如果培育及發展資優小朋友？

fatboybaby

大家好！我第一次喺資優個forum出post，請大家多多指教！

睇左好多post，好有共嗚，但我從來冇幫個仔做test，所以唔知佢係唔係真係資優。

我個仔學嘢好快，中一已經考左兩種樂器8級，5級樂理滿分，但學校生活就唔太開心，小學成日俾老師投訴佢坐唔定，上堂成日搞搞震，擦膠間尺都玩餐飽，但佢成績都ok，所以我都冇理佢（其實鬧又鬧過，勸都勸過，不過都冇改善）。

上到中學，傳統地區Band 1 學校，日日話返學好悶，唔想返學，學習態度好差。疫情時有電腦俾佢上網之後就更加懶散，沉迷打機，令我好頭痛！

今年送左佢去外國寄宿學校，學校活動超多，我搵佢佢都唔聽電話，留言又唔覆，好似唔見咗個仔咁！最近學校出左Report, 大部分科目評語都麻麻，似乎問題依然存在(emoji)

講到活動，我仔最鍾意玩扭計骰，你地可以考慮俾小朋友玩下。