發展遲緩B媽媽(part 1)

Moonhui

CECILAU,
我個囝現29個月(2歲5個月未夠), 佢都係11月中即27個月大才開始學講野, 之前只講BB話. 11月頭去ST學發音及講野, 半個月就有成效, 開始講單字如'爸爸, 媽媽, 婆婆, 麻麻, 包, 魚, 餅, 開, 食等等超過20個字, 現能說'我食餅, 開門, 開電視, 起身等', 雖然佢好多時不會主動說, 但起碼現在我教佢講, 佢肯COPY我講的字. 我會同阿囝努力.
你戶外可教他吹波波水, 可訓練他口肌發展.
在家玩玩具時, 不要比佢獨自玩, 跟佢一齊玩及引他說話.

原文章由 cecilau 於 08-1-9 14:56 發表
你個仔做緊d 乜野training呀? 我仔都25個月大, 又係唔識得講, 而家上緊st, 都係未肯講野呀. 不過就手指指好叻law.

Moonhui

CECILAU,
個ST話若驚佢混淆/SPEECH DELAY, 最好單一語言先, 即一係全英文, 一係全中文. 我現在全中文, 吾比英文DVD佢睇(學英文果種), 只會在星期六/日比佢睇卡通片(要佢鐘意的, 中文的), 要陪佢睇, 不時講下比佢聽內容, 佢而家見到笑位會笑(會望住你, 要你有共鳴一齊笑), 模仿卡通人物的聲音如喘氣聲. 發覺佢有少少進步, 每日都有新字講出來, 真係開心過中六合彩.

原文章由 cecilau 於 08-1-9 17:01 發表
moonhui,
見到你個仔的case, 咁我都有d 希望啦.... 而家佢都肯跟下音的, 不過都未正式講啦.  我都希望佢快D 好似係仔仔咁識講野啦.

我屋企係賓賓湊, 平時賓賓同佢講英文多呀. 所以我諗佢有言語混淆呀.

...

Moonhui

TO weiwai
其實你個b得15個月=1歲3個月, 好細姐. 你呢幾個月努力教他就可以了, 因BB在此段期間, 發展好快. 吾駛驚住. 若果接近2歲都未講野, 到時你就搵相熟E生幫你寫字去健康院, 幫你排期做評估.
依家最緊要任何野都跟他講, 重覆又重覆, 玩玩具要陪佢玩, 話佢聽每個動作, 名稱.

Moonhui

CECILAU,
o甘你咪全英文教佢, 我用中文因我媽及奶奶湊佢, 佢地吾織英文.

原文章由 cecilau 於 08-1-10 12:23 發表
可惜我要工人同我湊bb呀... 佢一定係講英文呀. 屋企仲有個哥哥又要睇英文dvd 呀.. 唉.. 真係無諗過呢個仔咁遲先肯講野呀.