05年入讀主流小學的障礙兒童家長~請進!!(PART 2)

kmwun

Hi mandylung

我仔仔係讀主流小學，今年二年級。蕊展計劃好好，不過收小朋友最大收到二、三年級，同埋好多人報。協康暑假都會有d小組，可以睇睇。

kmwun

mandylung

專門嘅小組好難搵，我覺得俾多d機會小朋友同人溝通，如果導師明白、接受，其他小朋友又ok就已經有幫助。社交最難教係每次情況都唔同，唔同嘅人反應又會唔同，就算仔仔上完蕊展學左，問佢係識答，但到實際又未必識用番，唯有等佢自己practice啦！

kmwun

Dear all

尋晚仔仔瞓覺前我地喺佢房傾計，我瞓咗喺佢張床度，我話好嘢媽咪瞓咗仔仔張床，跟住仔仔瞓喺我側邊抱住我話，你係腸仔我係庵列，我話我係腸仔你係蛋，我地加埋係庵列。

一份咁甜嘅庵列，俾多多心機都抵啦   

kmwun

tin_tin

俾心機種出嚟嘅花會靚d，俾心機炒嘅餸都會好味d，俾心機照顧嘅小朋友一定會可愛d嘅！我覺得小朋友最需要最珍貴嘅就係愛，加油啦！

tin_tin 寫道:
kmwun,

Wow! So sweet~~    

我果件就有排學喇~~  

kmwun

Hi CCheng

升小學無論對小朋友抑或家長都係一個好大嘅挑戰，但最熟悉小朋友嘅會係父母，搵一間適合小朋友嘅學校好緊要。我自己唔鍾意太注重成績嘅學校，無奈而家嘅大環境學校都可能會改變，希望小朋友嘅壓力會無咁大，功課、考試可能無咁多。有d小學真係一年兩考四測，晚晚做兩三個鐘頭功課。另外校風好緊要。如果有做開融合，應該會比較有認識，知道點處理。有d學校會有調適，例如功課量或考試會有調整。可以打聽吓同區學校情況，有時間返學放學時間去觀察吓，同d家長傾吓。我當年直接打電話去學校，講自己小朋友情況，感覺吓學校接唔接受。你都可以問吓依度有無同區媽咪可以分享吓。希望幫到你。

原文章由 CCheng 於 07-7-6 00:55 發表
各位,

唔好意思打擾了...

對於有學障的小朋友, 升小的確是個大難題.  一方面擔心能否適應主流學校之課程, 學校會否配合, 另一方面又害怕老師同學是否接納他們, 實在是傷透腦筋.  相信對於我的心情, 各位一 ...