専注力不足及過度活躍症(ADHD)兒童家長站

露絲

nancyngyc,
我都唔知呀!   個醫生可能痴咗線未定, 如果唔係, 為什麼吃成45, 等我下次覆診問下先.  

佢都係下午飯無咩胃口, 可能亞爺d飯唔好吃掛.  但晚上又吃返多d.  佢而家得59lbs ja.      放假時, 佢吃了藥, 下午訓唔到覺囉?    不過真是專心咗, 可以做多咗野.  之前吃ritalin, 好明顯吃咗個腦勁慢, 叫佢做數就係咩都做唔到架.  而家好好多.   個醫生話而家試arm藥, 之前係試驗佳段, 而家先致正式開始醫療wor~~     

唉~~~~希望我d耐性長d, 唔好禁快用完啦!

我仔仔讀5年級. 藥力消失後, 會效率底d, 無禁爽快, 不過就唔會發癲囉!

nancyngyc 寫道:
露絲：

乖咗但有沒有 side effect 呢？藥效過後有沒有回復原狀呢？

你的兒子讀幾年班及體重多少？怎麼一開始就吃 45mg ?我兒子是從 18mg 開始，看到沒有 side effect 及藥效才加藥的．

nancy


[quote]
露絲 寫道:
我大仔吃緊18+27=45啦......(一開始已兩個幾禮拜), 佢地話禁快就吃45有冇'教'錯wor~~~     不過真係乖咗... [quote]
nancyngyc 寫道:
當媽：

怎麼當仔仍食18mg?我的兒子也是10歲，要吃36mg了，不過暫時還未見有明顯好轉，很担心！

:cry:  :cry:  :cry:
nancy
[quote]
當媽 寫道:
blesshim
'當仔'仍食concerta 18mg 是最輕的份量。
近期是聖誕節，當仔在校收到了幾張聖誕咭。又很捨得地把他最心愛的新出牛奶飲品送給其中一位同學飲。在家也常常說學校的事情又喜歡講在校聽回來的笑話。
跟從前簡直是兩回事，我很為他高興。明顯地他有了朋友，不像從前那樣孤獨。
小朋友是很直接的，在學校過得開心就會多講學校事，若不開心便不想多提了。

[/quote][/quote][/quote]

露絲

Matthew 媽咪

之前看過中醫都話身體唔好所以先NAUGHTY WOR. 佢地看完中醫又好DD.   不過最近唔得閒未無帶佢地看囉.
遲D問你個中醫先...

Matthew_媽咪 寫道:
露絲

唔知妳信唔信中醫, 尋日同 Matthew 去睇中醫, 見到有一個男仔係度做針灸, 個男仔讀五年級, 都係 ADHD, 佢媽咪話只係做左 3 次針灸, 個仔就已經可以自己坐定定係屋企完成一副 LEGO, 行為方便完全唔同晒, 講說話方便已經可以同人有問有答, 講野有條有理等等, 佢媽咪話個仔以前做唔到既, 依家成個人唔同晒, 真係神奇, 個中醫都係我同 Matthew 睇慣既, 所以尋日我都同 Matthew 試左一次針灸, 不過只係做左幾針, 因為始終第一次, 阿仔好驚, 個中醫話阿仔只需要做兩次左右就 ok, 因為佢話中醫角度小朋友係血氣運行唔好, 個腦有 d 野塞住左所影響, 只要用針灸幫佢通番, 就完全冇問題, 妳都可以試下, 小朋友越細個, 針灸既次數越少同埋可以快 d 好番   

Matthew 媽咪


[quote]
露絲 寫道:
nancyngyc,
我都唔知呀!   個醫生可能痴咗線未定, 如果唔係, 為什麼吃成45, 等我下次覆診問下先.  

