2007年升中派位

DoReMi媽媽

Tks betty 資料! 全賴有你咁熱心不時放啲資料上嚟俾大家參考及參詳  見你俾咁多心機打啲老師俾o既資料出嚟公開俾大家, 真係好感動, 當然, 小小錯漏難免, 如果大家能夠以禮相待, 客套分析, 想必會有更多人願意分享心得.

DoReMi媽媽

betty
希望唔會嚇怕你搞到以後唔敢放料上嚟就好嘞!

意見百花齊放大家先有得着, 每個人位置唔同, 睇到o既嘢都會唔同, 大家將大家所見所聞公諸, 凡事就可以多面睇並集之以大成, 如果個個怕咗俾人抽秤而廢事放料上嚟~哩個教育網睇怕都聽執笠.

DoReMi媽媽

原文章由 CHUCHU 於 07-8-6 15:18 發表


DoReMi媽媽,

我老早就嚇怕咗lu.:(

點解呀?

DoReMi媽媽

原文章由 CHUCHU 於 07-8-8 23:32 發表


DoReMi媽媽,

唉!  幾年前比個xuxx鬧我d意見(我只係將所見所聞講出嚟分享),我米即閃囉(唔想同人鬧交),心情都要用咗成年先可以恢復(我被打沈咗),慢慢先可以再鼓起勇氣入返 ...

CHUCHU
我都俾人圍過啦! 哈哈, 不過我睇通晒嗰啲人啦(我指圍我嗰啲), 個個為咗自身利益, 口出惡言, 一陣又喺度玩分身, 係邊個都知啦, 我都懶得睬佢哋, 咪由得啲人生活喺佢自己個象牙塔裏面囉! 而家我都係同啲識得耐o既傾ga咋~好似你同betty咁,:)

DoReMi媽媽

原文章由 bettylam 於 07-8-11 09:12 發表

>>>試過方知仔仔痛,但無論我見到佢咁有幾心痛,都吾可以比佢知,因為佢會更加失落同埋誤會左佢呢間學校真係吾好,所以其實我企起來,覺得比上不足,比下有餘,勸勉仔仔有實力,讀好書,校風好,無論那一間,都會讀出好成績...

諗起仔仔放榜果日,從未見佢喊過架我,驚見佢拎住張派位証,滿面通紅咁嬲爆爆係學校行出黎果刻,真係歷歷在目..

果日更攪笑架係,佢派間學校都吾太差,但佢一時間接受吾到多位同學入到首3志願,而佢覺得自己無運行,係咁係馬路沖黎沖去截的士,話一定吾讀呢間垃圾學校,要帶我去好多間學校叩門...

係街上,只見好多媽咪係咁扯住的仔女,發晒狂咁截的士去叩門...

betty

betty
你哩句講得好正, "試過方知仔仔痛", 放榜嗰日o既情景我到而家仲歷歷在目, 等放榜時o既忐忑, 睇住囝囝擔心o既眼神, 我個心比佢仲要痛, 但冇偈, 一定要堅強過佢, 一有咩差錯, 即刻就要行動(去叩門) 都唔明點解作為香港o既家長要受到咁樣o既煎熬, 我老公成日都同我講, 小時了了, 大未必佳, 讀書o既嘢, 隨遇而安, 每個人總有佢o既命運同安排, 但作為父母, 雖然明白哩點道理, 但都想為仔女作好當前最佳o既選擇.  學你話頭, 好彩得2個小朋友, 再嚟多個我真係頂唔住香港o既教育制度.

[ 本文章最後由 DoReMi媽媽 於 07-8-11 11:41 編輯 ]

DoReMi媽媽

原文章由 rclamlam 於 07-8-11 14:49 發表
DoReMi,

咁你囝囝係咪派到第一志願呀? 英中/中中, 係咪心儀中學呀? 去年阿女學校就好在學生上去拎學生證時, 家長已可以係操場個board度看到自己小朋友派去邊間啦, 所以唔駛擔心咁耐, 只係一派得唔好就慘.

rclamlam
托賴亦感恩, 囝囝派返第一志願, 其實佢間小學同中學係有連繫, 有7成機會上得返, 雖然成數大, 但係因為有個隨機號碼左右, 亦會有部份同學因為隨機號碼差而派唔返, 冇人知道自己會唔會係唔好彩嗰個, 所以甚為忐忑.