發展遲緩B媽媽(part 1)

kennistong

Annanna

之前我真係忙既, 因為要出trip, 所以好多野要處理, 去開會ma!

我唔知道由s位轉去i位是不是用返之前排s位的入紙時間. 你最好問清楚, 免得到時失預算. 如果係真既就好拉.

其實, 以我所知, 呢間學校都幾多人排緊i位, 因為上次我去學校攪入學時, 校長都唔明白佢地係點解會派左比我, 因為佢話佢地本身都有d學生係佢地既normal 位, 不過, 佢地發現到佢地有特別需要, 所以佢d 學生都係排緊.

我依家overall 對學校都ok la, 因為初初既感覺唔好太, 可能係因為冇麥認識. 依家叫做接受左, 仲有d好感.

kennistong

atty

什麼是cp??  
你既choice 係點, 我建議你要s位, 因為e位只係一星期一次, 幫助唔太,  而且如果你要返工, 就仲煩, 因為要請假. 所以你於choice location or 學校時, 好影響要排幾耐. 個range 大d, 就會快d. 仲有係, 我之前聽醫生講, 如果醫生比你排s位, 佢地仲會有D allowance, 詳情你可以問下社工.

我本身係有個心去信主既, 耐何我唔太like 教會有d人太假, 因為我以前返過, 不過, d人全都是小圈子. 所以最后冇返了. 不過, 如果我心裡有什麼事, 我都會禱告的.

放開心情拉, 我明白是非常難的, 因為我依家都未得. 我一直都希望小朋友可以快d 返去主流學校讀書. 我都有同兼收位老師講, 我唔想小朋友係i位太耐, 所以我估我只會比佢係i位 一年多. 即係讀完k1 就算, 因為佢係細仔, 可以變大仔. 起碼對佢來就都會好d, 自信心會好d. 你唔好想太多了, 事實如此, 我們都要面對的.

kennistong

Atty
仲有, 一切都係為小朋友著想先. 其實野唔好想太多了.

kennistong

Slh
其實我唔係好明白, 點解你地可以甘快有e位, 而我小朋友一派就係 I 位, 而且,之后係唔可以再轉出去E位, 因為社工話係e位只係過渡性 wor!

Meisuen
Thanks for your sharing. I agreed with you!! 不過, 真係要比多d心機, 我依家一放工回家,我就會同佢做下training, 係d 小肌, 其實有好多野, 都係日子有功. 而且, 唔好看小自己既小朋友, 老人家說, 孩子到了2歲, 就會不同, 我都開始覺得係, 當然仲要有家人既配合, 我小朋友開始understand 我地既指令多左, 好多方面都improved. 其中一個原因可能係新姐姐拉, 佢唔會見到囝囝想要麥, 佢就比, 佢一定要迫囝囝講出來, 佢才比. 每晚吃奶奶訓之前, 一定要佢收拾好佢既玩具才比佢吃奶奶. 我都好感恩, 有個好姐姐. 所以我都會對姐姐好d.

kennistong

slh

sorry, 我唔知你小朋友係咁嚴重.
有時真係要靠父母自已去觀察, otherwise, 冇人幫我地.
其實如果有S位, 一定係S位好,因為S位係日日都有training, 係全日,而且比佢接觸多D其他人, 都係好事. 好似幫我小朋友做評估既醫生講, 唔好介意S位個名, S位每日既training, 真係可以令小朋友有進步既. 而且, 仲係好到我地 unexpect 既.
E位單對單, 有佢既好處, 但一星期只有一堂, 我覺得唔夠.
你小朋友已經叫好, 因為佢好快有E位, 之后又接住有S位, 唔好想太多了. 我們一起努力吧.

kennistong

原帖由 peggy888 於 09-1-16 23:37 發表
有冇人囉過社會福利署兒童傷殘津貼?有幾多錢ga?

Peggy
我想問下, 點先有資格取allowance, 雖然我都唔願要, 只係想知多D.

