香港創價幼稚園

Pulmma

蕭夫人信箱 寫道:
Pulmma
我都有聽聞呢間kinder, +上你既comment之後, 我都有點心郁郁, 拔我住係小西灣, 地點上好似遠左d.  5g佢地有冇校車去hkg side架呢 ????

同埋創價既課程深嗎 ???

小西灣真是很遠呀!!!! 我知都會有校車到hk side 的.

創價的課程很很適中, 我都有看過其他九龍塘區的幼稚園的課程, 絶不比其他幼稚園學校淺, 尤其以普通話的程度, 我覺得是一流呀!

Pulmma

liwoodma 寫道:
我打電話去創價問想報讀下年K1, 佢話細仔機會微d...我個仔係12月出世.... :cry:

我個囡都是細囡, 不用太担心!

Pulmma

囡囡媽 寫道:
珍珠媽咪, YinYin2002 &  liwoodma,

多謝先! 我都希望各bk mama的小朋友都身體健康、聰明伶俐。

當然如果有任何創價的新消息都會第一時間上黎報料。   

Pulmma,

我都想問下你的意見一個學期大約要準備幾多套校服呢?
Thanks!!

:

summer 我就預了3件t-shirt & 2件褲, 2件工作袍 就ok!
winter 我就預了2套運動服和1套冬季服

Pulmma

Pulmma

校服不貴的, 工作袍我買了2件, 用足三年. 而summer 校服以我記憶都是60-70元左右一套, 我只買了一年新校服, 之後我都是買學校的二手校服, 平到不得了.  我想加埋書包, 數百元便可!!!

另外小一派位報導, 家長心中名校當中下午班今年有數名男孩子派到 LS, 我個囡o個班就有4個派到maryknoll, 2 個 st mary, 1 個油天, 1個協恩.  都好好.  派得不好的校長已全力幫手叩門入馬官.  

單在我個囡o個班, 考到九龍塘小學, 禮賢, 宣道, 拔萃, 大學同學會的, 為數都不少, 故此我常說, 在創價讀書考小學不一定會輸給其實名幼稚園呀!

至於白鞋問題, 我都是用普通白波鞋, 我見學校好少同學你著白飯魚!!

Pulmma

imysze:

你會替你的小朋友佈讀直資/私立小學嗎??? 不是的話, 讀創價或是宣道都分別不大.

百貨應百客, 每間學校都有他的好, 有他的不好. 選一所你和你小朋友喜歡的學校才最重要, 就我個人來說, 我沒有後悔選創價作為我囡囡學習的第一站, 再且我個囡囡考私小及直資小學時, 一樣有好多名小學取錄我個囡, 小朋友考唔考到好小學, 家長的培訓更重要. 不要肓目地深信入到名幼稚園=入到名小學.

pulmma

Pulmma

今年畢業的表演部份是一套歌舞劇 - 國王的新衣, 是改編的, 是宣揚環保的歌舞劇, 教小朋友不可以浪費地球物資, 地球所有物資都好珍貴.  劇中所有歌曲, 舞蹈, 劇情都是由老師創作. 是一套好有意思的歌舞劇.

Pulmma

miumiuchan 寫道:
Pulmma:  Soka Kindergarter個網頁有冇得睇呢 ?  是否每個畢業的小朋友都有份表現呢 ?

joycetsui: 唔駛咁急, 應該是 2006年10月報名~

soka web site 冇得睇的, 不知是否太長或是其他原因, 不過學校會有畢vcd 買, 每個畢業的小朋友都有份表演, 所以個歌舞非常大型及壯觀的.  上年我有份做義工家長, 看見上年的表演(理工), 連理工做的工作人員都說未見過幼稚園畢業的學校可以有咁勁的場面. 今年我個囡就做小士兵.

上年的主題是世界和平, 愛心及恒心, 是池田大作(辦校人) 先生創作的.  非常有意思.

