95網(西貢)統一選校意願,結果及叩門 (相關論題#125, 1220）

chris0411

有無叩其他次熱？

chris0411

呢間好好啦！派位都唔錯！要排第一／二先入到！如果你排第二志願入到真係好好！

chris0411

原帖由 BSCYL 於 14-06-28 發表
好多人流口水, 如果你叩門成功, 放出信義, 請即上來通知其他家長, 看看是否有機會執到寶 ...

講得好！

chris0411

BSCYL 發表於 14-7-25 23:40
印象中, 馮晴及宣基要 1+1+1外, 其餘主要只看實力.  不過要成功叩門很難.   最好盡可能避免.
下學年, 申請 ...

BSCYL 分析得好岩...
我覺得樓主...happy _cowcow09 應該先評估小朋友是不是受谷的...
因為5大熱門無一間是唔谷.....馮晴出名功課多...將天課程會深d..特別是有英文科...
黃永樹是陸小下午校的...宣基課程自己編制多...將循校舍靚..課程我不太了解...
但爬文說小朋友用英文介紹學校有自信..不害羞...呢幾間只可以揀一間放第一志願...
另外，要睇自己有無宗教信仰...有的話將天..及宣基..將循...有宗教分加.....
(呢個計法只適合自行分配學位的時候)
另外，樓主話不熟將軍澳學校的話..除了可參加升學展覽外，
以下網址亦可以一看，有齊你要大抽獎時的學校
http://applications.chsc.hk/psp2013/psp_sch_list.php?frmMode=pagebreak&district_id=8&lang_id=2

另外，學校會在9月做好多開放日可以打電話去問清楚...亦有不少有體驗班
你可以網上download參加...

另外，這幾間我有參觀過比我印象不錯的有信義會...明道..田家炳...
口碑不錯的有梁潔華..黃藻森...王余家潔...聖安德肋
不過呢d都不能放太後....

反而你搵到心儀的幾間後，要搵定一間安全線..因為避免大抽獎亂派....
呢個安全線當然是間不太熱門，但自己都接受到的....

比較少人討論的小學並不是一定唔好...只不過無咁多家長受追捧...

不過最重要是都是搵一間適合小朋友的學校...good luck...

chris0411

另外，比多個建議下年的家長.....
如果可以的話...安全網揀一間近自己的學校...
方便自己上學...因為校車錢頗貴...

chris0411

2LittleMonkey 發表於 14-7-29 08:40
何解咁貴? 校車由TKO 去九龍城都唔使1000蚊!

真係咁貴..無呃你...
將軍澳區內都7百幾啦...我個間好似4百幾....
因為依家校車的司機人工加左...油費貴左...
仲要政府唔發校車牌...小公司又被大公司食左.....
所以我先叫人..入不到心儀揀間安全網在屋企附近...
起碼車錢可以平返先....

另外..黃藻森..有JM提我是縮班學校可以放後點...
呢個是正確...呢間據聞支援不錯...當然你住景林的話
可以考慮佢成為你安全網啦...

chris0411

原帖由 PandaVV 於 14-07-30 發表
除非學校自己購買車輛作為校車, 不是外購服務或公開投標.否則車費只以越來越貴. 因為要配合最底工資 + 保險 ...

絕對正確！所以揀學校除了心儀外，值得花錢花時間搭車！揀保險線的話，揀附近啦！

chris0411

原帖由 yoyo-chow 於 14-08-01 發表
有得選擇屋企附近就最好，我哋住西貢一定要搭車先返到學校，仲要冇校車，比多D錢都揾唔到車



  ...

你好！我個仔都係西貢住！所以我當初都係揀幾間有校車供應！你快d搵下保母車！應該有的！或者你同學校講下，等佢幫幫你！住西貢，真係唔係間間有校車架！希望你快d搵到！

chris0411

田家炳有人乙二入不到！所以今年好激烈！我有朋友的朋友入左田家炳！應該是放第一位！佢自行是揀馮晴的，之後填大抽獎幼稚園老師建議田家炳比較合適！

chris0411

叮噹小孩 發表於 14-8-15 19:55
如要入田小，是否1+1+1

如果你心儀呢間...1+1+1 應該無問題.....
如果今年自行你揀佢已收，因為佢第一ROUND都未收爆人...
但下年就唔知呢...不過我見幼稚園老師都會推介這間比家長!
祝你入到心儀小學!!

chris0411

meilo 發表於 14-8-24 20:28
請問点解幼稚園都推介田小?我搬入這區,可否請指教一下...田小各方面好嗎?田小&將循比較各方面又点呢?THX~~ ...

咁每個學生能力..強/弱項也有不同，選學校也有不同，
其實你可以到你心儀的學校網頁看看，了解佢地的辦學方針。
唔好意思，我無去過將循比較唔到，但將循是教會學校，亦是大熱之一。
做得大熱的，一定有佢吸引力和口碑。
田小不是大熱，屬於次熱門，口碑亦不錯，
但今年佢放大抽獎第二位都未必入到。
幼稚園老師在學習上會比較熟悉小朋友，
會清楚小朋友適不適合讀某些學校，
所以某些老師會作出建議。
我只可以話如果小朋友是一個唔受谷的，
你比間出名谷的比佢，只會大家一齊辛苦。
揀一間合適更為重要。就快有教育展，快去睇睇吧!

chris0411

原帖由 lhyxxx 於 14-11-29 發表
我囡囡讀馮晴小一，我又講下自己經歷，等大家參考下，我都經歷過這種漫長又忐忑不安既階段。

我都係用家！
上年好好彩抽中！馮晴要1.1.1先可以抽得中，扣門無1.1.1，校長講明唔會見你！
馮晴其實比較多女仔讀！老師其實都好好！有問題佢地會盡量答你！如果小朋友跟不上佢地會主動留意幫忙，功課我覺得是其中一兩天比較多，其他都ok!我覺得呢間學校會比一個幾長適應期給小朋友，起碼10月先默第一次中文，12月先默英文！讓小朋友可以慢慢適應升小一！暫時來說，都幾滿意！