専注力不足及過度活躍症(ADHD)兒童家長站

小彬女

我仔今年九歲, 食左藥二年, 我好心痛, 我地同個仔既關係一日比一日差, 大家都係痛苦中度過, 佢一發起癲上黎, 完全係另一個人, 就算對住父母, 佢都可以出手打我們, 越制止越癲, 有時我真係好想打999, 我真係唔知可以點做. 只要對佢有幫助既我都盡量去做, 盡量去配合, 但佢完成漠視家人, 打又打過, 鬧又鬧過, 傾又傾過, 佢到而家全完都唔聽父母講野, 可能好多野係我自己做成, 先會令到佢今日係咁. 我而家都唔知自己仲可以做得乜.

係學校方面更成日跟人打交, 完全冇控制能力, 成日犯校規, 我見到手冊滿江紅, 日日都有投訴, 令我壓力更加大, 我真係無能為力.

關係越差, 我見到佢就越黎越討厭, 我真係唔知可以做乜.

小彬女

其實我仔已經係証實佢係adha, 所以佢都食左兩年藥, 初期食左藥都仲可以接受, 由下學期開始, 老師話佢食左藥好似冇食過咁, 上堂成日騷擾同學, 又同人打交, 返黎都已經同佢傾, 但佢永遠都話係人地錯, 佢冇做錯, 跟手仲發好大脾氣, 有時仲帶有攻擊性tim, 跟住我又改用另一方式教, 都係冇用, 所以關係就越來越差. 我甚至乎覺得佢心理有問題. 完全乜都聽唔入耳.

至於管教方式, 我已經用盡過好多辦法, 有些初頭都仲可以, 但日期一耐左又唔得. 我都想個大家開心, 但事與願違. 好似叫佢上床訓覺, 足足叫十次都唔願去, 每晚搞到自己成 十一/二點先去訓, 第二朝又要六點幾起床, 試問咁唔夠訓又點會有精神吖. 我每日都要返工, 佢去訓左我先可以沖涼抖下, 我都好攰, 我係唔知可以做d乜黎幫到佢.

小彬女

計時器我都試, 而家屋企有3個計時器, 但佢聽到計時器響, 佢都唔會理. 有次溫習, 溫左一陣我話可以比佢放鬆一陣, 已經同佢講日係休息15分鐘比佢自己玩, , 咁開始計, 之後仲有5分鐘我叫佢好準備收拾, 當個計時器響起黎, 佢完全係唔會理會你講乜, 佢只想係玩, 跟住又要勞氣, 佢又發脾氣, 有既方法我都去嘗試, 但都係冇用. 可能佢比人早出現反叛既性格.

我睇呢個topic 都覺得替你地開心, 見到你地d 細路個個都有改善, 而我個冇改變都唔係問題, 但最衰仲要一日比一日差.

我既EQ由高跌到已經冇晒, 我都唔知點算.

小彬女

我知佢係咪人, 我又點會企到咁硬吖. 我平時答應佢既野只有做多冇做少, 但係佢答應我既一定唔會做. 有時佢發起瘢上黎, "佢叫我去死啦, 你冇野呀" 我真係去想去死, 死左就乜野都睇唔到.

小彬女

多謝各位既支持!!

其實有好多野好似做左等如冇做, 我越堅持我仔越發癲, 好像上床訓覺, 我都試過全家熄燈上床, 但係佢不斷咁開晒屋企所有燈, 大聲喊叫, 好多時就係因為太夜, 我驚嘈住左右隔離屋. 有時我係度諗人家會唔會以為我呢個亞媽係癲架, 一個星期有幾日都係咁.

再者, 下次我都同醫生傾下睇下有冇得快d 可以比到行為治療我仔, 因為佢已經九歲再唔做遲d 跟本教唔到.

我想問下有沒有好既eq 班可以給我參考??????

小彬女

當媽,

我並不是不夠堅持, 而係每次去到呢個地步, 大吵大叫我心好煩亂, 所以怒火中燒會拎起野蠻黎打佢, 但次次越打越嘈, 佢永遠唔肯收聲, 我都好想隔離鄰舍幫我打電話報警, 但.............


還有我想問一下是否所以過動兒都係唔肯對自己做錯既野認錯. 我仔從來都唔覺得自己有錯, 次次都係話我地令到佢發癲, 唔係我地咁樣佢係唔會既.................唉!!!!!

