剛１歲證實發展遲緩（6歲放棄主流，入讀體障）

methy

原帖由 波蘿包1 於 11-5-19 23:59 發表

比阿b企係梳化,你係前面拎玩具(忍)下佢,或者阿b企係到你扶住佢條腰學下平衡力

thx~
我地已經由阿仔6個月開始都係咁train.加埋私人物理治療,都無咩好大進展，真係個個b都有自己既問題。

講開扶住腰學行,不同專業比既建議都唔同:

醫生:拖住阿仔兩隻手行,扶腰練唔到平衡
私人PT A:扶住阿仔hip 位行喇,,
私人PT B:唔好拖手呀..要扶hip呀....
私人職業治療:扶腰行

係屋企.我地就咩都試囉.阿仔狀態好就扶手,唔好就扶腰。

methy

你既心情我地呢度個個都理解，醫生講野直接.好hurt架,又講最worse 既情況，開頭真係好shock。
呢度個個b都有唔同程度既問題，唔好理嚴唔嚴重,最緊要盡快搵方法幫阿b。加油.我都係呢個forum知道好多野/學左好多野。

methy

認同你所講～
本來我應該ＳＡＹ　ＮＯ既野，只要唔危及生命既，我都盡量唔阻止，咩都比阿仔探索。佢鐘意坐HIGHCHAIR將Ｄ野掉到周圍都係，我唔鐘意架，有後時間不停教佢要比我，佢學識左，我就由得佢，不停將Ｄ野掉落地，當練手肌肉囉。
佢學識左縮下縮下咁向前”爬”，”爬”去廁所食地上既塵．本來我阻止架，不過最後都係由得佢．佢”食食下”就唔食喇，同埋唔想攪到佢唔”爬”就由得佢。

methy

１６個多月．就黎１７個月，阿仔學識左抓住床欄起身，不過就未係好識慢慢坐返落床，都係”達”自己落返去。
今日就突然識扶住sofa　”第”起腳行左５、６步，開心ｃ我～

趕得切影低佢第一次自己抓住床欄起身。

平時用crawling track借力練坐起身，不過仲未成功自己由瞓變坐。

[ 本帖最後由 methy 於 11-5-22 22:27 編輯 ]

methy

原帖由 sanriokitty 於 11-5-26 10:25 發表
ivychan1999,
我個女已經10個月大, 都照左磁力共振, 腦入面已經confirm無左中間既神經線, 上個月醫生話佢只有2-3個月大的肌肉能力, 到e+都未能夠自己抬起個頭, 坐都未坐到, 扶佢坐一係頭向下流晒口水, 一係向晒後,  ...

有家人既support真係好重要，你都好積極，加油!

methy

去左醫院第2次物理治療，今次係另一個治療師睇，佢既睇法同第一個完全唔同，佢主張阿仔企&行多d，佢同阿仔行完之後:你阿仔問題唔大喎。
我話阿仔同同月齡既相差好遠，未識由瞓轉企，又未識四點爬，只識縮下縮下咁爬，坐坐下都係會跌，行又未得.等....佢一句:佢遲早會識架喇:;pppp: 令我感覺好hea。
佢又唔教我點同阿仔做運動，佢同阿仔行完10分鐘之後，我都就自己同阿仔"自已治療"玩下呢個器具,嗰個器具。
睇黎無得慳錢,要keep住上協康&私人既物理治療。

methy

阿仔出水痘，塊面&身都突然出好多，睇左醫生。

不過佢好精神，仲貼牆企企得耐左，扶住sofa,模仿我地跟住音樂扭pat pat。問過私人既物理治療師，扭pat pat係一個難既動作，什麼weight shfiting..總知係有進步喇

methy

原帖由 assheep 於 11-5-29 20:59 發表
methy,
康文署都有0-4歲的親子泳班,課程名叫:"幼兒水上安全班" ...