佢都係下午飯無咩胃口, 可能亞爺d飯唔好吃掛.  但晚上又吃返多d.  佢而家得59lbs ja.      放假時, 佢吃了藥, 下午訓唔到覺囉?    不過真是專心咗, 可以做多咗野.  之前吃ritalin, 好明顯吃咗個腦勁慢, 叫佢做數就係咩都做唔到架.  而家好好多.   個醫生話而家試arm藥, 之前係試驗佳段, 而家先致正式開始醫療wor~~     

唉~~~~希望我d耐性長d, 唔好禁快用完啦!

我仔仔讀5年級. 藥力消失後, 會效率底d, 無禁爽快, 不過就唔會發癲囉![quote]

露絲

blesshim,

我個仔得59lbs ja.

blesshim 寫道:
露絲,

藥的份量是跟據體重的, 你個係唔係大肥仔呀?

露絲

當媽
我resign咗份工啦~~~
我覺得對仔好需要我的幫手.

不過我個朋友就罵我攬住個仔巴鬼wor 我好鬼傷心.        不過我唔同佢咬, 因為佢冇小朋友, 更本唔明白我的難處.    我同佢講小朋友d野, 佢話自己家人都係禁揍, 唔會唔返工就d小朋友, 又話放他們到補習社就得, 我以前試過...知道唔得, 同佢講唔可以, 佢又話我個樣個樣攬住對仔巴鬼, 又話唔吃飯..吃公仔noodles有咩問題, 如果佢知味精係會影響adhd既小朋友既話, 我諗佢唔會禁樣講野... :evil:

總之.....同d有共鳴既媽咪, 講野會比較舒服d.

露絲

當媽,
Dicky 1月10日下午再覆診呀~~  原本參加唔到足球友誼賽, 而家便可以啦..(1月13日)         一陣話比班小朋友聽先, 等佢地開心下.      (佢地好喜歡踢足球架...... )

當媽 寫道:
露絲,
Dicky何時再覆診？

露絲

anna_gigi,
多謝你地既支持呀!!!  我會更努力架.....
你地d強心針...好過吃保品呀~~ [quote]
anna_gigi 寫道:
露絲
我同你一樣resign

露絲

當媽,
唔該曬你呀....幫我找到e d 資料.   等我睇下用唔用得著先.       

露絲

當媽,
哦.....原來藥裏的成份及劑量係要按人唔同情況而定既.    我以為按體重tim.   因醫生只說平衡腦部某些份子, 唔比佢過多.
好既.....我會小心d問架啦~~    因之前佢好幫我對仔, 但可能我講錯說話, 之後佢無禁熱心啦..
之前佢會問我仔仔既反應而再加藥架~~
等我比d信任個醫生先, 希望佢會継續幫我. :idea:

唔該曬你呀...當媽

當媽 寫道:
露絲,

唉！當仔早兩年都很喜歡踢足球，但現在卻移情別戀，若早點結識你，他們可一同踢球。真的，很慶幸當仔一直都保持玩球類活動，所以四肢協調都有所進步。

言歸正傳，知道Dicky的覆診期是下星期，也是適當時候跟你談他食藥的份量。其實幫專注力不足的藥，多是中樞神經刺激劑，其原理是令服用者，服後可提高體內的多巴胺含量，從而提升其自制能力，所以一定要適量(或近乎適量)，劑量若不足，多巴胺少，自然辦不到自制。但過量，卻又會令其過份興奮。(因為，許多迷幻藥都是屬中樞神經刺激劑。固之言，吃了過量專注力不足的藥，又不致於變成迷幻兒童那麼誇張，但其多少都有點像似。)因此，你要裝作無知和疑慮去問一問醫生是否劑量過重，還是藥不合適。是調教劑量，還是轉藥？