小彬女

其實我明白你地講既野, 做父母既有邊個會想打自己的兒女, 但好多時佢完全唔理會人地講乜, 我何曾唔係站係佢地立場睇件事, 我都有聽過無數既講座, 知道要用"童理心" 去睇, 但我仔永遠都唔會幫自己, 我同我先生都覺得大家做左咁多野都係白費, 又可能我真係唔識點教佢, 亦唔識做人父母.

至於輔導方面, 我都有諗過, 但唔知從邊方面入手, 去找小童群益會d 社工定其他團體. 其實平日我地已經冇咁多時間, 我本身亦要返工, 就係因為咁所以自己完全冇晒私人時間休息, 只係個仔訓左覺我先可以抖一陣...............唉

[ 本文章最後由 小彬女 於 08-6-11 09:59 編輯 ]

小彬女

新學年又新既開始, 升上小四之後問題好像越來越嚴重, 投訴越來越多, 我已經係有心無力, 就算係學校訓導主任都完全漠視, 呢頭講完轉頭已經煙消雲散, 藥已經加了, 但起不了作用.  曾經好多人同我講過, 大d 會自然好d, 但我好像甚麼都見不到.  我明白好多時侯係因為環境因素影響佢, 但問題都要自己去思考, 做左之後既結果, 但佢完全覺得係冇任何問題.................唉, 我都唔知再可以講咩, 方法我已經用盡.

小彬女

見到其他ADHD 既小朋友個個都話食左藥之後係上堂情況係好左, 但見到自己既小朋友一次又一之咁加藥, 但情況仍然沒有大改變, 上堂一樣唔專心, 多口, 做事衝動. 還有記性比以前仲差, 問過醫生他們說冇理由會咁, 但事實真係咁麻, 我真係唔知要點做.

我自己都好希望個仔可以係個好環境裏成長, 但係.......

小彬女

Kellyaugust2004,

我係 睇緊政府架, 有得轉我都想轉個醫生, 因為呢個醫生每次返去覆診都係幾分鐘, 問佢既問題佢完全答我唔到.

Randifung,
社工都有既, 佢地只係幫到我舒緩我既情緒, 其他野都係幫唔到幾多. 至於行為治療方面, 之前都排到我個仔, 因為我係返工既, 佢要連續半年每個星期一日, 我實在請唔咁多假, 我問佢地可唔可以剩係亞仔做, 佢地話唔得, 所以冇接受到.

而家都搵緊小童群益會睇下有冇呢類既行為治療, 但係排期等約見先知亞仔要咩服務.

唉........................

小彬女

係度借個位來呻一呻

昨天帶亞仔返瑪嘉烈覆診, 上一次我要求醫生轉食 concerta 睇下效果有冇大分別, 食左一個月, 今次返去同醫生講覺得食 concerta同rit 冇乜大分別, 亞仔係學校都係一樣做事衝動, 有得玩起上黎就全完忘型. 咁醫生二話不說就話d 藥唔夠(之前係食開36g) 一加加左18g, 要我仔食54g 一日, 但我問醫生佢食咁多會唔會有問題, 醫生上次話暫時可以, 但為乜今次一加就加多18g, 佢地有冇考慮到個小個友. 最後, 我同醫生講都係食返36g, 我唔希望食藥食到個仔痴呆咁.

我真係好希望轉去第二度睇, 因為我覺得呢個醫生跟本就冇用, 每次去只係聽我匯報個仔既情況, 我問親佢問題, 佢都係答我藥力唔夠, 要加藥.

小彬女

77777,

其實我本人覺得食藥既幫助不大, 只不過學校方面我冇可能唔食, 我諗如果唔食, 我想像唔到會點. 如果學校老師係可以配合到既, 但呢個情況絕對係唔會出現的.  而家我仔係學校有少少犯規既情況已經立即記名, 可能學校已經標籤左亞仔係成日犯事.  我自己都好想亞仔唔駛食藥, 平時放假既我都唔會叫佢食藥.

還有, 鼓勵我同爸爸已經成日都有, 希望佢明白, 做事要故後果, 但係都似乎未如理想.

小彬女

77777,


唉, 學校對我黎講係一個好大既壓力.  如果你唔介意可否pm 我你仔係讀邊間學校麻.

小彬女

Connielai

我想考慮既係轉出去油麻地睇, 但都好多謝你提供, 咁麻煩你pm 你個醫生同收費給我參考, 謝謝!