原來有d咁抵玩既課程架..等我搵下先,thx~

原帖由 pipi331
於 11-5-30 00:14 發表
[/url]
唉....
N年前正苦縮皮+經濟差+移民潮後部份3T回流.....
=>OT, PT 畢業生好難搵嘢做. 據說醫管局因為多臨

你連3T學額都研究埋


私人治療師好似一盤生意咁，相對地會認真d比d野我，等我覺得有d得著，再介紹其他人，佢生意就長做長有。
政府就更加係長做長有喇，佢一句"人人情況唔同"(咁事實都係)，train 成點,成效係點，我都無得要求。

原帖由 yinglongma
於 11-5-30 01:54 發表
[url=http://forum.edu-kingdom.com/redirect.php?goto=findpost&pid=33711571&ptid=2265656]
現在已是晚上1:40, 才剛看到這討論, 所以未有時間讀哂所有討論.
我看到有關的討論, 心中非常激動, 眼淚也流了下來. 好開心有小朋友通過做PT和OT可以慢慢CATCH UP.
我的細仔也是16個月時見了CAC的醫生, 評估為整體發 ...

catch 唔catch up到真係好睇小朋友本身既情況，暫時我知道阿仔既情況only慢左，無一ｄ明顯既病徵要食藥，我就當無野咁，用大路既方法幫佢。


私人既PT講過，我地個腦有２／３係未開發，有好大potential去進步，所以有好多”另類”治療係可以幫助我地既小朋友，當然唔係３幾個月既時間，係以年黎計算。
認同你所講，多給孩子愛, 接納和訓練！

methy

原帖由 木子兔媽媽 於 11-6-1 00:18 發表
上來打個招呼. 阿仔進展不錯呀, 加油! 希望佢水痘快點康復! 小朋友的天賦每人不同, 若然說因為他們有發揮空間, 所以他們只靠訓練便能做任何事, 那只會害了自己和小朋友. 正如李+X的家底同我家底不同, 佢可以日日食鮑 ...

阿仔出水痘已經有一星期喇,等結焦中，無得同佢去街(更加無得上治療)，佢已經悶到吽哂。不過阿仔好精神,keep住自己係床"練"抓床欄起身，真係工多藝熟，識得用多左腳部既肌肉。

上左社會保障部辦理埋傷殘津貼既手續，醫生寫阿仔100%傷殘。其實阿仔未至於咁嚴重，醫生都幾手鬆(shh..細聲講)，批左最低金額.有效期兩年。個金額可以去1.5次既私人物理治療。

methy

原帖由 木子兔媽媽 於 11-6-5 09:57 發表


阿仔繼續努力呀!
其實傷殘金只是正常額和高額2種. 要合資格攞傷殘金, 醫生認為他/她的謀生能力因為他/她的殘疾而完全不能(即是100%缺乏謀生能力). 因為殘疾有機會康復, 所以要定期覆檢. 高額是給嚴重個案如全護理 ...

咁我都拎得安樂d，有兒科醫生話佢唔會批比我阿仔，佢話呢個年紀就係需要父母照顧,唔需要"搵食"，而且年紀細，康復能力相比大人,強好多。佢話個醫生好手鬆& 佢覺得我唔應該拎呢d津貼 。

methy

出完水痘,等d焦自己甩,阿仔既胃口回復正常，又開始返醫院&協康既物理治療、上游水堂。

近日見阿仔個頭又好似細d既時候咁,明顯側埋一邊，治療師話: delay仔好多時都有呢個問題,檢查過可以轉左轉右,可能係習慣使然;另一個可能性可能係左右眼既視力問題,不過要到大d做檢查先知。

阿仔最開心既活動係,扶sofa行&跟隨音樂扭動身體。仍然最僧我將佢整成4點跪,都係肚貼地爬。爬爬下變瞓,教極都係唔識由瞓坐起身

methy

原帖由 小羅羅 於 11-6-14 23:39 發表
我仔仔都係發展遲緩，佢又係好憎4點跪，我襯佢最鍾意睇嘅廣告時間做4點跪是可行架。另外我想問水療班是怎樣同小朋友做架？