Pulmma

各位媽咪

不用咁快買冬季校服的, 到時間會再有校服商來學校為小朋友度身的, 我當年都沒有媽咪咁早買定, 不過最好是買一件學校的長袖冷衫, 因為有時學校and 校車的冷氣都好勁.

另外, summer 男女孩子都是穿運動服, 沒有裙仔著, 其實都沒所為, 她們在學校好多時候會坐地下, 著運動服唔會走光
o麻!

而冬季, 各媽咪記住買一件學校的冷背心, 在冬天時著在恤衫外, 校褸內, 好好的. 因為學校冷衫不是一定要買的.

另外: 創價的老師及池田先生真是很Creative的, 不單每年的歌舞劇是各老師創作及編排, 就連當中的歌曲都由他們作曲填詞.

故事大綱:

從前有一個國王, 他很愛美, 每天都一定要穿一件華麗的新衣, 無論新衣有多美, 他都是穿了一次就不愛了.

國民看見了, 覺得國王很浪費, 就想了辦法去令國王改變這個壞習慣.  

一天, 有三個裁縫師拜見國王, 說會做一件全地球最漂亮的衣服, 等了好多天, 衣服做起了, 全個皇宮的人都說是國王有生以來最漂亮的衣服, 國王高興都不得了, 還著上這件最漂亮的衣服出巡, 全國民都讚國王的新衣很漂亮, 這時候皇后說: 國王, 這件衣服, 你半年前咪著過啦!!!!!! 但是全國的人都沒有發覺.  

國王很憤怒! 想處罰騙他的裁縫師, 但全部國民為他們求情, 說他們想說給他知國王這個浪費的習慣不好, 裁縫師拿了半年前的"舊衣"給你也不知, 但半年後再給你著你仍然喜歡, 還可以著得漂亮, 所以不應浪費.

國王覺悟了, 從此不浪費.


歌舞劇 - "國王的身衣" 主題曲:
"環保不浪費"

國王唱:　日日愛穿新衣, 完全是我不智
　　　　我會記得環保多關注
合唱：　從前皇上熱愛新衣
　　　　浪費不少構思
　　　　完全盲目  沒有新意
　　　　眩耀是空有的意義
　　　　學會什麼都不浪費
　　　　物資要珍惜好矜貴
　　　　齊來愛惜這個地球
　　　　盡我一切努力完全唔浪費
　　　　齊來要把每件事物愛惜以後完全不浪費!!!!

Pulmma

今個summer, 學校的校舍會有改善工程, 新一年的同學校將會有更好的校舍啦!!!!!

Pulmma

囡囡媽 寫道:
Pulmma,

可唔可以講下有物野改善工程呀! 我估各位媽咪都想知呀! 感激你呀! 我仲想知你的囡囡上左小1之後你如果有時間仲會唔會上黎做下我地的顧問呢?

[quote]
Pulmma 寫道:
今個summer, 學校的校舍會有改善工程, 新一年的同學校將會有更好的校舍啦!!!!!

[/quote]


我都不是太清楚, 只是每天接返放學時都會見到一些工程人員在校外校內度下度下咁, 不過我會知道, 學校正間對出, 好似會做個簷繨, 我想學校不想同學仔會日曬雨淋啦!

還有什麼事, 我一定會盡我能力為各校友解答的, 創價對我個囡咁好, 少少的意見是我樂意的.

pulmma

Pulmma

mandymfl 寫道:
Pulmma,

睇左你講好多學校資料同心聲, 令我好喜歡這學校. 我想問多唔多出外參觀, 好讓小朋友觀察多d, 認識多d學校以外的事物?  

學校勁多參觀的, 差不多每一個學校主題學校都會安排的, 單是k3 時期:

學習動物, 什麼是哺育類, 鳥類, 魚類, 胎生, 卵生...... 學校就帶咗小朋友到海洋公園參觀, 還有得近距離接近安安和佳佳, 親手接觸蝴蝶屋的蝴蝶.

