我終於排到青蔥計劃啦! (語言治療) 好開心呀!

fhmum

各位:

唔好意思, 想請教:

我個仔依家23個月, 18個月個陣都未講單字, 於是找私家寫紙排期評估, 今天剛做評估, 非語言能力正常, 言語理解及表達能力分別只有15個月及12個月, 會再排期見言語治療師及聽力學家做評估.  醫生話要等言語治療師做評估才確認阿仔是遲開口還是真的有問題......

依家阿仔只識幾個單音, 9月將會返n1, 我應唔應該依家同佢開始搵言語治療師做訓練?老公就覺得我過份担心, 可等言語治療師評估....但我担心會浪費阿仔時間      

fhmum

Meisuen, 多謝你呀.....我打算去協康會找言語治療師做評估, 如有需要就直接開始做治療....

Funny,我係私家寫紙直接去兒童智能發展中心, 但我第一次見姑娘時無見社工    , 再排左3個多月見兒科醫生做評估, 依家又要再排等見言語治療師同聽力學家   

fhmum

我上次見姑娘時已問她等候評估期間可做什麼, 而她只是告訴我一些教阿仔的方法.

而昨天我又問醫生這幾個月可做什麼, 她就建議我參加評估中心的講座, 然後給我協康會的單張, 完全沒有提及要排期做什麼訓練      是否各間中心/醫生的作風不同?

已安排下星期到協康會由言語治療師師做評估.....但中心說如真的需要做訓練, 星期六的時間要最少排半年    

fhmum

Meisuen,

我今日同阿仔去左做評估, 佢語言發展真係慢左, 其他方面就不太差, 姑娘估計主要係雙語環境, 同埋阿仔本身未有好大動機去學講野, 建議我可以依家開始言語訓練, 或者等開始返學後睇下會唔會好D.  個姑娘真係好專業同好好, 仲教左我點樣係屋企教阿仔.....我好開心, 起碼知道阿仔唔係有好大問題.....無上星期咁傍惶......依家排緊協康星期六訓練, 大概都要等半年到.....老公覺得未有咁迫切出去搵私家言語治療....所以惗住一邊等協康, 一邊自己努力d, 同埋睇下阿仔開學後會唔會有進步啦......

多謝你呀......

  

fhmum

我去左協康會搵言語治療師做評估.....政府個邊要排4-6個月, 我唔想等咁耐......

fhmum

言語治療師教左我一D技巧:
- 同BB描述身邊D野, 或者玩過程中多加描述 e.g.我地依家玩緊架火車, 架火車.......
- 多說話, 但要慢D, 簡單, 清楚, 多重覆, 可以高音少少, 吸引注意力
- 可以多做得意聲音 e.g.車 - bubu聲, 提高BB模仿發聲興趣
- 盡量用1種語言(我同老公以前大部份用英文, 公公婆婆用中文.....其實我個仔聽英文仲好D, 但姑娘都叫我用廣東話)
- 多咀嚼, 食不同質地的食物, 幚助口部發育

我依家排緊沙田同九龍區協康, 佢地話星期六同一至五下午接近放工都好hit, 要排半年到, 如果選擇一至五朝早就應該可以好快有位....

你個小朋友點呀?