自己中文名同學校名各三次，只係有指示無起字頭。

joey媽媽 寫道:
各位
    你地仔仔係學校功課能自己起字頭嗎

kmwun

bandband

職業治療會幫到架，俊希都做咗兩年職業治療加物理治療，未排到早期之前都有去過九龍醫院度做職業治療，啲姑娘都好好。而家早期都refer返九龍醫院跟物理同職業治療。顯霖唔使做物理治療即係比俊希好啦！

bandband 寫道:
各位,

頭先我又去雅蘭街度見職業治療師,我囝囝評估出嚟係'動作協調障礙'...只有四歲程度,聽完係有啲唔開心架喇...連職業治療師都話無可能跟得番同年紀小朋友,依家佢地安排咗我地去九龍醫院度做職業治療,希望真係幫到顯霖啦!

我要去湊顯霖番學喇~!!!今晚再詳談!

kmwun

joey媽媽

今日英文已經要寫句子啦，三句各三次。中、常識，數學、電腦都有功課，好彩每樣唔算多。不過仔仔第一次的英文功課要做correction，我放工返到佢已經將今日的新功課寫在correction下面，卒之要重新寫過，我只有深表同情！

joey媽媽 寫道:
kmwun:
    我已買左你果部錄音機,不過型號係350貴果隻,因有朋友識人,所以價錢平左d

我個仔學校功課已寫好多英文句子 中文生字就各寫3 次 睇落我呀仔功課都好多好似比你們深好多咁

kmwun

joey媽媽

我會選擇講。我問過輔導老師，佢地遲d會同同學仔講，不過考慮佢地太細，可能唔會同佢地講自閉，而係講番小朋友實際d o既問題，例如論盡d，社交差d等。蕊展方面亦覺得可以咁講，有溝通會好d，但有時d人對自閉又好大反應。

joey媽媽 寫道:
各位,Dr.T
    請求大家意見
  今日接個仔放學,社工叫我星期五家長會可否向自己家長分享仔仔情況,[size=x-small](因社工同校長商討後,看我是否意願)其實,事原已有家長同校方講仔仔一d唔好嘅事，呢個可能係誤會，但ｄ家長已一個傳一個 雖然,唔係好嚴重,但校方問我需唔需要藉住呢個機會同家長分享下呀仔嘅自閉情況. [size=x-small]大家點睇,我暫時應承左,但我其實唔知個後果,你們會點做呀?