☆屯門聖公會青山聖彼得堂(兆麟苑)家長請進~

加加媽咪

LongLong_ma, chunchunma, tszyau2000,

我喺紅磡果邊返工o架..... 放工又冇時間過海買, 算啦.... 下年重有機會扮既.  

哎呀~~~~ 聽你哋講攪到我聽日都好想帶埋囡囡返學睇吓d小朋友扮成點樣添. 你哋會返到學校門口先幫小朋友換衫定係喺屋企著好先返學呀??? 諗起d小朋友化哂裝扮野但係又拎住個書包同杯裝都幾搞笑     

加加媽咪

LongLong_ma,

頭先放工行過置樂, 點知俾我見到15蚊一套老虎頭cool+尾+頸帶, 簡直係意外既收穫, 好彩冇特登過海買, 不過都唔該你的報料.

chunchunmama,
我聽日會送囡囡返學, 如果我有緣見到 "有型可愛小飛俠"同"大肚靚靚媽咪", 我一定會望多兩眼同埋上前打個招呼.....   

chunchunmama 寫道:
加加媽咪,

明天我會幫亞仔係屋企換左衫先出門口,  我驚返到學校先換太遲喇!  甘你聽日係吾係自己送加加返學呀?  
如果見到我呢個大肚婆, 記住叫我呀!

加加媽咪

hello 各位媽咪,

今日可以帶囡囡返學真係好開心, 因為個個小朋友同老師都扮得好靚好得意, 睇到我都唔捨得走...   

chunchunma & tszyau 媽咪,

今日好高興可以同你哋見面, 加加仲有機會同埋咁有型既"eter Pan chunchun" 影相添, 真係難得, chunchun 套衫真係好犀利呀, 係咪連埋對鞋架一齊買架? 仲好岩身好fit 添, chunchunma 真係好心機. 係呀, 今日見你個肚真係好大呀, 你出入要小心d呀, 小BB好快就出世喇, 真係替你高興   
係呀tszyau 媽咪, 我幫加加畫左"胡蘇", 不過我諗未到放學已經俾佢卒甩哂.....

Y.Y.
我睇到個個小朋友同老師都打扮得好靚, 我下年都要花多d心機同囡囡扮吓野先, 尤其是高班同低班d女仔, 扮公主、天使真係好靚呀~~~

LongLong_ma,

我仲諗住你今日會帶仔仔返學, 點知望極都搵唔到"趣緻小魔鬼"同靚靚媽咪, 真有點失望, 你仔仔今日係咪搭校車呀? 因為我見搭校車的小朋友依然好遲先返到學校.


Ding,
你可以去置樂M記附近有兩間賣童裝衫的舖頭同埋一間喺晒相舖附近的文具店睇吓有冇心水既halloween衫仔, 不過我諗存貨無多, 其實你之前買既應該都好惦啦~~~

加加媽咪

LongLong_ma & 各位媽咪,

雖然今次無機會見面, 不過喺我心目中..........你同呢度咁多位媽咪絕對稱得上是"靚女", 因為母愛係世上最偉大既, 我哋個個都咁緊張自己的小朋友, 尤其今日見到chunchunma, 更加令我覺得母愛的偉大..

我冇入課室, 只係企喺課室外, 不過咁岩d小朋友排隊出去洗手間, 老師仲叫小朋友同我哋打招呼, 我哋班家長就掛住同小朋友影相同拍video, 不過好似唔係好覺"小魔怪"喎, 會唔會果陣仲未返到學校呢??? 等我睇番d相同短片, 睇吓見唔見先.

加加媽咪

[size=medium]各位準備明年為小朋友報讀本校的家長, 有關05-06年新生入學申請表已由今日開始於學校派發及可於網上下載, 網址: http://www.spckg.edu.hk/siulun/siulun.html , 敬請留意.

加加媽咪

tszyau2000,

我哋冇參加party, 不過琴日帶咗囡囡去黃金海岸, 影吓相, 喺d攤擋做d小手工, 食吓野咁囉..... 因為琴日黃金海岸有halloween fuction, 有明星歌星到場, 加上又有d本地一日遊tour, 所以都好多人, 玩咗大半日囡囡都好累喇

真係唔好意思, 果日阻住你同囡囡影相, 破壞晒成幅相添   ...... 加加做咗"路人甲乙丙丁".

加加媽咪

chunchunmama, angeline and marco 仔仔,

嘩, 原來低班今日去參觀騎術學校呀~~~ 對小朋友黎講梗係開心啦, 其實我都未去過, 學校可以安排呢類的活動俾小朋友, 等佢哋除咗喺學校學習書本上的知識之外, 仲可以出去外面走一走, 親身去接觸事物, 對小朋友一定會更加印象深刻, 更易理解.

