被過份吹捧的學校

黑咪喵

lingling1219 發表於 21-7-11 15:23
上星期帶細女叩上智，哩間成績好在這裡已有很多人提過， 但親身到校舍又細又舊， 附近環境仲好差， 係哩度 ...

唔好意思，我覺得你真係比較不了解地區名校，放眼全港凡屬於地區名校大多數校舍都比較殘舊同細，周圍環境都麻麻哋，比如上水區鄧顯、屯門區陳瑞芝和董玉娣、百周年…校舍真係細同殘舊，周圍環境多數係舊公屋區

黑咪喵

lingling1219 發表於 21-7-11 19:26
我意思係係哩度被部分會員吹捧的學校， 只係講成績， 應該有其他如校內外、師資等等資訊協助
如有任何抵觸 ...

無話冒犯或抵觸，只不過我係想講，地區名校多數係邨屋附近，根本無多餘地方擴建，但呢類學校入面屬於“麻雀雖小卻五臟俱全”，我相信上智都一樣，如果你認識屯門陳瑞芝中學可能覺得上智已經好靚架啦

黑咪喵

總之一句講晒：適合自己嘅學校就係好學校，青菜蘿蔔各有所好！

黑咪喵

hkpapa852 發表於 21-7-12 16:49
NT4: 基元
基元本身唔係差, 但成日俾區內人吹到係噓到話係B1中學, 個人覺得有點兒那過, 不如認真睇下基元DS ...

基元呢幾年嚟講增值緊，元朗區小學家長可以再留意着；至於青年會中學因為佢直資，標住英文中學，加上前幾年籃球隊打學界出晒名（可惜真正幾個打得勁嘅已經畢業幾年），誤導咗好多新手升中家長，事實上band別大約band2b~c！

黑咪喵

hkpapa852 發表於 21-7-12 17:44
好多學校成日都話"增值緊"

但邊個保証到幾時先有成果?

個人觀感對基元幾好，雖然band別大約band2a左右，但近年老師好用心去教同注重學生身心健康，唔會因為小朋友讀唔到書棄置不理或勸諭退學，當然或者有家長不同睇法！至於“增值緊”呢個講法，真係唔知點解讀，要學校領導層、老師、學生、家長互相配合，事實上每一屆學生素質不同成果亦會不同，再加上未來幾年教育大力改革，相信幾年後全港學校會有個大執位…不過個人覺得數理勁嘅學校最有着數

黑咪喵

gracelam 發表於 21-7-12 17:54
呢個帖一地玻璃碎

其實差唔多間間都有水份啦，參考下就好，唔好太認真，適合自己小朋友的就是好學校

黑咪喵

gracelam 發表於 21-7-12 18:02
係呀! 我從來只是參考吓, 適合孩子就是好學校。

但有D家長真係盲目追棒坊間排名㗎!

盲目追捧嘅多數係新手家長，其實坊間用來排名分數包括：學術、校舍環境、校風、體育、音樂、“粉絲”評語…！所以點解有d學校dse成績未到band1水平但排名就band1，希望新手家長對於排名只可以參考下，多d到實體學校觀察下，或者問下該校用家意見，然後結合自己小朋友專長去揀適合學校

黑咪喵

ren 發表於 21-7-12 18:22
唔好話家長，舊年孩子的班主任都係攞住“大考”嘅排名當策略要我地跟。。。唔跟仲恥笑我地。。。
但我始終 ...

就算班主任都未必有經驗策略，我記得我小朋友自行揀兩間跨區學校，班主任恥笑我小朋友：你咁嘅成績人哋係唔會收你架，跟我俾嘅建議啦！到大抽獎時甲乙一我小朋友揀區內自己心儀學校，班主任又鬧做咩降低要求揀，三番四次打電話嚟問點解咁揀法，我答佢適合心儀咪得囉，從揀完學校到放榜班主任一直俾面色小朋友睇，放榜最後結果係跨區自一收咗…家長覺得呢個班主任打臉打得可笑嗎？