専注力不足及過度活躍症(ADHD)兒童家長站

Peanuts

我女食左藥(Ritalin)一年, 我睇住佢不斷有進步, 連託管導師同埋班主任都讚佢進步好多, 我女就冇乜副作用, 胃口我又唔覺佢差左, 由今年1月開始我俾佢食eye-q, 老實講, 我都唔知有冇效, 因為亞女一直都有進步, 而家我都唔知係藥物定係eye-q, 還是佢長大左, 不過我都會keep住俾佢食, 其實而家我著重同佢嘅親子關係多過學業, 因為前2年唔知佢係ADHD, 以為佢曳, 懶, 唔肯讀書, 又鬧又打.....而家我要修補番同佢嘅關係~

Peanuts

小彬女,

我女係專注力問題但佢冇過度活躍, 除左食藥之外冇任何其他的治療, 開頭我都覺得好無助, 次次見醫生只係俾藥, 我同佢講個女嘅問題佢只係話: "係呀, 呢d小朋友係咁o架, 你要幫下佢, 同學校老師講幫下佢囉", 所以, 唔好諗住靠醫生, 如果你有經濟能力嘅, 自己同個小朋友報d課程, 同埋聽下講座~


當媽,

我都明白你心情, 當初都唔知有ADHD呢樣野, 又冇人話俾我知, 拖左幾年, 先發現原來係有問題! 幾年之間攪到親子關係差晒!  我都係覺得好內疚, 但有時又忍唔住講左d傷害性嘅說話, 轉頭又後悔!  我個女都唔會同我講心事, 我問佢佢都係一句起兩句止, 不過佢唔同我傾我會自言自語, 講我想講嘅野, 佢唔答我但其實佢聽到, 我女都會跟我出街, 我有時會同佢一齊打機, 你個係仔會比較困難, 不過唔好放棄呀!

Peanuts

當媽,

我個女都係10歲, 今年升小五, 一諗起下學期要呈分我就飯都食唔落   我成日同自己講, 盡左力就算啦, 但係入左間BAND 3學校, 點算好! 成績唔好唔緊要, 但品德唔好就大件事!

Peanuts

anna_gigi,

你咁講令到我好驚呀


當媽,

你仔仔只係食左3個月藥, 遲d可能會好d呢~

我女由小一開始冇一份卷係可以完成, 做野又慢又冇記性, 升小二之後默書好多時都唔合格, 經常欠交功課, 有時明明做左又搵唔到, 成日上上下堂瞓左覺, 試過默書同考試時瞓左覺交白卷, 佢成績一直都係28/35, 幾年都冇變過, 舊年6月見左醫生開始食藥, 開學初期都唔太好, 不過冇恰眼瞓, 同埋可以完成功課, 第一次考試27/35, 但第二次就11/35, 全上學期16/35, 佢班係全級最差果班, 所以名次唔代表佢成績好, 不過睇到佢有進步, 今次考試派番黎d卷全部合格, 係咁多年來第一次, 雖然未派成績表, 但我巳經好安慰~

Peanuts

anna_gigi,

我第一次聽到ADHD係託管中心D姑娘同我講, 我撐左2年, 頂唔順送佢去補習, 補左3個月, 補習社攪佢唔掂, 叫我同佢去CHECK下係咪有問題, 最後去左託管, 託管左2個月, 姑娘同我講懷疑我女專注力不足, 俾左D資料我睇, 之後我去精神科排期見醫生........開頭我都有D懷疑, 但醫生好肯定咁講係ADHD, 重寫左封信俾我交俾學校~

ADHD有分專注力失調同埋過度活躍, 有D小朋友係2樣都有, 而有D就只有一樣, 食藥係令佢地可以習中精神同埋穩定情緒, 唔代表成績會突飛猛進, 可能我舉嘅例子唔好, 或者令人誤會, 我只係想講個女因為專注力好左所以進步左.....

我同事小朋友都係ADHD, 佢2樣都有, 但係佢嘅過度活躍唔係四處走黎走去失去自制果種, 佢係個腦不斷轉, 不斷諗各種各樣嘅野, 醫生話都係屬於過度活躍~