加加媽咪

chunchunmama,

我都係睇"自由講場"有個會員post 咗邊度有halloween function 先知到, 我見近近地搭車去都好方便, 而且加加又好鍾意去d檔口仔到油吓顏色同做d小手工, 佢果日都做咗個snoopy 相架.

你都pm個email address 俾我, 等我都 send 番張相俾你好嗎?    

chunchunmama 寫道:
加加媽咪,

原來Gold Coast有halloween function, 早之我都同chunchun去啦!
我想send返 加加d相比你, Pls PM your email address to me.  Thanks!

加加媽咪

tszyau2000,

咁都好, 不過下次有機會的話, 一定要再影個.

tszyau2000 寫道:
你吾好甘講la, 邊樹阻jet, 反正我趕吾切搵埋加加影,這不如就當作tszyau,chunchun&加加的合照la!!

加加媽咪

angeline,

e~ 咁遲先出發??? 去幾耐呀? 係咪近蝴蝶邨果間"騎術學校"呀???

angeline 寫道:
chunchunmama,

我個仔今朝又係一早起左身, 可能係今日有得去睇馬仔 ,
仲好興奮咁話要早d返學, 唔係老師唔等佢喎。

我剛剛仲睇埋佢上旅遊車添! :

加加媽咪

iris_yu_him,

點會貪心呀, 果時我都報咗3間, 不過始終都係揀呢間...     如果有時間去面試的話, 報多一兩間都無妨, 可以比較吓嘛.

至於2歲小朋友的情緒問題, 你真係要俾多d時間佢, 因為呢個階段的小朋友有時說話的表達能力仲未足夠, 但佢好似有好多野時話你知, 但你又唔明佢講咩, 所以佢會好"忟", 又未知道咩係岩同唔岩, 不過e個階段好快過, 你多d同佢傾計, 了解吓佢需要d咩, 慢慢情況就會好轉.

iris_yu_him 寫道:
Ding,
Thks! 我應該呢一兩日報名(我會貪心d, 兩間都報)

我想請教大家你們的小朋友係進入2歲時, 是否會變得好自我+好大情緒+仲會用手打人+用腳踢人? 說話進度如何?

加加媽咪

chunchunmama,

已收到d靚相喇, 唔該哂你    , 等我今晚返屋企再send返張相俾你, 不過我記得同你send俾我的第一張差不多, 只係角度差小小.

係喎, 你呢個禮拜入院生BB, 心情如何呀?? 預備好晒入院用品未呀?? 我都"登"你緊張同興奮, 期待小生命的來臨   

加加媽咪

hello cheuklam-mama,

你咁快就交咗報名表喇, 希望你仔仔20號 interview 成功.    

加加媽咪

cheuklam-mama,

其實都講不上甚麼心得, 我諗你到時早d帶小朋友熟習下學校附近的環境, 話俾佢知遲d會喺呢間學校返學, 會有好多小朋友同佢一齊玩、一齊讀書、一齊學習, 等小朋友知道多d會好些.  你係在職媽咪呀? 小朋友由工人定親友照顧??

加加媽咪

係喎~~原來今日係K2觀課日, 所以唔見晒班"K2靚媽咪", 唔知觀課的情況如何呢?? 我都好期待著12月的K1觀課日.    

加加媽咪

哎呀, 遲咗上黎添~~~ 原來chunchunmama 今朝晨早已經要入院生bb喇, tszyau2000 煩麻你代我同加加問候 chunchunma .

加加媽咪

cheuklam-mama,

如果你姨媽女係同LongLong-ma 仔仔同班既話, 咪即係都同我囡囡一班?? 咁究竟係咩班呀??????   

加加媽咪

angeline,

聽你講仔仔參觀完騎術學校之後咁開心同你分享, 真係羨慕.... 我想像到出年囡囡去完參觀之後, 肯定有排都未講完有關"馬"的話題~~~~~~

加加媽咪

好同意Ding的講法, 佢發脾氣時你越理佢,越鬧佢就越扭計, 到佢知道發脾氣係冇用時, 就會自自然然收聲.

加加媽咪

iris_yu_him,

有時小朋友都會講晦氣說話架, 即係明明知道果樣野係唔岩, 不過係都要講反話, 其實佢哋係知既.

你不需要太擔心面試的表現, 有時小朋友會做出一d出乎你意外既事呢.