學習交通工具, 就去了香港國際機場, 認識機管局的工作, 還到附近實地考察統計行車的種類.

學習購物, 就去了又一城的百佳超級廣場, 每人拿著$10 試下購物的樂趣.

還有聖誕節, 就去了又一城欣賞聖誕裝飾.

了解社區, 就安排小朋友到學校附近做研究

學校植物, 就去了九龍公園.

學水的用處, 學校就在枚舉行一個水的大激戰, 還做了很多有關水的科學實驗

學火的用處, 學校更安排在學校玩了一次BBQ 活動.

學習食物和不同地方的人食的文化, 就給小朋友做了一次壽司

母親節就學做愛心曲奇, (我個囡勁興奮)

還沒有計每年的遠足. 每年冬天的送暖給老人, 每年五月的王主公主會活動..... 真是數也數不完呀

看看其他同區的學校都沒有這個咁好的安排.  

學校, 還有一個很好的計劃, 就是布娃遊記.  每班小朋友分成3組, 10人一組, 每組由一位老師負責, 首先帶小朋友到toy r us 買一個布娃娃回來, 然後大家就開會投票選出布娃娃的名字, 再跟著布娃娃會輪流跟一個小朋友返屋企, 再替他寫一本共同的日記, 每個星期尾回校和大家分享過去一星期的經歷.  每個小朋友都會有機會獨自在30個小朋友前說出過去一星發生的事, 好玩之餘還可以給小朋友大胆說話的機會.

不過這都是k3所發生的.

k1或許是太細, 安全問題, 學校不會安排太遠的活動

Pulmma

仙姐 寫道:
Pulmma,

我想請問創價有沒有宗教科目架

學校沒有安排任何宗教科目, 訊息, 理論給小朋友, 各位大可放心!

PULMMA

Pulmma

yinyin2002
.
但是我好想好想生多個呀!!!

努力了5年了, 都沒聲氣, 激氣呀!!

pulmma

Pulmma

YinYin2002 寫道:
Pulmma,

你咁好人,上天一定會再賜一個可愛小寶寶給你的(加油!)

Lyannwong,

聽到你小朋友病左,都待你覺得心痛呀,每次佢地病都寧願係自己(真陰公)   

我都贊成你請番印印,始終小朋友開始大個,你才放佢給婆婆湊,將來會沒有咁親近你地架,始終家務有印印做,自己可專心教小朋友功課啦!我都係咁情況架,bb仔時就請印印交奶奶湊(有老人家睇住可放心些),年初開始就跟番自己住。我的朋友都叫我到小朋友3歲前一定要跟番自己住架(因佢地的經驗D小朋友都唔跟自己,將來剩係要素婆婆,唔要媽咪)。

Yinyinma

整鬼呀!!! 試過好多方法啦, 中西醫都有睇過, 真是差d連倒立都做埋啦!!!!!!! 以前唔想咁快有, 點知就意外有咗, 現在求有就冇, 不過現在再有又好遲咗d, 因為個囡都大咗, 好似剛剛"脫苦海" 又來過. 不過我地都會順奇自然. 有就bouns, 冇就算了, 反而最緊張是我個儍囡, 成日問我成功未, 初初佢會想要個妹妹, 時間久了她就說: 媽媽為什麼咁耐都未有o架!! 算了, 細佬都好啦! 仲之有姐姐做就得o架啦! 真是冇佢乎, 現在有時d 玩具, 糖呀, 禮物仔佢都會好秘密咁收埋說留番比妹妹or 細佬. 真是激氣呀!!!!!!! 又試過同佢搭巴士時佢好認真咁說: 媽咪, 你坐先, 人就快生bb要坐好d, 其他人看到都即刻讓位給我, 仲說我個囡孝順, 會做個好姐姐, 真是尷尬呀.  不過最攪笑都是佢 成日細細聲咁同老豆說: 你要加油呀!!! 冇咗你唔得o架!!! 我有冇姐姐做都看你有冇努力啦 !!!!!!!

