☆屯門聖公會青山聖彼得堂(兆麟苑)家長請進~

加加媽咪

YYMom,

你仔仔今日攞咗書包喇, 家長會個日老師話今年會轉用"護脊"書包喎, 係唔係呀?? 唔知同之前果款有咩唔同呢??
其實新生參觀個日係課室都已經見到印有囡囡名字的手冊, 仲話9月2日會派發, 唔知係咪d書包未齊貨所以唔派住, 同埋K1今個禮拜返學返個半鐘, 費時小朋友咁快要攞住個書包掛.

仲有呀, 老師有冇話要每日帶備紅色外套, 等凍的時候可以隨時著上, 我諗緊個書包除咗放書包之外, 唔知仲有冇位放件外套呢??

加加媽咪

Hello Ding / winglamcarmen 歡迎你哋呀!!

雖然你哋既小朋友係青山村果邊返學, 不過都好想大家可以係依度分享吓小朋友返學的情況, 以後多d入嚟傾吓計, 好嗎??

點解"兆麟"同"青山村" d學費唔同既, 唔知其他雜費又點呢??
"兆麟"上學期書簿費 $855, 茶點$280, 節日慶祝會費$110.

加加媽咪

係喎, 講講吓原來我都未交今個月學費添.......
我仲以為係每月10號前交???

不過今日都未收到書包同書喎~~~~    

加加媽咪

YYMom 唔該你, 因為家長會果日聽得唔係咁清楚

嘩, 你仔仔咁快已經有功課要做喇, 佢適唔適應呀??
老師話星期一、三、四都有體能堂, 星期五有生日會或活動課都要著運動衫, 即係一星期最少有三日要著運動衫, 等我買校服時以為運動衫小d機會著, 買咗2套校服1套運動衫, 可能遲d要買多套運動衫添.....

加加媽咪

Hello mandylo,

唔好咁擔心啦, 我諗小朋友好快就會適應架......

我其實都好緊張囡囡返學的情況, 尤其係囡囡之前冇返過nursery, 一下子要佢去到一個陌生的環境, 對住一班陌生的小朋友同老師, 平時o係屋企係小霸王, 返到學校要同共他小朋友一齊玩, 一齊分享玩具, 要守規則又要坐定定上堂, 其實一d都唔容易....... 我因為要返工唔可以成日請假接佢返學放學, 唯有成日問吓佢今日返學有冇喊呀 (佢每日都好叻同好大聲話冇, 不過跟住就話"有好多小朋友係度喊呀~~~ "), 老師講咩故事, 唱咩歌仔, 茶點食d咩呀, 同埋每日都問帶囡囡返學放學的婆婆/老公今日老師有冇講d咩呀.... .... 攪到老公,婆婆都嫌我煩.. 叫我唔好咁緊張.  查實有邊個做父母的唔緊張小朋友架!!~  唯有俾d時間自己同小朋友一齊去適應啦. 我估 "兆麟" 的學生比 "青山村"多, 老師的照顧可能比起來不足夠.

係呢, 你係咪依幾日都有接仔仔返學放學, 所以睇到上課的情況呀?? 不如主動d 同班主任傾吓, 將你的擔心話俾班主任知, 有咩問題早d提出, 唔好再等啦, 快d問清楚.

加加媽咪

mandy 如果你仔仔有這樣的回應我諗你都要留意吓, 老師叫錯小朋友個名, 對小朋友緊講會唔係好開心, 千祈唔好令小朋友唔鍾意返學同唔鍾意老師, 多d關心吓佢, 希望你仔仔可以盡快適應啦.

加加媽咪

昨天老師終於都派咗手冊, 校曆表, 通告同埋學費減免申請表, 不過都仲未派書包.....真激死!!!   

加加媽咪

hello 各位媽咪,

囡囡今日終於收到書包同新書喇~~
佢都不知幾開心, 孭住個書包周圍走, 仲同人講: "你睇我個書包幾靚!!!"  唔知幾威咁.~~~~~

Ding, 今日囡囡收到6本書, 你仔仔收到邊幾本書呀??
1) 天父世界;  2) 天父世界親子手冊;   3) 幼班歌集;  4) 幼班補充 -中文;  5) 兒歌樂;  6) 來說普通話
不過仲未收到timetable, 如我冇記錯果本"天父世界親子手冊" 應該唔洗帶返學校既, 留係屋企等家長同小朋友親子時間用.

加加媽咪

Ding, 你仔仔依家幾大呀, 咁識講野同咁生性, 真係氹死人

原來正校青山村果邊d老師都好多時打電話黎同你傾下個仔喺學校入面嘅野. 唔知依邊d老師幾時會咁做呢??

加加媽咪

Ding,

我女女啱啱琴日(10號)足三歲, 佢真係幾多野講架.... 有時講d野佢老積到你都估唔到.

Hello LongLong_ma 你好呀!!! 你記得唔記之前係講 "屯門幼稚園" 個Topic 都有同你傾過計架, 係唔係呀!~  

原來你仔仔同我囡囡同一班架...... 咁啱既? 我囡囡係青椒組呀, 你仔仔邊組呀?? 等下次有機會真係要見吓面喇. 原來今日黃老師冇返呀, 唔怪得知今日打電話返學校校務處問吓有冇見到囡囡個名牌留咗係課室, 校務處的人話問吓負責果位老師, 跟住隔咗一陣佢話個名牌係何老師幫囡囡執番, 星期一會交俾黃老師, 起初我都無為意添....

