S位老師信箱

小牧媽咪

原帖由 Adamok128 於 16-01-13 發表
小牧媽咪,你好,我想問多个問題,s位以我所知一个月都係有4小時的專業訓練,好多家長亦要外出加堂,因為仔学校 ...

S學位由社署全數資助，所以沒有長期只返半日這會事，如果你經濟能力非常充裕，可考慮私人機構所辧的學前訓練（e.g. Step...)，然後你再繼續俾小朋友返幼稚園、上埋其他訓練，其實都好理想

小牧媽咪

原帖由 MaMaTracy 於 16-01-14 發表
小牧媽咪，唔好意思，我想再問下今日社工同我講早期訓練只係俾0-2歲，佢又話我仔就嚟2歲，而家呢個情況好尷 ...

乜嘢社工，佢新嚟嗎？竟然咁答！http://www.swd.gov.hk/tc/index/site_pubsvc/page_rehab/sub_listofserv/id_earlyeduca/

小牧媽咪

原帖由 MaMaTracy 於 16-01-14 發表
唔係架，佢仲話自己就嚟退休添，佢話自己好有經驗架.......😔小牧媽咪，係咪即係過咗2歲，i位又未排 ...

你意思係之前佢畀你同時排E位同I位，係咪咁？

小牧媽咪

原帖由 Adamok128 於 16-01-14 發表
thx.明白,D私人位好貴,仔已在2歲讀左一年,就嚟要跳樓

咁你要取捨了，又唔係個個S位小朋友都會出去再搵其他訓練，如果家長自己肯花心力去跟進小朋友嘅每一個訓練，其實都會令小朋友有大進步。在我見一些明顯進步嘅小朋友，就是父母願意花時間去陪他們重複練習。

小牧媽咪

原帖由 Cathy9929 於 16-01-14 發表
回覆 小牧媽咪 的帖子

係呀，gobal developmental delay

咁小朋友之間嘅社交互動同彼此間嘅語言模仿又真係i位優勝好多，既然跟開小朋友嘅pst and ot都建議，依佢地對你小朋友嘅了解，可不相信他們？

小牧媽咪

原帖由 MaMaTracy 於 16-01-14 發表
唔係，本身我淨係排e位，不過上星期覆診醫生叫我俾阿仔返學，可能對佢好啲⋯⋯咁我打去一間有兼收位嘅幼稚 ...

其實E位嘅服務好能夠俾到小朋友有一個完整嘅訓練，你諗下，E位同i位同樣都喺幼稚園，只係i位有個i位老師啫，所以醫生話i位比較適合小朋友，佢真係有D模糊。至於個位社工仲正，由E位條隊轉排i位需要家長同意，冇啦啦同你咁講，你真係要再搵多佢一次，清楚返成件事

小牧媽咪

原帖由 long107 於 16-01-15 發表
係呀！小兒讀左s位半年，言語方面真係好大進步，而家可以打電話同我傾偈添。學校有好多家居練習，家長真係 ...

非常認同，父母耐心陪小朋友做下訓練，玩D有質素嘅親子遊戲，都可以令小朋友大有進步，各位爸爸媽媽加油

小牧媽咪

原帖由 mulan1985 於 16-01-15 發表
你好
我仔仔今年5歲 , 讀緊 I 位 , 打算盡快轉 S 位 , 想請問如果有幸今年9月轉到 , 會唔會係仔仔5歲半做升 ...

你好，其實每年十月至三月都會係評估中心call case(5歲半左右的小朋友）返去評估（有D特別D嘅case，因為要夾埋治療師去評估的話，拖到五月先返去評估都有），所以係咪搭正五歳半正即返去評估好睇彩數

小牧媽咪

原帖由 mulan1985 於 16-01-15 發表
請問 , 我仔係自閉症諎系 , 如果真係5歲半返去評估升小 , 最後話佢能加擲界 , 我還可以要求讀主流學校嗎 ?  ...

咁你小朋友點解由i位轉返S位？因為能力比較適合S位？其實今年開始評估中心真係負責返評估呢一部分，佢會將小朋友嘅評估結果寫得非常概括又簡單交去教育局，到時由家長去同教育局傾入咩學校。

小牧媽咪

原帖由 mulan1985 於 16-01-16 發表
因佢語言遲緩(現在大約3歲半左右) , 拖底咗理解能力 , 纙輯 , 學校建議比佢轉 S 位 (因佢15年9 月先有 I 位 ...

🤔你受唔受得住真說話？😅如受唔住請pm我，免得好似攤開咗講引起誤會😃

小牧媽咪

原帖由 ct926 於 16-01-16 發表
我阿下月4歲，語言遲緩，現在讀上午k1，加下午私人密集訓練。上了密集就進步了，但循序漸進，句子未有，這 ...