      

還有呀! 現在開始比小朋友食多d 生果, 可能的話每天用3-4個橙仔榨汁給他們飲啦, 還有奇異果, 士多啤利等都好好的!!!! 唔好說我 "得戚" 我個囡touch wood, 3年的幼稚園生活都只請過2天病假"姐", k1 時, 一天都冇請過, 見家長時個老師仲說笑咁: 嘩! 你個囡的學費真是沒浪費呀!!!!

pulmma

Pulmma

囡囡媽 寫道:
a12345678,

Sandy媽的意思係叫你們看完這個共44頁的topic，就會對有興趣考創價的媽咪獲益不少呀!

Pulmma,
我有個古怪的問題想問下你呀! 其實以你作為創價媽咪的一員，你又覺得創價有沒有缺點或不善之處呢?

其實如果你已選了創價的話, 之前你一定是做過很詳盡的研究的, 如你已選到的話就應該相信自己的眼光.  什麼學校都有它的好和唔好, 即使是城中的名學校也有它不足之處, 所以以我的意見, 應該不停去發掘它的好處, 這樣小朋友和媽咪都會好開心的.

如果要我挑的話...... 我想創價的老師對小朋友生字功課執得唔夠嚴!!!!  阿囡之前的師兄師姐就有這個情況, 升上小學後, 生字抄寫功課每次都要改正, 改到個小朋友都怕怕,  我都發覺得有這個情況,  不過已和老師反映過, 現在已好好多, 不過改善初期, 阿囡的生字功課差不多次次都冇 "印仔" 呀, 弄到她有點不開心, 不過現在已好好多了. 不過家長都要注意, 小朋友做功課(生字)時, 都要認真一些, 筆順都跟, 這樣到時上到小學就冇咁煩啦!

pulmma

Pulmma

各位:

真的不用再多謝我了, 要多謝就多謝學校和各位極有愛心的老師吧!!!! 各老師都很好, 這兩個星期她們都沒有假放呀!!! 上上星期六就家長日, 星期日就畢業禮採排, 之前星期六就你們註冊, 星期日又畢業禮採排, 還有星期日下午我個囡o個班開了一個私人的party, 仲有好多老師有到, 星期一(昨天)一早又要到理工做總採排.  真是很辛苦呀, 但仍然每天都見到她們笑容滿面.  真是很好呀!!

之前我在一個topic(有關小朋友成日病) 有提到提高小朋友抵抗力的方法, 你們試試啦. 這個方法是我個囡的姑媽教的, 她是哈佛的醫生呀!  

每天用1條青瓜+2-3個青蘋果+半個至1個lemon 榨汁飲, 非常非常好!!!! 持續飲, 小朋友飲了抵抗力會好好, 大人飲了皮膚都會白d的.  我個囡由細飲到大, 真是很少病痛的.  還有奇異果+菠蘿汁, 士多啤利+菠蘿汁都好好的.  飲到悶可以轉下.   

小朋友若不是有發燒, 否則不用隨便帶他們去看醫生, 即使要看, 都要找一些不開抗生素的醫生看.  小朋友有時有鼻水, 咳呀就給他們吃藥, 止了, 日後你們就知煩.  若不太嚴重的話, 給他們吃多些vit c and e, 就好好了!!!

還有一個小小秘密,  只有你們創價媽咪有的, 我未做全職媽媽之前是一個護士,  又全職讀過3年兒童心理, 所以以後有什麼小朋友心理及身理的問題, 即管問啦, 如我的知識所及, 我都會為你們解答的.   只益各位創價媽媽. (不要給我宣揚出去呀, 之前在單親媽媽討論區度提供此服務後就每天收到好多好多mail 呀覆唔切呀!!!!!)   

pulmma

Pulmma

CathyDannyBB 寫道:
HI, MORNING !!