露絲

當媽,
我冇地方可以同人講, 所以想同你講下及發洩下. :evil:
我個c6好似唔正只唔識同小朋友溝通, 唔傾計, 唔玩, 回家時都唔覺會開心到攬住d仔, 冇咩笑容. 我知佢累, 但對住自己的仔一定開心及想玩5分鐘(最少), 但他全冇, 去到自己媽咪家見到人地d仔女就又抱又笑, 有時我會覺得d仔好慘.
我以為日頭同d仔辛辛苦苦做功課及溫書, 等他回來就做獎勵大使同d仔去球場玩10分鐘足球, 點知佢一句彈'買'黎....對住d仔講 : 我好忙要做野, 第日先, 亞媽應承亞媽就帶你地去踢.   
當時d仔唔開心, 不過就冇継續叫踢足球啦~~~

kitchen個電水壺冇水, 我唔記得, 諗住一陣先, 個大仔用曬冇話我知, 而我發現時都差不多個c6回來, 我又要同d仔溫考試, 真係又唔知做得邊樣, (個細仔'留'計要踢足球), 又要同亞哥溫英文, 又要同細仔溫數學.

我覺得我同c6的距離好大, 如果我就曬佢緊係冇問題啦~~  但係我唔想就佢, 佢就9 5 9找d看起來微不足道既野來話我的不是.  我個人好重家庭, 對對仔係100%放曬在心, 無論功課/學校/考試/個人成長...我好緊張及關注, 我會選一些一定arm及適合既活動給他們, 因唔想曬時間.    每次親子活動(學校)一定找c6, 但他都會黑口黑面話無時間, 又話請唔到期, 又話你估我係老闆嗎?..點話實你知呀!!!!   12月時問佢2007年3月既親子營, 佢話點知及一定請唔到期, 10年來都是這樣, 最記得1次就是2年前我一定要他請期倍仔親子旅行, 結果旅行當天d仔唔開心, 個領隊問:小朋友為什麼哭呀 ? 佢就答 : 我剛剛同佢行完刑黎.  個領隊都唔禁再出聲啦...  

同佢講, 佢成日都話:你同我禁耐連個老公係咩人都唔知?    (這說話真令我覺得自己係做錯曬d野...   )

到底..我都唔知我係唔係仲鍾意佢,  還是變咗係感情, 真想同佢離婚.

上次個醫生主動問我需唔需要社工, 我話唔知, 佢話今次會再問我多一次(最後).    又會有禁arm我個c6上次問我我地之間可能需要社工.

講真如果出到社工..我就一定要離婚架啦, 因大家既性格越來越唔夾, 在他來看是(就緊)我....佢話我唔知wor.  真想用100句bad word罵他.

我都唔知點好啦!?  

露絲

當媽,
多謝你的提點, 還用很多時間寫下我要做的步驟, 我很感激你呀!!!!!!!

露絲

當媽,
多謝你的pm呀!!!!!
我問醫生, 點解要dicky吃禁多粒既, 佢話唔多架啦, 雖睇體重, 但亦要看每個小朋友既反應而定劑量.
而nicky吃既stra..., 我問醫生e隻藥會對個liver唔好, 佢答除非個小朋友有e方面問題(liver).... 禁就唔可吃, 但到現在未有臨床證明e隻藥真是對liver有 side-effect.

你地d小朋友有冇試過條脛周不時戚下戚下(成日令條脛)架?     上小一無耐就這樣, 講講下野條脛會令向左手面(次次一樣).   2005年12月時成日兩邊shoulder好似掉了下來, 一味戚上, 1/2年後無事.  而家就到neck有事.   問精神醫生佢話身長過程既野, 遲d冇, 未必是藥物.    之前問中醫...佢話個賢弱會禁, 所以遲d帶nicky去看中醫問下先.  

露絲

當媽,
我真是無言的感激你對我家既支持, 每當我低潮既時候你伸出雙手來安慰我, 我感到還有人在幫我一把, 連我娘家既親人都未必做到安慰這一步.   身邊周圍既人亦然.  
所以可以得到你的支持及教導以及學校既支援, 我都無禁大壓力了.
我會從新再與我先生細談.