我用哂所有方法都整唔到阿仔四點跪，政府醫院PT話佢做到就自然會做到。
我阿仔唔係上水療班呀，係我自己同佢3月時走去報私人攪既 bb親子游泳班(之前post已講過邊間)。
游水班玩既野:
1)抱住阿仔上下上下浸佢落水(唔過頭)由一邊去另邊池
2)一人一塊大浮版,將阿仔趴係上面,捉住阿仔雙腳,一路行去另一邊池,一路幫佢上下踢水
3)阿仔繼續趴係浮版上，扶住阿仔條腰,叫佢自己踢水,"游"去另一邊池
3)一手扶阿仔左臂,另一手捉右手抓水,換手重複
4)老師係池中間放又大又厚浮版.個個b坐上水,之後教佢地
  "jump"落水,其實係家長抱佢地落水
5)叫1.2.3 &阿仔個名,向佢面部吹一口氣，之後按佢個頭落水,學閉氣
6)導師拎個大呼拉圈,家長輪洗扶住.導師&家長面對著.導師將阿仔由佢嗰邊,將阿仔頭按落水.pass過黎比我
7)一人一條好似"noodle"咁既膠條，比阿仔好似騎馬咁坐係上面，由一邊池騎去另一邊池
8)阿仔面部向上.瞓係我shoulder,比塊鏡佢自己拎住，學整個人浮水。我一邊唱歌, 一邊拉佢去另一邊池
9)扶佢上身.叫佢自己抓水&踢腳，"游"去另一邊池

上左1x堂,,阿仔好鐘意,亦令佢全身肌肉運動。

[ 本帖最後由 methy 於 11-6-17 14:18 編輯 ]

methy

原帖由 kokoalex 於 11-6-30 11:43 發表
我想問下認知發展遲緩有冇得搞?如大肌肉差可以去做物理治療..

我阿仔係整體發展慢,即係樣樣都慢，但同一時間好難樣樣都處理,以我仔最迫切要攪既係大肌肉，所以我focus 呢樣既先,佢識企&行,再跑,自然周圍探索,刺激認知。

暫時我train 阿仔既認知都係大路既野:
1)日日同佢睇書,認識自己身體,形狀,顏色等
2)不同種類既認知玩具
2)周圍去,周圍指野比佢睇
3)玩認知遊戲(網上好易search到)

我想同阿仔參加playgroup,不過試過幾個都唔太arm,因為同齡既都識行,阿仔太多野玩唔到，佢見到人識行,自己連企都未得，唔開心。

唔知其他mama有無其他建議呢?

methy

歲半同阿仔參加左個言語活動。
有30分鐘既言語治療師評估,阿仔暫時有意識講: daddy,ma,波波,奶,打打(面包)、其他既野一概以”大叫”+”手指指”黎要求。結果預我所料,同大肌肉一樣- 慢半年。

不過學左點教阿仔講野。例如教講一個單字既同時,例如杯,要將隻杯放近我塊面.一邊指.一邊用誇張既口型.等佢易d 模仿 &理解聲音與物件既關係。唔講句子,講單字,,例如..一路做動作,一路講:比…擺….食….

治療師有方法令阿仔講好多野,,而唔係大叫&手指指。之後上playgroup, 佢一ｄ都唔怕生保．令個導師成日走佢身邊,又同隔離小朋友交換玩具..好攪笑。個playgroup 係音樂+運動。

音樂既一節大家坐定定,,同導師&其他小朋友交換樂器．唔使郁。之後運動既一節,阿仔唔識行&走,要佢爬類似”水喉通”既tunnel, 佢真係用9牛2虎之力先爬到入去,之後好驚咁要我地幫先出到黎,之後玩放波波落d box到,再玩腳踏唔同質感既墊,最後餵紙板公仔食生果。

雖然全程要扶阿仔玩. 同樣好似物理治療運動咁.用好多肌肉力量，好辛苦，但佢好開心,無喊過。

我地諗緊如果阿仔開始咁抗拒上物理治療運動，反而playgroup既環境仲刺激到佢郁，可能上呢ｄ咁好！？

methy

原帖由 波蘿包1 於 11-7-9 22:05 發表
playgroup 係咪上一個月以上?
幾多錢一堂 我都想比阿仔試下

我只係參加左個"半日"既活動，搵緊arm阿仔能力上既playgroup。我會等阿仔協康個物理治療師放完假.問下佢.佢之前都有問我做咩唔比阿仔參加佢地個playgroup.我話想阿仔要intensive 既訓練先。