另外, 成人既傷殘津貼有2種, 2種都要醫生寫的, 第一種係可以寫永久既, 叫一級, 呢D係比D唔係好嚴重既, 當然$係少D, 而另一種叫嚴重, 有名叫, 係比D好嚴重既, $多D, 不過, 醫生係唔可以寫永久既, 要每年renew, 比醫生再評估.

小朋友既是不是都一樣??

kennistong

另外, 講明係傷殘津貼, 係唔洗看入息既, 我指成人果D.

kennistong

Dear all

我想問下, 到底點先可以申請allowance?? 當然, 唔係我想申請, 而係如果我地真係可以entitle, why not?

如果真係可以, 我會申請, 因為我可以用呢d $$ 比多d training 比小朋友.


Peggy888
我有一個問題, 你覺得小朋友係唔係真係岩國際學校, 而國際學校又係唔係真係幫到佢先?? 你要知道, 小朋友依家既時間係佢地既黃金期, e位唔係一定排到, 而私人的e位真係好貴, 當然如果你有能力比佢就冇問題.
我明白大家都接受唔到小朋友去s位, 不過, 個問題已經唔係自己接唔振受, 而係對小朋友有冇幫助??

May123, Kikiboy

我會打電話比社工問, 依家等緊佢reply.

Slh
唔好理佢, 依家我地唔係冇交稅, 我地真金白銀交的, 所以, 如果我地真係有需要, why not??

唔好介意別人點看, 一定要自己爭取的.

Atth
你點解覺得佢係cp先，唔好想太多唔好既. 都係想了最差做思想準備之后, 就開始由好既想, 一定有美好的明天。

kennistong

Hoining
唔好擔心, 大小肌係可以train up 返既, 你去公立醫院, 佢地點同你做大小肌, 我之前同小朋友去威爾斯做pt, 只係一般, 最后仲轉左一個冇愛心既t, 佢仲停左我個service, 話我個case 已經 recover la. 不過, 我都覺得ok, 所以我都唔想同佢爭論, 而且對我來說, 威爾斯太遠了, 我次次去都要最少4個小時. 只因為唔係間間公立醫院有小童既PT, 所以我先去咁遠. 為左小朋友, 冇法拉!!!

物理治療 for 大肌, 職業治療  for 小肌
所以, 醫生都係為你小朋友不同既需要提供不同既服務, 坦白講, 大家都要有心理準備, 小朋友起步遲左, 就什麼都會遲d. 呢個係仁安既醫生同我講既.

Between, 你大仔又有什麼事??

kennistong

may123

我都搵左地區社工同cac 社工幫手, 好明顯, 地區社工唔想幫我, 想耍我拉! 好官腔講話要醫生寫, 我都知要政府醫生寫, 但係係邊一種醫生你要問清楚. 到依家都冇覆我.
之后, 我再想想, 唔對路, 再打電話問cac 社工, 佢即係問我個Case 係點, 佢話會幫我攪, 仲講怕新年唔記得reply 我, 叫我星期四打去問佢status tim. 佢仲同我分析, 有機會會冇, 因為我小朋友唔算太嚴重.

有 heart 既社工, 同冇heart 既社工, 差幾遠?? Sigh………………. 我地做父母既一定要為小朋友爭取同問多d.

kennistong

atty

我個人覺得…. 就算比你知道左都冇用, 因為係冇藥物可能幫到. 我都唔想再去知點解/原因, 一日都係只有24小時, 不如張d 時間同心機去比bb 做training 好過, 希望同幫佢佢快d catch up 返. 共勉之!

Btw, 我唔suggest 抽脊髓腋, 我係過來人, 我小時抽過(因為當時發高燒, 成因不明), 醫生一定說是沒有問題, 當時係在背脊抽的, 依家大過左, 果個位成日都痛, 仲覺得特別weak. 唔係非必要, 我唔建議.

kennistong

atty
我都係拉, 我小朋友依家係2歲2個月拉, 都仲係得25lbs, 佢已經成日吃, 只不過係每次都唔太多.而且, 我仲每日都有比佢吃燕窩, 希望佢身體好d.