新年年初3-4會上<<麗灣>>參加新春足球州際盃比賽, Dicky & Nicky好開心, 我已替他們申請好回鄉証及特區護照, 29/1 & 12/2 便可以拿.   希望比到他們開心既回憶.

係呢......當媽, 唔知點解Dicky e 家下巴有2粒好大粒既野...好似林巴之類, 唔會是吃醫生既藥架可?????
佢話好痛??!!  當仔有冇禁既反應架?????   

當媽 寫道:
露絲,
鑑於我以上所言，你必需要安定好自己的情緒，其實你的情緒困擾我是很明白。所以，梁生必需要了解和面對兒子們的問題，從而去明白你的用心和教養困難。而你也要去了解多些孩子的困難和能力，從而不要對兒子有超出能力的要求。因此，你倆必需要多參加有關的課程、講座和活動等。
至於，夫婦關係不和諧，若不涉及第三者，我是覺得不應輕言或輕想離婚。相信二人分歧，只是基於對子女教養的不同所至，其實大家的出發點都是為孩子好，但是由於彼此的要求、成長、際遇等不同，產生對另一半的誤解，而傷了大家的感情，卻要離婚收場，到頭來這一步真是對孩子好嗎？相愛容易，相處難。若大家不可互相包容，實難共同挽手完卻下半生，所以，感情有變，必需一定要尋求外援----找社工、心理輔導等，去學習如何相處和了解對方。我的理念是若不嘗試輔導就離婚，對兒子們是太不公道了。
從你的前文中，我很感受到你正在改變中，但你一定要堅持、努力下去。你曾否記起我對你的鼓勵嗎！“在改善中，會有成功，也有失敗，也會得不到欣賞，但不要放棄。Never give up!”
提及前文，我覺得你有心酸酸，不是味兒的感覺，我必需要開解一下你。
人有很多種，有些人沈默寡言、有些人口沬橫飛等，我不知道梁生的性格，但不是一定要攬攬抱抱或開口埋口話說愛你的人，才是真正愛你，有些人會是愛在心裡口難開的。人們又抱又笑很幸福，Dicky曾寫了一個愛心留言給你，梁生也曾要求和你見社工，你知道嗎？男人要求見社工不是易事，要將家事外揚是要很大的勇氣。但他的動機是不想放棄愛妻。你想想他們有嗎？所以，別人風光是別人事，他們又不知你又多麼幸福呢！你是一個重家庭的人，因此，你要好好把握，快找輔導吧！
至於，應承孩子踢球事。我明白你的出發點，是想一家聚天倫，但梁生也需要空間，你替他答允兒子前，應先徵求他意願，絕不可代他應承。
而兒子溫習時，是否Dicky & Nicky一同溫習，若是，可否作些調動。如Dicky 在一旁溫習時，Nicky坐在另一旁做功課，然後，互調。好處是溫習始終較費神和唇舌，但功課若教懂了，就可如此這般的做下去，固你不用同時主力應付兩個孩子，可能情緒會好一些，人也不會太焦躁。再者，可否待兒子上學時，你找定一些試題，等他們做，總之就一個教時，另一個就做題目，盡量同時只應付一個孩子。
孩子梁生是有份兒，他絕對是愛他們。講到，參加親子活動，他不願去，自然有他的苦衷，可能是童年陰影。可能是覺得全部同學多數由媽媽同去，若他前去好像有點不自然。又可能是怕上司或同事取笑他放假揍仔沒出色等………，不要強人所難。便算吧！真是勉強沒幸福，可能卻換來不歡而散。
再告訴你我的做法吧！：如當仔想打球，我便跟他們說，我沒有問題，至於，當爸我便會建議他去約會爸爸，若當爸答應，便一同前往，若當爸不去便算了。如有些活動我真是想當爸參加，我不會一定堅持要他前往，我只會告訴他我很希望很希望他去吧了！
不過，我要給你思想準備，當開始輔導時，雖然是梁生主動要求見社工，但他不一定會接受，可能是他覺得社工功力不夠，又可能是內心有所掙扎，但不要緊，你不要懷疑他的誠意，要體諒他，要和他一同去找，若覺不合便撇換，換到合適為止。(現在，很多社區中心，如YMCA, U21, YWCA和社會福利署等，都有這類服務。)
你一定要相信，情緒是會感染的，你好，梁生自然會好，父母好，Dicky 和Nicky自然也會好。家庭心理健康的話，和諧、快樂、幸福、溫馨等…自然都會來。

