發展遲緩B媽媽(part 1)

elfho

原文章由 weiwai 於 08-3-16 11:11 發表
遲4個月我覺得唔少呀！你唸下我b當時得16個月，遲左4個月，以%計真係唔少的
況且，上星期我再帶呀b去做評估(18個月)，導師仍然話佢得12個月能力.....即遲了6個月架啦！所以其實一有遲緩，無論遲幾多，都應該即刻做治療訓練。
可惜香 ...

其實遲左幾多唔係咁重要, 你應該問吓個醫生或者姑娘, 你個b有d乜嘢佢應該識但未識, 而呢d技巧你又覺得重唔重要, 如果重要的話, 便重點訓練.

老實講如果你在政府做評估, 佢地都係跟指標做, 好似我個仔, 因為唔識串珠仔, 佢地就話佢d小肌肉未到兩歲標準, 但協康會d導師從其他方面睇, 就話佢d小肌肉有兩歲的能力,真係睇你信邊個.

老實講, 如果能力可以的話, 死慳死抵也應盡量俾個仔去私家服務或NGO好, 政府d服務始終比較死版和守舊, 好多時一d比較新及有較的療法要好遲至引入到政府. 私家服係貴, 但導師服務態度好, 訓練見效快好多.