外斜視?

summarian

如果講光彩明天0既，佢本身就係針對小朋友0既視光中心嚟~ 因為09年初先成立，所以未必咁多人識啦~

summarian

如果做完第一次手術都仲有外斜30度~
咁未做之前嘅角度大成點？
係因為內斜over-corrected 而變成咁？
定係本身外斜嘅角度好大好大……

外觀… 站喺父母0既角度睇 同 小朋友大個左之後睇… 我諗… 「外觀」、「視力」比較0既話… 小朋友大個左，一定會重視外觀多過視力哩~

summarian

原帖由 candytsy 於 09-11-7 10:55 發表
唔係做完仲有30度外斜,係做完好正位,自己都看到好正位,當時很滿意沒有選擇錯咁貴的醫生,不是你所講的over-corrected或外斜度大的問題,一年后慢慢10-15.20.25回到30度,做之前都係30度.而這30度同之前不同係現在看近才 ...

按唔同情況嚟講~
做完之後就好正位，代表醫生完全冇預留小朋友眼睛肌肉嘅發育空間。一般嚟講，say 30度0既斜視 (故勿論係外斜或內斜)，做手術for 小朋友嘅話，係唔會一做完就正位，而係預番少少空間…~ 繼而喺手術完左之後再透過視力訓練或者你所講嘅眼操去令佢呢個小小空間可以由自己控制去彌補。~ 你話1年后慢慢10, 15, 20, 25再變成30~ 咁樣代表你同佢做嘅眼操(唔知係for 視力 or 眼外肌)~ 似乎冇咩野實際效果~ 我唔了解你小朋友0既情況，可能呢個眼操令佢可以由constant 嘅斜視，變成間歇0既斜視。~

~ 小朋友做手術前0既斜視係30度(constant)，做完之後係睇近0既間歇30度，睇遠就17度~ 其實，我地0既眼睛，一般都係睇近野為主，如果做完手術一年之後只係將constant 變成間歇0既話，我會認為個手術0既效果係「麻麻」~

另外，你話小朋友斜視眼睛0既視力有進步，咁而家两隻眼0既視力相差幾多呢…~ 相差愈遠0既話，斜視問題透過做眼操去改善0既效果愈差…~ 醫生有冇要求小朋友要遮眼呢？

summarian

原帖由 candytsy 於 09-11-9 18:23 發表
你所講的預留小小空間,等做完后用眼操去調正,我是知道的.如外斜做到內斜10度內等以后慢慢自然變正,但這個是不保證的,要靠自己的控制,如果控制唔到就變成有些家長所講的外斜做完變豆雞.我所要講的是手術冇100%的保證, ...

了解~
希望你0既小朋友0既情況會一路繼續好落去啦~

summarian

原帖由 sumyee 於 09-11-25 13:21 發表

經過10個月的觀察和訓練, 囡囡的外斜視沒有丁點進步, 眼科醫生提意做手術, 現在想在私家做手術還是在政府的眼科醫院做,在私家可以搵有經驗豐富的(但可能不是經常做), 在政府眼科的醫生就常常做.
其實外斜視手術是 ...

可唔可以詳細d 講下佢斜視嘅情況？
角度有幾大？(係唔係30度或以下?)~
佢用D 乜野方法去TRAIN你嘅小朋友呢？
斜視眼睛嘅視力有幾多？同冇斜視果隻眼嘅視力相差幾遠？

斜視手術話大唔大，話細唔細… 但係好難做到1 TAKE 過~ 而且要全身麻醉，對小朋友始终都唔係咁好嘅。~

summarian

原帖由 sumyee 於 09-11-25 15:35 發表
summarian
7月時說有30度(我自己帶去有問到), 前日見xx科(我吾記得個名)因我c6帶去好似話30-40之間, 雙眼視力正常. 至於training係自己在家中練豆雞, 下星期見斜視科(會先醫生),囡囡就來5嵗.

sumyee
  ...