係唔係真係可以補返就冇事, 又係唔係一定可以搵到, 冇人知. 如果你真係唔甘心, 你就做拉, 我都明既, 有機會點解唔試試!? 不過, 一定有風險.

上次我去醫院問醫生, 問佢可唔可以照MRI, 佢話照左都冇用, 因為如果真係有事又點?? 冇野可以做, 何必要小朋友打針拉!!

Urme1997
你點解會帶小朋友去做評估?? 除左唔識行之外, 仲有冇其他野?? 我小朋友都係因為16個月大時唔識行, 同埋其他野都比其他小朋友差, 我先同佢去做評估.
如果單單只係唔識行, 就快d排pt 比佢, 樂天好似係冇pt 既, 而且市場上唔係太多地方有pt, 所以你快d去協康排拉, 唔好等政府野 (如果有能力的話). 只要比d training 佢, 再加埋家中的配合, 一定可以好快行到.

kennistong

slh/ndw
小朋友既發展係我地unexpected, 唔好放棄!

Slh
你地d s位都幾快, 已經有training, 我囝囝快了1個月I 位了, 不過, 仲未係全日, 剛剛老班主任傾, 佢話明天try try 3:00pm, 我就覺得太短, 希望快d 可以真真正正返全日. 我估要等到全日才可以有training!

kennistong

ndw
個人意見, 如果係唔傷害佢到佢既情況之下, 我會由得佢, 因為等佢train 下d口肌. 不過, 都係建議你問下治療師.

kennistong

Valmom, slh
睇番手有麥問題?? 我真係唔知wor!我囝囝最近係有呢個問題, 仲玩手tim.  唔好自己嚇自己拉!!!

至於申請傷殘津貼, 我明白一下子係好難接受, 不過, 如果真係可以entitle 的, 就要拉, 對你既負擔真係可以鬆d, 因為每個月既津貼可以幫補下之余, 係報入息時, 要照顧有申請傷殘津貼的人仕的照顧者, 佢既allowance 係可以double 既, 即係首名子女已經有HKD50,000 allowance, 依家係HKD100 ,000, 如果收入已經係去到要交17% 稅, 就save 左 HKD8500(HKD50,000 * 17%) 最好可以叫社工係3月之前幫你申請到, 係08/09 既taxable income 就可以有double allowance 可以扣, 唔洗交咁多稅, d $ 留比囡囡做training. 凡事都要向正面看.
我之前仲癲到打去問社工, 我可唔可以申請, 不過, 最后社工問左醫生, 亞囝只係慢左, 所以冇. 佢仲話一般只有自閉／言語障礙ｏｒ 慢左+有自閉/言障的徵狀才可以申請. 坦白講, 冇人想申請既, 只係呢d係我地唯一可以去問下有冇既野, 咪try try law.
講真呀, 你個醫生都幾好, 有heart! 我次次帶囝囝去看政府醫生, 佢地都好求其?? 有呢個醫生, 都係你同個女既福氣.

Ndw
我很欣賞你有樂觀的看法, 但是我還不可以. 有時想到囝囝再加上家人(99)之間壓力, 實在是令我抖不過氣. 有時會偷偷在哭..

dear all

我其實係好想好想要多一個小朋友, 但是我仍在想, 如果要多一個, 是不是有時間給細的一個?? 我在想, 一切都是交給上天決定吧, 我還有半年考慮, 因為如果過了今年, 我一定不會再考慮, 其中一個原因為同囝囝的距離有點遠.