阿仔呢兩個星期好肯行,坐係到扶住野起身既動作靈活左，扶住行都快左，之前教極都唔識跪，一整佢就喊。而家由企轉跪,再轉體位坐好，好自然。唔通好似某d物理治療師講,佢發展到,就自然識做，迫都無用。

阿仔條腰都係未夠力,如果夠,我就唔使擔心佢突然"發後"跌倒，後腦著地，呢個問題仍然會不時出現，佢一行我就要跟到佢實。

methy

同阿仔去康文署既遊戲室都有幾次,馬鞍山既阿仔玩唔到，天水圍呢個遊戲室，佢能力上開始玩到，我地又唔怕佢跌親，佢玩既時間,我地可以唔使看得咁緊。

由坐扶住起身.動作自如左。

企轉爬既動作,唔係"達"落地,而係慢慢"助"落地。

methy

排左3個月，終於第一次睇醫院既職業治療，一對一，好有心機，佢評估阿仔既小肌肉唔係太差，做到形狀matching,動作唔fine,但都叫做做到，建議
1)買粗身既筆比阿仔畫
2)入形狀既積木盒,唔要6面有holes嗰d,太複雜.買隻個cover有唔同形狀hole,放地上,等阿仔慢慢match個形狀積木入去

3)跪係到玩.練大腿力
4)建議爬多d

methy

原帖由 波蘿包1 於 11-7-20 00:14 發表
呢個遊戲室邊區? 要唔要比錢?
上次睇完你帶個仔反playgroup後,我都搵左一間比阿仔反,上左一次堂老師都覺得好岩阿仔玩,我都報左10堂,其實同其他小朋友玩真係幾好,阿仔玩得好開心又好鍾意,希望呢半年追到試升n ...

唔使錢架,天水圍區,不過有人數限制,每次限12人入內(大人+細路)，要排隊拎飛。
各區兒童遊戲室: http://www.lcsd.gov.hk/b5/ls_fac_playroom.php

你搵到arm阿仔既playgroup就好喇。
我就通常報左d一日&兩日既playgroup,比阿仔玩。黎緊都會玩一日既playgroup.不定時咁去。我報左呢個玩http://slp.heephong.org/cht/news ... aygroup%20Fun%20Day

n班都報左一、兩間，因為我阿仔係細仔,就算我地交form 先,都會收大仔先,半年後既事,入唔入到隨緣喇。阿仔都已經夠忙:
星期一:醫院PT & OT (想分開兩日,但醫院比唔到期)
星期三or 六:playgroup
星期日:游水+推拿

methy

原帖由 波蘿包1 於 11-7-22 00:12 發表
不過有個問題 我阿仔排緊e位s位,咁我可唔可以搵定間幼兒園比阿仔報左n班先
不過n班要有一般自理能力先會收,我都唔大期望, 你一日做哂PT,OT 阿仔會唔會辛苦呀 ...

你個問題我都面對緊，排緊e位&s位期間(起碼一年以上)，我都試下報N班.到入學時都唔識行,人地都唔會收,報左至算。
計劃:報半日N班 &上醫院既PT&OT，如果e位派到先,就返N班+E位，到有S位喇,就返哂S位。唔知係咪咁呢?

阿仔上午上PT.之後nap.下午再上OT.阿仔不知幾enjoy,反而我請假陪佢一日,辛苦d

methy

原帖由 波蘿包1 於 11-7-24 22:54 發表
如果我搵定幼兒班洗唔洗落訂先??
仲有咩月份開始搵??我個仔有1歲半近排覺得佢學野叻左,教ge野易明左,唔知係咪呢段時間係學習開始,我每日都好比心機咁教,每日每日都重覆,希望2歲前有個好表現 其實pg 又真係幾好,阿仔 ...

幼兒園，我上星期已經報左兩間(半日位)，今個星期，要阿仔足19個月先比交form，so再報多兩間(全日位)，呢4間都無話要留位費wor(政府資幫助).只係話我阿仔係細仔，排到時如果有申請者係大過我個仔，就會優先比人地先。

我都覺得歲半開始好似"發力期"咁，好多野都叻左d，我更加想把握時間,比多d野阿仔學/接觸。so 我盡量放工後.一係游水,一係同佢去playroom玩。大家既目標都好明確,就係2歲前盡追~