30至40度屬於角度比較大，一般都要做手術先可以矯正到。~ 不過如果接受過眼睛內聚訓練而完全冇改善嘅話，什至由30度變左做30至40度，有可能係因為視力問題。~ 你話你小朋友雙眼視力正常，你嘅意思係咪講緊佢做眼睛檢查時佢戴左眼鏡之後(有需要戴嘅話)，左眼同右眼各自睇到嘅英文字母大細都一樣呢？~ (睇到嘅英文字母愈細隻，視力愈好)

30至40度嘅斜視，如果只係喺屋企拎住枝筆嚟練鬥雞嘅話，其實未練都已經預左作用不大。你除左去睇眼科醫生之外，有冇去視光中心CHECK 過？

两者不同嘅係，有D眼科醫生會二話不說就話同你開刀，
視光中心因為視光師冇做眼科手術呢方面嘅專業，所以一般見倒小朋友有斜視問題而唔係咁嚴重嘅話，佢地都會建議做一D 斜視TRAINING (P.S. 練鬥雞唔係單單用一枝筆推近佢咁簡單)~ 而如果見倒係嚴重嘅呢(>30度)，就會建議去睇眼科醫生啦﹗

summarian

原帖由 bluewoodstock 於 09-11-26 15:24 發表
小兒於3年前(5 歲)已在私家做了1次外斜手術, 當時醫生已告知不一定可以100%保證, 我們都決定給仔仔做呢個手術, (到現在我好記得當時看住佢推入手術室的時候,個心真係好痛.....)
上年左右,我發現佢好明顯雙眼已走開, ...

你小朋友雙眼嘅視力而家情況係點？
現有嘅斜視角度又係幾大呢？
好多人做斜視手術都要至少做兩次，但故勿論做唔做都好，大家都會忽略左「視力」嘅問題。
如果雙眼視力本來唔好而去直接矯正斜視(以手術或者訓練)，其實個成效一定唔會好好﹗~
千其唔好本末倒置咁認為斜視角度矯正左之後，視力就會冇問題。~ 其實係啱啱相反，視力好嘅話，斜視問題嘅矯正先會更加有成效。

summarian

原帖由 bluewoodstock 於 09-11-27 09:25 發表
SUMMARIAN 你好
我的小朋友sor far 視力都是正想, 所以希望如你所說"視力好嘅話，斜視問題嘅矯正先會更加有成效", 佢的斜視角度係30左右已返去了3年前做手術的情況,以你所說是否斜視手術好多都要做2次, 因要小朋友再做 ...

如果係養和醫院做開果個醫生嘅話，要做第二次，始終都係搵佢好D~ 因為佢會最了解你小朋友嘅情況，而且紀錄一定最齊。~ 斜視手術，喺小朋友咁細個做呢… 可以一TAKE 過嘅機會其實係50/50 嘅唧，而做第二次嘅話，成功唔駛再做第三次嘅機會就OVER 80%~ 不過呢d 情況都仲係要因人而議。因為小朋友眼睛嘅發育係到8歲先基本完成，所以touchwood 咁講，佢如果係5歲做第二次嘅話，8歲前會點樣改變… 冇人可以預計得到啦﹗

喺做之前，要深入d咁問醫生所有你想知道嘅野︰
1. 做完第二次可以斷尾槪機會？
2. 做完第二次，斜視角度預計會有幾多？
3. 手術完左之後，有冇需要做一d 斜視訓練？
4. ……

summarian

原帖由 gardenwoods 於 09-11-26 21:10 發表
summarian,

那請問如果囝囝剛4歲，雙眼都有間歇性外斜視，但視力正常、立體感正常，咁應該要點做？\

Thanks a lot.

去做斜視訓練啦~
如果佢4歲得嚟，佢嘅服從性又ok嘅，
咁可以去光彩明天、理大clinic~ 去做~
因為你小朋友視力正常、立體感正常嘅話，我相信斜視角度唔大… 只要聽話d、明白訓練要求，我諗一至兩個月時間就可以train 到佢唔好番哂都有八九成改善哩﹗!!~

summarian

原帖由 sumyee 於 09-11-26 18:16 發表
summarian
check眼時沒有帶眼鏡,因沒有近視及遠視,只是把一塊膠蓋一隻眼再看圖案, 由大至小,結果正常.
除了眼科醫院,我還沒有去其他地方check, 例如測光師, 請問有須要嗎?
我反而想再找一私家醫生看看, 但又想直接去 ...