聽到你地去買校服情況,我都好興奮,希望我囝囝出年入到啦
Pulmma
好多謝你,你比左好多寶貴意見我地    
請問今年10月開始報名出年未呀  

每年的10-11月左右就開始報名, 留意時間, 親身去攞FORM就OK!!! GOOD LUCK!

另外有媽咪問, 果汁問題, 菠蘿當然是新鮮好的, 如不能的話, 買觀頭的話, 不要買用糖水浸的o個種, 地門唔好買, 全都是用糖水浸的, 有隻我唔記得叫什麼, 好似叫 "sunxxxxx"
個隻牌子有隻是用菠蘿汁浸的, 都叫ok!!!!

pulmma

Pulmma

YinYin2002 寫道:
IMYSZE

真係好啦,你囝囝都成功轉上午班,唔知做唔做得成同學仔呢?   

我囝囝好唔食蔬菜架,所以都好煩,不過就食生果,稍為好D啦。

**各位尚未能轉上午班的媽咪，不要氣餒，我寫了兩封信，第一封解釋要轉班之原因，第二封是多謝老師的立即跟進，因我寄信兩日後就收到老師的電話，回答未有位，真是好熱誠的，所以我就寫信多謝及希望若有位的位就給予機會。（我本已認為無機會的）

Yinyinma

唔食菜!!! 唔食都要想辦法呀!要打patpat呀!!!

   你試下將d 菜有咁爛切咁爛拌飯一起吃, 要爛到和飯分唔開, 好似食上海菜飯咁!

我個囡都好煩, 唔like 食肉, 每餐都要有菜, 只要有菜就可以食晒一碗白飯! 我想佢食多d 肉, 就用了以上方法,  初初佢都會扭計唔食的, 不過我跟她說就只有這樣, 唔食就冇得食, 她只餓了一餐就乖乖投降!   不過記住話冇得食就真的要硬起心腸什麼也不要給!!!!! 如果唔係就前功盡癈!!! 另外唯有攪多d花臣, 都可以的, 我成日去圖書館借d 食譜, 好有用的.  還有一樣, 各媽咪試下煲下紅米飯, 非常好的.  d 臭臭會好壯觀的    不過紅米就要花多些時間去煲! 煮前d紅米至少要浸2小時才可放落電飯煲煮! 大家試下啦!

Pulmma

哈!!!!又是我出場的時候了!
醫道~~~~~~~~~

中醫角度來說, 一般有濕疹煩惱的小朋友日常生活多數喜歡食很咸的東西.  吃清淡些, 情況會有改善的.  塗藥膏冇錯是可以止痕, 但用得多會令皮膚很乾, 到時又會出現另一種問題,  現在summer 出了汗, 濕疹情況相信會更嚴重.  如果有這樣問題的媽咪可以試下以下方法, 我媽媽有好嚴重的病患, 現在已根治了.

用1両花膠+一隻手掌咁大左右的瘦肉or 脫皮乳鴿+十多粒龍眼肉以1碗半至2碗水燉3小時左右, 燉到有膠膠地咁+少少鹽食即可.  要連續飲2星期左右, 之後每月食1-2次就好好好好好的.  不過要注意, 花膠一定要好, 肉赤d 都要買貴d, 如果唔係就浪費心機, 購花膠時, 要選厚的, 冇1cm厚都要有8分厚, 我阿媽當年有親人做這行買$5000/1斤(市價成$7000/1斤) 貴就貴d, 但一斤可以燉20次左右, 除番都不是太貴(唯有咁諗) 這個療程, 最重要是頭的2星期, 之後用的花膠可以用平d .  小朋友一定飲唔晒的, 大人可以拾手尾, (hehehe! 大人飲了皮膚會變成旦旦咁滑, 好過燕窩好多好多好多...........) 有問題的媽咪可以試試.  

pulmma