小朋友只是被評為語言遲緩？只是這樣沒有其他，係咪咁？

小牧媽咪

原帖由 money82 於 16-01-16 發表
我想是否幫個仔由i轉S位？
我仔現在2歲半讀i位N班，他個別單單特殊老師堂上得也可以。但人多一齊上堂（約十 ...

你好，首先S位並唔係家長想排就可以排，必須有治療師及i位證明，小朋友唔適合i位。小朋友智能正常，但感統出問題、肌肉低張、語言遲緩，咁你係咪已經有哂OT,PT,ST個別訓練俾佢上？如果你經濟上可support 到，其實i位都適合，真的！一個正常嘅社交環境可以對小朋友嘅語言發展、社交溝通有好大刺激，激發小朋友有更多詞彙

小牧媽咪

原帖由 ct926 於 16-01-17 發表
現在只是語言遲緩，理解力較弱，暫未有其他。精神科醫生說暫時沒需要有評他自閉，覺得他很邊緣，很難攪的自 ...

你排邊間S位，不如打去話想參觀了解多D，表面了解咗再決定排唔排，語言發展遲緩，其實有得追（唔搭其他症狀的話），我見過好多呢D case讀一、兩年就轉返出主流

小牧媽咪

原帖由 02110410 於 16-01-17 發表
你好，我女4歲半，剛開口講詞語和2元素句，整體發展約2歲半。

她剛讀了幾個月s位，讀埋明年畢業。因她一直 ...

好問題！如果S位畢業去普通幼稚園度讀，必須經過評估中心評估，再由教署同你傾，睇完個評估結果，先決定小朋友係咪可以去幼稚園讀多一年，有人可能會諗，唔經以上途徑，小朋友可否直出普通幼稚園？答案係你搵到幼稚園的話，幼稚園肯定收佢（唔係試讀咁簡單），而家長又願意放棄個D轉介、支援，咁咪可以囉。
不過私人服務真心貴，我唔建議家長咁樣以身犯險，
普通幼稚園老師1:14，人手比例好難照顧到，好多校長主任都唔敢貿然收S位生。除非，收生嚴重不足。（冇得呃，經驗老師一睇小朋友係咩能力）
另外，恕我直言，小朋友宜家四歲半，但發展大概3歲以下，其實...真係唔敢講小朋友會唔會在畢業前可以一年時間去追到一年嘅發展，如你真係打算搵幼稚園，咁你可能要搵到D實例去support 你呢個諗法。

小牧媽咪

原帖由 R433 於 16-04-15 發表
小牧老師您好! 大家似乎比較集中星星孩子在S位情況，未知S位對體障小朋友安排如何? 我女是玻璃骨，她智力、 ...

你好，小朋友幾大？幾時開始排S位？排邊間？如果小朋友除體能外，所有發展正常，咁父母就真係需要多加留意小朋友嘅情緒表達同社交技巧。
雖然唔知你幫小朋友排邊間s位，不過，我強烈建議排耀能，因為佢地做體能仔真係做得好足，每個訓練動作都有歌仔唱下唸下，小朋友在辛苦嘅訓練中都可以有返少少樂趣吖，我欣賞耀能將訓練目標融入佢地嘅日常流程，咁小朋友就不知不覺咁做多咗，提升佢地嘅自主能力

小牧媽咪

原帖由 little星星 於 16-05-06 發表
小牧媽咪，有事想請教你，已pm，謝謝!

已覆，please check

小牧媽咪

原帖由 番茄媽媽 於 16-05-10 發表
S位老師你好，我小朋友初評係S位學生，但佢自我照顧（進食）👍🏻👍🏻&#128077 ...

你好，歡迎交流。

小牧媽咪

原帖由 番茄媽媽 於 16-05-10 發表
S位老師你好，我小朋友初評係S位學生，但佢自我照顧（進食）👍🏻👍🏻&#128077 ...

文中未有提及小朋友年齡所以未能了解你小朋友的情況。請問幾時評需要入S位？是否已經掛緊？幾時開始排？

小牧媽咪

原帖由 貓大姐 於 16-05-15 發表
如欲提供/索取資料，請直接pm有關會員
請勿在版面留下 pm 或 email 等相關字句，否則本文將會被關閉，謝謝 ...

版主：請問邊個回覆出現咗問題？令你要留一段咁官腔嘅文字？我响呢個平台冇打算做D乜嘢利益收受嘅舉動，只係覺得我可以將我所知嘅同大家分享，如果你要關閉呢個帖，請明確指出錯在哪裡？

小牧媽咪

如果A仔做評估，評估通常只會出自閉症譜系/自閉症傾向/甚至自閉症。輕、中、嚴重程度常見於智能評估。