以小朋友30-40度嘅斜視情況嚟講，直接去睇眼科醫生都啱嘅~ 不過唔一定要去養和，我唔太SURE去養和睇係咪要排好耐。

或者可以去一D 有眼科醫生在場嘅眼科中心~

想糾正番一般人嘅錯誤想法，眼科醫生同視光師係兩個唔同嘅專業嚟，兩者有關係，但並唔係可以互相取代。

屈光問題嘅處理、配眼鏡、視覺訓練方面~ 呢D 係視光師嘅專業。

而眼科醫生嘅專業係針對有需要做手術嘅眼睛問題，好似LASIK、白內障、視網膜脫落或者由外傷造成嘅眼睛問題等。~

有操守嘅視光師喺幫人檢查眼睛之後，會知道有冇需要將個CASE轉介去眼科醫生到跟進，然後再俾適當嘅advice俾人~

冇操守嘅就會"dum" 你時間，明明有d 野要交俾眼科醫生去跟，都唔話你知。

而眼科醫生一般都唔會將d case 轉介俾視光師~ 一d 需要做斜視視力訓練(斜視角度唔大，未必需要做手術)、立體感訓練、弱視視力訓練呢d cases~ 佢地好多時都唔會轉介俾視光師跟進。~ 之但係視光師喺呢方面又會比眼科醫生優勝咁…

所以我會建議做檢查就先搵視光師…~ 知道結果之後，有需要先去睇眼科醫生啦﹗~

summarian

原帖由 bluewoodstock 於 09-11-27 12:55 發表
SUMMARIAN多謝你呀, 你的說話令我增多了信心, 我相信你是眼科的專業醫護人員吧, 因你對我們的小朋友的斜視好有認識...

"所以touchwood 咁講，佢如果係5歲做第二次嘅話，8歲前會點樣改變… 冇人可以預計得到啦﹗">>>>>>>>> ...

唔駛客氣。~
我唔係眼科專業醫護人員…~
只係因為工作上有機會接觸好多，所以先會有一定了解啦﹗~

summarian

原帖由 sumyee 於 09-11-30 16:02 發表
summarian
多謝你的意見. 請問那里有眼科醫生在場嘅眼科中心.  係吾係例如你之前介紹的光彩明天 或poly???
09年才有的光彩明天,你知不知每次約幾錢, 須5須要排很久?
sumyee

...

我見呢間比較出名D。

香港眼科
地址:香港銅鑼灣百德新街2-20號恒隆中心24樓2401-02室
電話:2882 7444
傳真:2882 7445
電郵:[email protected]
診症時間:  星期一至星期六
上午九時半至下午七時半
星期日及公眾假期休息

光彩明天、理大視光中心 & 理大護眼都冇睇科醫生架﹗
光彩明天嘅預約資料就睇
www.radianthk.com
啦﹗~

[ 本帖最後由 summarian 於 09-11-30 20:42 編輯 ]

summarian

原帖由 gardenwoods 於 09-12-9 23:20 發表
sorry，咁遲先回應....

我囝原先去睇過幾次理大&其他眼科，佢地都只係話囝囝係一隻眼外斜....點知剛上個月去政府健康院睇 (因為想多排埋政府醫院條隊)，果度個"人"(我唔知佢係咩人，視光師定醫生？！) 居然話我囝其實係雙眼都有 ...

回應你第一個問題先︰「原本冇外斜都會變成有外斜？」~
呢個係會有可能發生嘅。
1)同睇野習慣有關
2)同視力高低有關，視力低會造成斜視。

又或者其實佢一開始就有交替外斜，只係之前嘅視光師或者眼科醫生check 錯左~

但係以交替性外斜嚟講，有成27-28度都真係幾大。~
而且如果度數大成咁，之前冇理由會check 唔到，而同時亦都冇乜可能相差咁短時間可以由冇外斜，變左做咁大角度嘅外斜視。同埋個角度大成咁，日常生活都一定留意到……~ 會唔會係今次健康院嘅人check 錯左呢？~

咁大角度嘅交替性間歇外斜，其實好易check~ 你自己試下用以下方法幫佢check 啦!