露絲

hello,
Nicky今次是第一次考試, 考得好好呀!!!!
最差中文都有8x分.  其他9x分.

露絲

calvinB,
你收到未呀????

calvinB 寫道:
Hi 露絲,

請 check pm!


CalvinB

露絲

當媽 & 大家媽咪,
多謝大家既支持呀~~~

今天我同學校既社工研究咗一陣, 她上星期聽完1個adha用藥既講座, 由醫生主講.
原來adhd既小朋友他們的腦內比一般小朋友的"多巴安"較為少, 所以自按能力比一般小朋友低.  吃藥主要是提升返他們既"多巴安".  外國的研究員用了兩年時間去應付2班小朋友, 1班用藥, 1班唔用藥, 結果出來既效果沒分別生理上想同, 只有小數胃口問題, 其他1樣, 但吃藥的專注咗,與家人關係好1些.   
社工話藥物治療要加上行為治療, 單靠行為治療會影響小朋友與家庭關係, 會破壞大家感情.  用藥物可以減低不必要的衝突.     而且可以比小朋友慢下來思考及學返應有既禮貌及書本, 當小朋友學懂禮貌後及課堂上有成績受讚賞, 那時自然就會減藥量, 因為之前未學懂自然好多方面出現問題, 但事情解決咗識處理既話, 大人就可跟進其他問題.

最好找出他們既長處, 訓練這方面, 當有成功感既話書本上既問題會冇架啦, 到時會好努力讀書, 我兒學校社工話的, 因她做個中學社工教過d媽咪點做, 所以有經驗.

之前我兒吃藥時條neck成日戚下戚下, 自從我兒看中醫個反應都幾好, 食得訓得, 吃完藥個排冇尿床架, 不過我無時間keep住去看中醫之嗎.

我兒條neck既問題都解決得8899, 959都有1or2下令下條neck, 其餘都無問題, 真是好過看西醫.

3日藥煲'買'都係195元, 1日吃2次藥.   d藥可keep在雪櫃內, 吃時把藥包放落熱水正熱便可.

10/2香港中文大學有個講座講用藥既問題, 大家可報名.
有興趣pm問我呀!!!!   (個社工話我知的)

露絲

*新希望*,
係你post嗰張講座呀....佢話幾好架.
我想去呀.  要唔要fax架 or 就禁去都得架?

*新希望* 寫道:

露絲,

你間學校有派人去聽上次小童群益會個講座, 真係好呀!

我比晒資料學校, 老師都唔去..........

露絲

*新希望*,
Thank you very much.

*新希望* 寫道:

露絲,

網上報名便可 :

