知覺推理其實是什麼？ 如評出係資優即係點？

小曳人

小貓baby 發表於 23-7-15 19:56
如題？
我都唔知可以點加強培訓，卂或者哪方面弱就去改善？

其實每個人嘅強弱情況都唔同，表現出嚟嘅"困難"亦可以好唔同，
所 以無話應該加強培訓 or 改善弱項，都做又得唔得?

其實最麻煩係揾啱適合嘅方法....

我家對強弱項嘅態度係~
孩子有興趣嘅，會幫佢探路，安排，到見到"成績"就知道做啱咗

孩子明顯弱項，或學習上必需"能力"，但出現"唔平衡"情況，e.g. 學術已達pre-u / 預科程度，但英文作文就得S3-S4互左右，就去學writing skill

但樓主講嘅記憶法...
我就覺得要係孩子本人去揾！
佢想唔想做好d? 有無定立一d目標而要做好"記憶"先能夠達成?
當事情有因果關係，試好辦法
但先決條件係佢揾到要努力克服困難嘅目標！

好多年前聽當年嘅HKAGE 課程發展部高層講故仔
入HKAGE之前，佢响一間中學做副校，有一位幾聰明嘅學生但英文成績唔好，有日佢同學生傾開第時想做d乜野職業，學生話想做飛機師，呢位老師就同佢講：做機師英文要好好架喎~
於是，學生決心改善英語，結果.. 公開試英文成績考得唔錯，順利升讀大學

我唔知樓主孩子幾大啦~
但有d野唔係家長想做就得，其實要孩子自己都覺得有需要，加上決心要做好，必先要有一個相關嘅夢想/目標！