入讀特殊幼稚園或兼收位 , 應如何取捨?

mamee

windwind531

我自己仔仔讀緊兼收位8個月(N1).
雖然我地做媽咪既唔係專家, 但係你自問仔仔讀兼收位呢一兩年既進步如何?
好可能你係個working mum, 為左生活好忙碌, 但係某情度上, 仔仔讀兼收位有無從中得益/有進步, 你應該都會睇到.
講真, 如果讀兼收位係無進步/好慢好慢既話, 就不如轉讀真真正正有"密集式訓練"既特殊幼稚園. 我都明白, 做父母係好難受, 有邊個想自己小朋友有問題. 但係長遠黎睇, 小朋友真真正正學到野, 有得益先係最重要.

HayBMum
你是在職媽咪, 是嗎?
我小朋友就好好彩, 佢有個全職媽咪=我, 經濟上我地都無問題. 所以就算依家仔仔讀緊兼收位, 我地仍然自費(真係好貴)係協康上緊幼兒訓練(每星期一堂)同語言治療(隔個星期一堂, 因為治療師真係無時間).

幼兒訓練就每星期四放學後(放4點)去上. 上堂時間係(5點3), 通常會同仔仔食個tea跟住去上堂.
語言治療果日就會瞓完午睡, 提早放學去上.

如果時間同金錢上許可, 就算你仔仔入讀左SCC, 你亦可以繼續同佢上training, 做到真正密集式訓練, 連我都訓練埋.

我好明白人人處境不同, 我都係同你分享下我既情況. 大家努力吧!