拎一枝筆，叫小朋友望住筆尖。
由around 兩呎嘅距離開始，慢慢移向佢嘅鼻尖。
留意佢兩隻眼嘅眼珠，當筆尖愈移愈近嘅時候，佢嘅眼珠有冇邊個係首先向外移~ 發覺到有嘅話，就再試多幾次，如果都只係同一隻眼嘅眼珠向外移嘅話，咁佢應該只係單眼外斜視；如果佢係一時時左眼珠、一時時係右眼珠向外移嘅話，咁就係交替性間歇外斜啦…~

你試下以上嘅方法睇下work 唔work~

summarian

原帖由 gardenwoods 於 09-12-10 20:33 發表
做了....原先發現我囝係右眼外斜...測驗中，佢只有右眼飛開...不過左眼亦不能很鬥雞..有點只係正中間偏入一點....這是否也証明了左眼亦有問題呢？！
到依家4歲，視力一切正常...健康院那人講，這情況的話，我兒有弱視的機會很微， ...

照你嘅情況所講，你小朋友應該真係兩隻眼都有外斜視，不過一隻眼角度大、一隻眼角度細。~
至於視力正常，係咪你都肯定兩隻眼嘅視力都達到0.9或以上呢？~

健康院果個人所講會變成弱視嘅機會好微… 呢一點我唔係好認同。
以佢右眼嘅斜視角度大而左眼小嚟睇，佢一定會傾向以左眼而少用右眼。而如果呢個情況好早已經開始，佢雙眼嘅視力應該會有一定差距。所以你一定要知道佢現時雙眼嘅視力分別係幾多，先至可以肯定。

而另外，4歲嘅小朋友嘅眼睛正處於發育階段 (0-3歲最快，3歲以後到8歲，視覺系統基本發育完成)，大角度嘅斜視都有可能令佢嘅視力發育慢左落嚟，都有一定機會導致成弱視。

至於眼皮下垂問題，眼科醫生所講嘅情況都有可能。
但斜視檢查，唔會受眼皮係咪下垂所影響。

我建議可以去我工作緊嘅光彩明天CHECK 一下~
做檢查嘅方式同Poly 大同小異，不過投放喺每個嚟檢查嘅小朋友嘅時間會多好多，而且如果小朋友現時視力唔好(視力唔好 唔等於 弱視) 嘅話，都會有針對性嘅follow-up。~ 你可以考慮下……

summarian

原帖由 gardenwoods 於 09-12-10 21:53 發表
明白...我會試下去光彩明天，thank you.

不過想補充一點，我囝雙眼視力真的一切正常 (有很輕微，低於50度的不記得是什麼了)，這是經多位視光師及眼科醫生証實。

Thanks.

...

視力，10個有9個香港人都會以為係遠視、近視或者散光度數。覺得度數愈深，視力一定愈差。~
但其實視力嘅真正意思係睇野嘅清晰度(泛義)。

弱視嘅意思係當一個人喺佢配戴左適合度數嘅眼鏡之後，睇野都唔能夠但到0.9 (要睇年紀而定~ over 8歲嘅話，視力要逹到0.9或以上先算健康。)~ ，而又冇任何其他眼睛疾病。~

有關「視力」嘅詳細資料，可以睇我寫嘅Blog~
http://hk.myblog.yahoo.com/marblepang/article?mid=37

唔好將度數同視力混淆。~

summarian

原帖由 ling@@@ 於 10-4-8 23:21 發表
我個仔19個月,2眼都有外斜,視力正常,請問係咪一定要做手術架,如果要做最快幾大可以做手術,because政府話小學前要做手術,係咪一定要做架,可唔可以大眼鏡,正返好呀,好担心,thanks ...

