外斜視?

summarian

原帖由 spw 於 10-4-24 13:56 發表
SUmmarian:
甚麼叫散一次瞳(一次好啦﹗)?我們已看理工了,視光師說都是看看小兒戴眼鏡如何才有辦法.....並沒有說要做手術....謝謝!

散瞳係透過使用一D 眼葯水去令控制晶體厚薄嘅肌肉(睫狀肌)放鬆，再去驗出真確嘅度數。

1. 睇近野時，肌肉拉緊，晶體變厚~
2. 睇遠野時，肌肉放鬆，晶體變薄~

近視，即係代表肌肉放鬆嘅能力差；
遠視，即係代表肌肉拉緊嘅能力弱。

因為你小朋友係遠視，即係代表佢肌肉拉緊嘅能力弱~
散瞳，對遠視嘅小朋友嚟講，次數要盡量少D，因為多散，會進一步減弱佢肌肉拉緊嘅能力。~ 但從來未散過嘅話，點都要散一次先可以知道佢真確嘅度數哩﹗~ 能夠做到一次徹底嘅散瞳，以後盡量避免再散，咁對遠視嚟講會好D 啦﹗~

summarian

原帖由 sumyee 於 10-5-27 15:21 發表
我join左光彩, 一個course有五堂,已去了兩堂,但暫時看不到任何成效,今天回眼科醫院check,俾人(好似測光師or驗眼師(151號房那位))駡到飛起,話浪費 $浪費時間,不如一次過去做手術.....有沒有人明白我現在心情.....

我 ...

一個醫生，如果咁樣閙病人嘅話，好有問題。

首先，一個四五歲嘅小朋友，有斜視，如果事前乜野都冇試過嘅情況之下，去做手術，咁係叫做「冒險」。

大部份人都唔知道，年紀咁細去做斜視手術嘅話，失敗嘅機會有幾高。我喺我嘅工作裡面，接觸過好多斜視嘅人，當中有接受過手術而失敗嘅Case 有好多，有一兩個仲要做左兩次，都仲係失敗。而佢地年紀都係比較細嘅。

斜視手術係過程簡單，但好難預計手術後情況會變點嘅手術。小朋友控制眼球活動嘅肌肉仲係發育緊，喺人人嘅發育情況都唔一樣嘅情況之下，太細個去做，以後會變成點呢？我相信任何醫生都冇辦法保證。我接觸過最無奈嘅CASE，就係做過手術兩次都失敗，明明係唔算嚴重嘅內斜視，變左做永久嘅外斜視，咁呢D又可以怪邊個呢？

除非係好嚴重嘅斜視，完全令到睇野都有問題，咁嘅話，盡快做手術無可厚非。但如果係輕微嘅，而又對視力冇乜太大影響，先嘗試訓練再觀察先係最好嘅SOLUTION。

開刀，一定係試過戴眼鏡、做過訓練後都冇辦法解決問題嘅最後APPROACH。而如果本身嘅斜視唔算嚴重，又唔影響到視力嘅話，斜視手術最好係AROUND 12歲先做，因為到其時，眼外肌已經過左高速發育期，成功1 TAKE 過，而又冇OVER-CORRECTED 嘅問題嘅機會會高好多。

summarian

原帖由 DPmama 於 10-6-4 23:44 發表
我今天帶囝囝去睇醫生，醫生話佢有70度斜視，因度數太大要做手術。兩眼都有100度遠視。

我發現囝囝每次睇野都係用一隻眼睇，一時左眼，一時右眼。

我囝囝只有1歲，請問我是否一定要佢做手術？ ...

有成70度嘅話，真係有需要做。
因為度數太大，而且BB只有一歲，現階段係好重要嘅視覺系統發育期，咁嚴重嘅斜視，好大機會造成弱視嘅。
你要向醫生了解清楚手術嘅風險…

70度嘅外斜視，做手術嘅時候會預留幾多空間，一定唔會一下子就將70度完全整走，一次過CUT 哂嘅話，有可能會造成OVER-CORRECTED~ 喺發育嘅過程中由外斜變內斜。

同埋要佢話你知個成功率係大概幾多倒…~

喺決定做手術之前，建議去搵多一兩個醫生去拎SECOND OPINION，咁會安心D~