其實我都好想知到囡囡返學的情況, 又唔知佢果幾個鐘返學做D咩, 學d咩, 老師又冇打電話嚟講吓囡囡返學的情況, 不過知道你仔仔係同班的, 以後真係要多d同你傾計喇...~~

係呀, 下個禮拜要跟時間表星期一,三,四著運動衫喇.

加加媽咪

LongLong_ma,

係呀, 諗番上年呢個時候, 仲係度煩緊唔知邊間學校好, 眨下眼已經返緊學.... 依家難得小朋友仲做埋同學仔, 以後真係要互相 "照應" 吓, 千祈唔好話麻煩就真.   

你知唔知仔仔座邊果位置呀?? 我囡囡座係最後排最近窗的位置, 面向前面, 都幾好架...   唔知同你仔仔近唔近呢??? 你仔仔幾大呀?? ....佢番到屋企多唔多同你講學校的情況呀???.... 仲有你仔仔係唔係坐校車架? 佢習唔習慣呀?? 平日幾多點要出門口等校車??? 多唔多人搭呀? 洗唔洗兜好耐先返到學校?? 有冇姨姨跟車同埋個司機叔叔掂唔掂呀???? ........ 哈哈~~~咁多野問希望唔好嚇親你喇...

仲有果D書單...... 我都未得閒睇清楚係咩, 所以未決定訂唔訂呀, 你呢????

:

加加媽咪

麟麟媽咪歡迎你呀!!

兆麟個邊既面試的形式同 Ding 講青山村果邊大致一樣, 唔洗太擔心架, 到時即管攞表格幫小朋友報名面試啦, 我囡囡上年面試時都唔係太主動玩玩具, 不過都入到.
  

加加媽咪

Ding,

呢個星期都冇派新書呀, 仔仔返到屋企多唔多同你講學校既事呀??

加加媽咪

情情媽咪,

我囡囡依家冇搭校車, 諗住遲d先俾佢搭, 所以想問多d有俾小朋友搭校車的媽咪的意見. 原來你囡囡返N1喇, 囡囡返得開心時做媽咪既你更加開心啦, 係咪!!!  

Ding,

返到屋企先知囡囡學校今日派咗本英文書, 你講既主題書係咩黎架?? 係中文定英文呀???
囡囡有時都會無端端唱下歌架, 不過唔知佢唱咩!! 有時我仲會攞佢學校本歌書彈琴同佢一齊唱架, 仲會問吓佢今日食咩茶點, 因為學校個網有上載埋每日食咩野, 有時都會講錯.~~

加加媽咪

Ding,

你講既中文主題書同課外興趣班資料仲未收到呀, 等我今晚放工返去睇吓有冇先... 4Q 堂係咩黎架?? 我仲以為K1未有得參加課外興趣班添.

情情媽咪,

唔知道 "兆麟" 同  "青山村"的校車係唔係同一間公司呢? 兆麟係 "慧記", 都冇聽過佢講話有得試坐.....   

加加媽咪

Ding,

聽落果個4Q班好似幾好喎, 因為可以教小朋友點控制情緒同埋集中精神, 係咪係學校上堂架? 每堂幾耐同埋幾錢呀?? 唔知兆麟依邊有冇呢?   

原來係唔同既校車公司, 咁你住邊到架, 平時要幾點出門口等校車呀?? 收幾錢一個月?? (    又係同錢有關......)

加加媽咪

hello YYMom,

你都同仔仔報咗名參加課外興趣班喇....係平日放學後定係星期六上堂架?? 幾多$$ ??      唔知囡囡今年有冇得報名參加呢? 因為仲未收到表格..... 可能學校覺得佢地K1太細喇.......

加加媽咪

Ding,

係呀, 依家市面有咁多興趣班同playgroup 梗係要計過條數先參加啦~~   由細到大用係小朋友讀書同學野的錢都唔少架.

嘩, 你地校車的收費平咁多既!! 我住置樂果邊要$340呀, 已經係最平喇, 最貴係$600 去到小欖.     8:45am 先落樓等校車咁好, 你仔仔咪可以睡耐d ? 如果囡囡要行番學校大約10-15分鐘啦.

原來你住係碼頭區果邊, 我有返工架, 返寫字樓, 你呢??


YYMom,

如果我冇記錯你仔仔應該係返上午班架, 咁星期五返eq班咪要放學返咗屋企4點幾又要返學校囉???....... 你有冇返工架? 係咪你帶仔仔返學??  

係呀, 聽日開生日會要著運動衫, 我囡囡都係 "主角" 之一呀!!
    

加加媽咪

Hello 各位媽咪...

今日返工好忙, 所以都冇時間上嚟留言. 嘩, 原來今日你地有咁多留言既, 真係覆唔切添.....  

今晚放工返屋企途中收到老師的電話話有功課要做, 啱啱先同囡囡做完功課 (只是油顏色) 再同佢唱吓歌仔, 講故事, 其實今次係我第一次同囡囡做功課,  囡囡都好有反應同好開心, 佢仲一邊唱"排排坐", 一邊做動作, 又識話 "中秋節, 月亮圓, 月餅甜, 月餅圓又甜..." 老師話依家每日大約會有一至兩樣功課要做, 其實我都冇諗過咁快就要做功課, 不過都係好簡單既, LongLong_ma, 今晚你有冇同仔仔一齊油顏色呀, 你唔洗太擔心既, 我諗你仔仔好快都會投入架.   .....

係呀, 多謝你呀, 囡囡係10號生日架, 星期五開完生日會返嚟佢好開心呀, 仲收到禮物同印咗成班同學仔同老師既名既生日咭, 唔知幾時有相睇呢...??

加加媽咪

Ding,

你仔仔開始有功課做未呀? 係唔係油顏色呀 ??