http://www3.fed.cuhk.edu.hk/faculty/applications/macsg/

露絲

當媽,
我就黎發癲啦~~~
我由1年級跟功課跟到3年級中, 先一步步放手比Dicky自己跟, 到現在5年級了, 我就黎想死.
1/2年級d功課好齊整及漂亮, 3年級差了小小...算數, 4年級...忍無可忍, 5年級...我真是比佢激到上天花板, 我好怒.   點解我好有心機去教佢, 佢會禁樣對我!!!???      而家d功課簡直唔知佢寫咩野, 連個名我都看不清楚, 除左1,2年級會寫日期外, 3年級起什麼課都唔寫日期, 手冊都唔寫, 激死我啦~~~~    (我日日提佢寫都無用)
我同dicky講做功課要個心定, 望清楚, 唔好是是但, 點之差過1,2年級, d字好似雞那禁大隻, 寫錯就畫花佢便算, 全本功課係唔見得人, 什至乎全本都是塗改液.  教e個仔教到我好心灰意冷.   罵他打他....他不反思, 幾秒後唔記得...對住我笑(佢話我講野好笑), 其實我當時怒到想吃人又點會令人笑呀!!!!
日日正古做怪至叻, 個腦成日想住nds, psp, ps3, 我就黎比e d野害我無咗個仔啦~~~~    去到度度d人都有, 佢無就想要, 我都唔知佢幾時唔再想e d野啦.
d功課真是好差, 好差, 好差~~~       
夠膽死, 唔識做, 唔問我, 全部寫曬111111, 444444.
我就黎連人都唔想做啦~~~

當媽, 你仔仔係唔係禁架????  你而家點樣面對eｄ問題架？？？　　積極面對，　定是還在好似我一樣怒到想罵人架？？？

你有冇好方法教下我呀？？？？     

露絲

當媽,
今日同dicky & nicky去行保良局慈善步行都算開心, 起碼在我一個人能力內控制到, 而家我經常1人+2小孩行街及去親子旅行都無問題.  回家後2隻馬騮仔都很乖自己定咗玩電子遊戲機10分鐘...叫了幾聲真的收機 .  
今日2隻馬騮仔洗澡很快便走出來及沒有玩水, 昨天就把全個浴室弄得濕淋淋連天花板也濕淋淋, 所以今天我很開心.
我昨天發曬火, 要他們 '貴' 地板, '貴' 到2隻馬騮仔對腳都痛曬, 連佢地都知 '貴' 地板係好痛, 所以都唔感再激怒我了.    所以今日有少許進步, 我已很開心.
我要継續努力, 多謝你既分享及聽我訴苦.   
我地年初3上咗<<麗灣>>踢新春杯呀!!

當媽 寫道:
露絲,

當仔跟Dicky不相伯仲，字體差，無奈校方接受，若我要他寫好，他只會感我多事，現正等待老師開口要他寫字端正，然後我方可順勢叫他寫好一點。

至於，功課方面，我早已把他送往託管，主因是想減少彼此衝突，免傷感情。

講到NDS,PSP,PS3等，對於它們真是又愛又恨。恨是因為當仔很沉迷，寧留在家玩電玩，不打球、不外遊，總之不肯外出，這不但令他太單向和獨處，而且相對令其小了運動、小了社交、感知自然弱了等…，長此下去，對一個學障兒而言，實屬不妙。但無奈有了它們，很多問題都易解決起來，如要他做妥功課、溫習好，還要時間充足，才可限定時間給他玩電玩，而這樣做暫時仍有驅動力。

露絲

cherryduck,
yes, my two sons also ADHD.  It is quite difficult to control them and lead them their homework.

But once they can hear my instructions, mostly ok to finish their homework.   My young son is a perfect person he will do everything perfect, I am not easy to change his mind.  My elder son is a 是但 person, therefore, everything is 是但.  But if ask him to play game boy, he will not 是但.

cherryduck 寫道:
but, my newphew is rather poor. he is the bottom of the whole P.3 's class. i'm so worry about him!

are your son also have Attention Deficit Hyperactive Disorder / ADHD 注意力缺陷及過度活躍症 ?

my nephew always doing his homework till 12am (mid-night)!
he takes care by his grandma & pa.
so he needs to go tutorial class everyday, but he still can't complete his hw there.

i know it's not the matter of his tutorial class teacher, the problem is him, his Attention Deficit Hyperactive Disorder / ADHD!!

we don't know how to make him improve anyway~ it's a HUGE problem~ ....

thanks advance

Cherry