19個月兩眼外斜~ 角度大唔大？~
視力正常？點樣CHECK 佢視力正常呢？(你嘅意思係冇任何遠近視、散光？)~
但你又話佢要戴眼鏡嘅？~ 咁佢係咪即係有度數？
戴左眼鏡之後，外斜係咪就消失左？~
外斜角度唔大，唔駛做手術都可以矯正。~
要了解多D先可以知道有冇必要做手術啦~

summarian

原帖由 ling@@@ 於 10-4-14 23:12 發表
e生話隻眼,正常,我都唔知角度幾多呀,so我都想知更多,可能佢太細,check唔到啦,我都唔知點好

斜視手術，其實最好係讀完小學先做。
我接觸過好多CASE，小學前做嘅，過幾年之後就又會復發，或者做手術出嚟嘅效果好差…~ 好多都有OVER-CORRECTED 嘅問題。~

喺未清楚小朋友嘅視力狀況嘅前題下，我俾唔到D 乜野意見你…~ 但只要「視力」冇因為斜視而受到影響嘅話，就冇必要急住喺小學前做手術。~ 現時只有19個月大嘅話，好難預計到佢之後嘅眼睛情況會發展成點哩﹗KEEP 住每隔三個月帶佢CHECK 一次啦﹗~

summarian

原帖由 spw 於 10-4-18 02:19 發表
各位:
你們好!亞仔2歲半,跟瑪麗眼科,醫生一時說是高低眼,一時又說斜視,又話要做手術放鬆眼肌.
  最後話是右眼有200度遠視,而左眼超級正常,要帶眼鏡試試.

  現在想問問大家你們說的理大與理工大學的有關係嗎?
又其實 ...

兩歲半做斜視手術？~ 仲要連上下左右斜都未搞清？咁即係小朋友控制眼球活動嘅能力都未develop完…~ 千其唔可以做…~

理大護眼(polyvision)同理工大學嘅關係… 只係個名唧…~

有關斜視嘅資料，歡迎參考︰
http://hk.myblog.yahoo.com/marblepang/article?mid=43

http://hk.myblog.yahoo.com/marblepang/article?mid=45

有咩野問題可以再問我丫﹗

summarian

原帖由 spw 於 10-4-20 19:05 發表
Summarian:
謝謝你呀,我已致電到理工眼科.
其實我現在可以做的是否與小兒遮眼及戴眼鏡呀......

我知道斜視會影響立體感,我覺小兒上落樓梯啦,入筆插啦,
串珠啦又可以的.....我唔知點! ...

呢個年紀嘅小朋友，唔好亂咁遮眼… 可以遮遮下遮到果隻好嘅眼都遮到視力下降哩﹗~ 你要知道小朋友遠視果隻眼戴左眼鏡之後睇倒嘅野清唔清晰先…~

建議要CHECK下小朋友點解會鴛鴦眼先~~
了解兩眼眼軸長度~ 同埋散一次瞳(一次好啦﹗)~ 先得﹗﹗~

summarian

原帖由 ling@@@ 於 10-4-20 23:14 發表
謝~你意見,即係如果斜視影響唔到個視力既話就可以遲d先做,會唔會有斜視,但keep住視力ok架.我前日復診,視光師話眼睇個角度都幾大,我問佢係咪大個小小可以大眼鏡正返好隻眼,佢話對外斜無作用. ...

謝~你意見,即係如果斜視影響唔到個視力既話就可以遲d先做 <--- 呢樣係﹗~

會唔會有斜視,但keep住視力ok架<--- 呢個斜視角度愈細，視力KEEP住OK嘅機會愈高.

我前日復診,視光師話眼睇個角度都幾大 <--- 大成點？~ 話大細冇意思，要知道數字上嘅角度先得。小朋友本身係近視定遠視底嘅呢？~

我問佢係咪大個小小可以大眼鏡正返好隻眼,佢話對外斜無作用 <--- 戴眼鏡唔會可以將較大嘅外斜視角度矯正過嚟。~ 但外斜視其實可以透過視力訓練去改善嘅… 改善到改善唔倒嘅時候，先考慮做手朮啦﹗~  小朋友而家幾大？~ 如果around 6-8歲，呢類training 就最啱啦﹗