kennistong

Dear all
前幾天是學校的家長日, 已見了I 位的老師, 老師說ST, PT 也做了評估. PT 說他的肌肉張力不足, 再加上之前係九龍醫院的pt 也建議, 一定要強化他的肌肉. ST的評估未出, 不過, overall 的assessment 已經出來了, 都仍然係慢了半年, 而佢地會係半年之后再做評估, 最初, 我們希望可以給囝囝讀9個月就算了, 看來已經唔可以, 一定要係呢到讀, 最少都要讀完k1才算.  和老公傾完之后, 看看囝囝的情況才見步行步, 可能會係K1轉出去 repeat OR 等k3才轉出去repeat. 有時都唔係我地做父母話點就點!!!
另外, i位老師建議我地買張special chair 比囝囝, 你地知唔知邊到有呢d chair 賣呀??

kennistong

miclui
地址既問題, 我就唔多知道, 不過如果依家間I 位好, 就唔好轉. 轉e位係要等好耐既, 仲一定要轉走左唔用i位既服務先可以再排, 仲有係要有一份within 6個月既評估報告先可以再排過.
如果你小朋友唔再要i位, 又要等好耐先有e位, 咁你會唔會再自己安排一d training  比佢, 可以日日係屋企同佢做?? 如果ok就冇問題, 如果唔係, 就要好好想清楚呀!!!

kennistong

annaanna
i位老師對囝囝很好, 聽起來都很有愛心及經驗, 因為她是由s位出來的. I位的老師就這星期開始每個星期五都會有用具借回家, 等我地有家居訓練. 這裡的ST support　都不錯，一個月最少有2次st, 好多時都有3次, 因為佢地既ST 係由保良provide 既, 所以我都recommend 你排呢間 or  保良既都可以.

九龍醫院做治療係1月尾的時候, 我已經開始左, 係我自己叫醫生寫紙轉介的. 都ok wor! 唔係我expect 咁差. 而且, 我2月尾開始, 報左協康既my first step 既小組, 希望可以比多時儀器佢, 等佢都有d 幫助!!

Special chair, 最主要係要有腳踏, 因為亞囝因為唔夠腳長, 成日前后搖, 搖得多, 個人好易跌到, 所以左右要加埋有抉手tim. 我係樂天之前見過有一張chair, 我比左老師, 等佢看看是否OK, 如果ok 就要order, 因為係tailor made 既, 要等一個月.

kennistong

annaanna
我都係大坑東青蔥個中心上, 我見佢張紙寫有儀器既, 咪try try law. 你小朋友當年係幾多歲呀?? 我依家上既program 係for 2-3歲的小朋友既. 唔知d內容會唔會一樣??

我係搵政府醫生轉介做OT and d PT, 因為囝囝久不久要去QE看兒童腦內科及骨科, 當時我係同佢講, 小朋友已評左delay, 而且, d 肌肉張力不足, 不過, OT 要4月才可以有得睇, 上次九龍做評估果位醫生冇講要不要做. 我見返去qe, 多口問下就ok了．仲即刻叫我去留下預約tim!之前我係pwh 都有做pt, 都係搵私家醫生寫紙的. So far, 我小朋友見過果d醫生都幾有heart!

你囝囝要不要去政府醫院覆診, 特別係兒童果d, 你同佢地講拉, 佢地好多都好好, 你要求就會寫比你, 佢地一般都會寫轉介的. 如果唔得, 再搵私家醫生問下拉.


Micliu
九龍醫院的物理治療包括D咩的唔多清楚, 因為唔係我同佢去既, 係爸爸同佢去既, 不過, 上次第一次返來時, 有d exercise 要我地同佢做, 而係醫院時都有d 儀器幫下手. 我都有問過星期六的問題(每次爸爸同佢去覆診之前, 我都會有一個list 既問題), 不過, 佢地既星期六係小組, 唔係單對單, 而且, 小組係要等到佢認為小朋友ok 才安排入的.

kennistong

Slh
我囝囝都係2/2 新年假期后開始返學, 初初都係唔多開心, 有d脾氣!! 返多2日就會好d, don’t worry!!

[ 本帖最後由 kennistong 於 09-2-11 09:47 編輯 ]